شينجياڭ گازەتىنىڭ جالپىلىق اقپارات قۇرالدارى ءتىلشىسى فۋ شياڭلۇڭ 6 - ايدىڭ 2 - كۇنى ۇرىمجىدەن حابارلايدى. 6 - ايدىڭ 2 - كۇنى ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) 2020 - جىلعى 2 - توپتاعى ءتۇيىندى نىسانداردىڭ شوعىرلى ىرگە قالاۋ، قۇرىلىس باستاۋ سالتىن وتكىزدى، ءۇرىمجى حالىقارالىق قۇرلىق پورت رايونى، باينياۋحۋ جاڭا رايونى، جوعارى قارقىندى تەمىر جول اۋماعى سىندى 3 ۇلكەن اۋماقتاعى 18 نىسان جەكە - جەكە 3 نەگىزگى جينالىس الاڭىندا جانە 6 بولىمشە جينالىس الاڭىندا ىرگە قالاپ، جۇمىس باستادى، جالپى 53 ميلليارد 200 ميلليون يۋان قارجى قوسىلدى.
ءۇرىمجى جاڭا ەنەرگيالى اۆتوكولىكتىڭ موتور باتەريا نىسانى باينياۋحۋ جاڭا رايونىندا ىرگە قالادى. بۇل نىساننىڭ جالپى يەلەيتىن جەر اۋماعى شامامەن 2100 مۋ، العاشقى مەرزىمدىك نىسانىنىڭ يەلەيتىن جەرى 600 مۋ، نەگىزىنەن حاۋىپسىز فۋنكتسياسى جوعارى، ەنەرگيا تىعىزدىعى جوعارى، قايتالامالى عۇمىرى ۇزاق، ەلەكترلىك قۋاتى ساپالى موتور باتەرياسىن وندىرەدى، سالىنىپ بولعاننان كەيىن 2000نان استام ادامنىڭ جۇمىستانۋىنا جەتەكشىلىك ەتەدى.
ءۇرىمجى ەكونوميكالىق، تەحنيكالىق اشۋ رايونىنىڭ (توۋتۇنحى رايونى) 2 - مەرزىمدىك كەڭەيتىلگەن وڭىرىنە ورنالاسقان ءۇرىمجى لۇيگۋ حالىقارالىق ساۋدا ىستەرى رايونى نىسانىندا فينانس كاسىپ سالاسى باقشا رايونى، تۇرمىستىق سايكەستى رايون قامتىلعان، مۇندا فينانس كاسىپ سالاسى باقشا رايونىنا عىلىم - تەحنيكالىق، فينانستىق قىزمەت وتەۋ ورتالىعى، جىبەك جولى ەكونوميكالىق بەلدەۋى ءوندىرىس كاسىپ پەن فينانستى توعىستىرۋدان ۇلگى كورسەتۋ ورتالىعى، ازيا كىندىگى ينتەرنەتى فينانستىق قىزمەت وتەۋ، باسقارۋ ورتالىعى سياقتىلار قامتىلعان، ول قۇرامى كوپ نەگىزدى، قۇرىلىمى كەمەلدى، جۇيەسى اقاۋسىز فينانستىق ەكولوگيا كاسىپ سالاسىن قۇرايدى.
”ءبىز ’كاسىپورىننىڭ قۇن جاراتۋىنا قىزمەت وتەۋگە كۇش سالۋ‘ سىندى قىزمەت وتەۋ ۇستانىمىنا تاباندى بولىپ، ىرىقتىلىقپەن ءىس تىندىرىپ، نىسان قۇرىلىسىنا اناعۇرلىم دالدىكپەن، اناعۇرلىم ىقىلاسپەن قىزمەت وتەپ، نىساننىڭ ەرتەرەك سالىنىپ، ىسكە قوسىلۋىن ىلگەرىلەتەمىز“، - دەدى ءۇرىمجى ەكونوميكالىق - تەحنيكالىق اشۋ رايوندىق (توۋتۇنحى رايونى) پارتكومنىڭ ورىنباسار شۋجيى، رايون باستىعى جاڭ جۇنشياڭ.
