شي جينپيڭ حاينان ەركىن ساۋدا پورتى قۇرىلىسى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
تۇزىمدە شوعىرلى جاڭالىق اشۋدى كورنەكتى ورىنعا قويىپ ەركىن ساۋدا پورتىن جوعارى ساپامەن، جوعارى ولشەممەن قۇرۋ كەرەك
شينحۋا اگەنتتىگىنىڭ 6 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا حاينان ەركىن ساۋدا پورتى قۇرىلىسى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: حايناندا ەركىن ساۋدا پورتىن قۇرۋ پارتيا ورتالىق كوميتەتىنىڭ ەل ءىشى جانە حالىقارا سىندى ەكى كەلەلى جاعدايدى كوزدە ۇستاپ، جۇڭگوشا سوتسياليزمدە جاڭالىق اشۋدى، دامىتۋدى ىلگەرىلەتۋ ءۇشىن جاساعان كەلەلى ستراتەگيالىق شەشىمى، ەلىمىزدىڭ جاڭا داۋىردەگى رەفورما جاساۋ، ەسىك اشۋ اياق الىسىنداعى ءىرى ءىس. پارتيانىڭ باسشىلىعىنا تاباندى بولىپ، جۇڭگوشا سوتسياليزم تۇزىمىنە تاباندى بولىپ، حالىقارانىڭ جوعارى ورەدەگى ەكونوميكا - ساۋدا ەرەجەسىمەن ۇشتاستىرىپ، ءوندىرىس فاكتورلارىنىڭ ەركىن، قولايلى اينالىس جاساۋىن جەبەپ، ەركىن ساۋدا پورتىن جوعارى ساپادا، جوعارى ورەدە قۇرۋ كەرەك. تۇزىمدە شوعىرلى جاڭالىق اشۋدى كورنەكتى ورىنعا قويىپ، يدەيانى ازات ەتىپ، جۇرەكتىلىكپەن جاڭالىق اشىپ، بىرەۋى كەمەلدەنسە بىرەۋىن ىسكە قوسىپ، نىق قاداممەن باياندى جۇرگىزىپ، ۇزاق ۋاقىت ەڭبەك ەتۋ كەرەك.
شي جينپيڭ بىلاي دەپ باسا دارىپتەدى: حاينان ولكەسى پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، بەتالىستى ءدال يگەرىپ، جاۋاپكەرشىلىك ارقالاۋعا باتىل بولىپ، ىرىقتىلىقپەن ىسكەرلىك كورسەتىپ، ساياساتتاردى تياناقتاندىرۋدى، ەرتەرەك ورنالاستىرۋدى مىقتاپ يگەرىپ، ەركىن ساۋدا پورتى قۇرىلىسىنىڭ نەگىزىن شەگە قاعۋ رۋحىمەن بەكەمدەۋ كەرەك. ورتالىق پەن مەملەكەتتىڭ قاتىستى تاراۋلارى كەلەلى جاعدايدى شىعار ءتۇيىن ەتىپ، حايناننىڭ جۇرەكتىلىكپەن رەفورما جاساۋىنا، جاڭالىق اشۋىنا قولداۋ كورسەتىپ، حاينان ەركىن ساۋدا پورتى قۇرىلىسىنىڭ ۇزدىكسىز جاڭا ناتيجەلەرگە قول جەتكىزۋىن ىلگەرىلەتۋ كەرەك.
حاينان ەركىن ساۋدا پورتىنىڭ اتقارۋ اۋماعى تۇتاس حاينانداۋ ارالىن قامتىيدى، 2025 - جىلعا دەيىن، ساۋدا ەركىندىگى قولايلىلىعى مەن قارجى قوسۋ ەركىندىگى قولايلىلىعىن ءتۇيىن ەتكەن ەركىن ساۋدا پورتى ساياسات، ءتۇزىم جۇيەسى العاشقى ادىمدا قالىپتاسادى، 2035 - جىلعا دەيىن، ەلىمىزدىڭ اشىق ەكونوميكاسىنىڭ تىڭ بەلەسىنە اينالادى، وسى عاسىردىڭ ورتا شەنىنە جەتكەندە، ءبىرشاما كۇشتى حالىقارالىق ىقپالعا يە جوعارى ورەدەگى ەركىن ساۋدا پورتى بولىپ جالپى بەتتىك قۇرىلادى.
