جاپپاي دوڭگەلەك داۋلەتتى قوعام ورناتۋداعى ولقىلىقتاردى تولىقتاۋ ماسەلەسى جونىندە
شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى. 6 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 11 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى «جاپپاي دوڭگەلەك داۋلەتتى قوعام ورناتۋداعى ولقىلىقتاردى تولىقتاۋ ماسەلەسى جونىندە» جاريالانادى.
ماقالادا مىنالار باسا دارىپتەلدى: پارتيا 18 - قۇرىلتايىنان بەرى، پارتيامىز حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، قيىندىقتاردان قامال الىپ، ۇدەرە العا تارتىپ، جاپپاي دوڭگەلەك داۋلەتتى قوعام ورناتۋ تاريحي تابىستارعا قول جەتكىزدى. رەفورما جاساۋدىڭ، ەسىك اشۋدىڭ العاشقى مەزگىلىندە پارتيا ورتالىق كوميتەتى دوڭگەلەك داۋلەتتى قوعام قۇرۋ ستراتەگيالىق ويىن العا قويعاننان بەرى، بىرنەشە ۇرپاقتىڭ تاباندىلىقپەن جالعاستىرىپ، ۇزدىكسىز كۇرەس جۇرگىزۋىندە، جالپى جاقتان العاندا، ەلىمىز جاپپاي دوڭگەلەك داۋلەتتى قوعام ورناتۋ نىساناسىن نەگىزىنەن جۇزەگە اسىردى، ناتيجەسى العاشقى مەجەدەگىدەن الدەقايدا جاقسى بولدى. وسىنداي ماڭىزدى تۇجىرىم جاساۋدىڭ تولىق نەگىزى بار. حالىقارالىق قوعام ەلىمىزدىڭ دامۋ تابىستارىن جاپپاي القادى.
ماقالادا مىنالار اتاپ كورسەتىلدى: قازىر جاپپاي دوڭگەلەك داۋلەتتى قوعام ورناتۋدا كەيبىر ولقىلىقتار دا ساقتالىپ وتىر، ءسوز جوق، جەدەل تولىقتاۋ كەرەك. نازاردى ولقىلىقتارعا، ءالسىز تۇستارعا شوعىرلاندىرىپ، دالمە - ءدال قامال الۋ كەرەك. قىزمەت بارىسىندا تومەندەگى بىرنەشە قاتىناستى ويداعىداي يگەرۋ كەرەك. ءبىرىنشى، جالپى تۇلعالىق نىسانا مەن جەكە نىسانانىڭ قاتىناسىن ويداعىداي يگەرۋ. جاپپاي دوڭگەلەك داۋلەتتى قوعام ورناتۋ − مەملەكەتتىڭ جالپى تۇلعالىق نىساناسى، ەلىمىزدىڭ دامۋى بىركەلكى ەمەس، قالا مەن اۋىل، وڭىرلەر، ادامدار شوعىرى اراسىندا كىرىس پارقىنىڭ ساقتالۋى قالىپتىءىس، جاپپاي دوڭگەلەك داۋلەتتىلىك تەڭگەرمەشىلىك ەمەس. ەكىنشى، شارتسىز ولشەم مەن سالىستىرمالى ولشەمنىڭ قاتىناسىن ويداعىداي يگەرۋ. ءۇشىنشى، ساندىق تالداۋ جاساۋ مەن ساپالىق تۇجىرىم جاساۋدىڭ قاتىناسىن ويداعىداي يگەرۋ. جاپپاي دوڭگەلەك داۋلەتتى قوعامنىڭ ورناتىلعان - ورناتىلماعاندىعىن باعالاعاندا، ناقتىلاندىرىلعان كورسەتكىشكە قاراۋمەن قاتار، حالىق بۇقاراسىنىڭ ءىس جۇزىندىك تۇرمىس جاعدايى مەن رەال تابىس سەزىمىن دە تولىق ويلاستىرۋ كەرەك. ىلگەرىلەۋ جاعدايىن عىلمي باعالاۋ نەگىزىندە، جاپپاي دوڭگەلەك داۋلەتتى قوعام ورناتۋدا ساقتالىپ وتىرعان كورنەكتى ولقىلىقتار مەن، ءسوز جوق، ورىنداۋعا ءتيىستى قاتاڭ مىندەتتەردى دەن قويا سالالاۋ كەرەك. ادام شوعىرىنان قاراعاندا، باستىسى، قارتتار، قاۋقارسىز جاندار، اۋرۋ - مۇگەدەكتەر، كەدەيلەر؛ وڭىرلىك جاقتان قاراعاندا، باستىسى، اۋىر كەدەي وڭىرلەر؛ سالا جاعىنان قاراعاندا، باستىسى، ەكولوگيالىق ورتا، الەۋمەتتىك قىزمەت وتەۋ، نەگىزدىك قۇرىلعىلار سياقتى جاقتاردا ولقىلىقتار كورنەكتى.
ماقالادا مىنالار اتاپ كورسەتىلدى: باسىم كۇشتى شوعىرلاندىرىپ، جويىمپاز شايقاس جۇرگىزۋ كەرەك. ءبىرىنشى، كەدەيلىكتەن ارىلتۋدان قامال الۋ مىندەتىن جاپپاي ورىنداۋ كەرەك. ەكىنشى، ءتۇيىندى وڭىرلەردەگى ورتانىڭ لاستانۋى كورنەكتى بولۋ ماسەلەسىن ويداعىداي شەشۋ كەرەك. ءۇشىنشى، حالىق تۇرمىسى سالاسىنداعى قىزمەتتەردىڭ ىلگەرىلەۋىن جەدەلدەتۋ كەرەك. ءتورتىنشى، قوعامدىق قامتاماسىز ەتۋمەن تولىق قامتۋ مەحانيزمىن اقاۋسىزداندىرۋ كەرەك.
ماقالادا مىنالار باسا دارىپتەلدى: جاپپاي دوڭگەلەك داۋلەتتى قوعام ورناتۋ ءتۇرلى جاقتارعا سايادى، ايتسە دە ولقىلىقتاردى تولىقتاۋ بۇلتارتپاس مىندەت. ءار دارەجەلى پارتكوم مەن ۇكىمەت تۇلعالىق جاۋاپكەرشىلىگىن مۇقيات اتقارۋ، ءار دارەجەلى باسشى كادرلار نىسانادان جازباي، شىنايى يگەرىپ، ناقتى ىستەپ، قالىڭ حالىق بۇقاراسىن ىنتىماقتاستىرىپ، باستاپ قاجىماي - تالماي كۇرەس جۇرگىزۋ كەرەك. جەر - جەردىڭ دامۋ دەڭگەيىندە پارىق بار، جاپپاي دوڭگەلەك داۋلەتتى قوعام ورناتۋ اياقتالاتىن كەزەڭدەگى قىزمەتتەردە دە بەيىمدەلەتىن جاقتارى بولۋ كەرەك. تۇتاس قوعامدى جاپپاي دوڭگەلەك داۋلەتتى قوعام ورناتۋ نىساناسىن دۇرىس تانۋعا جەتەكتەپ، ءالى دە ساقتالىپ وتىرعان ولقىلىقتار مەن جەتەرسىزدىكتەردى وبيەكتيۆ، شىنايى اڭىس ەتىپ، تاماشا مەجە قالىپتاستىرىپ، دامۋ سەنىمىن بەكەمدەۋ كەرەك. ءبىز جاپپاي دوڭگەلەك داۋلەتتى قوعام ورناتۋ ءۇشىن ”ەڭ سوڭعى ءبىر كيلومەتردى“ ويداعىداي باسۋمەن قاتار، قولايلى جاعدايدان پايدالانىپ العا ىلگەرىلەپ، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا جورىعىن باستاپ، ”قوس 100 جىلدىق“ كۇرەس نىساناسىن جۇزەگە اسىرۋمەن ورگانيكالى ۇشتاستىرۋىمىز كەرەك.