تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن جەتكىزدى، ۇيرەندى، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 20 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى

ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جاڭا جەڭىسىن قولعا كەلتىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك

چىن چۋانگو ءماجىلىستى باسقاردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 5 - ايدىڭ 31 - كۇنى ۇرىمجىدەن حابارلايدى. 5 - ايدىڭ 31 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن جەتكىزدى، ۇيرەندى، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 20 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى مەن مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى بۇكىل ەلدەگى ىندەتتەن ساقتانۋ - تىزگىندەۋ توسقاۋىل شايقاسى ەلەۋلى ستراتەگيالىق تابىسقا قول جەتكىزگەن، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ بەلسەندى ناتيجەگە قول جەتكىزگەن ماڭىزدى ساتتە اشىلعان ءبىر رەتكى ماڭىزدى ءماجىلىس، ەلىمىزدىڭ ساياسي ومىرىندەگى ءىرى ءىس. باس شۋجي شي جينپيڭنىڭ ەكى ءماجىلىس كەزىندە سويلەگەن ماڭىزدى سوزدەرى كەزەكتەگى جانە الداعى ءبىر مەزگىلدەگى پارتيا مەن مەملەكەت قىزمەتىن تىڭعىلىقتى جاقسى ىستەۋگە، اسىرەسە، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋگە ايقىن العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى. جەر - جەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋدىڭ نىسانالارى مەن مىندەتتەرىن ورىنداۋعا شىنايى كەپىلدىك ەتۋ كەرەك.

  ءبىرىنشى، ىندەتتەن ساقتانۋ - تىزگىندەۋدى ۇدايىلاندىرۋدى جاقسى ۇستاۋ كەرەك. ىندەتتەن ساقتانۋ - تىزگىندەۋ سىندى ارقاۋدى قاي - قاشان دا مىقتاپ شيراتىپ، سىرتتان كىرۋدەن ساقتانۋدىڭ، ىشتە قايتا بەلەڭ بەرۋدەن ساقتانۋدىڭ شارالارىنا تاباندى بولىپ جانە ونى كەمەلدەندىرىپ، شەكارا وتكەلدەرىندەگى، ءتۇيىندى ورىندارداعى، ءتۇيىندى ادامدار شوعىرىنداعى ساقتانۋ - تىزگىندەۋدى كۇشەيتىپ، ءار ۇلت بۇقاراسىن عىلمي ساقتانۋ - قورعانۋعا تاربيەلەپ، جەتەكتەپ، ىندەتتەن ساقتانۋ - تىزگىندەۋدىڭ تابىستارىن ۇزدىكسىز بەكەمدەۋ كەرەك.

  ەكىنشى، ەكونوميكانىڭ جوعارى ساپالى دامۋىن ىلگەرىلەتۋ كەرەك. ”التىنى ورنىقتىرۋ“، ”التىنى قامتاماسىز ەتۋ“ مىندەتتەرىن باتىل تياناقتاندىرىپ، قىزمەتتىڭ ىرىقتىلىق ۇقىعىن يگەرىپ، دامۋدىڭ ىرىقتى شايقاسىن جاقسى جۇرگىزۋ؛ كاسىپورىندارعا تيىمدىلىك جاساۋ ساياساتتارىن جالپى بەتتىك تياناقتاندىرىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، بازار تۇلعالارىنىڭ ومىرشەڭدىگىن قاۋلاتۋ؛ ءتۇيىندى كاسىپ سالاسى تىزبەگىن، باستاماشى كاسىپورىنداردى، كەلەلى قارجى قوسۋ نىساندارىن ارقاۋ ەتە وتىرىپ دالمە - ءدال شارا قولدانىپ، ناقتى ەكونوميكانى جاقسارتۋ، كۇشەيتۋ؛ كوپ شارانى قاتار قولدانىپ تۇتىنۋدى جانداندىرىپ جانە ىلگەرىلەتىپ، ىشكى سۇرانىستى ءونىمدى كەڭەيتىپ، ىشكى قوزعاۋشى كۇشتى كۇشەيتۋ؛ جىبەك جولى ەكونوميكالىق بەلدەۋى وزەكتى رايونى قۇرىلىسىن تىڭعىلىقتى ىلگەرىلەتىپ، سىرتقى ساۋدانى، شەتەل قارجىسىن ورنىقتىرىپ، ەسىك اشۋ ورەسىن جوعارىلاتۋ؛ رەفورما جاساۋدى، جاڭالىق اشۋدى تەرەڭدەتىپ، ستراتەگيالىق جاڭادان گۇلدەنگەن كاسىپ سالالارىنىڭ دامۋىن جەدەلدەتىپ، جاڭا ارتۋ تۇيىندەرىن، ارتۋ ۇيەكتەرىن قالىپتاستىرۋ كەرەك.

  ءۇشىنشى، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك. ”ەكىدەن تارىقتىرماۋ، ۇشتە قامتاماسىز ەتۋمەن“ تىعىز بايلانىستىرىپ، ”التى دالمە - ءدالدى“ تياناقتاندىرىپ، كاسىپتى دامىتۋ ارقىلى جۇمىستاندىرۋدى جەبەۋدى كورنەكتىلەندىرىپ، شايقاستى باسى - قاسىندا قاداعالاۋدى، ماسەلەلەردى رەتتەۋ - تۇزەتۋدى، قايتا كەدەيلەسۋدى قاداعالاۋدى، تابىستاردى بەكەمدەۋدى كۇشەيتىپ، كەدەيلىكتەن ارىلتۋدان قامال الۋ مەن اۋىل - قىستاقتى گۇلدەندىرۋدىڭ ورگانيكالى ۇشتاسۋىن جەبەۋ كەرەك.

  ءتورتىنشى، حالىق تۇرمىسىن كۇش سالا قامتاماسىز ەتۋ جانە جاقسارتۋ كەرەك. حالىققا ءتيىمدى ينجەنەريالاردى ۇزدىكسىز اتقارىپ، بار امالمەن جۇمىستانۋدى ورنىقتىرىپ، كەڭەيتىپ، بۇقارا كوڭىل ءبولىپ وتىرعان ءىس جۇزىندىك ماسەلەلەردى شىن نيەتپەن، شىنايى سۇيىسپەنشىلىكپەن كۇش سالا شەشىپ، ەرەكشە كەدەي شوعىردى تولىق قامتاماسىز ەتۋدى كۇشەيتىپ، ءار ۇلت بۇقاراسىنىڭ وزگەرىستى كورۋىنە، تيىمدىلىككە كەنەلۋىنە مۇمكىندىك جاساۋعا قۇلشىنۋ كەرەك.

  بەسىنشى، ۇلتتار ىنتىماعىن بەكەمدەۋ، دامىتۋ كەرەك. پارتيانىڭ ۇلت ساياساتىن جاپپاي دايەكتىلەندىرىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلدارىن ۇزدىكسىز ىشكەرىلەي ورىستەتىپ، ۇلتتار ىنتىماعى ۇگىت - تاربيەسىن جانە ۇلتتار ىنتىماعى، العاباسارلىعىندا وزات ورىن قۇرۋ قيمىلىن كەڭىنەن قانات جايدىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى ورتاق تۇلعا تانىمىن سومداۋ كەرەك.

  التىنشى، ەكولوگيالىق وركەنيەت قۇرىلىسىن كۇشەيتۋ كەرەك. تۇنىق سۋ، جاسىل تاۋ باعالى بايلىق، اق قار، كوك مۇز دا باعالى بايلىق ۇستانىمىن بەرىك ورناتىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن ۇزدىكسىز جاقسى جۇرگىزىپ، اۋىل - قىستاقتىڭ قونىس ورتاسىن رەتتەۋ - وڭاۋدى ىشكەرىلەي ورىستەتىپ، لاستانۋدان ساقتانۋدان جانە ونى وڭاۋدان قامال الۋ شايقاسىنىڭ جەڭىسىنە باتىل قول جەتكىزىپ، جاسىل دامۋ ءتاسىلى مەن تۇرمىس ءتاسىلىن قالىپتاستىرۋدى جەدەل ىلگەرىلەتىپ، كورىكتى شينجياڭ قۇرۋعا قۇلشىنۋ كەرەك.

  جەتىنشى، الەۋمەتتىك دەنساۋلىق ساقتاۋ قورعانىس تورىن بەكەمدەۋ كەرەك. ولقىلىقتاردى تولىقتاۋدى، ساڭلاۋلاردى بىتەۋدى، ءالسىز تۇستاردى كۇشەيتۋدى كوزدە ۇستاپ، ەلەۋلى ىندەتتەن ساقتانۋ - تىزگىندەۋ ءتۇزىلىسىن، مەحانيزمىن كەمەلدەندىرىپ، الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرىپ، اۋرۋدىڭ الدىن الۋ، تىزگىندەۋ جۇيەسىنە رەفورما جاساپ، كەمەلدەندىرىپ، وتانشىلدىق تازالىق قيمىلىن ىشكەرىلەي ورىستەتىپ، قالا مەن اۋىلدىڭ ورتاسىن رەتتەۋ - وڭاۋدى ىلگەرىلەتىپ، الەۋمەتتىك دەنساۋلىق ساقتاۋ قۇرىلعىلارىن كەمەلدەندىرىپ، وركەنيەتتى، اقاۋسىز، جاسىل، قورشاعان ورتانى قورعايتىن تۇرمىس ءتاسىلىن دارىپتەۋ كەرەك.

  سەگىزىنشى، قوعامنىڭ كەلەلى جاعدايىنىڭ ورنىقتىلىعىن قورعاۋ كەرەك. نازاردى باس نىساناعا شوعىرلاندىرىپ، كەشەندى شارانى جاقسى قولدانىپ، ورنىقتىلىقتى قورعاۋدىڭ ءونىمدى شارالارىنان مىزعىماۋعا تاباندى بولىپ، ورنىقتىلىقتىڭ پايداسىن ۇزدىكسىز جارىققا شىعارىپ، ىندەتتەن ساقتانۋ - تىزگىندەۋ، ەكونوميكالىق دامۋ، كەدەيلىكتەن ارىلتۋدان قامال الۋ سياقتى قىزمەتتەردى ءبىر تۇتاس جوسپارلاپ جاقسى ىستەۋگە تاماشا ورتا ازىرلەۋ كەرەك.

  توعىزىنشى، ستيلدە بۇرىلىس جاساپ، جاۋاپكەرشىلىك ارقالاۋدى كۇشەيتۋ كەرەك. اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانى جاپپاي قاتاڭ جونگە سالۋدى پارتيا قۇرىلىسىنىڭ تۇتاس بارىسىنا ءسىڭىرىپ، دۇرىس ۇقىق كوزقاراسىن، ساياسي ناتيجە كوزقاراسىن، ءىس كوزقاراسىن بەرىك ورناتىپ، قۇر ساۋلەتكە، جالعان ناتيجەگە، قۇر اتاققا بوي ۇرماي، ستيلدى تۇزەتۋدى، ءتارتىپتى قاتايتۋدى ۇزبەي جالعاستىرىپ، فورماشىلدىققا، تورەشىلدىككە تاباندىلىقپەن قارسى تۇرىپ جانە ولاردى جويىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي تىڭعىلىقتى تياناقتاندىرۋ كەرەك.

  ءماجىلىس مىنالاردى باسا دارىپتەدى: باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 20 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، ۇگىتتەۋ، دايەكتىلەندىرۋ، اتقارۋ قىزمەتتەرىن تىڭعىلىقتى جاقسى ىستەپ، حالىقتىڭ زاڭدى ۇقىق - مۇددەسىن اناعۇرلىم ويداعىداي قامتاماسىز ەتۋ كەرەك. ءار دارەجەلى ۇكىمەتتەر ازاماتتىق زاڭنامانى ءونىمدى اتقارۋعا كەپىلدىك ەتۋدى ماڭىزدى تۇتقا ەتىپ، زاڭمەن جونگە سالىناتىن ۇكىمەت قۇرىلىسىن ىلگەرىلەتىپ، ازاماتتىق زاڭنامانى اكىمشىلىك شەشىم جاساۋدىڭ، اكىمشىلىك باسقارۋدىڭ، اكىمشىلىك باقىلاۋدىڭ ماڭىزدى ولشەمى ەتىپ، زاڭ بويىنشا اكىمشىلىك جۇرگىزۋ قابىلەتى مەن ورەسىن جوعارىلاتۋ كەرەك. ءار دارەجەلى ءادىليا ورگاندارى ازاماتتىق ىستەر ءادىليا قىزمەتىن كۇشەيتىپ، ءادىليانىڭ الەۋمەتتىك سەنىمدىلىگىن جوعارىلاتىپ، قوعامدىق ادىلدىكتى، تۋراشىلدىقتى جەبەۋ كەرەك. ازاماتتىق زاڭنامانى جالپىلاستىرۋ قىزمەتىن كەڭىنەن ورىستەتىپ، ازاماتتىق زاڭنامانى حالىقتىق وقۋ - اعارتۋ جۇيەسىنە كىرگىزىپ، ءبىر قىدىرۋ جاڭا بەلگىلەمەلەردى، جاڭا ۇعىمداردى، جاڭا رۋحتاردى ءتۇسىندىرىپ، ازاماتتىق زاڭنامانى بۇقاراعا جەتكىزۋ، بۇقارانىڭ كوكەيىنە ۇيالاتۋ كەرەك. ءار دارەجەلى ءارقايسى تاراۋلار ازاماتتىق زاڭنامانىڭ اتقارىلۋىن باستاماشىلىقپەن ۇگىتتەپ، ىلگەرىلەتىپ، قامتاماسىز ەتۋ، ءار دارەجەلى باسشى كادرلار ازاماتتىق زاڭنامانى باستاماشىلىقپەن ۇيرەنۋ، بويسۇنۋ، قورعاۋ، جالپى بەتتىك ءونىمدى اتقارىلۋىنا شىنايى كەپىلدىك ەتۋ كەرەك.

  شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.