− حالىققا شىن ىقىلاسىمەن قىزمەت ەتكەن جاقسى شۋجي ۋىن جيانميڭ
ۋىن جيانميڭنىڭ سۋرەتى (2010 - جىلى 11 - ايدىڭ 11 - كۇنى تۇسىرىلگەن). شينحۋا اگەنتتىگىنىڭ ءتىلشىسى چىن شيە تۇسىرگەن
شينحۋا اگەنتتىگىنىڭ چىڭدۋدان بەرگەن حابارى (تىلشىلەر ۋ شياۋيىڭ، شۋە چىن). ”ادام ءومىرىنىڭ قۇنى ونىڭ قانشا ۇزاق جاساعاندىعىندا ەمەس، قايتا كوزى تىرىسىندە قوعامعا نەلەردى قالدىرعاندىعىندا. ءبىر كوممۋنيستىك پارتيا مۇشەسى ءوزىن ماڭگى بۇقاراعا ارناۋى كەرەك، اجال جەتسەدە، كوز جۇماردان بۇرىن ريزا بولارلىقتاي جاۋاپ تاپسىرۋى كەرەك“. مىنە بۇل ۋىن جيانميڭنىڭ كوزى تىرىسىندە ايتقان ءسوزى ەدى.
ۋىن جيانميڭ، 1963 - جىلى دۇنيەگە كەلگەن، 1987 - جىلى 7 - ايدا جۇڭگو كوممۋنيستىك پارتياسىنا مۇشە بولعان، كوزى تىرىسىندە سىچۋان ولكەسى نانچۇڭ قالاسى يىڭشان اۋداندىق پارتكومنىڭ تۇراقتى مۇشەسى، چىڭنان قالاشىعى پارتكومىنىڭ شۋجيى بولاتىن.
وتكەن عاسىردىڭ 80 - جىلدارىنىڭ باسىندا، ۋىن جيانميڭ نانچۇڭ اۋىل شارۋاشىلىعى شۋەيۋانىنان وقۋ تاۋىسقاننان كەيىن، قالادا قىزمەت ىستەۋ ورايىنان باتىل ۋاز كەشىپ، اۋىل - قىستاققا ورالىپ، تابانى كۇرەكتەي 30 نەشە جىل ىستەيدى. ول ىلگەرىندى - كەيىندى 8 اۋىل - قالاشىقتا پارتيا، ۇكىمەت ورىندارىنىڭ ءبىرىنشى باسشىسى بولعان، بارعان جەرىنىڭ بارىندە ستيلى پاك، سالتى دۇرىس، كادرلار مەن بۇقارا تاتۋ - ءتاتتى جاعدايىن ورناتتى.
2003 - جىلى ۋىن جيانميڭ چىڭنان قالاشىعىنا بارىپ، پارتكوم شۋجيى مىندەتىن وتەيدى. سول كەزدەگى چىڭنان قالاشىعىنىڭ ”بىلىققان قالاشىق“ اتى بار، القا بوساڭسىعان، قازىنا ءىسى بىلىققان، جوعارىعا ارىزداناتىندار كوپ، قوعام اماندىعى ناشار، قوعامدىق قايشىلىقتار كورنەكتى بولاتىن.
ۋىن جيانميڭگە بەلگىلى، تەك دامىعاندا عانا، ماسەلەنى شىنىمەن شەشۋگە بولادى. ول كادرلار مەن بۇقارانى سارىمساق، ۋسارىمساق مايساسى سياقتى ”دامدەندىرگىش كاسىبىن“ دامىتۋعا باستايدى؛ سونىمەن بىرگە، پارتيا ۇيىمىن كاسىپ تىزبەگىندە قۇرىپ، ءبىر توپ جەكە شارۋاشىلىق قوجايىندارىن ەنگىزىپ، جەكەلەر باسقارۋىنداعى كاسىپورىننان 130ىن جاڭادان قۇرىپ، ”اۋىل شارۋاشىلىق ءوندىرىس قۇرال - جابدىقتارىمەن قامداۋ - ساتۋ كوشەسىن“، ”اس - سۋ قىزمەت وتەۋ كوشەسىن“، ”قۇرىلىس ماتەريالدارىن مانەرلەۋ كوشەسىن“، ”اۋىل شارۋاشىلىعى ماشينالارى بولات ماتەريالدارى كوشەسىن“... قۇردى، چىڭنان قالاشىعى ءبىر جولاتا تۇتاس اۋدان بويىنشا باي، جاراسىمدى ۇلگىلى قالاشىققا اينالىپ، جان باسىندىق ورتاشا تازا كىرىسى 2002 - جىلعى 2130 يۋاننان 2010 - جىلعى 7780 يۋانعا ارتتى.
ۇزاق ۋاقىت اۋىل - قالاشىق قىزمەتىن ىستەۋ تاجىريبەسىن ۇزدىكسىز قورىتىندىلاۋ، كەمەلدەندىرۋ ارقىلى ۋىن جيانميڭ ”ءۇش ءتۇزىم، ءۇشتى تۇراقتاندىرۋ، ءۇش تاربيە“ جانە ”ەكىنى تومەنگە جىبەرۋ، ەكىنى شوعىرلاندىرۋ“ قىزمەت ءادىسىن جاسامپازدىقپەن جولعا قويدى ءارى بۇكىل ەلدەگى اۋىل - قالاشىقتاردا جالپىلاستىرىلادى. ول ىلگەرىندى - كەيىندى ”مەملەكەتتىك وزات قىزمەتكەر“، ”مەملەكەتتىك تاڭداۋلى كوممۋنيستىك پارتيا مۇشەسى“، ”مەملەكەتتىك ءمورال ۇلگىسى“ سياقتى اتاقتارعا يە بولدى.
2003 - جىلى ۋىن جيانميڭنىڭ باۋىردىڭ العاشقى قاتايۋى اۋرۋىنا شالدىققاندىعى تەكسەرىپ انىقتالادى، وتباسىنداعىلار مەن قىزمەتتەستەرى وعان جاقسى ەمدەلۋدى ءناسيحاتتاسا دا، ول ىلعي دا ”قىزمەتىم قاربالاس“ دەگەندى سىلتاۋراتىپ، ەمدەلۋدى كەشەۋىلدەتە بەرەدى. 2005 - جىلى ۋىن جيانميڭنىڭ تۋما باۋىر راگىنا شالدىققاندىعى تەكسەرىپ انىقتالادى، وسىدان كەيىنگى 8 جىلدا ىلگەرىندى - كەيىندى 38 رەت وپەراتسيا جاساتادى. ”ءبىر كۇن ءتىرى جۇرەدى ەكەنمىن، نامىسىمدى جىبەرمەيمىن، ءومىرىمنىڭ قۇنىن ايگىلەيمىن، رۋحتى جۇرەمىن“، ول اۋرۋمەن قايسارلىقپەن ايقاسا، بارىن سالا قىزمەت ىستەدى.
2014 - جىلى 1 - ايدىڭ 25 - كۇنى 51 جاستاعى ۋىن جيانميڭ ناۋقاس سەبەبىنەن ەمدەۋ ءونىم بەرمەي قايتىس بولادى. سان مىڭداعان كادر، بۇقارا يىڭشان اۋدانىنىڭ جەرلەۋ ورنىنا بارىپ، بار پەيىلىمەن حالىققا قىزمەت ەتكەن وسى جاقسى شۋجيدىڭ سۇيەگىن جاسقا تولعان جانارلارىمەن اتتاندىرىپ سالادى.
ۋىن جيانميڭنىڭ رۋحى پارتيا مۇشەلەرىن، كادرلاردى ۇدەرە العا تارتۋعا ىنتالاندىرۋدا. ”ءبىز ۋىن شۋجي سياقتى قۇلشىنا ۇمتىلىپ، قىزمەتتى قۇلشىنا ىستەپ، حالىق بۇقاراسىنىڭ جان اشىرى بولۋىمىز كەرەك“. يىڭشان اۋدانى شياۋچياۋ قالاشىعى پارتكومىنىڭ شۋجيى باي شيۋحۋا وزدەرىنىڭ ”ۋىن جيانميڭنىڭ قىزمەت ادىسىنەن“ ۇلگى الىپ، حالىقتىڭ حال - جاعدايىن ءبىلۋ كارتچكاسى، قىزمەتتەن مالىمەت بەرۋ كارتچكاسى، دەموكراتيالىق باعالاۋ كارتچكاسى سىندى ”ءۇش كارتچكا“ ءتۇزىمىن جولعا قويىپ، قوعامدىق قولامتامالى، قيىن ماسەلەلەردى شەشۋگە كۇش سالىپ، بۇقارانىڭ جاقسى باعاسىن العاندىعىن ايتتى.
