شينحۋا اگەنتتىگىنىڭ ءتىلشىسى حۋ جى
5 - ايدىڭ 30 - كۇنى تاڭ ءسارى، 4 - رەتكى ”مەملەكەتتىك عىلىم - تەحنيكا قىزمەتكەرلەرى كۇنى“ كەلۋ قارساڭىندا، چاڭجىڭ 11 - ءنومىرلى قاتتى جانار زاتتى راكەتا كۇركىرەي كوتەرىلىپ، زەڭگىر اسپانعا قاراي زىمىراپ، ”ءبىر راكەتامەن ەكى سەرىك ۇشىرۋ“ تاسىلىندە 2 جاڭا تەحنيكا سىناعى جاساندى سەرىگىن مەجەلەنگەن وربيتاعا ءساتتى جەتكىزدى. 2015 - جىلى 9 - ايداعى تۇڭعىش ۇشۋدان بۇگىنگە دەيىن، چاڭجىڭ 11 - ءنومىرلى راكەتاسى ءۇرتىس 9 رەت 39 جاساندى سەرىكتى ءساتتى تۇردە عارىشقا جەتكىزدى، ءۇرتىس 9 رەت جوعارى دالدىكتە وربيتاعا كىرۋ، ەرەكشە نولدىك تەرەزە ءدال ۋاعىندا ۇشۋ راكەتانىڭ ەرەكشە سەنىمدىلىگىن، مىندەتكە ۇيلەسكىشتىگىن جانە كوپ تۇرلىلەندىرىپ ۇشۋ قۋاتىن تولىق ايگىلەدى.
ۇشۋ ورىندارى كوپ: ”قۇرلىق، تەڭىزدىڭ“ بارىندە ەركىن سامعاي بەرەدى
چاڭجىڭ 11 - ءنومىرلى راكەتانى جۇڭگو عارىش ىستەرى عىلىم - تەحنيكا توبى شەكتى سەرىكتەستىگىنە قاراستى جۇڭگو تاسىمال راكەتا تەحنيكاسىن زەرتتەۋ مەكەمەسى باس بولىپ زەرتتەپ جاساعان، چاڭجىڭ جەلىلەس تاسىمال راكەتالارىنىڭ ىشىندەگى بىردەن - ءبىر قاتتى جانارزارتتى تاسىمال راكەتاسى، تۇرلىشە ۇشىرۋ الاڭدارىندا، تەڭىزدە جانە قۇرلىقتا ۇشىرا بەرۋگە بولادى. راكەتانىڭ جالپى ۇزىندىعى 21 مەترگە تاياۋ، سالماعى 58 توننا، باستاپ ۇشقانداعى يتەرۋ كۇشى 120 توننا، 2 مەترلىك جانە 1.6 مەترلىك ەكى تۇردەگى اۋا اعىنىنان قورعانۋ قاقپاقشاسىن بىردەي پايدالانۋعا بولادى، 500 كيلوگرام ءونىمدى جۇكتى 500 كيلومەتر شالعايداعى كۇنمەن قادامداس وربيتاعا جەتكىزە الادى.
”بۇرىنعى ۇشىرۋ مىندەتتەرىمەن سالىستىرعاندا، وسى رەتكى ۇشىرۋ مىندەتىندە 3 تابىسقا جەتتىك“. چاڭجىڭ 11 - ءنومىرلى راكەتاسىنىڭ باس جوبالاۋشىسى پىڭ كۇنيا تانىستىرىپ بىلاي دەدى: بۇل 3 تابىس مىنالار، تۇڭعىش رەت شيچاڭ جاساندى سەرىك ۇشىرۋ ورتالىعىندا راكەتا ۇشىرۋ مىندەتى ورىندالدى؛ تۇڭعىش رەت ديامەترى 2 مەترلىك اۋا اعىنىنان قورعانۋ قاقپاقشاسى قولدانىلدى؛ تۇڭعىش رەت شىت جاڭا ينفورماتسيالانعان ۇشىرۋ تۇعىرىنان پايدالانىپ ۇشىرۋ مىندەتىن اتقاردىق.
جيۋچۋان جاساندى سەرىك ۇشىرۋ ورتالىعىندا قۇرلىقتان ۇشىرۋ جانە شاندۇڭنىڭ حايياڭىندا تەڭىز بەتىنەن ۇشىرۋدان كەيىن، وسى رەت چاڭجىڭ 11 - ءنومىرلى راكەتا تۇڭعىش رەت شيچاڭ جاساندى سەرىك ۇشىرۋ ورتالىعىندا ۇشىرۋ مىندەتىن اتقارىپ، جاڭا ۇشىرۋ الاڭىنىڭ جاعراپيالىق ەندىك، تەڭىز دەڭگەيىنەن بيىكتىك ارتىقشىلىقتارىنان تولىق پايدالانىپ، ءبىرشاما قىسقا ۋاقىتتا بىرلەسپە جاتتىعۋ جانە باستاپقى ۇشۋ مىندەتىن ورىنداپ، تاسىمال راكەتاسىنىڭ ورتاعا ءبىرشاما كۇشتى ۇيلەسكىشتىگىن تولىق سىناقتان وتكىزدى.
پىڭ كۇنيا تانىستىرىپ بىلاي دەدى: وسىدان بۇرىنعى ديامەترى 1.6 مەتر كەلەتىن اۋا اعىنىنان قورعانۋ قاقپاقشاسىنا سالىستىرعاندا، وسى رەتكى مىندەتتە ديامەترى 2 مەتر كەلەتىن اۋا اعىنىنان قورعانۋ قاقپاقشاسى تۇڭعىش رەت قولدانىلىپ، جاساندى سەرىككە اناعۇرلىم ۇلكەن پايدالانۋ كەڭىستىگىن ازىرلەپ، كوپ سەرىك ۇشىرۋ قاجەتىن اناعۇرلىم جاقسى قاناعاتتاندىردى. ۇشىرىلعان 2 جاساندى سەرىك تىزبەكتەپ ورنالاستىرىلىپ، تۇڭعىش رەت قاتتى جانارزاتتى تاسىمال راكەتاسىندا ىشكى تىرەۋلىك قۇرىلىم جوبالانىپ، اۋا اعىنىنان قورعانۋ قاقپاقشاسى ”loft قۇرىلىمنان“ اۋاشا ورنالاسىپ، جاساندى سەرىككە تاماشا ”قونىس ورتاسى“ مەن ”وتىرۋ ورتاسىن“ ازىرلەدى.
وسى رەتكى مىندەتتە قولدانىلعان شىت جاڭا ۇشىرۋ تۇعىرى جوعارى شوعىرلى، جوعارى زەردەلى ەرەكشەلىكتەرىنە، ۇشىرۋدى دەربەس اتقارۋ قابىلەتىنە يە. ۇشىرۋ ءتۇيىنىن يكەمدى تاڭداپ، قۇرلىقتا ۇشىرۋدىڭ وربيتاعا ۇيلەسكىشتىگىن زور مولشەردە كۇشەيتۋگە بولادى. زەردەلى سىناق جۇيەسى قولدانىلعاندىقتان، ۇشىرۋعا دايىندالۋ ۋاقىتىن زور مولشەردە قىسقارتتى.
”وسى رەتكى ۇشىرۋ چاڭجىڭ 11 - ءنومىرلى راكەتانىڭ ۇشۋ مىندەتىنە ۇيلەسكىشتىگى مەن كوپ تۇرلىلەندىرىپ ۇشۋ قۋاتىن تولىق سىناقتان وتكىزدى، كەلەشەك راكەتالاردىڭ تەڭىز، قۇرلىق سىندى تۇتاس الاپتا ۇشۋ قۋاتىن ۇزدىكسىز كۇشەيتىپ، چاڭجىڭ 11 - ءنومىرلى راكەتاسىن ەل ىشىندەگى ۇيلەسكىشتىگى ءبىرشاما كۇشتى تاسىمال راكەتاسى ەتىپ تۇلعالايمىز“، - دەدى پىڭ كۇنيا.
ۋادە ورىنداۋ پەريودى قىسقا: ايتسا ايتقانداي ”قامدانۋى تەز راكاتا“
جاڭا ۇرپاق تاسىمال راكەتالارى قوسىنىندا، چاڭجىڭ 11 - ءنومىرلى راكەتاسى ”قامدانۋى تەز راكەتا“ دەگەن تاماشا اتقا يە. ونان دا ماڭىزدىسى، عىلىم - تەحنيكا قىزمەتكەرلەرى ۇشىرۋ تاجىريبەسىن ۇزدىكسىز قورىتىندىلاۋ نەگىزىندە ۇزدىكسىز جاڭالاپ، ”تەز راكەتانى“ ءتىپتى دە تەزدەتە ءتۇستى.
بۇرىن، چاڭجىڭ 11 - ءنومىرلى راكەتاسىن ۇشىرۋ مىندەتىنىڭ ۋادەنى ورىنداۋ پەريودىنا 7 − 8 اي، ءتىپتى، ءبىر جىل كەتەتىن، ال قازىر ەرەكشە شەكتى جاعدايدا ءبىر راكەتانىڭ مۇمكىندىگىن نەگىزدەۋدەن ۇشىرۋدى اتقارۋعا دەيىن نە بارى 5 اي عانا ۋاقىت كەتەدى.
”بۇل، تۇرپاتتاۋ قوسىنىنىڭ قاتتى جانارزاتتى تاسىمال راكەتاسىن مىندەت جۇكتەمەي باسقارۋ جانە قاتار جوبالاۋ وي جەلىسىندە ۇزدىكسىز ىزدەنىس جاساۋىنىڭ ارقاسى.“ چاڭجىڭ 11 - ءنومىرلى راكەتاسىنىڭ ورىنباسار باس قولباسشىسى جين شين بىلاي دەدى: زەرتتەۋ - جاساۋ ۇجىمى راكەتا تۇلعاسىن جالپىلىق قۇراستىرۋدا مىندەت جۇكتەمەۋ نەگىزىندە، ۇشۋدى مەڭگەرۋ جۇمساق دەتالىندا دا مىندەت جۇكتەمەۋدى جۇزەگە اسىردى.
”جالپىلىق قۇراستىرۋ مەن سىناقتىڭ ونىمدىلىگى جوعارىلاپ، مۇنان كەيىن چاڭجىڭ 11 - ءنومىرلى راكەتاسىن جوعارى جيىلىكتە ۇشىرۋعا نەگىز قالادى. ۋادەنى ورىنداۋ پەريودى قانشالىقتى قىسقارسا، بازاردىڭ تەز اڭىس قايتارۋ قابىلەتى دە سونشا كۇشەيە تۇسەدى“، - دەدى جين شين.
بازارى ءتىپتى دە كەڭ: ”عارىش ارناۋلى كولىگىنەن“ ورىن شىعاردى
كەزەكتە چاڭجىڭ 11 - ءنومىرلى راكەتا ناقتى قولدانىمدى ساۋدالىق راكەتاعا اينالىپ، بازاردا شىن مانىندە ساۋدالىق ۇشۋدى جۇزەگە اسىردى. كەلەشەكتە زەرتتەۋ - جاساۋ قوسىنى قازىرگى نەگىزدە جاڭاشا راكەتا جاساپ شىعادى، تاسىمال قۋاتى 2 تونناعا جەتەدى.
”تاسىمال قۋاتى قانشا جوعارى بولسا، ءار بىرلىك سالماقتاعى ءونىمدى كوتەرىمدىلىك بويىنشا كەڭىستىككە شىعارۋدىڭ وزىندىك قۇنى سونشا تومەن، راكەتانىڭ ۇنەمدىلىگى سونشا جاقسى بولادى“، - دەدى چاڭجىڭ 11 - ءنومىرلى راكەتاسىنىڭ باس قولباسشىسى لي تۇڭيۇي.
ول كەزدە، راكەتانىڭ ۇشىرۋ اقىسى حالىقاراداعى نەگىزگى ۇشىرۋ اقىسىنىڭ ۇشتەن بىرىندەي بولادى دا، قۋاتتى حالىقارالىق باسەكە ارتىقشىلىعىنا يە بولىپ، ءتۇرلى تۇرپاتتاعى سالماقتارعا ارناۋلى، زاكازدىق قىزمەت وتەۋ ازىرلەپ، جۇڭگونىڭ چاڭجىڭ راكەتاسى ءۇشىن اناعۇرلىم كەڭ ساۋدالىق بازار اشادى.
لي تۇڭيۇي تىلشىگە بىلاي دەدى: زەتتەۋ - جاساۋ قوسىنى نەگىزگى كوتەرىمدىلىكتەن اسىپ قالعان تاسىمال قۋاتى بولعان شارت - جاعدايدا، قوسىمشا الا كەتۋ قىزمەت وتەۋىن اشىپ، ارناۋلى تۇردە كەلەشەكتەگى اسىپ قالعان تاسىمال قۋاتىن پايدالانۋعا تەرەزە اشتى، جۇڭگو تاسىمال راكەتا تەحنيكاسىن زەرتتەۋ مەكەمەسى ءار جارتى جىلدا چاڭجىڭ 11 - ءنومىرلى راكەتانىڭ اسىپ قالعان تاسىمال قۋاتىنىڭ الا كەتۋ ورايىن ينتەرنەتتە جاڭالاپ تۇرادى.
مۇنداي ”عارىش ارناۋلى كولىگىنەن“ ورىندى ىرىقتىلىقپەن شىعارۋ ءادىسى چاڭجىڭ 11 - ءنومىرلى راكەتاسىن ءتىپتى دە كوپ قاريدارعا يە بولۋ مۇمكىندىگىن تۋدىردى. 2018 - جىلى 3 - رەتكى ۇشىرۋدان باستاپ، چاڭجىڭ 11 - ءنومىرلى راكەتاسى ”ارناۋلى كولىك، بىرگە شىعۋ“ سياقتى ۇلگىلەردى جولعا قويىپ، كىشكەنە جاساندى سەرىكتى كوپ تۇرلىلەندىرىپ ۇشىرۋ قاجەتىن قاناعاتتاندىردى.
”كەيىن راكەتانىڭ تاسىمال قۋاتىن ءتىپتى دە زورايتىپ، كەلەشەكتەگى تاسىمال راكەتاسىنىڭ جاڭالانىپ ۇرپاق اۋىستىرۋىنا، تاسىمال راكەتاسىنىڭ ۇنەمدىلىگىن ىشكەرىلەي جوعارىلاتۋعا نەگىز قالاۋدى ءۇمىت ەتىپ وتىرمىز“، - دەدى لي تۇڭيۇي.
(شينحۋا اگەنتتىگىنىڭ 5 - ايدىڭ 30 - كۇنى بەيجيڭنەن بەرگەن حابارى)
