”ءبىز باقىتتى ءبىر ءۇيلى جاندارمىز“

شينجياڭ گازەتىنىڭ جالپىلىق اقپارات قۇرالدارى ءتىلشىسى گى يوۋجۇن، ەرىكتى تىلشىلەر جيا شيڭۋاڭ، ما حۇيليڭ

　　”ما جينحۇڭنىڭ تۋىسى وعان ەرەكشە جاقسى!“ سانجى قالاسى ىرليۋگۇڭ قالاشىعىنىڭ حۇڭشيڭ قىستاعىندا ءار جولى قىستاق تۇرعىنى ما جينحۇڭ مەن سانجى قالالىق قالا كوركى قورشاعان ورتا تازالىعىن باسقارۋ ورتالىعىنىڭ كادرلارى ەرلى - زايىپتى ليۋ بەي، يۇي شينحۇيلاردىڭ جۇپ قۇراپ تۋىس بولعانى اۋىزعا الىنعاندا، جۇرتتىڭ ءبارى اۋىز جاپپاي القاسادى.

　　ما جينحۇڭ بيىل 52 جاستا، سانجى قالاسى ىرليۋگۇڭ قالاشىعى حۇڭشيڭ قىستاعىنىڭ تۇرعىنى. 2016 - جىلى قىستا ول سانجى قالاسى قالا كوركى قورشاعان ورتا تازالىعىن باسقارۋ ورتالىعىنىڭ كادرى ليۋ بەيمەن تۋىس بولادى. ارالاسۋ بارىسىندا ولار شىن جۇرەكتەرىمەن ناعىز سۇيىسپەنشىلىك ورناتىپ، قۇددى ءبىر ءۇيلى جاندارداي بولدى.

　　34 جىلدىڭ الدىندا ءبىر جولعى قاتىناس شىرعالاڭىندا سول جىلى نەبارى 18 جاستاعى ما جينحۇڭنىڭ بەل ومىرتقاسى جارالانادى. ول كەزدە ەمدەۋ شارت - جاعدايى جاقسى ەمەس، ما جينحۇڭنىڭ بەلىندەگى جاراقات جازىلماي، دوڭگەلەكتى ورىندىققا سۇيەنىپ تۇرمىس كەشىرەدى. ءور مىنەزدى ما جينحۇڭ وزگەلەردىڭ جان اشىرلىعىن قابىلداعىسى، ۇكىمەتتىڭ قۇتقارۋىنا سۇيەنگىسى كەلمەدى، سونىمەن وتباسىنىڭ جول بويىنداعى ۇيىندە شاعىن دۇكەن اشىپ، ءوز كۇشىنە سۇيەنىپ ءومىر ءسۇردى.

　　”ليۋ بەي ۇيىمە كەلگەن سوڭ اپەكەلەپ شاقىرعاندا، ەكەۋىمىزدى قۇددى تۋعان اپەكە - سڭلىلەردەي سەزىندىم، ەشقانداي جاتىرقاعان جوقپىز“. وسىناۋ جىلداردا ليۋ بەيمەن ارالاستىعىن اۋىزعا العاندا، ما جينحۇڭنىڭ سىر ساندىعىنىڭ اۋزى اشىلىپ كەتكەندەي بولدى. ول ليۋ بەيدىڭ كەلگەن سايىن وزىنە جەيتىن، ىستەتەتىن نارسەلەر الا كەلەتىنىن، ەسىكتەن كىرە ءۇيدى تازالاپ، تاماق جاساپ، ۇيدەگى بارلىق جۇمىستى ىستەيتىندىگىن ايتتى.

　　ليۋ بەي ما جينحۇڭ مەن ونىڭ قىزىنىڭ تۇرمىس احۋالىن ءارقاشان كوكەيىندە ساقتادى. ۇيدەگى توسەك جاپقىشتان كىرلىككە دەيىن، شەشەلى - بالالى ەكەۋىنىڭ كيىمدەرىنە دەيىن، ت. ب ليۋ بەي كوڭىل ءبولىپ، ساتىپ الىپ كەلەدى. ليۋ بەي تاعى ۇنەمى ما جينحۇڭنىڭ قىزىن قالاعا ەرتىپ كەلىپ، ءوزىنىڭ ۇلىمەن بىرگە باقشانى ارالاتىپ، كينو كورسەتىپ، كينتاكيدىڭ تاعامدارىن الىپ بەرەدى. ەكى بالانىڭ كوڭىلدەنە ويناعان داۋىستارىن ەستىپ، ليۋ بەي دە قاتتى كوڭىلدى بولادى.

　　ءار جولى ما جينحۇڭنىڭ ۇيىنە بارعاندا، ءۇي جۇمىستارىن ىستەۋگە كومەكتەسۋدەن سىرت، ليۋ بەي بالانىڭ ساباق پىسىقتاۋىنا جەتەكشىلىك جاسايدى، ول ۇنەمى ۇيىندەگى ساباقتان سىرتقى كىتاپتاردى بالاعا الا كەلىپ، بالانىڭ كوز اياسىن كەڭەيتەدى. ما جينحۇڭنىڭ قىزى بۇرىن جاسقانشاق، مومىن، وزگەلەردىڭ الدىندا سويلەۋگە باتىنا المايتىن، ليۋ بەيمەن تانىسقالى مىنەزى قاعىلەز دە اشىق بولا باستادى.

　　2018 - جىلى ليۋ بەي ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناستى، قىزمەتتىڭ تالابى بويىنشا جۇپ قۇراعان تۋىسى دا وزگەرۋ كەرەك بولدى. ليۋ بەيدىڭ جولداسى يۇي شينحۇيدىڭ دا جۇپ قۇراعان تۋىسىن وزگەرتۋگە تۋرا كەلگەن كەزى ەدى، سونىمەن سۇيىسپەنشىلىكتىڭ ”كۇش جالعاۋ تاياقشاسىن“ وزىنە وتكىزىپ الادى.

　　يۇي شينحۇي ءۇي شارۋاسىن ىستەگەندە ليۋ بەيدەن قالىسا قويمايدى، جاساعان تاماعى ما جينحۇڭ مەن ونىڭ قىزىنىڭ اۋزىنا تاتىپ كەتەدى. ما جينحۇڭ بىلاي دەدى: ”ليۋ بەي مەن يۇي شينحۇي ەرلى - زايىپتى ەكەۋى دە بالىق جەگەندى جاقسى كورەدى، بالامىز ەكەۋىمىز دە ۇناتامىز، ولار كەلە قالسا، يۇي شينحۇي تاماق جاسايدى، قالعانىمىز كوڭىلدى اڭگىمەلەسىپ، ءۇي ءىشى ىقىلاستى پەيىلگە تولادى. قازىر ءبىز باقىتتى ءبىر ءۇيلى جاندارمىز“.

　　ما جينحۇڭنىڭ وتباسىنىڭ شاعىن دۇكەنىندە بۇرىن تەك كۇندەلىكتى تۇرمىس بۇيىمدارى عانا ساتىلاتىن، تيجارات سوماسى ماردىمسىز ەدى. ما جينحۇڭنىڭ ەكونوميكالىق كىرىسىن ارتتىرۋ ءۇشىن، يۇي شينحۇي ما جينحۇڭنىڭ ماتەريالدارىن الىپ، تەمەكىنى ارناۋلى پارشا ساتۋ رۇقسات كۋالىگىن الىپ بەرەدى. تيجارات نىسانى كوبەيگەننەن كەيىن، ما جينحۇڭنىڭ شاعىن دۇكەنىنىڭ تيجارات كىرىسى بۇرىنعىدان ايىنا بىرنەشە ءجۇز يۋان ارتتى. ما جينحۇڭنىڭ ساۋداسىن قولداۋ ءۇشىن، يۇي شينحۇي مەكەمە ورىننىڭ حۇڭشيڭ قىستاعىندا تۋىس تاپقان قىزمەتتەستەرىن جانە تۋىستارىنىڭ ءبارىن ما جينحۇڭنىڭ دۇكەنىنە كەلىپ زات ساتىپ الۋعا اتتانىسقا كەلتىردى.

　　قازىرگى تۇرمىسىن اۋىزعا العاندا، ما جينحۇڭ باقىت سەزىمىنە تولى كۇيمەن: ”مەن مۇگەدەك بولعانىممەن، ءبىراق پارتيا مەن ۇكىمەت ماعان باستان - اياق كوڭىل ءبولىپ كەلدى، اسىرەسە،’ ۇلتتار ىنتىماعىنىڭ بەرەكەلى شاڭىراعى‘ قيمىلى ورىستەتىلگەننەن بەرى، وسىنداي جاقسى تۋىسپەن تانىستىم، ءبىز ءومىر بويى تۋىسپىز!“، - دەدى.