شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 6 - ايدىڭ 2 - كۇنى شاياردان حابارلايدى. 6 - ايدىڭ 2 - كۇنى رايونىمىزدا تۇڭعىش رەتكى كولەمدەنگەن مەلامين سمولا نىسانى، سونداي - اق ونىڭ سايكەستى نىسانى شايار اۋدانىندا جۇمىس باستاپ، نەگىز قالادى. نىساننىڭ اتقارىلۋى شينجياڭ ىشىندە اقاۋسىز، ورتانى قورعايتىن كەمەلدى مەلامين كاسىپ تىزبەگىن قالىپتاستىرىپ، اۆتونوميالى رايوننىڭ ونەركاسىپ سالاسى ءتۇرىن مولايتادى.
بۇل نىسانعا جالپى 3 ميلليارد 500 ميلليون يۋان قارجى قوسىلعان، اقسۋ ايماعىنداعى ءتۇيىندى نىسان، شينجياڭ شۋەفىڭ قارجى قوسۋ جارنا مەڭگەرۋ شەكتى جاۋاپكەرشىلىك سەرىكتەستىگى قارجى قوسىپ سالعان. ۇعىسۋىمىزشا، مەلامين سمولا نىسانى جوعارى جاعىندا تابيعي گاز حيميا ونەركاسىپ كاسىبىنە، تومەن جاعىندا مەلامين سوڭعى تۇتىنۋ ونىمدەرىنە ۇلاسقان ماڭىزدى بۋىن. نىسان قۇرىلىسىنىڭ كولەمى بويىنشا جىلىنا 100 مىڭ توننا فورمالدەگيد، 40 مىڭ توننا مەلامين سمولا پىشىندەنگەن ۇنتاعىن، 150 ميلليون دا 200 ميلليون دانا مەلامين ىدىس وندىرەدى، جىلىنا 7 ميلليون 500 مىڭ دانا قالىپتى ولشەمدى مەلامين كۇشەيتپەلى كوپ يقۋاتتى گيپس تاقتا، 50 مىڭ تەكشەمەترلىك مەلامين قاتتى ورتەنبەيتىن جىلۋ ساقتاۋ كەۋەك ماتەريالىن وندىرەدى.
نىسان 3 مەرزىم بويىنشا سالىنادى: 1 - مەرزىمدە ينجەنەرياعا جالپى 400 ميلليون يۋان قارجى قوسىلادى، يەلەيتىن جەرى 244 مۋ، تابيعي گازدان امبەباپ پايدالانۋ، سونداي - اق حاۋىپسىز ساقتاۋ، جۇكتەمە رەتتەۋ نىسانى قۇرىلىپ، 2021 - جىلدىڭ سوڭىنان بۇرىن سالىنىپ ىسكە قوسىلاتىندىعى مەجەلەنۋدە؛ 2 - مەرزىمدە مەلامين سمولاسىن ءوندىرۋ جانە ونىڭ تومەنگى بۋىنىنداعى قولدانىلمالى نىساندارى سالىنادى؛ 3 - مەرزىمدە مەلامين سمولا مادەنيەتى باقشا رايونى سالىنادى.
شايار اۋداندىق پارتكومنىڭ ورىنباسار شۋجيى، اۋدان اكىمى شاپحات وشىر بىلاي دەپ تانىستىردى: نىسان ءوندىرۋ قۋاتىنا جەتكەننەن كەيىن، جاڭادان ءبىر ميلليارد 400 ميلليون يۋان ءونىم قۇنى ارتىپ، 2000نان استام جۇمىس ورنىمەن قامدايدى، شايار اۋدانىنىڭ تابيعي گاز ابزال بايلىق قاينارىن سول جەردىڭ وزىندە كادەگە جاراتىپ، كاسىپ سالاسى تىزبەگىن ۇزارتىپ، اۋدان ءوڭىرىنىڭ ەكونوميكاسىنىڭ جوعارى ساپالى دامۋىن جەبەۋگە بەلسەندى رول اتقارادى.
