ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك
شينحۋا اگەنتتىگىنىڭ 5 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 5 - ايدىڭ 29 - كۇنى تۇستەن كەيىن ”ازاماتتىق زاڭنامانى شىنايى اتقارۋ“ جونىندە 20 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ازاماتتىق زاڭناما جۇڭگوشا سوتسياليستىك زاڭ جۇيەسىندە ماڭىزدى ورىندا تۇرادى، نەگىزدى بەكەمدەيتىن، مەجەنى ورنىقتىراتىن، ۇزاق بولاشاققا پايدالى نەگىزدىك سيپات الاتىن زاڭ، مەملەكەتتى جاپپاي زاڭمەن جونگە سالۋدى ىلگەرىلەتۋ، سوتسياليستىك زاڭمەن جونگە سالىناتىن مەملەكەت قۇرۋدى تەزدەتۋ، سوتسياليستىك بازار شارۋاشىلىعىن دامىتۋ، سوتسياليستىك نەگىزگى شارۋاشىلىق ءتۇزىمدى بەكەمدەۋ، حالىقتى وزەك ەتكەن دامۋ يدەياسىنا تاباندى بولۋ، حالىقتىڭ ۇقىق - مۇددەسىن زاڭ بويىنشا قورعاۋ، ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋ، مەملەكەتتى زاڭمەن جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جاقتارىندا تۇگەلدەي كەلەلى ماڭىز الادى. بۇكىل پارتيا ازاماتتىق زاڭنامانى اتقارۋدى شىنايى ىلگەرىلەتىپ، مەملەكەتتى جاپپاي زاڭمەن جونگە سالۋدى اناعۇرلىم ىلگەرىلەتۋ، سوتسياليستىك زاڭمەن جونگە سالىناتىن مەملەكەت قۇرۋ ارقىلى حالىقتىڭ ۇقىق - مۇددەسىن اناعۇرلىم ويداعىداي قامتاماسىز ەتۋ كەرەك.
مەملەكەتتىك حالىق قۇرىلتايى تۇراقتى كوميتەتى زاڭ - ءتۇزىم قىزمەت كوميتەتى ازاماتتىق زاڭ كەڭسەسىنىڭ مەڭگەرۋشىسى، جۇڭگو زاڭ عىلىمى قوعامى اكىمشىلىك زاڭ عىلىمىن زەرتتەۋ قوعامىنىڭ ورىنباسار باستىعى حۋاڭ ۋي جولداس وسى ماسەلە جونىندە تۇسىنىك جاسادى، پىكىر جانە ۇسىنىس قويدى.
شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ باسا دارىپتەدى: «جۇڭحۋا حالىق رەسپۋبليكاسىنىڭ ازاماتتىق زاڭناماسى» جاڭا جۇڭگو قۇرىلعاننان بەرگى ”زاڭناما“ ساناتىندا اتالعان العاشقى زاڭ، جاڭا داۋىردەگى ەلىمىزدىڭ سوتسياليستىك زاڭمەن جونگە سالۋ قۇرىلىسىنىڭ كەلەلى تابىسى. وسى رەتكى توپتىق ۇيرەنۋدى ورنالاستىرۋداعى ماقسات ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، ازاماتتىق زاڭنامانى اتقارۋدى اناعۇرلىم ويداعىداي ىلگەرىلەتۋ بولىپ تابىلادى.
شي جينپيڭ بىلاي دەپ اتاپ كورسەتتى: ەلىمىز توڭكەرىسىنىڭ، قۇرىلىسىنىڭ، رەفورماسىنىڭ ءاربىر تاريحي مەزگىلىندە پارتيامىز ازاماتتىق ىستەر زاڭىن شىعارۋعا، اتقارۋعا ايرىقشا ءمان بەرىپ كەلدى. رەفورما جاساعاننان، ەسىك اشقاننان بەرى، ەلىمىزدىڭ ازاماتتىق ىستەر، ساۋدا ىستەرى زاڭ - ءتۇزىم قۇرىلىسىنىڭ اياق الىسى ۇزدىكسىز تەزدەپ، ىلگەرىندى - كەيىندى ءبىر توپ ازاماتتىق ىستەر، ساۋدا ىستەرى زاڭىن شىعارىپ نەمەسە وعان وزگەرىس ەنگىزىپ، ازاماتتىق زاڭنامانى قۇراستىرۋعا نەگىز قالادى، تاجىريبە توپتادى. پارتيا 18 - قۇرىلتايىنان بەرى، ءبىز امالياتتىڭ دامۋ تالابى مەن حالىق بۇقاراسىنىڭ تىلەگىنە سايكەسىپ، ازاماتتىق زاڭنامانى قۇراستىرۋدى ماڭىزدى كۇن تارتىپكە قويدىق. پارتيا 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسى مەملەكەتتى زاڭ بويىنشا جونگە سالۋدى جالپى بەتتىك ىلگەرىلەتۋگە قاتىستى ءبىرقانشا كەلەلى ماسەلە جونىندەگى قاراردى شىعاردى، مۇنىڭ ىشىندە ازاماتتىق زاڭنامانى قۇراستىرۋ جونىندە ورنالاستىرۋ جاسادى. ءار جاقتىڭ بىرگە قۇلشىنۋىندا، 5 جىلدان استام قىزمەت ارقىلى ازاماتتىق زاڭناما اقىرى اتقارۋعا جاريالانىپ، نەشە بۋىن ادامداردىڭ اسىل ارمانى جۇزەگە استى.
شي جينپيڭ بىلاي دەپ باسا دارىپتەدى: ازاماتتىق زاڭناما جاڭا جۇڭگونىڭ 70 نەشە جىلدان بەرگى ۇزاق ۋاقىتتىق امالياتىندا قالىپتاسقان ازاماتتىق ىستەر زاڭ ولشەمىن جۇيەلى بىرىكتىردى، جۇڭحۋا ۇلتىنىڭ 5000 نەشە جىلعى تاڭداۋلى زاڭ مادەنيەتىن قابىلدادى، ادامزاتتىڭ زاڭمەن جونگە سالۋ وركەنيەت قۇرىلىسىنىڭ پايدالى جەتىستىكتەرىنەن ۇلگى الدى، ەلىمىزدىڭ سوتسياليزم سيپاتىن ايگىلەيتىن، حالىقتىڭ مۇددەسى مەن تىلەگىنە ۇيلەسەتىن، ءداۋىردىڭ دامۋ تالابىنا سايكەسەتىن ازاماتتىق زاڭناما، باس اماندىق، مال - مۇلىك حاۋىپسىزدىگى، ساۋدا - ساتتىققا قولايلىلىق جاساۋ، تۇرمىستىڭ باقىتتى بولۋى، ادامدىق ار - نامىس سياقتى ءار جاقتاعى ۇقىقتى تەڭ تۇرعىدا قورعاۋدى ايگىلەيتىن ازاماتتىق زاڭناما، ايقىن جۇڭگو ەرەكشەلىگىنە، امالياتتىق ەرەكشەلىككە، ءداۋىر ەرەكشەلىگىنە يە ازاماتتىق زاڭناما.
شي جينپيڭ بىلاي دەپ اتاپ كورسەتتى: ازاماتتىق زاڭنامانىڭ كەلەلى ماڭىزى جونىندەگى ۇگىت - تاربيەنى كۇشەيتىپ، ازاماتتىق زاڭنامانى ويداعىداي اتقارۋ − حالىقتى وزەك ەتۋگە تاباندى بولۋدىڭ، حالىقتىڭ ۇقىق - مۇددەسىن جۇزەگە اسىرۋدى جانە دامىتۋدى قامتاماسىز ەتۋدىڭ قاجەتتى تالابى، سوتسياليستىك بازار شارۋاشىلىعىن دامىتۋدىڭ، سوتسياليستىك نەگىزگى شارۋاشىلىق ءتۇزىمدى بەكەمدەۋدىڭ قاجەتتى تالابى، پارتيامىزدىڭ مەملەكەتتى جونگە سالۋ دەڭگەيىن جوعارىلاتۋدىڭ قاجەتتى تالابى ەكەندىگىن ايقىن ءتۇسىندىرۋ كەرەك. ازاماتتىق زاڭنامانى اتقارۋ دەڭگەيى مەن ونىمدىلىگى − ءار دارەجەلى پارتيا، ۇكىمەت ورگاندارىنىڭ حالىق ءۇشىن قىزمەت ىستەۋ باستى ماقساتىن اتقارۋدى تارازىلايتىن ماڭىزدى ولشەم. مەملەكەت ورگاندارى قىزمەت جاۋاپكەرشىلىگىن اتقارۋدا، مىندەت ۇقىعىن جۇرگىزۋدە، ءسوزسىز، ءوزىنىڭ ارەكەتى مەن قيمىل كولەمىن جانە شەگىن ايقىنداۋ كەرەك. ءار دارەجەلى پارتيا جانە مەملەكەت ورگاندارى قىزمەت ورىستەتكەندە ازاماتتىق زاڭنامانىڭ بەلگىلەمەسىن ويلاۋ كەرەك، حالىق بۇقاراسىنىڭ يگىلىكتەنەتىن زاڭدى ازاماتتىق ىستەر ۇقىعىنا سۇعاناقتىق جاساۋعا بولمايدى، بۇل ادامدىق ۇقىق جانە مال - مۇلىك ۇقىعىن قامتيدى. قاتىستى ۇكىمەت ورگاندارى، باقىلاۋ - تەكسەرۋ ورگاندارى، ءادىليا ورگاندارى فۋنكتسياسىن زاڭ بويىنشا اتقارىپ، مىندەت ۇقىعىن زاڭ بويىنشا جۇرگىزىپ، ازاماتتىق ىستەر ۇقىعىنىڭ سۇعاناقتىققا ۇشىراماۋىن قورعاۋ، ازاماتتىق ىستەر قاتىناسىنىڭ جاراسىمدى، ءتارتىپتى بولۋىن جەبەۋ كەرەك.
شي جينپيڭ بىلاي دەپ باسا دارىپتەدى: قاتىستى مەملەكەت ورگاندارى رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ تالابىنا ۇيلەسىپ، ازاماتتىق زاڭنامامەن ءوزارا قاتىستى، ءوزارا سايكەستى زاڭ، زاڭ ەرەجە، ءتۇزىم قۇرىلىسىن كۇشەيتىپ، امالياتتىق تاجىريبەلەردى ۇزدىكسىز قورتىندىلاپ، قاتىستى زاڭدارعا، زاڭ ەرەجەلەرگە جانە ءادىليالىق تۇسىندىرمەلەرگە وزگەرىس ەنگىزۋ جانە ونى كەمەلدەندىرۋ كەرەك. ازاماتتىق زاڭنامانىڭ بەلگىلەمەسىمەن جانە پرينسيبىمەن بىركەلكى بولماعان مەملەكەتتىڭ قاتىستى بەلگىلەمەلەرىن تەز ارادا اداقتاپ، وزگەرىس ەنگىزۋگە تيىستىلەرىنە وزگەرىس ەنگىزۋ، كۇشىنەن قالدىرۋعا تيىستىلەرىن كۇشىنەن قالدىرۋ كەرەك. زاڭدىق تۇسىندىرمەنىڭ رولىن ساۋلەلەندىرىپ، زاڭ بەلگىلەمەسىنىڭ قامتيتىن ءمانىن جانە زاڭ قولدانۋ نەگىزدەرىن دەر كەزىندە ايقىنداپ، ازاماتتىق زاڭنامانىڭ ورنىقتىلىق سيپاتى مەن ۇيلەسۋ سيپاتىنىڭ ءوزارا بىرلىگىن ساقتاۋ كەرەك. ەكونوميكانىڭ، قوعامنىڭ ۇزدىكسىز دامۋىنا، ەكونوميكالىق، قوعامدىق تۇرمىس بارىسىنداعى ءتۇرلى مۇددەلىك قارىم - قاتىناستىڭ ۇزدىكسىز وزگەرۋىنە ىلەسە، ازاماتتىق زاڭنامانى اتقارۋ بارىسىندا ءىشىنارا جاڭا جاعدايلارعا، جاڭا ماسەلەلەرگە جولىعاتىندىعىمىز تابيعي. ماسەلەنى باعدار ەتۋدەن جازباي، تەحنيكا دامۋىنىڭ، العا باسۋىنىڭ جاڭا قاجەتىنە ۇيلەسىپ، جاڭا اماليات نەگىزىندە ازاماتتىق زاڭنامانىڭ ۇزدىكسىز كەمەلدەنۋىن جانە دامۋىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: زاڭدى ءادىل، وركەنيەتتى اتقارۋدى قاتاڭ ارناعا ءتۇسىرىپ، ءادىليانىڭ الەۋمەتتىك سەنىمدىلىگىن جوعارىلاتۋ − ازاماتتىق زاڭنامانىڭ بەدەلىن قورعاۋدىڭ ءونىمدى ءتاسىلى. ءار دارەجەلى ۇكىمەتتەر ازاماتتىق زاڭنامانى ءونىمدى اتقارۋعا كەپىلدىك ەتۋدى ماڭىزدى تۇتقا ەتىپ زاڭمەن جونگە سالىناتىن ۇكىمەت قۇرىلىسىن ىلگەرىلەتىپ، ازاماتتىق زاڭنامانى اكىمشىلىك شەشىم جاساۋدىڭ، اكىمشىلىك باسقارۋدىڭ، اكىمشىلىك باقىلاۋدىڭ ماڭىزدى ولشەمى ەتۋ كەرەك، زاڭدارعا، زاڭ ەرەجەلەرگە قايشى كەلىپ، ازاماتتاردىڭ، زاڭدىق يەنىڭ جانە باسقا دا ۇيىمداردىڭ زاڭدى ۇقىق - مۇددەسىن كەمىتەتىن نەمەسە بورىشىن ارتتىراتىن قاراردى قالاعانشا شىعارۋعا بولمايدى. اكىمشىلىك رۇقسات بەرۋ، اكىمشىلىك جازا، اكىمشىلىك ماجبۇرلەۋ، اكىمشىلىك جيناۋ، اكىمشىلىك اقى الۋ، اكىمشىلىك تەكسەرۋ، اكىمشىلىك كەسىم سياقتى قيمىلداردى ارناعا ءتۇسىرىپ، زاڭ بويىنشا اكىمشىلىك جۇرگىزۋ قابىلەتى مەن دەڭگەيىن جوعارىلاتۋ كەرەك. بۇقارانىڭ زاڭدى ۇقىق - مۇددەسىنە سۇعاناقتىق جاسايتىن ارەكەتتەر مەن ادامداردى زاڭ بويىنشا قاتاڭ ءبىر جاقتى ەتۋ كەرەك. ازاماتتىق ىستەر دەلولارى حالىق بۇقاراسىنىڭ ۇقىق - مۇددەسىمەن قاتىناسى ەڭ تىكە، ەڭ تىعىز. ءار دارەجەلى ءادىليا ورگاندارى ءادىليانى ءادىل جۇرگىزۋدەن جازباي، ازاماتتىق ىستەر دەلولارىنا سوت جۇرگىزۋ قابىلەتى مەن ونىمدىلىگىن جوعارىلاتۋ كەرەك. ازاماتتىق ىستەر ءادىليا قىزمەتىن كۇشەيتىپ، دەلو ىستەۋ ساپاسى مەن ءادىليانىڭ الەۋمەتتىك سەنىمدىلىگىن جوعارىلاتۋ كەرەك. قاتىستى ازاماتتىق ىستەر ءادىليالىق تۇسىندىرمەسىن دەر كەزىندە كەمەلدەندىرىپ، ونىڭ ازاماتتىق زاڭنامامەن، سونداي - اق قاتىستى زاڭ بەلگىلەمەلەرىمەن جانە رۋحىمەن بىردەي بولۋىن ساقتاپ، ازاماتتىق ىستەر زاڭىن قولدانۋ ولشەمىن بىرلىككە كەلتىرۋ كەرەك. مال - مۇلىك ۇقىعىن قورعاۋ، ادامدىق ۇقىقتى قورعاۋ،ءبىلىم مەنشىك ۇقىعىن قورعاۋ، ەكولوگيالىق ورتانى قورعاۋ سياقتى ءتۇيىندى سالالارعا ساياتىن ازاماتتىق ىستەر سوت قىزمەتىن جانە باقىلاۋ، جەتەكشىلىك ەتۋ قىزمەتىن كۇشەيتىپ، قوعام قاداعالاي نازار اۋدارىپ وتىرعان ىستەرگە دەر كەزىندە اڭىس قايتارۋ كەرەك. ازاماتتىق ىستەر پروكۋراتۋرا قىزمەتىن كۇشەيتىپ، ءادىليالىق قيمىلداردى باقىلاۋدى كۇشەيتىپ، ءادىليانىڭ قۇتقارۋ - كومەكتەسۋ ارناسىن ىركىلىسسىزدەندىرىپ، ازاماتتاردىڭ، زاڭدىق يەنىڭ جانە باسقا دا ۇيىمداردىڭ زاڭدى ۇقىق - مۇددەسىن قورعاپ، قىلمىستىق ىستەر دەلولارىن جەلەۋ ەتىپ ازاماتتىق ىستەر داۋ - شارىنا، ەكونوميكالىق داۋ - دامايعا كيلىگۋدەن باتىل ساقتانۋ كەرەك. ادۆوكاتتار ءىسورنى جانە ادۆوكاتتار سياقتى زاڭ ارناۋلى قۇرىلىمدارىنىڭ، كاسىپتىك قىزمەتكەرلەردىڭ رولىن تولىق ساۋلەلەندىرىپ، بۇقارانىڭ ءوزىنىڭ زاڭدى ۇقىق - مۇددەسىن جۇزەگە اسىرۋىنا جانە قورعاۋىنا كومەكتەسۋ كەرەك، سونىمەن بىرگە حالىقتىق جاراستىرۋ، ساۋدا ىستەرىنە تورەلىك ايتۋ سياقتى كوپ نەگىزدەنگەن داۋ - شار شەشۋ مەحانيزمىنىڭ رولىن ساۋلەلەندىرىپ، زاڭدىق كومەك، ءادىليالىق قۇتقارۋ - كومەكتەسۋ سياقتى قىزمەتتەردى كۇشەيتىپ، قوعامدىق كۇشتەر مەن نەگىزگى ساتى ۇيىمدارى ارقىلى ازاماتتىق ىستەر داۋ - شارىن ناقتى شەشىپ، ازاماتتىق زاڭنامانى اتقارۋ قىزمەتىن جان - جاقتى ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: ازاماتتىق زاڭنامانى ويداعىداي اتقارۋدا، ءسوزسىز، ازاماتتىق زاڭنامانى بۇقاراعا جەتكىزۋ، بۇقارانىڭ كوكەيىنە ۇيالاتۋ كەرەك. ازاماتتىق زاڭنامانى جالپىلاستىرۋ قىزمەتىن كەڭ كولەمدە ورىستەتىپ، ونى ”14 - بەسجىلدىق“ كەزىندە زاڭ جالپىلاستىرۋ قىزمەتىنىڭ ءتۇيىنى رەتىندە يگەرىپ، بۇقارانى ازاماتتىق زاڭنامانىڭ ءوزىنىڭ ۇقىق - مۇددەسىن قورعايتىن زاڭناما بولۋمەن بىرگە، جالپى قوعام مۇشەلەرىنىڭ بارلىعى، ءسوزسىز، بويسۇنۋعا ءتيىستى ولشەم ەكەندىگىن تانىپ جەتۋگە، سانالى تۇردە زاڭعا بويسۇنۋ تانىمىنا داعدىلانۋعا، ىسكە جولىققاندا زاڭدى ىزدەۋ ادەتىن قالىپتاستىرۋعا، ماسەلەنى شەشۋدە زاڭعا سۇيەنۋ تانىمى مەن قابىلەتىن جەتىلدىرۋگە جەتەكتەۋ كەرەك. ازاماتتىق زاڭنامانى حالىقتىق وقۋ - اعارتۋ جۇيەسىنە ەنگىزىپ، جاستار مەن ورەندەرگە ازاماتتىق زاڭناما تاربيەسىن كۇشەيتۋ كەرەك. نازاردى ازاماتتىق زاڭنامانىڭ جالپى ەرەجەسىن جاساۋدا جانە ءارقايسى بولىمشەلەرىن جاساۋدا ويداعىداي يگەرۋ قاجەت ەتىلگەن وزەكتى ماڭىزدى مازمۇندارعا جانە ءتۇيىندى ماسەلەلەرگە شوعىرلاندىرىپ، ازاماتتىق زاڭنامانىڭ ازاماتتىق ىستەر ارەكەتى تەڭ تۇرعىدا بولۋ، ءوز ەركىمەن بولۋ، ءادىل، سەنىمدى بولۋ قاتارلى نەگىزگى پرينسيبىن ويداعىداي اشالاپ ءتۇسىندىرۋ، ازاماتتىق زاڭنامانىڭ نەگىزگى تۇلعانىڭ تەپە - تەڭدىگىنە تاباندى بولۋ، مال - مۇلىك ۇقىعىن قورعاۋ، ساۋدا - ساتتىق اينالىمىنا قولايلىلىق جاساۋ، ادامدىق ار - نامىستى قورعاۋ، وتباسى جاراسىمدىلىعىن جەبەۋ، ۇقىققا سۇعاناقتىق جاساۋ جاۋاپكەرشىلىگىن قۋزاستىرۋ سياقتىلار جونىندەگى نەگىزگى تالابىن ويداعىداي اشالاپ ءتۇسىندىرۋ، ازاماتتىق زاڭنامانىڭ ءبىر قىدىرۋ جاڭا بەلگىلەمەسىن، جاڭا ۇعىمىن، جاڭا رۋحىن ويداعىداي شەشىپ ءتۇسىندىرۋ كەرەك.
شي جينپيڭ بىلاي دەپ باسا دارىپتەدى: جۇڭگوشا سوتسياليستىك زاڭمەن جونگە سالۋ نازارياسىن جەتەكشى ەتۋگە تاباندى بولىپ، ەلىمىزدىڭ مەملەكەت جاعدايى مەن ءىس جۇزىندىگىن تياناق ەتىپ، ازاماتتىق ىستەر زاڭ - تۇزىمدەرى نازارياسىن زەرتتەۋدى كۇشەيتىپ، ەلىمىزدىڭ سوتسياليزم سيپاتىن ايگىلەيتىن، ايقىن جۇڭگوشا ەرەكشەلىككە، امالياتتىق ەرەكشەلىككە، ءداۋىر ەرەكشەلىگىنە يە ازاماتتىق زاڭ نازاريا جۇيەسى مەن ءسوز بيلىگى جۇيەسىن تەز ارادا ورناتىپ، ازاماتتىق زاڭنامانى ءونىمدى اتقارۋعا، ەلىمىزدىڭ ازاماتتىق ىستەر زاڭ - تۇزىمدەرىن دامىتۋعا نازاريالىق تىرەك ازىرلەۋ كەرەك.
شي جينپيڭ بىلاي دەپ اتاپ كورسەتتى: ءار دارەجەلى پارتيا مەن مەملەكەت ورگاندارى ازاماتتىق زاڭنامانى اتقارۋدى باستاماشىلدىقپەن ۇگىتتەپ، ىلگەرىلەتىپ، قامتاماسىز ەتىپ، تەكسەرۋ مەن باقىلاۋدى كۇشەيتىپ، ازاماتتىق زاڭنامانىڭ جالپى بەتتىك ءونىمدى اتقارىلۋىنا شىنايى كەپىلدىك ەتۋ كەرەك. ءار دارەجەلى باسشى كادرلار ازاماتتىق زاڭنامانى ۇيرەنۋدىڭ، وعان بويسۇنۋدىڭ، ونى قورعاۋدىڭ ۇلگىسى بولىپ، ازاماتتىق زاڭنامانى قولدانىپ، حالىقتىڭ ۇقىق - مۇددەسىن قورعاۋ، قايشىلىقتاردى، داۋ - شارلاردى شەشۋ، قوعامنىڭ جاراسىمدىلىعىن، ورنىقتىلىعىن جەبەۋ قابىلەتى مەن دەڭگەيىن جوعارىلاتۋ كەرەك.
