− باس شۋجي شي جينپيڭنىڭ 2020 - جىلعى مەملەكەتتىك ەكى ماجىلىسكە قاتىناسقان حالىق قۇرىلتايى ۋاكىلدەرىمەن، ساياسي كەڭەس مۇشەلەرىمەن مەملەكەت ىستەرىن بىرگە اقىلداسقاندىعى جونىندە ەستەلىك
شينحۋا اگەنتتىگىنىڭ تىلشىلەرى حو شياۋگۋاڭ، جاڭ شياۋسۇڭ، زوۋ ۋي، جۋ جيچاي
جاڭا تيپتى ايدارشا ۆيرۋس وكپە قابىنۋ ىندەتىنە توسقاۋىل قويۋ، جاپپاي دوڭگەلەك داۋلەتتىلىكتىڭ شەشۋشى جەڭىسىنە قول جەتكىزۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ. 2020 - جىل قانشاما قيىن بولسا، بيىلعى مەملەكەتتىك ەكى ءماجىلىس تە سونشاما وزگەشە بولدى.
بىرنەشە كۇننەن بەرى باس شۋجي شي جينپيڭ 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ىشكى موڭعۇل، حۋبەي ۋاكىلدەر ۇيىرمەسىنىڭ باياندامانى قاراۋىنا جەكە - جەكە قاتىناسىپ، ازاتتىق ارميا مەن قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسىپ، مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناسقان ەكونوميكا سالاسىنىڭ مۇشەلەرىمەن امانداستى ءارى بىرلەسكەن گرۋپپا جيىنىنا قاتىناسىپ، ۋاكىلدەرمەن، مۇشەلەرمەن ىقىلاستى اڭگىمەلەسىپ، مەملەكەت ءىسىن بىرگە اقىلداسىپ، جۇڭحۋا ۇلتىنىڭ جالپى حالىق جۇدىرىقتاي جۇمىلىپ، قيىندىقتان قامال الىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋىنىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋىنىڭ تاسقىنداعان كۇشىن ۇيىستىردى.
حالىقتى كوڭىل تورىنە قويدى −
”حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋدا ءبىز ءارقانداي بوداۋ بەرۋدەن تايىنبايمىز“
حۋبەي ولكەسى شىيان قالاسى تايحى شيپاحاناسى پارتكومىنىڭ شۋجيى، شيپاحانا باستىعى، ۋاكىل لو جيە 3 كۇن ىشىندە ءوزىن باس شۋجي شي جينپيڭنىڭ 2 رەت تىلگە الاتىنىن ويلاماعان ەدى.
”بۇگىن تۇستەن بۇرىن ۋاكىلدەر دالىزىندە حۋبەيدان كەلگەن ءبىر مەملەكەتتىك حالىق قۇرىلتايى ۋاكىلىنىڭ تىلشىلىك قابىلداعان كەزدە ايتقان ءسوزى ماعان تەرەڭ اسەر قالدىردى“. 5 - ايدىڭ 22 - كۇنى تۇستەن كەيىن حالىق سارايىنىڭ شىعىس زالىندا، باس شۋجي شي جينپيڭ ءوزى تۇرعان ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناستى. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كۇرەسىن تىلگە العاندا، شي جينپيڭ مىنانداي ءبىر ءمان - جايدى باياندادى −
”بۇل ۋاكىل تىلشىگە حۋبەي قۇتقارىپ ەمدەگەن جاڭا تيپتى ايدارشا ۆيرۋس وكپە قابىنۋ ىندەتىنە شالدىققان 80 جاستان جوعارى ناۋقاستىڭ 3000نان اسقاندىعىن، مۇندا 87 جاستاعى ءبىر كاريانى 10 نەشە ەمدەۋ - كۇتىمدەۋ قىزمەتكەرىنىڭ نەشە ون كۇن دەن قويا ەمدەپ، اقىر - اياعىندا كاريانىڭ جانىن امان الىپ قالعاندىعىن ايتتى“.
”حالىقتى بارىنەن جوعارى قويۋ دەگەن نە؟ وسىنشاما كوپ ادامنىڭ ءبىر ناۋقاستى اينالسوقتاپ شىجاق قاعۋى ءارقانداي بوداۋ بەرۋدەن تايىنباۋ دەگەندى شىن مانىندە ايگىلەگەندىك“، - دەدى باس شۋجي شي جينپيڭ اسەرلەنە.
باس شۋجي تىلگە العان بۇل حالىق قۇرىلتايى ۋاكىلىنىڭ اتى لو جيە. 5 - ايدىڭ 24 - كۇنى تۇستەن كەيىن حۋبەي ۋاكىلدەر ۇيىرمەسىنىڭ باياندامانى قاراۋ جيىن زالىندا، لو جيە باس شۋجي شي جينپيڭنىڭ قارسى الدىندا وتىرىپ، ەڭ الدىمەن ءسوز سويلەدى. ءسوزىن باستاسىمەن، باس شۋجي ونى تاني قويدى.
”ءسىز لو جيەسىىز بە؟“
”ءيا“.
ىندەت تۋىلعاننان بەرى، حۋبەي مەن ۋحاننىڭ جاعدايى باس شۋجي شي جينپيڭنىڭ ەسىنەن ءبىر ءسات تە كەتپەدى.
3 - ايدىڭ 10 - كۇنى ىندەتتەن ساقتانۋ - تىزگىندەۋدىڭ شەشۋشى ساتىندە باس شۋجي شي جينپيڭ ۇشاقپەن ۋحانعا بارىپ، ”ىندەت“پەن شايقاسۋعا قولباسشىلىق ەتىپ، حۋبەي حالقىنا دەم بەرىپ جىگەرلەندىردى.
اراعا 2 ايدان استام ۋاقىت سالىپ باس شۋجي شي جينپيڭ حۋبەي حالقىنىڭ اراسىنا تاعى كەلدى.
”وسى رەتكى ەكى ماجىلىستە، ىندەتتەن ساقتانۋ - تىزگىندەۋ قاجەتىنە قاراي، ورتالىقتاعى باسشى جولداستار تۇگەلدەي ۇيىرمە - گرۋپپالارعا بارۋ رەت سانىن ازايتتى. مەن حۋبەي ۋاكىلدەر ۇيىرمەسىنە، ءسوز جوق، بارۋىم كەرەكتىگىن العا قويدىم. سىزدەر حۋبەيداعى 60 ميلليوننان استام حالىقتىڭ ۋاكىلىسىزدەر، مەن كوپشىلىكپەن امانداسۋىم كەرەك“، - دەدى باس شۋجي.
ەرەكشە ورنالاستىرۋ، ايرىقشا قامقورلىق ۋاكىلدەردىڭ جۇرەگىن مەيىرگە بولەۋمەن بىرگە، حۋبەي حالقىنىڭ كوڭىلىنە دە مەيىر شۋاعىن توكتى.
جاڭا تيپتى ايدارشا ۆيرۋس وكپە قابىنۋ ىندەتى الدىندا، وسى رەتكى جاڭا جۇڭگو قۇرىلعاننان بەرگى تارالۋ قارقىنى ەڭ تەز، جۇعىمداۋ اۋماعى ەڭ كەڭ، ساقتانۋ - تىزگىندەۋ قيىندىعى ەڭ جوعارى ەلەۋلى، توسىن الەۋمەتتىك دەنساۋلىق ساقتاۋ وقيعاسىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بەكەم، باتىل، تاباندى، كەسىمدى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويدى. باس شۋجي شي جينپيڭنىڭ تىكە قولباسشىلىعىندا، تىكە ورنالاستىرۋىندا، ءبىر ميلليارد 400 ميلليون جۇڭگو حالقى ۇلى كۇشپەن حالىقتىق شايقاستىڭ، جالپى تۇلعالىق شايقاستىڭ، توسقاۋىل شايقاسىنىڭ دابىلىن قاقتى.
قازىر ءبىر جىلدا ءبىر وتكىزىلەتىن مەملەكەتتىك سالتاناتتى ءماجىلىستىڭ تاعى اشىلۋىنىڭ ءوزى جۇڭگونىڭ ىندەتكە قارسى اتتانۋىنىڭ كەلەلى ستراتەگيالىق تابىسقا قول جەتكىزگەندىگىنىڭ ايقىن بەلگىسى.
5 ۋاكىل ىلگەرىندى - كەيىندى ءسوز سويلەپ، باس شۋجيگە حۋبەي مەن ۋحاننىڭ ىندەت ىشىندە ”قايتا اشىلعان“ جانە ”قايتا تۋعان“ جاعدايىن مالىمدەدى، سوزدەرى ايرىقشا اسەرلى بولدى.
”باس شۋجي، ءسىز حۋبەيعا بارىپ قىزمەت تەكسەرگەن كەزدە، ۋحان حالقى بالىق جەگەندى ۇناتادى، كوپتەپ قامداۋعا ۇيىمداستىرۋ كەرەك دەگەن ەدىڭىز. ءبىر اپتاعا جەتپەي، بالىق الەۋمەتتىك اۋماعىمىزعا جەتكىزىلدى. جاسى 80نەن اسقان لياۋ قاريا اسەرلەنە: ىندەت وسىنشاما اۋىر بولىپ جاتقاندا جاس بالىق جەيمىن دەپ ويلاماپپىن، پارتياعا، ۇكىمەتكە العىس ايتامىن دەدى“.
اسەرلى تۇسقا كەلگەندە، ۋحان قالاسى 2 - جەڭىل ونەركاسىپ مەكتەبىنەن كەلگەن يۇي چىڭ ۋاكىل قىستىعا سويلەدى. ول ورنىنان تۇرىپ ءيىلىپ تاعزىم ەتتى.
”وسىندا كەلۋدەن بۇرىن، كوپشىلىك ماعان، ءسوز جوق، ’العىس ايت‘ دەپ تاپسىردى! باس شۋجيگە العىس ايتامىز، پارتيا ورتالىق كوميتەتىنە العىس ايتامىز، حۋبەي مەن ۋحانعا قولداۋ كورسەتكەن بۇكىل ەل حالقىنا جانە ءار سالا دوستارعا العىس ايتامىز“.
جيىن زالىندا شاپالاق ءۇنى ۇزاققا دەيىن جالعاستى.
”كوپشىلىكتىڭ ءسوزىن تىڭداپ قاتتى اسەرلەندىم“، - دەدى باس شۋجي شي جينپيڭ تەبىرەنە، ”حۋبەي حالقى، ۋحان حالقى ىندەتتەن ساقتانۋ - تىزگىندەۋگە ەلەۋلى ۇلەس قوسىپ، وراسان زور قۇرباندىق بەردى. ۋحان دەسە دەگەندەي قاھارمان قالا، حۋبەي حالقى مەن ۋحان حالقى دەسە دەگەندەي قاھارمان حالىق. مەن وسىندا وتىرعاندارعا، حۋبەيداعى ءار ۇلت كادر، بۇقاراعا شىنايى سالەم جولدايمىن جانە شىن جۇرەكتەن العىس ايتامىن!“
”جۇڭگو كوممۋنيستىك پارتياسىنىڭ تامىرى حالىقتا، تىرشىلىك ارقاۋى حالىقتا. پارتيانىڭ حالىقتى ىنتىماقتاستىرىپ جانە باستاپ توڭكەرىس، قۇرىلىس، رەفورما جۇرگىزۋىندەگى ءتۇبىرلى ماقساتى − حالىقتىڭ تاماشا تۇرمىس كەشىرۋىنە مۇمكىندىك جاساۋ، مەيلى قانشا زور سىن - سايىس پەن قىسىمعا ءدوپ كەلسە دە، مەيلى قانشا زور قۇرباندىق پەن بوداۋ بەرسە دە، وسى تۇيىننەن استە اينىمادى، تيتتەي دە اۋىتقىمادى“.
ىشكى موڭعۇل ۋاكىلدەر ۇيىرمەسىندە، باس شۋجي شي جينپيڭ ”حالىقتى“ كىندىك ءسوز ەتىپ، پارتيانىڭ مۇرات - سەنىمىنەن، سيپاتى مەن باستى ماقساتىنان، اۋەلگى ماقساتى مەن بورىشىنان باستاپ سويلەپ، وسى ءسوزدىڭ ءمانىن تەرەڭ ءتۇسىندىردى.
حالىقتى بارىنەن جوعارى قويۋدى ايتقاندا، باس شۋجي شي جينپيڭ بۇرىنعىلاردىڭ ءسوزىن سيتاتقا الىپ بىلاي دەدى:
”بۇرىنعىلار:’الەمدە مۇددەدەن بارلىق اداممەن تەڭ يگىلىكتەنگەندەردى بارلىعى تەگىس قولدايدى؛ الەمدە مۇددەنى جەكە - دارا يەمدەنگەندەر بارلىعىنان ايرىلادى‘ دەگەن. پارتيا ۋستاۆىندا بىلاي دەپ ايقىن بەلگىلەنگەن: پارتيامىزدىڭ وزىندىك ەرەكشە مۇددەسى بولمايدى، پارتيا ءارقانداي كەزدە بۇقارانىڭ مۇددەسىن ءبىرىنشى ورىنعا قويادى“.
باس شۋجي شي جينپيڭ كوپشىلىككە ەكى ءماجىلىس قارساڭىندا سانشيگە بارىپ قىزمەت تەكسەرگەن، تەكسەرۋ - زەرتتەۋ جۇرگىزگەن كەزدەگى اسەرىن اڭگىمەلەدى: ”مەن داتۇڭداعى ورگانيكالى كۇرەڭكەيدى ولشەمدەندىرىپ ءوسىرۋ بازاسىندا قىستاق تۇرعىندارىنا جۇڭگو كوممۋنيستىك پارتياسى حالىق ءۇشىن ىستەۋدى، حالىقتى باقىتقا كەنەلتۋدى ەڭ ماڭىزدى ساياسي ناتيجە ەتىپ، بۇقارا ءۇشىن قانشالىق جاقسى ءىس، ناقتى ءىس تىندىرعاندى ساياسي ناتيجەنى سىننان وتكىزۋدىڭ ماڭىزدى ولشەمى ەتەدى“ دەدىم.
حالىقتى بارىنەن جوعارى قويۋ! بۇل جۇڭگو كوممۋنيستەرىنىڭ اينىماي كۇرەسەتىن اۋەلگى ماقساتى، باس شۋجي شي جينپيڭنىڭ بيلىك جۇرگىزۋ ۇستانىمى.
تەك وسى ”اۋەلگى تۇيىندە“ تۇرعاندا عانا وسى ءسوزدىڭ كۇشىن شىنداپ تۇسىنۋگە بولادى − ”حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋدا ءارقانداي بوداۋ بەرۋدەن تايىنبايمىز“.
حالىقتى باقىتقا كەنەلتۋ −
”بىرگە بايۋ، جاپپاي دوڭگەلەك داۋلەتكە جەتۋ، كوپشىلىك وسى جولدى بىرگە باسامىز“
كەدەيلىكتەن ارىلتۋدان قامال الۋ نىساناسىن ۋاعىندا جۇزەگە اسىرۋ، بۇل − باس شۋجي شي جينپيڭنىڭ ەستەن ءبىر ءسات شىعارماعان ءبىر ءىرى ءىس. 2013 - جىلدان بەرى ول ءار جىلى تۇگەلدەي مەملەكەتتىك ەكى ماجىلىستە ۋاكىلدەرمەن، مۇشەلەرمەن بىرگە كەدەيلىكتەن ارىلتۋدان قامال الۋ ۇلى جوسپارىن اقىلداستى.
”قازىر بۇكىل ەلىمىز بويىنشا ءالى 52 كەدەي اۋداننىڭ كەدەيلىك قالپاعى الىنعان جوق، 2707 كەدەي قىستاق كەدەيلىك تىزىمىنەن شىعارىلعان جوق، ارحيۆ تۇرعىزىلىپ، كارتچكالاندىرىلعان كەدەي حالىق ءالى بۇكىلدەي كەدەيلىكتەن ارىلىپ كەتە قويعان جوق“.
5 - ايدىڭ 23 - كۇنى تۇستەن بۇرىن بەيجيڭ تيەداۋ عيماراتى، مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناسقان ەكونوميكا سالاسىنداعى مۇشەلەرگە امانداسا بارعاندا، باس شۋجي شي جينپيڭ وسىنداي مىندەت تىزىمدىگىن الىپ شىقتى.
2 ايدان استام ۋاقىتتىڭ الدىندا، 3 - ايدىڭ 6 - كۇنى بىلتىرعى مەملەكەتتىك ەكى ءماجىلىس اشىلعان ساتتە، باس شۋجي شي جينپيڭ پارتيا 18 - قۇرىلتايىنان بەرى اشىلعان كەدەيلىكتەن ارىلتۋدان قامال الۋ جاعىنداعى ەڭ ءىرى كولەمدى ماجىلىسكە قاتىناسىپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ جالپى جۇمىلدىرۋىن العا قويدى. ەكى ءماجىلىس قارساڭىندا، ول تاعى توقتاۋسىز شانشيدە، سانشيدە قىزمەت تەكسەرىپ، كەدەيلىكتەن ارىلتۋدان قامال الۋدىڭ تابىستارىن، اياق الىسىن ناقتى ۇعىستى.
”بۇرىنعىمەن سالىستىرعاندا جالپى مولشەر كوپ بولماسا دا، قالعانداردىڭ بارلىعى كەدەيدىڭ كەدەيى، قيىنشىلىقتىڭ ىشىندەگى قيىنشىلىق، ەڭ ماشاقاتتى ءتۇيىن“. باس شۋجي شي جينپيڭنىڭ سوزىنەن بەرىك بەكىم كورىندى: ”ءبىز جاڭا تيپتى ايدارشا ۆيرۋس وكپە قابىنۋ ىندەتىنىڭ ءتيىمسىز ىقپالىن قۇلشىنا جەڭىپ، كەدەيلىكتەن ارىلتۋدان قامال الۋدىڭ جالپى بەتتىك جەڭىسىنە باتىل قول جەتكىزۋىمىز كەرەك. بۇل پارتيامىزدىڭ حالىققا، تاريحقا بەرگەن ايبىندى ۋادەسى!“
”بۇل جەردە مەنىڭ دە سۇيىسپەنشىلىگىم بار“. باس شۋجي ءسال تىنىستاپ، جانارى جارقىلداي سويلەدى:
”مەن 6، 7 جىل شارۋا بولدىم، ول كەزدە قارنىمىز اشسا توڭىرەكتەگى بۇقارادان سۇرايمىز، سىزدەر قانداي تۇرمىس ەڭ جاقسى دەپ قارايسىزدار، ناقتى نىسانا نە؟“
بۇقارا ”ءۇش قاداممەن ءجۇرۋ“ نىساناسىن ايتتى: ”ءبىرىنشى نىسانا، تاماقتى ەلدەن سۇرامايتىن، قارنىمىز توياتىن بولسا. نە جەسەك تە مەيلى، جارتى جىل كەبەك اس، جارتى جىل استىق بولسا دا ەشتەڭە ەتپەيدى. تاعى ءبىر قادام ىلگەرىلەسەك، جەرگىلىكتى سوزبەن ايتقاندا، ”تازا ءتۇيىر“ جەسەك، ياعني كاۋلەن، جۇگەرى ۇنعا جارىساق. ءۇشىنشى نىسانا، ولار قول جەتۋ مۇمكىن ەمەس دەپ قارادى، ول ”اق استىق جەگىسى كەلگەندە اق استىق جەۋ، ونىڭ ۇستىنە ۇنەمى ەت جەي الاتىن بولۋ“، بۇل دەگەن ’ىرعىندىق ولشەمى‘، ’كەلەسى ومىردەگى ارمان‘ ەسەپتەلىندى“.
”مەن، سىزدەر تاعى دا ويلانىپ، جۇرەكتىلىكپەن مۇنان دا جوعارى ءورىس بار - جوعىن ەسكە تۇسىرىڭىزدەر دەدىم“، - دەدى باس شۋجي شي جينپيڭ ەسىنە الىپ، ”ولاردىڭ جاۋابى − كەلەشەكتە تاۋعا شىعىپ ەڭبەك ىستەگەندە يىعىمىزدا التىن اپكىش بولسا بولدى!“.
”ءىس جۇزىندە، بۇل نىسانا دا جۇزەگە اسىرىلۋ ۇستىندە دەپ ويلايمىن. بۇل ’التىن اپكىشتى‘ مەن اۋىل شارۋاشىلىعىن وسىزامانداندىرۋ دەپ تۇسىنەمىن“. باس شۋجي شي جينپيڭنىڭ سوزىنەن شىنايى سۇيىسپەنشىلىك اڭعارىلادى، ”ءبىز ءبىر ۇرپاق ادامداردا وسىنداي ءبىر كوڭىل كۇي بولدى، ءسوز جوق، بۇقارامىزدىڭ، اسىرەسە، شارۋالارىمىزدىڭ قولتىعىنان دەمەۋ كەرەك، سوتسياليزم جولىندا بىرەۋىنىڭ دە قاتاردان قالۋىنا بولمايدى، بىرگە بايۋ، جاپپاي دوڭگەلەك داۋلەتكە جەتۋ، كوپشىلىك وسى جولدى بىرگە باسامىز“.
كىم ءۇشىن داميمىز؟ قانداي دامۋدى جۇزەگە اسىرامىز؟ سارى توپىراققا تەرەڭ تامىر تارتقان ۋاقىتتىڭ سالقار كوشىندە، تىم ەرتەدە - اق بۇنىڭ جاۋابى شي جينپيڭنىڭ جۇرەگىندە جاتقان ەدى.
بيىلعى ۇكىمەت قىزمەتىنەن باياندامادا، جۇڭگو دۇنيە جۇزىندەگى 2 - ءىرى ەكونوميكالىق تۇلعا رەتىندە، تۇتاس جىلدىق ەكونوميكانىڭ ارتۋ قارقىنىنىڭ ناقتى نىساناسىن العا قويعان جوق.
ىشكى موڭعۇل ۋاكىلدەر ۇيىرمەسىندە، باس شۋجي شي جينپيڭ وسى ءبىر كەلەلى تاڭداۋدىڭ استارىندا جاتقان تولعانىستى باياندادى:
”ەگەر ءبىز قاتاڭدىقپەن بەلگىلەيتىن بولساق، وندا كوزدەۋ ءتۇيىنى كۇشتى قوزعالتقىشقا اينالىپ، ارتۋ مولشەرىن مىقتاپ ۇستايتىن بولامىز، بۇل ءبىزدىڭ ەكونوميكالىق، قوعامدىق دامۋىمىزدىڭ نەگىزگى ماقساتىنا ۇيلەسپەيدى، ءبىز قاراپايىم تۇردە GDPدىڭ ارتۋ مولشەرىنە قاراپ قاھارمان ساناۋدى دارىپتەمەيمىز. جوعارى ساپالى دامۋعا، جاڭا دامۋ ۇستانىمىن دايەكتىلەندىرەتىن دامۋعا تالپىنامىز، قالىڭ حالىقتىڭ باقىتتى، كوركەم بولاشاعىنا تالپىنامىز“.
حالىق ءۇشىن ىستەۋ، حالىقتى باقىتقا كەنەلتۋ سىندى ءدال وسىنداي شىعار ءتۇيىن مەن تابان تىرەر تياناق نەگىزىندە، ەكى ءماجىلىس كەزىندە، باس شۋجي شي جينپيڭ قايتا - قايتا ۇكىمەت ىسىندە حالىقتىڭ اقىل - كەڭەسىن تىڭدادى، حالىقتىڭ قاجەتىن ۇعىستى.
− ەسىنەن شىعارمادى، باستان - اياق كەدەيلىكتەن ارىلتۋدان قامال الۋدىڭ اياق الىسى مەن جەتىستىكتەرىن بەكەمدەۋگە كوڭىل ءبولدى.
ساياسي كەڭەستىڭ بىرىككەن گرۋپپا جيىنىندا، مۇشە ليۋ چي 16 جىلدىڭ الدىندا شي جينپيڭنىڭ جىجياڭنىڭ پارتيا، ۇكىمەت ۋاكىلدەر ۇيىرمەسىن باستاپ، چۇڭچيڭنىڭ ۋلۇڭ اۋدانىنا بارىپ تەكسەرىپ - زەرتتەۋ جۇرگىزگەن كەزىندەگى كورىنىستەردى اۋىزعا الدى:
”ول كەزدە مەن ۋلۇڭدا اكىم ەدىم، سىزگە ءوزىمىزدىڭ ساياحاتتى دامىتىپ، كەدەيلەردى سۇيەمەلدەۋ ويلارىمىزدى مالىمدەگەن بولاتىنمىن. ساياحاتپەن كەدەيلەردى سۇيەمەلدەۋ ارقىلى قاتىستى كاسىپ سالاسىن بار كۇشپەن دامىتىپ، ۋلۇڭ الدەقاشان كەدەي اۋدان قالپاعىن الىپ تاستادى“.
باس شۋجي شي جينپيڭ ەرەكشە قۋانىپ، ”قازىر ونداعى قاتىناس احۋالى قانداي؟“ دەپ قۋارلاي سۇرادى.
”قازىر تۇگەلدەي جوعارى قارقىندى جولدار سالىندى، جوعارى قارقىندى تەمىر جول دا سالىنۋدا“.
”چۇڭچيڭنىڭ ساياحات بايلىعى وتە مول. وتكەندەگى كوپتەگەن ’كەدەي اۋىل، شەتكەرى جەرلەر‘ تۇگەلدەي ’جەر ۇيىققا‘ اينالدى، مۇندا قاتىناس سياقتى نەگىزدىك قۇرىلعىلار قۇرىلىسى وتە ماڭىزدى“.
ىشكى موڭعۇل ۋاكىلدەر ۇيىرمەسىندە، ۇلانچاب قالاسىنىڭ باستىعى، ۋاكىل فەي دۇڭبين كەدەيلىكتەن ارىلعاننان كەيىن اۋرۋدان كەدەيلەسۋ، قايتا كەدەيلەسۋ سالىستىرماسى ءالى دە ءبىرشاما جوعارى ەكەندىگىن ايتتى. باس شۋجي شي جينپيڭ ىقىلاستى تۇردە ناقتى قايسى اۋرۋدىڭ ءجيى تۋىلاتىندىعىن سۇرادى، سونداي - اق قىزمەتتى ۇزدىكسىز ەگجەي - تەگجەيلى ىستەۋدى، ناقتى ىستەۋدى تاپسىردى.
− نازاردى ماڭىزدى تۇيىندەرگە اۋدارىپ، جاڭالىق اشۋ وي جەلىسىمەن جۇمىستانۋ سىندى وسى ەڭ ۇلكەن حالىق تۇرمىسى ماسەلەسىن ويداعىداي شەشۋ.
ىشكى موڭعۇل ۋاكىلدەر ۇيىرمەسىندە، ۋلانعاد قالاسى اۋحان حوشۇنىنىڭ بەيجيڭدە تۇراتىن كوشپەلى پارتيا ياچەيكاسىنىڭ شۋجيى، ۋاكىل شۋە جىگو باس شۋجيگە پارتيا ۇيىمىنىڭ رولىن ساۋلەلەندىرۋ ارقىلى شارۋا جۇمىسكەرلەردىڭ باسقا كاسىپكە ويىسىپ جۇمىستانۋىنا كومەكتەسۋ احۋالىن مالىمدەدى.
”قازىر ءبارى قايتىپ كەلدى مە؟“، - دەپ سۇرادى باس شۋجي شي جينپيڭ.
”％90ى بەيجيڭگە قايتىپ جۇمىسقا قايتا شىقتى“.
”ەگەر اۋىلدا سول جەردە جۇمىستاناتىن بولسا، نەلەردى ىستەۋگە بولادى؟“
”ءبىزدىڭ اۋحاننىڭ سوك، قاراقۇمىق ۇندارى جاقسى، اۋىلداستاردىڭ ەگىنشىلىك، باعىمشىلىق سەلبەستىك كووپەراتيۆىنە قاتىناسۋىنا بولادى“.
شۋە جىگونىڭ جاۋابىن ەستىگەن باس شۋجي شي جينپيڭ باسىن يزەدى.
باس شۋجي ىشكەرىلەي باسا دارىپتەپ بىلاي دەدى: ”ىندەتتىڭ ىقپالىنا ۇشىراعاندىقتان، بيىل جۇمىستاندىرۋدى ورنىقتىرۋ مىندەتى ەرەكشە اۋىر، جوعارى مەكتەپ تاۋىسقان وقۋشىلار، شارۋا جۇمىسكەرلەر، قوسىننان قايتقان اسكەريلەر سياقتى ءتۇيىندى قاۋىمدى جۇمىستاندىرۋ قىزمەتىن ويداعىداي ىستەۋ كەرەك“.
ساياسي كەڭەستىڭ بىرىككەن گرۋپپا جيىنىندا، مۇشە ۋاڭ ي - ميڭ ءبىر توپ ساندى مالىمەتتەردەن پايدالانىپ، ”جاڭا جۇمىستاندىرۋ قالىبىنىڭ“ جۇمىستاندىرۋعا كەپىلدىك ەتۋدەگى ”توسپالىق“ جانە حالىق تۇرمىسىنداعى ”ورنىقتىرعىشتىق“ رولىن دالەلدەدى، سونداي - اق قاتىستى ۇسىنىستاردى العا قويدى.
باس شۋجي شي جينپيڭ دەرەۋ جاۋاپ قايتارىپ: ”ىندەت توسىن تۋىلدى، ’جاڭا جۇمىستاندىرۋ قالىبى‘ دا توسىن پايدا بولدى. بۇل جونىندە، ءبىز ورايعا قاراي قيمىلداپ، ىعىنا قاراي ىستەپ، قارا ءۇزىپ شىعۋىمىز كەرەك. ارينە، ’جاڭا جۇمىستاندىرۋ قالىبىنا‘ سايكەستى زاڭ، زاڭ - بەلگىلەمەلەردىڭ دە، ساياسات - شارالاردىڭ دا كەشىگۋىنە بولمايدى“.
− نەگىزدى كۇشەيتىپ، ءتۇبىردى بەكەمدەۋ، ۇزاق ءونىمدى، ۇزاق مەزگىلدىك مەحانيزم قۇرۋعا اناعۇرلىم ءمان بەرۋ.
حۋبەي ۋاكىلدەر ۇيىرمەسىندە، باس شۋجي شي جينپيڭ اۋىل - قىستاق كاسىپ سالاسىنىڭ ”قان جاساۋ“ رولىنا كوڭىل ءبولدى.
ىنشى وبلىسىنان كەلگەن از ۇلت شارۋا ۋاكىل سۇڭ چيڭلي جەرگىلىكتى ورىننىڭ سەلەندى كاسىپ سالاسىنىڭ دامۋ جاعدايىن تىلگە الدى. باس شۋجي شي جينپيڭ شابىتتاندىرىپ بىلاي دەدى: ”مەن الدىڭعى ايدا عانا شانشيگە باردىم، انكاڭ ءوڭىرى دە سەلەندى ءوڭىر، سىزدەردىڭ بۇل جەرلەرىڭىز دە سەلەندى ءوڭىر، وسى ءبىر قىمباتتى بايلىقتان ويداعىداي پايدالانىپ، ونى سەلەندى كاسىپ سالاسىنا اينالدىرۋ كەرەك“.
ساياسي كەڭەستىڭ بىرىككەن گرۋپپا جيىنىندا باس شۋجي شي جينپيڭ ءوزىنىڭ قىزمەت كەشىرمەلەرىمەن بىرلەستىرە وتىرىپ ”استىقتىڭ“، ”كوجە قاتىقتىڭ“ ماڭىزدىلىعىن باسا دارىپتەدى:
”مەن فۋجۋدا قالا باسشىسى بولعان ۋاقىتىمدا ’كوكونىستى‘ جاقسارتۋ ماڭداي الدى ماڭىزدى ءىس بولدى. فۋجۋلىقتار ’جاسىل كوكونىستى 3 كۇن كورمەسەم باسىم اينالادى‘ دەيدى، جاس، جاسىل كوكونىس جەۋى كەرەك. كوكونىس بولماسا بولمايدى، كوكونىس باعاسىنىڭ قىمباتتاپ كەتۋىنە تىپتەن بولمايدى. قازىرگى قالا باستىقتارىندا ءالى دە وسىنداي تانىم بولۋى كەرەك“. ”قولىڭدا استىق بولسا، كوڭىلىڭدە الاڭ بولمايدى دەگەن قاي - قاشان دا اقيقات“.
ىشكى موڭعۇل ۋاكىلدەر ۇيىرمەسىندە شيلينعۇل امىگىنىڭ باستىعى، ۋاكىل حو جاۋلياڭ: تۇتاس امىكتىڭ ％60تەن استام ءوڭىرىنىڭ ەكولوگيانى قورعاۋ قىزىل سىزىعىنا كىرگىزىلگەنىن، ەندىگارى جايلىمدا جاڭا كەن اشۋ نىسانىنىڭ جۇرگىزىلمەيتىندىگىن تانىستىردى.
مۇنى باس شۋجي شي جينپيڭ تۇراقتاندىردى ءارى بىلاي دەپ ايقىن نۇسقاۋ بەردى: ”سول بەتى تۇرسىن، سوڭعى ۇرپاقتارىمىزدىڭ پايدالانۋىنا بولادى“.
باس شۋجي بىلاي دەپ اتاپ كورسەتتى: ەكولوگيالىق ورتانى قورعاۋ حالىققا باقىت جاراتاتىن 100 جىلدىق ۇلى جوسپار. ەكولوگيالىق وركەنيەت قۇرىلىسىن كۇشەيتۋدىڭ ستراتەگيالىق تاباندىلىعىن ساقتاپ، ەكولوگيانى ەڭ الدىمەن ويلاستىرۋ، جاسىل دامۋ سىندى باعداردى مىقتاپ ورناتىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن ۇزدىكسىز ويداعىداي جۇرگىزىپ، وتانىمىزدىڭ سولتۇستىك شەكاراسى سىندى 10 مىڭ شاقىرىمدىق جاسىل قورعاندى اناعۇرلىم بەرىك بەكەمدەۋىمىز كەرەك.
......
”ءبىر - بىرلەپ تياناقتاندىرۋدى مىقتى يگەرىپ، جىلدان - جىلعا جالعاستىرا ىستەپ، بۇقارانى وزگەرىستى كورۋگە، تيىمدىلىككە كەنەلدىرۋگە قۇلشىنايىق“. باس شۋجي شي جينپيڭنىڭ ءسوزى جۇڭگو كوممۋنيستەرىنىڭ اۋەلگى ماقساتىن، بورىشىن جانە كۇرەس جاساۋ قاسيەتىن ايگىلەدى.
حالىققا سۇيەنەيىك −
”داعدارىس بارىسىندا جاڭا وراي جەتىلدىرەيىك، وزگەرگەن جاعداي بارىسىندا جاڭا جاعداي اشايىق“
ساياسي كەڭەستىڭ بىرىككەن گرۋپپا جيىنىندا مۇشە ليۋ يۇڭحاۋ باس شۋجيگە كەزەكتە حالىقتىق كاسىپورىندار، اسىرەسە، ورتا، شاعىن كاسىپورىندار ءدوپ كەلگەن ”ءۇش قيىندى“ − ءوندىرۋ، ساتۋ قيىن بولۋ، قارجى قوسۋ قيىن بولۋ، ىسكە اسىرۋ قيىن بولۋ جاعدايىن اڭىس ەتتى.
وسى 3 ”قيىندى“ تىڭداعان شي جينپيڭ كوپ اسەر الدى: ”بۇگىنگى تاڭدا حالىقتىق كاسىپورىندار جۇڭگونىڭ ۇمىتكە تولعان بايتاق دالاسىندا ءوسىپ - جەتىلۋدە، الايدا تۋ باستا يەن دالاعا كەز بولدى، ولار ساڭلاۋدان تىرشىلىككە ۇمتىلىپ، قاجىرلىلىقپەن شارۋاشىلىق قۇرىپ، جول تاپتى، بۇل بارىس، شىنىندا، ماشاقاتتى بولادى. دامىپ بۇگىنگى كولەمگە جەتۋ، بۇگىنگىدەي ۇلەس قوسۋ شىنىمەن كەرەمەت“.
باس شۋجيدىڭ ەمەۋىرىنى مىناعان ويىستى: ”حالىقتىق كاسىپورىندار ىلگەرىلەي دامۋدا ءالى دە ’قيىندىق‘ بارىسىندا العا ىلگەرىلەيدى“. فيلوسوفيالىق ماننەن العاندا ”قيىندىق“ ءارقانداي سالانىڭ العا ىلگەرىلەۋ جولىنداعى ماڭگىلىك تاقىرىپ، قازىر دۇنيە ءجۇزى 100 جىلدا بولماعان زور وزگەرىستەرگە ءدوپ كەلۋدە، ”قوس 100 جىلدىق“ كۇرەس نىساناسىن جۇزەگە اسىرۋ جورىعىندا ”قيىندىق“ ءتۇرلى جاقتاردىڭ بارىندە ءومىر سۇرەدى. تەك ۇزدىكسىز ىزدەنىس جاساپ، ۇزدىكسىز كۇرەس جۇرگىزگەندە عانا، العا باسۋ جولىنداعى قيىنشىلىقتاردى ۇزدىكسىز جەڭىپ، جاڭا دامۋ جولىمەن جۇرە الامىز“.
”قيىندىققا“ بەتپە - بەت كەلۋ − قازىرگى ەل ءىشى - سىرتى جاعدايىن ايقىن تانىعاندىق.
باس شۋجي ءبىر ماڭىزدى تۇجىرىم جاسادى: ”دۇنيەدە ءارقانداي ءىستىڭ ەكى جاعى بولادى، وسى رەتكى ىندەت ءبىر داعدارىس بولدى، ءبىراق بەلگىلى دارەجەدەن ايتقاندا، جاڭا ورايلاردى دا جەتىلدىردى“، ”داعدارىس بارىسىندا جاڭا وراي جەتىلدىرەيىك، وزگەرگەن جاعداي بارىسىندا جاڭا جاعداي اشايىق“. باس شۋجي شي جينپيڭ جالپىلىق، ديالەكتيكالىق، ۇزاق بولاشاقتىق تۇرعىدان قازىرگى ەكونوميكالىق جاعدايعا تەرەڭ تالداۋ جاساپ، ستراتەگيالىق جەتەكشىلىك ەتتى.
باس شۋجي ءبىر قىدىرۋ ساندى مالىمەت ارقىلى كوزقاراسىن ونان ارى ايقىن ءتۇسىندىردى −
100 ميلليوننان استام بازار تۇلعاسى جانە جوعارى تاربيە العان نەمەسە ءتۇرلى ماماندىق - شەبەرلىككە يە 170 ميلليوننان استام دارىندى بار؛
400 ميلليوننان استام ورتا كىرىستىلەر قاۋىمىن قامتىعان ءبىر ميلليارد 400 ميلليون حالىقتان قۇرالعان اسا ۇلكەن كولەمدەگى ىشكى سۇرانىس بازارى بار؛
ىندەت كەزىندە جاڭا تەحنيكا، جاڭا كاسىپ كۇيى قارا ءۇزىپ العا شىقتى، 1 - توقساندا ناقتى زات تاۋارىنىڭ توراپتا بولشەك ساتىلۋ مولشەرى ％5.9 ارتىپ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنىڭ ％23.6ىن ۇستادى، ينتەرنەتتەگى جينالىس، ينتەرنەت جەلىسىندەگى ساۋدا، ينتەرنەت جەلىسىندەگى وقىتۋ سياقتىلار زور مولشەردە ارتتى...
”ءبىزدىڭ ءتيىمدى شارت - جاعدايلارىمىز ءالى دە وتە كوپ“ ، ”ورايدى مەڭگەرىپ، ستراتەگيالىق سيپاتتى جاڭادان گۇلدەنگەن كاسىپ سالالارىن جەبەۋدى تەزدەتىپ، ءتىپتى دە كوپ جاڭا ارتۋ تۇيىندەرىن، ارتۋ ۇيەگىن قالىپتاستىرۋ كەرەك. ءداپ باسىپ ايتىلعان تالداۋلار بۇلتتان شىققان كۇندەي كىسىنى تەرەڭ ويعا باتىردى.
قيىندىقتاردان قامال الۋدا ءبىزدىڭ ەڭ ۇلكەن كۇش - قۋاتىمىز حالىقتان كەلەدى.
”حالىق پارتيامىزدىڭ بيلىك جۇرگىزۋدەگى ەڭ ۇلكەن تىرەگى ەكەنىن قايتا - قايتا دارىپتەدىم“.
ىشكى موڭعۇل ۋاكىلدەر ۇيىرمەسىندە، باس شۋجي شي جينپيڭ حالىقتىڭ كۇش - قۋاتىن بىلاي دەپ القادى: ”قالىڭ حالىق بۇقاراسى جالپى تۇلعانى تانىپ، كەلەلى جاعدايمەن ساناسىپ، ىندەتتەن ساقتانۋ - تىزگىندەۋ كۇرەسىنىڭ كەلەلى جاعدايىنا سانالى سايكەسىپ، ىندەتتەن ساقتانۋ - تىزگىندەۋدىڭ نەگىزدىك كۇش - قۋاتىن قالىپتاستىردى“، ”ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋدە، حالىققا تىعىز ارقا سۇيەۋ كەرەك“.
حالىققا سۇيەنۋ، بۇل − ىندەتتەن ساقتانۋ - تىزگىندەۋ حالىقتىق شايقاسىندا جەڭىسكە جەتۋدىڭ اسىلى؛ حالىقتى جۇمىلدىرۋ، بۇل − بوران - شاشىندى ەلەڭ قۇرلى كورمەي، ۇدەرە العا تارتۋداعى مىعىم سۇيەنىش.
ۋحان شينجوۋ رايونى چىنيۇي قىستاعى پارتيا ياچەيكاسىنىڭ شۋجيى جاڭ ۋىنشي ىندەتكە قارسى اتتانۋدىڭ ءبىرىنشى شەبىنەن كەلگەن مەملەكەتتىك حالىق قۇرىلتايىنىڭ ۋاكىلى، ول ءوز كەشىرمەسىمەن باس شۋجي شي جينپيڭگە نەگىزگى ساتىنى جونگە سالۋدىڭ ماڭىزدىلىعىن ايتتى، تاعى باس شۋجيگە نەگىزگى ساتىنى جونگە سالۋدا ورىن تەۋىپ وتىرعان ”ولقىلىقتاردى“ دا اڭىس ەتتى.
”وسى رەتكى ىندەت ءبىزدىڭ نەگىزگى ساتىنىڭ جونگە سالۋ جۇيەسىن، جونگە سالۋ قابىلەتى ورەسىن سىننان وتكىزدى، سونداي - اق ءبىزدىڭ ءمالى باسقارماسى مەن الەۋمەتتىك اۋماق، اۋىل - قالاشىق پەن قىستاق نەگىزگى ساتى ۇيىمدارىنىڭ رولىن دا اناعۇرلىم كورنەكتىلەندىردى“. باس شۋجي شي جينپيڭ بىلاي دەپ اتاپ كورسەتتى: بەيبىت كەزدەگى مەن شايقاس كەزدەگىنى ۇشتاستىرۋ تۇرعىسىنان ءبىر نەگىز بولۋى، ءبىر مەحانيزم جۇيەسى بولۋى كەرەك. شەشۋشى ساتتە الىپ شىعا الاتىن، توتەپ بەرە الاتىن بولۋى كەرەك“.
بىلتىر جىل سوڭىندا اشىلعان پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ سىندى كەلەلى تاقىرىپتى ارناۋلى زەرتتەدى، تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتى مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ كوكەي تەستىلىگىن ونان ارى كورنەكتىلەندىردى.
وسى كەڭەس تاقىرىبىنا نازاردى شوعىرلاندىرعان ۋاكىلدەر مەن مۇشەلەر تۇس - تۇستان اقىل - كەڭەس بەردى.
حۋبەي ۋاكىلدەر ۇيىرمەسىندە 5 ۋاكىل تۇرلىشە تۇرعىدان الەۋمەتتىك دەنساۋلىق ساقتاۋ بويىنشا قورعانۋ تورىن بەكەم، ءجيى توقۋ جونىندە ۇسىنىس جانە پىكىرلەرىن ورتاعا سالدى.
كوپشىلىكتىڭ ءسوزىن تىڭداعاننان كەيىن، باس شۋجي شي جينپيڭ ماسەلەگە 5 جاقتان ىشكەرىلەي تالداۋ جاساپ، قارسى شارانى دالمە - ءدال ورتاعا قويدى: ”اۋرۋدىڭ الدىن الۋ جانە ونى تىزگىندەۋ جۇيەسىنە رەفورما جاساۋ“، ”ىندەت جاعدايىن قاداعالاۋ، ساقتاندىرۋ جانە شۇعىل جاعدايعا توتەپ بەرۋ، اتتانىسقا كەلۋ قابىلەتىن جوعارىلاتۋ“، ”ەلەۋلى ىندەتتەن قۇتقارۋ - ەمدەۋ جۇيەسىن اقاۋسىزداندىرۋ“، ”الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ زاڭدارىن، زاڭ ەرەجەلەردى كەمەلدەندىرۋ“، ”وتانشىلدىق تازالىق قيمىلىن ىشكەرىلەي ورىستەتۋ“... قازىرگىنى تياناق ەتۋمەن بىرگە، ۇزاق بولاشاققا دا كوز جىبەردى.
ىشكى موڭعۇل ۋاكىلدەر ۇيىرمەسىندە، باس شۋجي شي جينپيڭ تاعى ”جوعارى ءونىمدى جونگە سالۋ“ تاقىرىبىن دا ايرىقشا اتاپ ءوتتى:
”بەلسەندى تۇردە ىرىقتىلىقپەن ىسكەرلىك كورسەتىپ، قازىرگىنى تياناق ەتۋمەن بىرگە، ۇزاق بولاشاققا دا كوز جىبەرىپ، كەلەلى نىسان قۇرىلىسىن ىلگەرىلەتۋ، بازاردىڭ نەگىزگى تۇلعالىق دامۋىن قولداۋ، كاسىپ سالاسى قۇرىلىمىن جەدەل رەتتەۋ، نەگىزگى ساتىنى جونگە سالۋ قابىلەتىن جوعارىلاتۋ سياقتى جاقتاردا ۇتىمدى شارالاردى ورتاعا قويۋ، اسىرەسە، ورتا، ۇزاق مەرزىمدى ستراتەگيالىق مىندەتتەردى جانە ستراتەگيالىق ورنالاستىرۋلاردى زەرتتەپ، جوسپارلاپ، جوعارى ساپالى دامۋعا، جوعارى ءونىمدى جونگە سالۋعا جەتەكتەۋ سيپاتتى رولى بار كەلەلى جوبالاردى، كەلەلى رەفورمالاردى، كەلەلى ساياساتتاردى باعىتتامالى تۇردە ورنالاستىرىپ، داعدارىسقا توتەپ بەرۋ بارىسىندا قىزمەتتىڭ ىرىقتىلىق ۇقىعىن يگەرىپ، دامۋدىڭ ىرىقتى شايقاسىن ويداعىداي جۇرگىزۋ كەرەك“.
5 - ايدىڭ 26 - كۇنى تۇستەن كەيىن ازاتتىق ارميا جانە قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا، شي جينپيڭ بىلاي دەپ باسا دارىپتەدى: بۇكىل ارميا سانالى تۇردە يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، سەنىمدى بەكەمدەپ، قيىندىقتارعا توتەپ بەرىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا اسكەري ءبولىم قىزمەتتەرىن تىڭعىلىقتى ىلگەرىلەتىپ، مەملەكەت قورعانىسى جانە اسكەري ءبولىم قۇرىلىسىنىڭ 2020 - جىلعى نىسانالارى مەن مىندەتتەرىن باتىل جۇزەگە اسىرىپ، پارتيا مەن حالىق جۇكتەگەن ءتۇرلى مىندەتتەردى باتىل ورىنداۋ كەرەك.
قيىندىقتاردان قامال الۋ بارىسىندا اسقاق ارىنمەن العا تارتتىق، تاريحي زور سىناقتا تاريحي العا باسۋدى جۇزەگە اسىردىق، باس شۋجي شي جينپيڭنىڭ سوزدەرى كوڭىلدى جەلپىندىرىپ، ادامدى ەكپىندەي ىلگەرىلەۋگە جەبەيدى −
”قالىڭ پارتيالى كادرلار حالىققا تىعىز ارقا سۇيەپ، ىندەتتەن ساقتانۋ - تىزگىندەۋ كۇرەسىندە ايگىلەگەن رۋحاني بەت - بەينەلەرىن ساۋلەلەندىرىپ، شىنايى يگەرىپ، ناقتى ءىس ىستەپ، قايراتتانا ەرلىكپەن شايقاسىپ، باتىلدىقپەن جاۋاپكەرشىلىك ارقالاپ، باتىلدىقپەن كۇرەس جۇرگىزىپ، باتىلدىقپەن قيىندىقتاردى جەڭىپ، تىڭ دا اناعۇرلىم زور جەڭىسكە قول جەتكىزۋى كەرەك“.
(شينحۋا اگەنتتىگىنىڭ 5 - ايدىڭ 28 - كۇنى بەيجيڭنەن بەرگەن حابارى)
