شينحۋا اگەنتتىگىنىڭ 6 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «حاينان ەركىن ساۋدا پورتى قۇرىلىسى جالپى تۇلعالىق جوباسىن» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«جوبادا» مىنالار اتاپ كورسەتىلدى: حاينان ەلىمىزدەگى ەڭ ءىرى ەكونوميكالىق ەرەكشە رايون، رەفورمانى جالپى بەتتىك تەرەڭدەتۋدى اتقارۋ جانە ەڭ جوعارى ورەدەگى ەسىك اشۋ ساياساتىن سىناق ەتۋدەي ەرەكشە ارتىقشىلىققا يە. حايناننىڭ جۇڭگوشا ەرەكشەلىككە يە ەركىن ساۋدا پورتى قۇرىلىسىندا بىرتىندەپ ىزدەنىس جاساپ، ورنىقتى ىلگەرىلەتۋىنە قولداۋ كورسەتىپ، ەركىن ساۋدا پورتى ساياساتى مەن ءتۇزىم جۇيەسىن قادامعا، كەزەڭگە ءبولىپ ورناتۋ باس شۋجي شي جينپيڭ ءوزى جوسپارلاپ، ءوزى ورنالاستىرىپ، ءوزى ىلگەرىلەتكەن رەفورما جاساۋ، ەسىك اشۋ كەلەلى شاراسى، پارتيا ورتالىق كوميتەتىنىڭ ەل ءىشى جانە حالىقارا سىندى ەكى كەلەلى جاعدايدى كوزدە ۇستاي وتىرىپ، ىشكەرىلەي زەرتتەپ، ءبىر تۇتاس ويلاستىرىپ، عىلمي جوسپارلاپ جاساعان ستراتەگيالىق شەشىمى. قازىر دۇنيە ءجۇزى جاڭا كەزەكتى زور دامۋدى، زور وزگەرىستى، زور رەتتەلۋدى باستان كەشىرۋدە، قورعامپازدىق، سىڭار جاقتىلىق بەلەڭ الىپ، ەكونوميكانىڭ جاھاندانۋى اناعۇرلىم زور كەرى اعىس پەن كەرى تولقىنعا ۇشىرادى. حايناندا ەركىن ساۋدا پورتىن قۇرۋ − جوعارى ورەلى ەسىك اشۋدى ىلگەرىلەتىپ، اشىق ەكونوميكا جاڭا ءتۇزىلىسىن قۇرۋدىڭ ءتۇبىرلى تالابى؛ بازارلاندىرۋ رەفورماسىن تەرەڭدەتىپ، زاڭمەن جونگە سالىناتىن، حالىقارالانعان، قولايلىلانعان شارۋاشىلىق - ساۋدا ورتاسىن قالىپتاستىرۋدىڭ كوكەي تەستى قاجەتى؛ جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، وسىزاماندانعان شارۋاشىلىق جۇيەسىن قۇرۋدىڭ ستراتەگيالىق تالعامى؛ ەكونوميكانىڭ جاھاندانۋىنا قولداۋ كورسەتىپ، ادامزاتتىڭ تاعدىرلاس ورتاق تۇلعاسىن قۇرۋدىڭ ءىس جۇزىندىك ارەكەتى. باس شۋجي شي جينپيڭنىڭ حاينان ولكەسى ەكونوميكالىق ەرەكشە رايون بولىپ قۇرىلعاندىعىنىڭ 30 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ حايناننىڭ رەفورما جاساۋدى، ەسىك اشۋدى جالپى بەتتىك تەرەڭدەتۋىنە قولداۋ كورسەتۋ جونىندەگى جەتەكشى پىكىرىنىڭ» تالاپتارىن تياناقتاندىرىپ، جوعارى ورەدەگى جۇڭگوشا ەرەكشەلىككە يە ەركىن ساۋدا پورتىن قۇرۋدى جەدەلدەتۋ ءۇشىن وسى جوبا جاسالدى.
«جوبا» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، جوعارى ساپالى دامۋعا تاباندى بولىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، حالىقارانىڭ جوعارى ورەدەگى ەكونوميكا - ساۋدا ەرەجەسىنە تۋرالانىپ، يدەيانى ازات ەتىپ، جۇرەكتىلىكپەن جاڭالىق اشىپ، نازاردى ساۋدالىق قارجى قوسۋدى ەركىندەندىرۋگە، قولايلىلاندىرۋعا شوعىرلاندىرىپ، جوعارى ورەدەگى ەركىن ساۋدا پورتىنا ۇيلەسەتىن ساياسات، ءتۇزىم جۇيەسىن ورناتىپ، حالىقارالىق باسەكەلىك قۋاتقا جانە ىقپال كۇشىنە يە كەدەندىك باقىلاۋ - باسقارۋ ەرەكشە ءوڭىرىن قۇرىپ، حاينان ەركىن ساۋدا پورتىن ەلىمىزدىڭ جاڭا داۋىردەگى سىرتقا ەسىك اشۋىنا جەتەكشىلىك ەتۋدەگى ايقىن تۋى جانە ماڭىزدى ەسىك اشۋ قاقپاسى ەتىپ قالىپتاستىرادى.
«جوبادا» حاينان ەركىن ساۋدا پورتىنىڭ اتقارۋ اۋماعى تۇتاس حاينانداۋ ارالى بولاتىندىعى ايقىندالدى.
«جوبادا» مىنالار العا قويىلدى: 2025 - جىلعا دەيىن، ساۋدا ەركىندىگى قولايلىلىعى مەن قارجى قوسۋ ەركىندىگى قولايلىلىعىن ءتۇيىن ەتكەن ەركىن ساۋدا پورتى ساياسات، ءتۇزىم جۇيەسى العاشقى ادىمدا قالىپتاستىرىلادى. شارۋاشىلىق - ساۋدا ورتاسى جالپى تۇلعالىق جاقتان ەل ىشىندەگى ماڭداي الدى ورەگە جەتىپ، بازار نەگىزگى تۇلعالارى زور مولشەردە مولايىپ، كاسىپ سالاسىنىڭ باسەكەلىك قۋاتى كورنەكتى جوعارىلاپ، حاۋىپ - قاتەردەن ساقتانۋ - تىزگىندەۋ پارمەندى دە ءونىمدى بولادى، ەركىن ساۋدا پورتى قۇرىلىسىنا ۇيلەسەتىن زاڭدار، زاڭ ەرەجەلەر بىرتىندەپ كەمەلدەنىپ، ەكونوميكانىڭ دامۋ ساپاسى مەن ونىمدىلىگى كورنەكتى جاقسارادى.
2035 - جىلعا دەيىن، ەركىن ساۋدا پورتى ءتۇزىم جۇيەسى مەن اينالىم ۇلگىسى اناعۇرلىم كەمەلدەنىپ، ەركىن، ءادىل، زاڭمەن جونگە سالىناتىن، جوعارى ورەلى بارىستىق باقىلاۋ - باسقارۋدى ەرەكشەلىك ەتكەن ساۋدالىق قارجى قوسۋ ەرەجەسى نەگىزىنەن قۇرىلىپ، ەركىن ساۋدا قولايلىلىعى، قارجى قوسۋ قولايلىلىعى، شەكارا اتتاعان قارجى اينالىس ەركىندىگى قولايلىلىعى، ادامداردىڭ كىرىپ - شىعۋ ەركىندىگى قولايلىلىعى، تاسىمال، بارىس - كەلىس ەركىندىگى قولايلىلىعى جانە ساندى مالىمەتتىڭ حاۋىپسىزدىگى، ءتارتىپتى اينالىس جاساۋى جۇزەگە اسادى. شارۋاشىلىق - ساۋدا ورتاسى اناعۇرلىم جاقسارىپ، زاڭ، زاڭ ەرەجە جۇيەسى اناعۇرلىم اقاۋسىزدانىپ، حاۋىپ - قاتەردەن ساقتانۋ - تىزگىندەۋ جۇيەسى اناعۇرلىم نىعايىپ، وسى زامانعى قوعامدىق جونگە سالۋ ارناسى نەگىزىنەن قالىپتاسىپ، ەلىمىزدىڭ اشىق ەكونوميكاسىنىڭ تىڭ بەلەسىنە اينالادى.
وسى عاسىردىڭ ورتا شەنىنە جەتكەندە، ءبىرشاما كۇشتى حالىقارالىق ىقپالعا يە جوعارى ورەدەگى ەركىن ساۋدا پورتى جالپى بەتتىك قۇرىلادى.