شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ گاڭ، رىن جياڭ، جاڭ جىلي، دۇڭ لياڭ
5 - ايدىڭ 23 - كۇنى، قۇتىبي اۋدانى تيانشان الۋان گۇلدەر كورىنىس وڭىرىندە 700 مۋ جەردە ەسەكبۇرشاق القىزىل ءتۇستى گۇل اشتى. ”كورىنىس ءوڭىرى 4000 مۋدان استام جەردى اينالىمعا سالىپ، گۇل تاماشالاۋ ساياحاتىن اشتى، قازىر اپتانىڭ اياعىندا كورىنىس وڭىرىنە 1000نىڭ ۇستىندە ادام ساياحاتتاپ كەلەدى“، - دەدى كورىنىس ءوڭىرىنىڭ جاۋاپتىسى ياڭ جان - ىن.
وسى كورىنىس ءوڭىرى ىريۋەلان، چىشىجۇي، ەسەكبۇرشاق، كۇنباعىس سياقتى گۇلدەر مەن ەگىس داقىلدارىن ەكتى، 5 - ايدان 10 - ايعا دەيىن، ساياحاتشىلار كورىنىس وڭىرىندە ءار ءتۇرلى گۇلدەردى تاماشالاي الادى.
سوڭعى جىلدارى، بۇكىل شينجياڭنىڭ جەر - جەرىندە گۇل تاماشالاۋدى ارقاۋ ەتكەن ءبىرسىپىرا الۋان گۇلدەر كورىنىس ءوڭىرى قالىپتاستى.
”بيىل قىستاعىمىز 1100 مۋدان استام جەرگە جوڭىشقا، ەسەكبۇرشاق، سۋدان ءشوپ قاتارلىلاردى ەكتى“. ءۇرىمجى اۋدانى شۇيشيگوۋ قالاشىعى شياۋدۇڭگوۋ قىستاعى قىستاق تۇرعىندار كوميتەتىنىڭ مەڭگەرۋشىسى ۋاڭ يۋەفۋدىڭ تانىستىرۋىنشا، 2017 - جىلدان باستاپ، شياۋدۇڭگوۋ قىستاعى ءۇرىمجىنىڭ ۇلكەن نانشان حالىقارالىق ساياحات ءوڭىرىن قۇرۋ ورايىن مىقتى ۇستاپ اۋىل - قىستاق ساياحاتىن دامىتىپ، 2000 نەشە مۋ جەرگە پارسى شاشاقباسى مەن سەپپە كوكنار ەگىپ، ايبىندى ”گۇل القابىن“ قالىپتاستىرعان.
جەر - جەردىڭ بارلىعى گۇل تاماشالاۋ ساياحاتىنىڭ مازمۇنىن ۇزدىكسىز بايىتىپ، اسەم گۇلدەردى جايقالتتى.
”ءبىز 50 − 100 مۋ جەردە جيناۋ - ءۇزۋ ساياحاتىن دامىتۋدى جوسپارلاپ وتىرمىز، ساياحاتشىلار جيناۋ - ءۇزۋدىڭ قىزىعىنا باتىپ، ورگانيكالىق كوكونىستەردەن ءدام تاتا الادى“، - دەدى ۋاڭ يۋەفۋ.
2019 - جىلى 25 مالشىلار شاتتىعى ساياجايىن اشۋ نەگىزىندە، قۇتىبي اۋدانى تيانشان الۋان گۇلدەر كورىنىس ءوڭىرى بيىل تاعى دا 25 مالشىلار شاتتىعى ساياجايىن اشادى.
گۇل القاپتارىنىڭ ءبىر - بىرىنە ۇقساپ كەتۋىنەن قالاي ساقتانۋعا بولادى؟
الۋان گۇلدەر جايقالعان نارات ەكولوگيالىق اۋىل شارۋاشىلىعى سەيىل - سەرۋەن باقشاسى بۇرىنعى نارقايسار قامشى ءشوپ، لاۆاندا، گىساڭحۋا سياقتى گۇلدەر نەگىزىندە، جاڭا گۇل سورتتارىن ۇزدىكسىز ەنگىزدى، قازىردىڭ وزىندە 60 نەشە ءتۇرلى گۇل سورتىن ەنگىزدى، سونداي - اق قىشى، قاراقۇمىق سياقتى گۇل اشاتىن ەگىس داقىلدارىن، قارماق ءشوپ، قاراقات، حۇڭشۋمەي سياقتى جەمىستەردى ەگىپ، جيناۋ - ءۇزۋ ساياحاتىن دامىتتى. ”باقشا اۋماعى اۋىل شارۋاشىلىعى + ساياحات ۇلگىسى ارقىلى قالا مەن اۋىل - قىستاق ۇشتاسقان باۋ - باقشا كەشەنىن قالىپتاستىردى“، - دەدى سەيىل - سەرۋەن باقشاسىنىڭ تيجارات باس ديرەكتورى شۇي جىنۋي.
توقسۋ اۋدانى قۇمدى ءشول الۋان گۇلدەر كورىنىس ءوڭىرى بيىل كەمپىرقوساق سىرعىما جولى سياقتى ساياحات تۇرلەرىن جاڭادان قوستى. وسى كورىنىس ءوڭىرى راۋشاننىڭ 25 ءتۇرىن ەكتى، ءار تۇردەگى راۋشاننىڭ جايناي تۇسۋىنە مۇمكىندىك جاساۋ ءۇشىن، كورىنىس ءوڭىرى بۇكىل ەلگە ايگىلى راۋشان جەتىلدىرەتىن جەر حىنان ولكەسى نانياڭ قالاسىنىڭ راۋشان جەتىلدىرۋ بازاسىمەن سەلبەستىك جاساپ، جاڭا سورتتى ۇزدىكسىز زەرتتەپ جەتىلدىرىپ، كاسىپ تىزبەگىن ۇزارتتى.
قازىر بۇكىل شينجياڭدا گۇل تاماشالاۋ ساياحاتى كوپ نەگىزدە توعىسا دامۋدا، جەر - جەردەگى گۇل تاماشالاۋ كورىنىس وڭىرلەرى ەكولوگيالىق كۇتىمدەلۋ، سەيىل - سەرۋەن، سايالاۋ، زەرتتەۋ - وقىتۋ ساياحاتى سياقتىلاردى جارىققا شىعارىپ، كوپ كاسىپ كۇيلەرىنىڭ توعىسا دامۋ جاعدايىن قالىپتاستىرىپ، فورماسى الۋان ءتۇرلى، ەرەكشەلىگى ايقىن ونىمدەردى شىعارىپ، ءوزىنىڭ ەرەكشە ماركاسىن قالىپتاستىرۋدا.
