شينجياڭ گازەتىنىڭ جالپىلىق اقپارات قۇرالدارى ءتىلشىسى يە شياۋمين 5 - ايدىڭ 31 - كۇنى ۇرىمجىدەن حابارلايدى. ءتىلشىنىڭ ءۇرىمجى قالالىق كەدەيلەردى سۇيەمەلدەۋ، وركەندەتۋ باسشىلىق گرۋپپاسى كەڭسەسىنەن ۇعىسۋىنشا، بيىل ءۇرىمجى قالاسى 31 كومەكتەسۋ - سۇيەمەلدەۋ نىسانىن بەلگىلەپ، جىلدىق كومەكتەسۋ - سۇيەمەلدەۋ قارجىسىن 190 ميلليون يۋانعا جەتكىزىپ، حوتان ايماعىنا باعىتتامالى سايكەسىپ كومەكتەسۋ - سۇيەمەلدەۋ تەبىنىن ۇزدىكسىز ارتتىرادى ەكەن.
نىساندار وقۋ - اعارتۋ، ەمدەۋ، اۋىل شارۋاشىلىق ونىمدەرىن مانەرلەۋ، ەرەكشە باعىمشىلىق، ەلەكتروندىق ساۋدا، ساياحات، جۇمىستانۋعا باۋلۋ، اۋلا شارۋاشىلىعى، نەگىزدىك قۇرىلعى سەپتەۋ سياقتى سالالاردى قامتيدى.
حوتان ايماعىنىڭ كاسىپ سالاسىنا ”قان جاساۋ ۇلگىسىندە“ كومەكتەسۋ - سۇيەمەلدەۋدى ۇزدىكسىز ىلگەرىلەتۋ ءۇشىن، ءۇرىمجى قالاسى حوتان ايماعىنىڭ ەڭبەككۇش شوعىرلى كاسىپ سالالارىنىڭ دامۋىنا قولداۋ كورسەتىپ، كيىم - كەشەك تىگۋ قاتارلى ەڭبەككۇش شوعىرلى كاسىپورىنداردى ەنگىزۋىنە كومەكتەستى؛ حوتان ايماعىنىڭ ەرەكشە اۋىل شارۋاشىلىق ونىمدەرىن، ساياحات ونىمدەرىن اشۋ تەبىنىن ارتتىردى. بيىل ءۇرىمجى قالاسى تاعى ءبىر ميلليون يۋان نىساننىڭ العاشقى مەزگىلدىك قاراجاتىن ورنالاستىرىپ، ماماندانعان ۇجىم ۇسىنىس ەتىپ، حوتاننىڭ زات اينالىمى باقشا رايونىنىڭ جانە 1000 مۋلىق زات اينالىمى باقشا نىسانىنىڭ ەگجەي - تەگجەيلى جوباسىن جوسپارلاپ جاساۋعا كومەكتەسىپ، مەملەكەت قارجىلاندىرعان كاسىپورىنداردى، حالىقتىق كاسىپورىنداردى زات اينالىمى باقشا رايونىنىڭ قۇرىلىسىنا ات سالىسۋعا شابىتتاندىردى ءارى جەتەكتەدى. قازىر زات اينالىمى باقشاسىنىڭ باستاپقى جوبا نۇسقاسى ورىندالدى.
حوتان ايماعىنىڭ اۋىل شارۋاشىلىق كاسىپ سالاسىن كولەمدەندىرىپ دامىتۋىن قولداپ، جەرگىلىكتى ەگىنشى - مالشىلاردىڭ كىرىسىن ارتتىرۋ ءۇشىن ءۇرىمجى جيۋديڭ، شينليان سياقتى كوكونىس تولايىم ساتۋ بازارلارى حوتان كوكونىسىن ارنايى ساتۋ اۋماعىن اشتى، ءۇرىمجى قالاسىنداعى كوپتەگەن كوكونىس تىكە ساتۋ ءتۇيىنى شارۋاشىلىعىن جۇرگىزىپ وتىرعان كاسىپورىندار حوتان اۋدانىمەن كوكونىس ەگۋ كەلىسىمىن جاسادى.
ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) جۇڭيا سولتۇستىك جولى اۋماعىنداعى حۋارۇن ۋانجيا ەرەن بازارىنىڭ گۇما اۋدانى سانجۋ قالاشىعى كەدەيلەرىن دالمە - ءدال سۇيەمەلدەۋ ارناۋلى سورەسىندە، جاڭعاق ءدانى، شىلان سياقتى شينجياڭنىڭ ءداستۇرلى ەرەكشە اۋىل شارۋاشىلىق ونىمدەرىنەن سىرت، مايمىل باس ساڭىراۋقۇلاق، اعاش ساڭىراۋقۇلاعى، اق جالبىرقۇلاق سياقتى جەرگىلىكتى ورىن جاڭادان جەتىلدىرگەن اۋىل شارۋاشىلىق قوسىمشا ونىمدەرى دە تۇر.
ءۇرىمجى قالالىق كەدەيلەردى سۇيەمەلدەۋ، وركەندەتۋ باسشىلىق گرۋپپاسى كەڭسەسىنىڭ قاتىستى جاۋاپتىسى تانىستىرىپ بىلاي دەدى: 2019 - جىلدان 2023 - جىلعا دەيىن ءۇرىمجى قالاسى جىل سايىن 10 ميلليون يۋان سالىپ، حوتان ايماعىنان كوكونىس جانە ءۇي قۇستارىنىڭ ەتى تۇرىندەگى ونىمدەردى ۇرىمجىگە تاسىپ اكەلۋگە تاسىمال قوسىمشا قاراجاتىن بەرىپ، جەرگىلىكتى اۋىل شارۋاشىلىق ونىمدەرىنىڭ ساتىلۋى قيىن بولۋ ماسەلەسىن شەشەدى.
ءتىپتى دە كوپ اۋىل شارۋاشىلىق ونىمدەرىنىڭ ەلەكتروندىق ساۋدا بازارىنا كىرۋىنە ىلەسە، ءۇرىمجى قالاسى ەلەكتروندىق ساۋدا ارقىلى كەدەيلەردى سۇيەمەلدەۋدىڭ جاڭا ۇلگىسىندە بەلسەنە ىزدەنىس جاسادى. ساپالى ەلەكتروندىق ساۋدا تۇعىرى كاسىپورىندارىن، ماركا تانىستىرۋ - ساتۋ كاسىپورىندارىن حوتان ايماعىنداعى ەلەكتروندىق ساۋدا كاسىپورىندارىمەن بايلىقتى ءتۇيىلىستىرىپ، حوتان ايماعىنىڭ جاڭعاق ءدانى، ورىك، انار، شىلان سياقتى اۋىل شارۋاشىلىق قوسىمشا ونىمدەرىن ساتىپ الۋعا ۇيىمداستىردى. مۇنىڭ ىشىندە ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) ەلەكتروندىق ساۋدا قوعامى باستاماشى بولىپ حوتان ايماعىنىڭ 32 اۋىر كەدەي قىستاعىمەن قىستاق ەلەكتروندىق ساۋدا ىستەرى قىزمەت وتەۋ پۋنكتتەرىن قۇرىپ، حوتان شارۋالارىنىڭ اۋىل شارۋاشىلىق قوسىمشا ونىمدەرىن ساتۋىنا كومەكتەستى. قازىر ۇرىمجىدەگى ەلەكتروندىق ساۋدا كاسىپورىندارى مەن حوتان ايماعى ءبىرشاما تۇراقتى ءوندىرۋ - ساتۋدى ءتۇيىلىستىرۋ تىزبەگىن بىرتىندەپ قالىپتاستىرىپ، ينتەرنەتتە ساتىلاتىن ايگىلى ماركانى تۇلعالاپ، جەرگىلىكتى ورىننىڭ اۋىل شارۋاشىلىق ونىمدەرىنىڭ ينتەرنەتتە ساتىلۋىن جەبەدى.
