جاڭا داۋىردەگى حالىق قۇرىلتايى قىزمەتىنىڭ ورەسىن جوعارىلاتايىق
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 6 - ايدىڭ 1 - كۇنى ۇرىمجىدەن حابارلايدى. 6 - ايدىڭ 1 - كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتى ورگان كادرلار جينالىسىن اشىپ، باس شۋجي شي جينپيڭنىڭ مەملەكەتتىك ەكى ءماجىلىس كەزىندەگى ماڭىزدى سوزدەرىنىڭ جانە مەملەكەتتىك ەكى ءماجىلىستىڭ رۋحىن جەتكىزدى، ۇيرەندى.
ءماجىلىس مىنالاردى باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى سوزدەرىنىڭ جانە مەملەكەتتىك ەكى ءماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ماڭىزدى ساياسي مىندەت ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى حالىق قۇرىلتايى قىزمەتىنىڭ دەڭگەيىن ۇزدىكسىز جوعارىلاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋ شەشۋشى شايقاسىنىڭ نىسانالارىنىڭ، مىندەتتەرىنىڭ ورىندالۋىنا شىنايى كەپىلدىك ەتۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشىسى شاۋكەت يمىن ماجىلىسكە قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: بيىل − جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ اياقتالۋ جىلى ءارى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ جىلى. سىن - سايىستاردى بەتكە الىپ، سەنىمدى بەكەمدەپ، قوزعاۋشى كۇشتى ارتتىرىپ، قاشاندا پارتيانىڭ باسشىلىعىن حالىق قۇرىلتايىنىڭ مىندەتىن وتەۋىنىڭ جالپى بارىسىندا جانە ءارقايسى جاقتارىندا دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى، تياناقتاندىرۋدى اۆتونوميالى رايوندىق حالىق قۇرىلتايى قىزمەتىنىڭ نەگىزگى جەلىسى ەتۋگە، قوعام ورنىقتىلىعى مەن باياندى تىنىشتىق باس نىساناسىنىڭ كوزدەۋ ءتۇيىنى مەن كۇش سالۋ ءتۇيىنى ەتۋگە تاباندى بولىپ، حالىق قۇرىلتايىنىڭ قىزمەتتەرىن باس نىسانانى تىعىز ارقاۋ ەتە وتىرىپ جوبالاۋ، ورىستەتۋ، ىلگەرىلەتۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن شىن مانىندە جاقسى ىستەپ، زاڭ شىعارۋ ساپاسى مەن ونىمدىلىگىن جوعارىلاتىپ، باقىلاۋ قىزمەتىنىڭ تۇراقتىلىعى مەن رولىن كۇشەيتىپ، ۋاكىلدەر قىزمەتىنىڭ ومىرشەڭدىگى مەن ناقتى ونىمدىلىگىن ارتتىرىپ، بيىلعى تۇراقتى كوميتەتتىڭ قىزمەتتەرىن كۇش سالا ويداعىداي ورىنداۋ كەرەك.
ءماجىلىس مىنالاردى اتاپ كورسەتتى: پارتكوم باسشىلىعىنداعى، حالىق قۇرىلتايى جەتەكشىلىگىندەگى، ۇكىمەت سۇيەنىش بولعان، ءار جاق ات سالىساتىن زاڭ شىعارۋ قىزمەتى جاعدايىن ۇزدىكسىز كەمەلدەندىرىپ، ءتۇيىندى سالالارداعى زاڭ شىعارۋ قىزمەتىن ءبىر تۇتاس جوسپارلاپ، بيىلعى زاڭ شىعارۋ جوسپارىن ويداعىداي تياناقتاندىرۋ كەرەك. اۆتونوميالى رايوننىڭ الەۋمەتتىك دەنساۋلىق ساقتاۋ سالاسىنداعى زاڭ ەرەجە شىعارۋ، زاڭ ەرەجەگە وزگەرىس ەنگىزۋ قىزمەتتەرىن جوعارى ساپامەن، جوعارى ونىمدىلىكپەن جاقسى ىستەپ، ازاماتتىق زاڭنامامەن بايلانىسقان، سايكەسكەن جەرگىلىكتى زاڭ ەرەجە قۇرىلىسىن كۇشەيتىپ، ازاماتتىق زاڭنامانىڭ بەلگىلەمەلەرىمەن جانە پرينسيپتەرىمەن بىردەي بولماعان جەرگىلىكتى زاڭ ەرەجەلەردى اداقتاۋدى مىقتى يگەرىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم جاقسى قامتاماسىز ەتۋ كەرەك. دۇرىس باقىلاۋعا، ءونىمدى باقىلاۋعا تاباندى بولىپ، باقىلاۋ ءتۇزىمىن، مەحانيزمىن اقاۋسىزداندىرىپ، بيىلعى باقىلاۋ قىزمەتى جوسپارىن ويداعىداي تياناقتاندىرۋ كەرەك. ۋاكىلدەرمەن بايلانىس مەحانيزمىن اقاۋسىزداندىرىپ، ۋاكىلدەردىڭ مىندەت وتەۋ تۇعىرى قۇرىلىسىن ىلگەرىلەتىپ، تۇراقتى كوميتەتتىڭ ۋاكىلدەرمەن، ۋاكىلدەردىڭ حالىق بۇقاراسىمەن بايلانىسىن نىعايتۋ كەرەك.
ءماجىلىس مىنالاردى تالاپ ەتتى: وزىندىك قۇرىلىستى كۇشەيتىپ، حالىق قۇرىلتايى قىزمەتىنىڭ ورەسىن ۇزدىكسىز جوعارىلاتۋ كەرەك. پارتيانىڭ ساياسي قۇرىلىسىن باسشىلىققا الىپ، اۆتونوميالى رايوندىق حالىق قۇرىلتايىنىڭ پارتيا قۇرىلىسىن جاپپاي ىلگەرىلەتىپ، جاۋاپكەرشىلىك سەزىمدى، بورىشتىلىق سەزىمدى جانە كوكەي تەستىلىك سەزىمدى اناعۇرلىم كۇشەيتىپ، تۇتاس جىلدىق نىسانالاردى، مىندەتتەردى كوزدەپ، ەرلىكپەن كۇرەس جۇرگىزىپ، مىندەت وتەۋ قابىلەتىن ءوسىرىپ، ستيلدى ۇزدىكسىز جاقسارتىپ، جاڭا داۋىردەگى اۆتونوميالى رايوندىق حالىق قۇرىلتايى قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك. اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيلارى، ورىنباسار مەڭگەرۋشىلەر جۋ حايلۇن، لي شۋەجۇن، ۋاڭ يۇڭميڭ، پارتيا باسشىلىق گرۋپپاسىنىڭ مۇشەلەرى، ورىنباسار مەڭگەرۋشىلەر ءمۇتاللىپ قاسىم، باداي، گۇلشات ابدىقادىر، مانەن زەينەل، سو يۋە، ورىنباسار مەڭگەرۋشى دۇڭ شينگۋاڭ ماجىلىسكە قاتىناستى.
