تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ قالىڭ جاس وسپىرىمدەر مەن بالالارعا سالەم جولدادى

شي جينپيڭ قالىڭ جاس وسپىرىمدەر مەن بالالارعا سالەم جولداپ، بىلاي دەپ باسا دارىپتەدى

قاجىرلىلىقپەن ءبىلىم ۇيرەنىپ، مۇرات - سەنىمدى بەكەمدەپ، بەرىك ەرىك - جىگەردى شىڭداپ، دەنە شىنىقتىرىپ دەنساۋلىقتى كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاي - قاشاندا دايىن تۇرايىق

بۇكىل ەلدەگى ءار ۇلت جاس وسپىرىمدەرى مەن بالالاردىڭ مەرەكەسىن قۇتتىقتادى

  شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى. ”1 - ماۋسىم“ حالىقارالىق بالالار مەرەكەسى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى ءار ۇلت جاس وسپىرىمدەرى مەن بالالاردىڭ مەرەكەسىن قۇتتىقتادى.

  شي جينپيڭ بىلاي دەپ اتاپ كورسەتتى: وسى رەتكى بۇكىل ەل حالقى جۇدىرىقتاي جۇمىلىپ جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋ كۇرەسىندە قالىڭ جاس وسپىرىمدەر مەن بالالار دا ەرەكشە كەزەڭدى باستان وتكەردى، جۇڭگو حالقىنىڭ ەل بىرلىگىنەن بەرىك قامال تۇرعىزىپ، قيىندىقتان تايسالماي العا ۇمتىلعان ۇلى ءىسىن كوزدەرىمەن كورىپ قانا قويماي، پارتيا مەن ۇكىمەتتىڭ ۇندەۋىنە قۇلاق اسىپ، ىندەتكە قارسى تۇرۋ كۇرەسىن ءىس جۇزىندىك ارەكەتتەرىمەن قولداپ، ەلىمىزدىڭ جاس وسپىرىمدەرى مەن بالالارىنىڭ تاماشا رۋحاني كەلبەتىن دە ايگىلەدى.

  شي جينپيڭ بىلاي دەپ باسا دارىپتەدى: جاس وسپىرىمدەر قۇدىرەتتەنسە، مەملەكەت قۇدىرەتتەنەدى. قازىرگى تاڭداعى جۇڭگونىڭ جاس وسپىرىمدەرى مەن بالالارى ءبىرىنشى 100 جىلدىق كۇرەس نىساناسىن جۇزەگە اسىرۋدىڭ باستان وتكەرۋشىلەرى، كۋاگەرلەرى، اسىرەسە، ەكىنشى 100 جىلدىق كۇرەس نىساناسىن جۇزەگە اسىرۋداعى، سوتسياليستىك وسىزاماندانعان قۇدىرەتتى مەملەكەت قۇرۋداعى جالىندى كۇش. قالىڭ جاس وسپىرىمدەر مەن بالالاردىڭ قاجىرلىلىقپەن ءبىلىم ۇيرەنىپ، مۇرات - سەنىمدى بەكەمدەپ، بەرىك ەرىك - جىگەردى شىڭداپ، دەنە شىنىقتىرىپ دەنساۋلىقتى كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاي - قاشان دا دايىن تۇرۋىن ءۇمىت ەتەمىن. ءار دارەجەلى پارتكوم مەن ۇكىمەت، بۇكىل قوعام جاس وسپىرىمدەر مەن بالالارعا كوڭىل ءبولىپ، قامقورلىق جاساپ، جاس وسپىرىمدەر مەن بالالاردىڭ تولىسا جەتىلۋىنە ءتيىمدى شارت - جاعداي ازىرلەۋى كەرەك. كوممۋنيستىك جاستار وداعى، پيونەرلەر وتريادى ۇيىمدارى ۇلتتىڭ گۇلدەنۋى ۇلى مىندەتىن ارقالايتىن ءداۋىر جاڭا ادامدارىن جەتىلدىرۋگە نازار اۋدارىپ، ءداۋىردىڭ دامۋىنا سايكەسىپ، ۇزدىكسىز رەفورما جاساپ، جاڭالىق اشىپ، بەلسەنە قىزمەت ورىستەتىپ، پارتيانىڭ جاس ءوسپىرىم، بالالار ىسىنە تىڭ دا اناعۇرلىم زور ۇلەس قوسۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.