گو يلي (سولدان 3 -) لحاسا قالاسى موجۋگۇڭكا اۋدانىندا تاۋ كوشكىنى بولعان ناق مايداندا قۇتقارۋ قىزمەتىنە جەتەكشىلىك ەتۋدە (2013 - جىلى 3 - ايدىڭ 31 - كۇنى تۇسىرىلگەن). شينحۋا اگەنتتىگى تاراتقان (سۋرەتتى جاڭ چۋان تۇسىرگەن)
شينحۋا اگەنتتىگىنىڭ لحاسادان بەرگەن حابارى (ليۋ شين، گى تاۋ). ”توبەم تيگەن زەڭگىر كوككە، اسقاق ءۇندى تىڭداتام، قارلى تاۋدىڭ بيىگىندە قاسقايامىن ءارقاشان. ومىرىممەن قورعايمىن مەن جاراسىمدى، تىنىشتىق، ەڭ سۇيىكتى، ەڭ سۇيىكتى وتانىم دەپ ءۇن قاتام...“ قارۋلى ساقشى شيزاڭ باس اترەتىنىڭ بۇرىنعى سىليڭيۋانى گو يلي جازعان وسى ءبىر «قارلى تاۋدا قالعان ءىز» اتتى ءان قازىرگە دەيىن كەڭىنەن تارالۋدا. شەكارا قاراۋىلىن كۇزەتكەن 38 جىلدا گو يلي قىمباتتى ءومىرىن شىن نيەتىمەن سۇيگەن قۇتتى مەكەنگە ارنادى. ونىڭ سوزىمەن دە، ىسىمەن دە كورسەتكەن ونەگەسى ءورىم - ءورىم جالىندى جاستاردى وسىناۋ ۇستىرتكە تەرەڭ تامىر تارتىپ، شەكارانى قورعاۋعا شابىتتاندىرىپ كەلەدى.
گو يلي 1958 - جىلى 5 - ايدا دۇنيەگە كەلگەن، سىچۋاننىڭ يا - انىنان، 1976 - جىلى 12 - ايدا قوسىنعا كىرگەننەن باستاپ، شيزاڭعا كەلگەن، 1979 - جىلى 2 - ايدا جۇڭگو كوممۋنيستىك پارتياسىنا مۇشە بولعان. كەزىندە جاۋىنگەر، پايجاڭ، ورىنباسار ورتا اترەت باستىعى، ورتا اترەت باستىعى، حاۋىپسىزدىكتى تەكسەرۋ پۋنكتىنىڭ باستىعى، شەكارا قورعانىس تەكسەرۋ پۋنكتىنىڭ جىڭۋيى، لحاسا قولباسشىلىق مەكتەبىنىڭ بۇرىنعى باستىعى، باس اترەت ارتقى شەپ قىزمەتى ءبولىمىنىڭ بۇرىنعى باستىعى، باس اترەتتىڭ سانموۋجاڭى، باس اترەتتىڭ ورىنباسار باستىعى، باس اترەت باستىعى، شيزاڭ باس اترەتىنىڭ سىليڭيۋانى سياقتى قىزمەت مىندەتتەرىن وتەگەن.
2008 - جىلى 3 - ايدا وليمپيادا قاسيەتتى الاۋىنىڭ چوڭمولاڭما شىڭىنا جەتكىزىلۋىنە شىنايى كەپىلدىك ەتۋ ءۇشىن، گو يلي ىلگەرىندى - كەيىندى 3 رەت اترەت باستاپ، لحاسادان چوڭمولاڭما لاگەرىنە دەيىنگى لەنيانى كوزبە - كوز تەكسەرىپ، مىندەت اۋماعىنىڭ جاعدايىن تاپتەشتەي يگەرىپ، قاتىناس شىرعالاڭى، تابيعي اپات، اۆتوموبيل كىناراتى سياقتى 6 ۇلكەن ءتۇر بويىنشا 18 ءتۇرلى توسىن جاعدايعا توتەپ بەرۋدىڭ ساقتىق جوباسىن بەلگىلەدى ءارى شايقاستىق جاساقتاردىڭ جاتتىعۋىن سول جەردىڭ وزىندە وتكىزدى. 4 - ايدىڭ 28 - كۇنى ساعات 8دەن 50 مينۋت وتكەندە، گو يلي اترەت باستاپ 670 كيلومەتر ۇزاق جول باسىپ، قاسيەتتى الاۋدى تەڭىز دەڭگەيىنەن 5200 مەتر بيىكتىكتەگى چوڭمولاڭما لاگەرىنە قورعاپ جەتكىزدى.
گو يلي اسكەر جاتتىقتىرىپ، سوعىسقا دايىندالۋعا توتەنشە قاتاڭ ەدى. 2010 - جىلدىڭ سوڭىندا، بەلگىلى تارماق اترەت ءبىر رەتكى كولەمدى مىندەتتى ءساتتى ورىندايدى، دەسەدە، گو يلي كەمىستىگىن كورسەتىپ بەرەدى: شوفەردىڭ بەيتانىس جول جاعدايىنا ۇيلەسۋ قابىلەتى ناشار، قولباسشىنىڭ توتەنشە جاعدايلاردى ءبىر جايلى ەتۋى كەسكىن ەمەس.
جولداعى ماسەلەنى جولعا شىعىپ شەشىم ەتۋ ءتيىس. ءار جىلى بارلىق جىلجىمالى قوسىندى ءبىر رەت جورىققا شىعارۋ سىندى ”تۇتاس وڭىرلىك ۇزاق جولدى جىلجىمالى دالالىق جاتتىعۋ“ تولعانىسى گو يليدىڭ ويىندا بىرتىندەپ سۇلبالاندى.
كوپ وتپەي، جىلجىمالى قوسىننىڭ ۇزاق ساپار جورىعى قارلى بوراندا باستالدى.
ءىشىنارا ورىنداردان: بەلگىلى جابدىق ۇزىن ءارى اۋىر بولعاندىقتان، مەملەكەتتىك تاس جولدىڭ ”تابيعي توسقاۋىل“ بولىگىندە ءجۇرۋ قولايسىز بولدى، قايتۋعا بولا ما؟ الدىڭعى جاقتا جول جوندەپ جاتىر ەكەن، بەلگىلەنگەن ۋاقىتتان كەشىرەك جەتۋگە بولا ما؟ جول وپىرىلىپتى، العا جىلجۋعا شاراسىزبىز... دەگەن مالىمەتتەر كەلەدى.
جايشىلىقتاعى ماشىقتا كىنارات شىعارۋدان جاسقانسا، سوعىستا ساسقالاقتاپ ۇلكەن ىسكە دۋشار ەتەدى. گو يلي باتىل بۇيرىق بەرىپ: ”جول بىتەلسە جول اشىڭدار، جول اشا الماساڭدار اۆتوموبيلدى كوتەرىپ كەلىڭدەر!“ دەيدى.
ناقتى سوعىس بويىنشا قاداعالاپ، شايقاسقا شىعا الۋدى، شايقاسسا جەڭۋدى كوزدەگەن گو يلي سوعىسۋعا شەبەر ءۇستىرت قوسىنىن جەتىلدىرىپ، لحاسا تارماق اترەتى سياقتى ورىندار مەملەكەت بويىنشا اسكەري ماشىقتا 1 - دارەجەلى ورىن بولىپ باعالانادى، ول زەرتتەپ شىعارعان 10 نەشە ءتۇرلى سوعىس ءتاسىلى ۇستىرتتە كەڭىنەن جالپىلاستى.
2013 - جىلى 7 - ايدىڭ 10 - كۇنى گو يلي زورىعىپ ناۋقاستانىپ، توسىننان جۇرەك بۇلشىق ەتى ولەتتەنىپ، قىزمەت ورنىندا قالجىراپ جىعىلادى.
ءوزى ومىردەن وتسەدە، رۋحى ماڭگى ساقتالادى. قارۋلى ساقشى شيزاڭ باس اترەتى باس اترەتتىڭ تاريححاناسىنان گو يليدىڭ ىزگى ىستەر كورمە رايونىن ارنايى قۇرىپ، كوماندير - جاۋىنگەرلەردى قارت سىليڭيۋاندى ونەگە ەتىپ، ۇستىرتكە تامىر تارتىپ ءومىرىن ارناۋعا، ارميانى قۇدىرەتتەندىرۋ اۋىر مىندەتىن ارقالاۋعا شابىتتاندىردى.
