جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سەلبەستىگى جونىندە
شي جينپيڭ مەن پەرۋدىڭ زۇڭتۇڭى ۆيزكاررا ءوزارا حات جولدادى
شينحۋا اگەنتتىگىنىڭ 5 - ايدىڭ 29 - كۇنى بەيجيڭنەن بەرگەن حابارى. تاياۋدا مەملەكەت ءتوراعاسى شي جينپيڭ مەن پەرۋدىڭ زۇڭتۇڭى ۆيزكاررا ءوزارا حات جولداپ، ەكى ەلدىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سەلبەستىگى جونىندە پىكىر اۋىستىردى.
شي جينپيڭ جۇڭگو ۇكىمەتى مەن جۇڭگو حالقى اتىنان پەرۋدە ىندەتتىڭ كەڭەيگەندىگى، ورشىگەندىگى جونىندە پەرۋ ۇكىمەتى مەن حالقىنان تاعى دا شىنايى حال سۇرادى. شي جينپيڭ بىلاي دەپ باسا دارىپتەدى: پەرۋ جاقتىڭ تالابى بويىنشا، جۇڭگو جاق پەرۋگە ىندەتكە قارسى اتتانۋ ەمدەۋ ماماندار گرۋپپاسىن جىبەردى، ولاردىڭ پەرۋدىڭ ىندەتكە قارسى اتتانۋىنا وزىندىك كومەك كورسەتۋىن ءۇمىت ەتەمىن. مەن سىزبەن بىرگە قۇلشىنىپ، ەكى ەلدىڭ ىندەتكە قارسى اتتانۋ سياقتى سالالارداعى ناقتى سەلبەستىگىن كۇشەيتىپ، الەۋمەتتىك دەنساۋلىق ساقتاۋ حاۋىپسىزدىگىن قورعاپ، ەكونوميكانىڭ كۇنى بۇرىن قالپىنا كەلۋىن جەبەپ، اناعۇرلىم كوپ ناقتى ناتيجەلەرمەن كەلەر جىلعى جۇڭگو مەن پەرۋدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قارسى الۋدى قالايمىن.
ۆيزكاررا جۇڭگو ۇكىمەتىنىڭ پەرۋگە ىندەتكە قارسى اتتانۋ ەمدەۋ ماماندار گرۋپپاسىن جىبەرگەندىگىنە، ىندەتتەن ساقتانۋ زاتتىق ماتەريالدارىمەن قامداعاندىعىنا جانە ساتىپ الۋعا قولايلىلىق جاساعاندىعىنا، سونداي - اق ىندەتكە قارسى اتتانۋ تاجىريبەلەرىن ورتاق پايدالانعاندىعىنا العىس ايتتى. ۆيزكاررا مىنانى قايتالاي دارىپتەدى: پەرۋ پەرۋ مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىنا ايرىقشا ءمان بەرەدى. مەن ەكى ەل حالقىنىڭ سەلبەستىك جاساۋ ارقىلى ىندەتتىڭ سىن - سايىسىن سوڭىندا جەڭىپ، پەرۋ مەن جۇڭگو سىندى تاريحى ۇزاق ەكى وركەنيەتتى بايىرعى ەلدىڭ قايسارلىق كورسەتىپ، ءارقانداي جاپا - ماشاقاتتى جەڭە الاتىندىعىن تاعى دا دالەلدەيتىندىگىنە سەنەمىن.
