شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 5 - ايدىڭ 30 - كۇنى ۇرىمجىدەن حابارلايدى. 5 - ايدىڭ 26 - كۇنى بيىلعى 240 - رەتكى جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنان جولعا شىقتى. 2016 - جىلى 5 - ايدىڭ 26 - كۇنى رەسمي قاتىناس باستالعاننان بەرى، جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنان 3189 رەت جۇڭگو - ەۆروپا كەزەكشى پويەزى جونەلتىلدى.
4 جىلدان بەرى، شينجياڭ تەمىر جول تاراۋلارى قاريدارلاردىڭ قاجەتىنە ساي، شەكارا سىرتىنداعى تەمىر جول تاراۋلارىمەن بەلسەنە سايكەسىپ، تاسىمال لەنياسىن جانە تاسىمال جوباسىن زەر سالا جوبالاپ، كولەمدەنگەن تاسىمال باسىمدىعىن ساۋلەلەندىرىپ، شينجياڭ مەن ىشكى وڭىرلەردىڭ بىتىراڭقى زات قاينارىن زاتتىڭ تاسىمالدانۋ بەتالىسى بويىنشا جيناپ شوعىرلى تاسىمالداپ، جۇڭگو - ەۆروپا كەزەكشى پويەزدارىنىڭ ءبىرىن - ءبىرى تولىقتاۋ، بىتىراڭقى زاتتاردى ۇرىمجىدە جيناپ شوعىرلى جونەلتەۋ تيجارات ۇلگىسىن قالىپتاستىرىپ، زاتتاردىڭ كۇتىپ قالاتىن ۋاقىتىن ازايتىپ، ”ۇجىمداسىپ كەدەننەن شىعارۋدى“ جۇزەگە اسىردى. ۇلكەن قاريدارلاردىڭ زاتتاردى ۇزدىكسىز تاسىمالداۋ قاجەتىنە ساي، شينجياڭ تەمىر جول تاراۋلارى تۇيىننەن تۇيىنگە باراتىن ارناۋلى پويەز جۇرگىزۋ ءادىسىن قولدانىپ، ءبىر بەكەتتەن شىعىپ توتە جەتۋدى جۇزەگە اسىرىپ، قاريدارلاردىڭ زات تاسىمالداۋداعى وزىندىك قۇنىن تومەندەتتى.
جۋىقتا شينجياڭ تەمىر جول تاراۋلارى كەدەندەرمەن، شەكارا سىرتىنداعى تەمىر جول تاراۋلارىمەن سەلبەستىكتى بەلسەنە كۇشەيتىپ، الاڭ - ايالداما ۇيىمدارى، شەكارا وتكەلىنەن ءوتۋ سياقتى بۋىنداردى ۇزدىكسىز ساپالىلاندىرىپ، 24 ساعات بويى كەدەننەن وتە بەرۋدى جولعا قويىپ، قاريدارلاردى قامبادا ساقتاۋ، ءبولۋ، وتكەرمەلەپ تاسىمالداۋ، كەدەننەن وتكىزۋ سياقتى زات اينالىمى قىزمەت وتەۋىمەن قامدادى ءارى تاسىمال، راسميات وتەۋ سياقتى جاقتارداعى قيىنشىلىقتاردى شەشۋگە سەلبەسىپ، كاسىپ سالاسى تىزبەگى مەن زات اينالىمىمەن قامداۋ تىزبەگىنىڭ ورنىقتىلىعىن كۇش سالا قامتاماسىز ەتتى. ”ءبىز جۇڭگو - ەۆروپا كەزەكشى پويەزىن جونەلتۋ كولەمىن ۇزدىكسىز ۇلعايتىپ، بيىل 1000 رەتتەن استام پويەز جونەلتۋ نىساناسىنا ۇمتىلىپ وتىرمىز“، - دەدى شينجياڭ دالۋچياۋ (توبى) شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى نان جۇن.
ۇعىسۋعا قاراعاندا، قازىر ءۇرىمجى شوعىرلاندىرۋ ورتالىعى جۇڭگو - ەۆروپا كەزەكشى پويەز لەنياسىنان 21ىن اشىپ، 23 مەملەكەت پەن رايوندى قامتىپ، تاسىمالدايتىن زاتتاردى ەڭ باستاپتاعى كۇندەلىك تۇرمىستىق بۇيىمدار، كيىم - كەشەك ونىمدەرىنەن ماشينا جابدىقتارى، سۋ، جىلۋ جۇيەسى قۇرىلىس ماتەريالدارى سياقتى 200دەن استام تۇرگە ۇلعايتىپ، دامۋ قارقىنى مەن كولەمى جاعىندا مەملەكەتتىڭ ەڭ الدىڭعى لەگىنە وتكەن.
