تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

شينحۋا اگەنتتىگىنىڭ وكىلەتتىگىمەن «جۇڭحۋا حالىق رەسپۋبليكاسىنىڭ ازاماتتىق زاڭناماسى» جاريالاندى

  شينحۋا اگەنتتىگىنىڭ 6 - ايدىڭ 1 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى 5 - ايدىڭ 28 - كۇنى «جۇڭحۋا حالىق رەسپۋبليكاسىنىڭ ازاماتتىق زاڭناماسىن» داۋىسقا سالىپ ماقۇلدادى، مەملەكەت ءتوراعاسى شي جينپيڭ 45 - ءنومىرلى ءتوراعا بۇيرىعىنا قول قويىپ جاريالادى، 6 - ايدىڭ 1 - كۇنى شينحۋا اگەنتتىگىنىڭ وكىلەتتىگىمەن بۇل زاڭ تولىق جاريالاندى.

  ازاماتتىق زاڭناما جالپى 7 بولىكتەن، 1260 تارماقتان قۇرالادى، ءار بولىگىنىڭ رەت ءتارتىبى مىناداي: باس ەرەجەلەر، زات ۇقىعى، توقتام، ادامدىق ۇقىق، ۇيلەنۋ - وتباسى، مۇراگەرلىك ەتۋ، ۇقىققا قول سۇعۋ جاۋاپكەرشىلىگى جانە قوسىمشا ەرەجە. 2021 - جىلى 1 - ايدىڭ 1 - كۇنىنەن باستاپ اتقارىلادى. ۇيلەنۋ زاڭى، مۇراگەرلىك زاڭى، ازاماتتىق ىستەر زاڭىنىڭ جالپى ەرەجەسى، اسىراپ الۋ زاڭى، كەپىلدىك زاڭى، توقتام زاڭى، زات ۇقىعى زاڭى، ۇقىققا قول سۇعۋ جاۋاپكەرشىلىك زاڭى، ازاماتتىق ىستەر زاڭى باس ەرەجەسى ءبىر ۋاقىتتا كۇشىنەن قالدىرىلادى.

  ازاماتتىق زاڭناما − جاڭا جۇڭگوداعى تۇڭعىش زاڭناما اتىمەن اتالعان زاڭ، ول ەلىمىزدىڭ زاڭناما قۇراستىرۋىنا، زاڭ شىعارۋىنا باستاما اشتى، بەلەستىك مانگە يە. ازاماتتىق زاڭنامانى قۇراستىرۋ − پارتيا 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ايقىن بەلگىلەگەن كەلەلى ساياسي مىندەت جانە زاڭ شىعارۋ مىندەتى، شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى زاڭدىق جونگە سالۋ قۇرىلىسى ورنالاستىرۋى. بۇل زاڭ ەلىمىزدىڭ قازىرگى اتقارىلىپ وتىرعان ازاماتتىق ىستەر زاڭ - ءتۇزىمى ولشەمدەرىن جۇيەلى تۇردە بىرىكتىرۋ، قۇراستىرۋ، وزگەرىس ەنگىزۋ ارقىلى جاڭا داۋىردەگى جۇڭگوشا سوتسياليزمنىڭ دامۋ تالابىنا ۇيلەسەتىن، ەلىمىزدىڭ مەملەكەت جاعدايى مەن ءىس جۇزىندىك احۋالىنا باپ كەلەتىن، ۇلگىسى عىلمي، قۇرىلىمى شىمىر، ولشەمى ۇيلەسىمدى، مازمۇنى كەمەلدى ءارى بىردەي سايكەستىرىلگەن زاڭناما قالىپتاستىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.