شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل عوپۇر، ەرىكتى ءتىلشى ۋي شياۋگۋاڭ 6 - ايدىڭ 1 - كۇنى ۇرىمجىدەن حابارلايدى. ”بۇرىن تالوندى وكىلەتتى كەستىرۋدە باجىنى بانكە كارتچكاسىمەن عانا تولەي الاتىنبىز، قازىر باجىنى تىكە ۋيچاتتان تولەۋگە بولادى، اينالاسى 3 مينۋتقا جەتپەيتىن ۋاقىتتا وڭاي بىتەدى، شىنىمەن قولايلى بولدى“. جۋىردا ءۇرىمجى قالاسىنىڭ تۇرعىنى ليۋ مىرزا ۇيىندە وتىرىپ قول تەلەفونمەن 1500 يۋاندىق ماشينا جالداۋ اقىسىنىڭ تالونىن وكىلەتتى كەستىردى.
مەملەكەتتىك باجى ىستەرى باس مەكەمەسىنىڭ باجى ىستەرىن توتە بارماي - اق بىتىرۋگە دەم بەرۋ قىزمەت تالابىن ۇزدىكسىز تياناقتاندىرىپ، ناق اقشاسىز ساۋدالاسۋدىڭ كوبەيۋ جاعدايىنا ۇيلەسۋ ءۇشىن، جۋىردا شينجياڭ باجى ىستەرى مەكەمەسى شينجياڭ ەلەكتروندى باجى ىستەرى مەكەمەسىندە قول تەلەفون APPىندە، جەكە تابىس باجىسىنىڭ قول تەلەفون كليەنتىندە، ۋيچات شاعىن پروگرامماسىندا، تۇلعالىق باجى ىستەرىن بىتىرۋگە قىزمەت وتەۋ زالىندا ءۇشىنشى جاقتىق تولەۋ جۇمىسىن جالپىلاستىرىپ، جەلىدە، جەلىدەن تىس، ينتەرنەتتە، ينتەرنەتتەن تىس جاپپاي قامتۋدى جۇزەگە اسىردى.
ۇعىسۋعا قاراعاندا، قازىر رايونىمىزداعى باجى تاپسىرۋشىلار شينجياڭ ەلەكتروندى باجى ىستەرى مەكەمەسىنىڭ توراپتىق بەت كليەنتىندە، باجى بىتىرۋگە قىزمەت وتەۋ زالىندا جاسالعان 2 ولشەمدى كود ارقىلى باجى اقىسىن تولەۋ بارىسىن ورىنداي الۋمەن قوسا، قول تەلەفون ارقىلى دا جەكە تابىس باجىسىAPPى، شينجياڭ باجى ىستەرى قول تەلەفونAPPى، ۋيچات شاعىن پروگرامماسى سياقتى باجى ىستەرىن بىتىرۋدەگى الاقاندىق جۇمساق دەتالدار ارقىلى ۋيچات، جىفۋباۋ، يۇنشانفۋ سياقتى ءۇشىنشى جاقپەن تولەۋ بارىسىنا تىكە ءوتىپ، باجى ىستەرىن توتە بارماي - اق ءبىتىرۋ، اقى تولەۋ جۇمىستارىن ورىنداي الاتىن بولدى. 5 - ايدىڭ 27 - كۇنىنە دەيىن، شينجياڭ باجى ىستەرى مەكەمەسىنىڭ ءۇشىنشى جاقتىق تولەۋ تاسىلىمەن بىتىرگەن باجى تاپسىرۋ جۇمىسى 80 مىڭ 214 بولىپ، تاپسىرىلعان باجى جيىنى 98 ميلليون 715 مىڭ 300 يۋان بولدى.
شينجياڭ باجى ىستەرى مەكەمەسىنىڭ قاتىستى جاۋاپتىسى تانىستىرىپ بىلاي دەدى: ءۇشىنشى جاقپەن تولەۋ ارقىلى تاپسىرىلعان ءاربىر باجى اقىسى تۇگەلدەي اداقتاۋ قۇرىلىمى مەن باجى ىستەرى جۇيەسى، حالىق بانكەسىنىڭ مەملەكەت قامباسى جۇيەسى ارقىلى ەسەپتەلىپ، باجى تاپسىرۋشىلارعا قولايلى تولەۋ ءتاسىلىن ازىرلەۋمەن بىرگە، باجىنىڭ دەر كەزىندە، حاۋىپسىز مەملەكەت قامباسىنا كىرۋىن قامتاماسىز ەتتى.
باجى ىستەرى تاراۋىنىڭ مەجەلەۋىنشە، مۇنان كەيىن ءۇشىنشى جاقپەن تولەۋ جەكە تۇلعالاردىڭ، سونداي - اق جەكە ونەركاسىپ - ساۋداگەرلەردىڭ تالوندى وكىلەتتى كەستىرۋ، اۆتوكولىك ساتىپ الۋ جانە قورا - جايدىڭ يەلىگىن وتكەرۋ سياقتى جۇمىستاردى بىتىرۋىندەگى نەگىزگى اقى تاپسىرۋ ارناسىنا اينالادى.
