«ۇكىمەت قىزمەتىنەن بايانداماداعى» ءتۇيىندى مىندەت بولىستەرىن تۇراقتاندىردى؛ ساياسات پەن قىزمەتتى تياناقتاندىرۋدى مىقتاپ يگەرىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن ورىنداۋدى تالاپ ەتتى
شينحۋا اگەنتتىگىنىڭ 5 - ايدىڭ 29 - كۇنى بەيجيڭنەن بەرگەن حابارى. مەملەكەتتىك كەڭەستىڭ زۇڭليى لي كىچياڭ 5 - ايدىڭ 29 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «ۇكىمەت قىزمەتىنەن بايانداماداعى» ءتۇيىندى مىندەت بولىستەرىن تۇراقتاندىردى، ساياسات پەن قىزمەتتى تياناقتاندىرۋدى مىقتاپ يگەرىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن ورىنداۋدى تالاپ ەتتى.
ءماجىلىس مىنالاردى اتاپ كورسەتتى: ەندى عانا جابىلعان 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى قاراپ ماقۇلداعان «ۇكىمەت قىزمەتىنەن بايانداما» تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرى مەن قىزمەت تۇيىندەرىن تۇراقتاندىرىپ، حالىق بۇقاراسىنىڭ تىلەگىن ايگىلەپ، قوعامداعى ءار جاقتىڭ اقىل - پاراساتىن ۇيىستىردى، ول − ءار دارەجەلى ۇكىمەتتەردىڭ مىندەتتەمەسى، اسكەري سەرتى، ءسوز جوق، قاز - قالپىندا تۇبەگەيلى تياناقتاندىرىپ، ايتقاندى باتىل ورىنداۋ كەرەك. ءماجىلىس «ۇكىمەت قىزمەتىنەن بايانداما» العا قويعان 45 جاقتاعى 51 ءتۇيىندى مىندەتتى مەملەكەتتىك كەڭەستىڭ قاتىستى تاراۋلارىنا ءبىر - بىرلەپ بولەدى.
ءماجىلىس مىنالاردى باسا دارىپتەدى: ءبىرىنشى، ءار دارەجەلى ۇكىمەتتەر پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، ىندەتتەن ساقتانۋ - تىزگىندەۋدى جانە قوعامدىق، ەكونوميكالىق دامۋدى ءبىر تۇتاس جوسپارلاپ ىلگەرىلەتىپ، ”التىنى ورنىقتىرۋ“ قىزمەتىن جاقسى ىستەۋدى، ”التىنى قامتاماسىز ەتۋ“ مىندەتىن تياناقتاندىرۋدى ارقاۋ ەتىپ، قيىنشىلىق قىسپاعىنان قۇتىلدىراتىن جانە بازار ومىرشەڭدىگىن قاۋلاتاتىن كولەمدى ساياساتتى اتقارۋدى جەدەل جاقسى ىستەپ، بوساتۋعا ءتيىستى اقشانى تەز بوساتىپ، تاراتۋعا ءتيىستى زايومدى تەزدەتىپ تاراتىپ، العا قويۋعا ءتيىستى سايكەستى شارالاردى جەدەل العا قويۋ كەرەك. قارجى نەگىزگى ساتىعا تىكە باراتىن، ودان ءونىمدى پايدالانۋعا كەپىلدىك ەتەتىن ەرەكشە مەحانيزم ورناتۋ، قازىنا، قوعامدىق قامسىزداندىرۋ تاراۋلارى ەرەكشە ەسەپ اشىپ، قارجىنى ورتا، شاعىن، ۇساق كاسىپورىندار، جەكەشە ساۋدا - ونەركاسىپشىلەر سياقتى بازار نەگىزگى تۇلعالارىنا جانە قيىنشىلىعى بار بۇقاراعا تىكە بوساتىپ، ورتادان ۇستاپ قالۋدان ساقتانۋ؛ قازىنا - جەرگىلىكتى باقىلاۋ - باسقارۋ، حالىق بانكەسىنىڭ مەملەكەت قويماسىن باسقارۋ، قازىنالىق باقىلاۋ سياقتى قۇرىلىمدار ءوز قىزمەت فۋنكتسياسىن تياناق ەتىپ باقىلاۋ - باسقارۋدى كۇشەيتىپ، باقىلاۋ - باسقارۋدىڭ بىرىككەن كۇشىن قالىپتاستىرىپ، جالعان ەسەپ جاساۋ، الدامكوستىك ىستەۋ سياقتى ارەكەتتەردىڭ بىرەۋى بايقالسا بىرەۋىن تەكسەرىپ ءبىر جاقتى ەتۋ كەرەك. سالىقتى ازايتىپ، اقىنى تومەندەتۋ، ەلەكتر باعاسىن كەزەڭدىك تومەندەتۋ، قارىز اقشانى وسىمىمەن قايتارۋ مەرزىمىن ۇزارتۋ، حالىقتىق اۆياتسيانى دامىتۋ قورى جانە كەمەجاي قۇرىلىسى قاراجاتىن ازايتۋ نەمەسە كەشىرىم ەتۋ مەرزىم شەگىن ۇزارتۋ سياقتى ءتۇرلى ساياساتتاردى دا شىن مانىندە اتقارىپ، قاز - قالپىندا ورىنداۋ كەرەك. بازار نەگىزگى تۇلعالارى مەن قيىنشىلىعى بار بۇقارانىڭ ساياساتتىڭ ”ناق اقشاسىنان“ جاپپاي، تەپە - تەڭ يگىلىكتەنۋىنە وراي جاراتۋ كەرەك. ەكىنشى، رەفورما جاساۋدى، ەسىك اشۋدى اناعۇرلىم زور سەرپىنمەن ىلگەرىلەتۋ. مەيلى قيىن ماسەلەلەردى شەشۋ، الدە دامۋدى جەبەۋ بولسىن، بارلىعىندا رەفورما جاساۋ جاعىندا ءادىس - امال ويلاستىرىپ، جول قاراستىرىپ، ۇيلەسىمسىز شارتتاردى جويىپ، بازار ومىرشەڭدىگى مەن قوعامدىق جاسامپازدىق قۋاتتى ونان ارى قاۋلاتۋ كەرەك. ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرۋدى، ءادىل باسەكەنى جەبەۋدى ۇكىمەت قىزمەتىنىڭ ماڭىزدى ورنىنا قويۋ كەرەك. ىندەتتەن ساقتانۋ - تىزگىندەۋ بارىسىندا كاسىپورىندارعا ىرىقتىلىقپەن قىزمەت وتەگەن جاقسى ادىستەردى جالپىلاستىرىپ، ساقتانۋ - تىزگىندەۋ قاجەتىنە جاتپايتىن باسقارۋ شارالارىن كۇشىنەن قالدىرۋ كەرەك. اناعۇرلىم زور سەرپىنمەن دەربەس ەسىك اشىپ، شەتەل قارجىسىن باۋرايتىن ىرىستى ورتانى، دۇنيە جۇزىنە بەتتەگەن الىپ بازاردى جەتىلدىرۋ كەرەك. ءۇشىنشى، جاۋاپكەرشىلىك سەزىم مەن كوكەي تەستىلىك سەزىمدى كۇشەيتىپ، قىزمەتتى تياناقتاندىرۋدى مىقتاپ يگەرىپ، وبيەكتيۆتىك زاڭدىلىققا قۇرمەت ەتۋ، فورماشىلدىقتى باتىل تيۋ، تاكاپپارلىققا سالىنباۋ كەرەك. مەملەكەتتىك كەڭەستىڭ ءارقايسى تاراۋلارى، ءارقايسى قاتىستى ورىندار «ۇكىمەت قىزمەتىنەن بايانداماداعى» مىندەت بولىسىنە ساي، جاۋاپتى ادامدى، ۋاقىت كەستەسىن تۇراقتاندىرىپ، قول جەتكىزۋگە ءتيىستى كەزەڭدىك جانە سوڭعى ناتيجەنى ايقىنداۋ، سونداي - اق كۇندەلىكتى قاداعالاپ باقىلاپ وتىرۋدى جاقسى ىستەۋ كەرەك. مىندەتكە باستاماشى بولعان تاراۋلار جانە سەلبەسىپ ءبىتىرۋشى تاراۋلار كەلەلى جاعدايدى تياناق ەتىپ، سەلبەسە سايكەسۋى، جالتارماۋى، سالعىلاسپاۋى كەرەك. مەملەكەتتىك كەڭەس كەڭسەسى بەلگىلى مەرزىمدە ەسەپكە سالىستىرا وتىرىپ باقىلاۋى، اياق الىسى باياۋ، ءىس بىتىرۋدە دەن قويماعاندارىن، ونىمدىلىگى كورنەكتى ەمەستەرىن ارناۋلى باقىلاپ - تەكسەرىپ، ءىس تىندىرماعانداردىڭ، بەتالدى ىستەگەندەردىڭ جاۋاپكەرشىلىگىن باتىل تۇردە قۋزاپ، جاۋاپقا تارتىپ، حالىقتىڭ باقىلاۋىن قابىلداپ، حالىقتى شىن مانىندە يگىلىككە كەنەلدىرۋ كەرەك.
ءماجىلىس مىنالاردى تالاپ ەتتى: قازىرگى جاعدايدىڭ كۇردەلىلىگىن، قاتاڭدىعىن تولىق مەجەلەپ، جەر شارىندىق ىندەت جاعدايىنىڭ جانە ەكونوميكالىق اۋقىمنىڭ جاڭا وزگەرىسىن تىعىز قاداعالاپ، ساياساتتى اتقارۋ بارىسىندا كەزىككەن ماسەلەلەردى دەن قويا يگەرىپ جانە شەشىپ، ساياساتتى دەر كەزىندە كەمەلدەندىرىپ، ساياساتتىق دايىندىقتى جاقسى ىستەپ، قاجەتكە ساي ۇيلەسىمدى ۋاقىتتا قاجەتتى جاڭا شارالاردى شىعارىپ، ەكونوميكانىڭ نەگىزگى جاعدايىن ورنىقتىرىپ، ەكونوميكانىڭ ارتۋىن ىسكە اسىرۋدى ىلگەرىلەتىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن ورىنداۋ كەرەك.
