تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ماماندار، وقىمىستىلار اڭگىمە ءماجىلىسىن باسقارىپ اشتى

شي جينپيڭ ماماندار، وقىمىستىلار اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى

قۋاتتى الەۋمەتتىك دەنساۋلىق ساقتاۋ جۇيەسىن ورناتىپ، حالىقتىڭ دەنساۋلىعىن قورعاۋدى پارمەندى قامتاماسىزداندىرۋ كەرەك

لي كىچياڭ، ۋاڭ حۋنيڭ قاتىناستى

  6 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە ماماندار، وقىمىستىلار اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن

  شينحۋا اگەنتتىگىنىڭ 6 - ايدىڭ 2 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 2 - كۇنى تۇستەن كەيىن ماماندار، وقىمىستىلار اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: حالىقتىڭ حاۋىپسىزدىگى − مەملەكەت حاۋىپسىزدىگىنىڭ ىرگە تاسى. تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتىپ، دەنساۋلىق ساقتاۋ، سالاماتتىق سالاسىنداعى ەلەۋلى حاۋىپ - قاتەرلەردەن ءاردايىم ساقتانۋ كەرەك. قۋاتتى الەۋمەتتىك دەنساۋلىق ساقتاۋ جۇيەسىن ورناتىپ، الدىن الا ساقتاندىرۋ، اتتانىسقا كەلۋ مەحانيزمىن اقاۋسىزداندىرىپ، ساقتانۋ - تىزگىندەۋ جانە قۇتقارۋ - ەمدەۋ قابىلەتىن جالپى بەتتىك جوعارىلاتىپ، قورعانىس تورىن بەرىك توقىپ، اۋاشالاۋ قورعانىن بەرىك، مىقتى تۇرعىزعاندا عانا، حالىقتىڭ دەنساۋلىعىن قورعاۋدى شىن مانىندە پارمەندى قامتاماسىز ەتۋگە بولادى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ اڭگىمە ماجىلىسكە قاتىناستى.

  اڭگىمە ماجىلىستە جۇڭگو ينجەنەريا اكادەمياسىنىڭ اكادەميگى، گۋاڭجوۋ مەديتسينا داشۋەسى تىنىس جولى ىشكى اۋرۋلار ءبولىمىنىڭ پروفەسسورى جۇڭ نانشان، استانا مەديتسينا داشۋەسىنە قاراستى بەيجيڭ چاۋياڭ شيپاحاناسىنىڭ ورىنباسار باستىعى، اعا شيپاگەر تۇڭ چاۋحۇي، جۇڭگو ينجەنەريا اكادەمياسىنىڭ اكادەميگى، تيانجين جۇڭي شيپاگەرلىك - دارىگەرلىك داشۋەسىنىڭ باستىعى جاڭ بولي، جۇڭگو ينجەنەريا اكادەمياسىنىڭ اكادەميگى، اسكەري عىلىم اكادەمياسىنىڭ اسكەري مەديتسينا زەرتتەۋ مەكەمەسى ۋلى زات، ءدارى - دارمەك زەرتتەۋ ورنىنىڭ اعا زەرتتەۋشىسى لي سۇڭ، چيڭحۋا داشۋەسى شۋارزمان ءبىلىم ورداسىنىڭ باستىعى، الەۋمەتتىك باسقارۋ شۋەيۋانىنىڭ پروفەسسورى شۋە لان، جۇڭحۋا اۋرۋدىڭ الدىن الۋ مەديتسينا قوعامىنىڭ ورىنباسار ءتوراعاسى، اعا شيپاگەر ياڭ ۋيجۇڭ، چيڭحۋا داشۋەسى زاڭ شۋەيۋانىنىڭ پروفەسسورى، دەنساۋلىق ساقتاۋ زاڭدارىن زەرتتەۋ ورتالىعىنىڭ مەڭگەرۋشىسى ۋاڭ چىنگۋاڭ ىركەس - تىركەس ءسوز الىپ، ەلىمىزدىڭ ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمىن كەمەلدەندىرۋ، مەملەكەتتىڭ الەۋمەتتىك دەنساۋلىق ساقتاۋ جۇيەسىن اقاۋسىزداندىرۋ، مەديتسينالىق قۇتقارۋ - ەمدەۋ دەڭگەيىن جوعارىلاتۋ، جۇڭي شيپاگەرلىك - دارىگەرلىگىنىڭ رولىن ساۋلەلەندىرۋ، عىلىم - تەحنيكالىق تىرەكتى كۇشەيتۋ، الەۋمەتتىك دەنساۋلىق ساقتاۋ زاڭ ەرەجەلەر جۇيەسىن كەمەلدەندىرۋ سياقتىلار جونىندە پىكىر جانە ۇسىنىس قويدى. ءسوز سويلەۋ بارىسىندا شي جينپيڭ سوزگە شىققان ءاربىر ماماندار، وقىمىستىلارمەن پىكىرلەسىپ، كەيبىر ماسەلەلەر جونىندە ىشكەرىلەي جاعداي ۇعىسىپ، قاتىستى جاقتاردان مۇقيات زەرتتەۋدى، عىلمي جولمەن جاقسارتۋدى، لايىقتى شەشۋدى تالاپ ەتتى.

  كوپشىلىكتىڭ سوزدەرىن مۇقيات تىڭداعان سوڭ، باس شۋجي شي جينپيڭ ايرىقشا ماڭىزدى ءسوز سويلەدى. ول مىنالاردى ءبىلدىردى: توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا پارتيا ورتالىق كوميتەتى جالپى جاعدايدى ءبىر تۇتاس جوسپارلاپ، باتىل شەشىم جاساپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولدى، بۇكىل پارتيا، بۇكىل ارميا، بۇكىل ەلدەگى ءار ۇلت حالقى جوعارىدان تومەنگە دەيىن ءبىر نيەتپەن بار كۇشتى سالا ۇمتىلىپ، ەڭ قاتاڭ، ەڭ جان - جاقتى، ەڭ تۇبەگەيلى ساقتانۋ - تىزگىندەۋ شارالارىن قولدانىپ، بۇكىل ەلدىڭ ىندەتتەن ساقتانۋ - تىزگىندەۋ توسقاۋىل شايقاسىندا ماڭىزدى ستراتەگيالىق جەتىستىككە قول جەتكىزدى. بۇل جەتىستىكتەرگە قول جەتكىزۋ جۇڭگو كوممۋنيستىك پارتياسى باسشىلىعى مەن ەلىمىز سوتسياليزم ءتۇزىمىنىڭ كورنەكتى ساياسي ابزالدىلىعىن ايگىلەدى، رەفورما جاساپ، ەسىك اشقاننان بەرگى ەلىمىزدىڭ كۇن سايىن كۇشەيگەن جالپىلىق مەملەكەت قۋاتىن كورسەتتى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ قيىندىقتى بىلەك بىرىكتىرە جەڭەتىن، ەل بىرلىگىنەن بەرىك قامال تۇرعىزاتىن قۋاتتى كۇشىن ايگىلەدى.

  شي جينپيڭ بىلاي دەپ اتاپ كورسەتتى: ىندەتتەن ساقتانۋ - تىزگىندەۋ كۇرەسىندە قالىڭ ماماندار، وقىمىستىلار وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن كاسىپتىك ارتىقشىلىقتارىن ساۋلەلەندىرىپ، ىندەت جاعدايىنا تالداۋ جاساۋ، ساقتانۋ - تىزگىندەۋ تاكتيكاسىن كەمەلدەندىرۋ، مەديتسينالىق قۇتقارۋ - ەمدەۋگە جەتەكشىلىك ەتۋ، عىلمي زەرتتەۋدەن قامال الۋدى جەدەلدەتۋ، زاڭدارعا، زاڭ ەرەجەلەرگە وزگەرىس ەنگىزۋ، حالىقارالىق سەلبەستىكتى جەبەۋ سياقتى جاقتاردان اقىل - كەڭەس بەرىپ، ءادىس - امال كورسەتىپ، ىندەتتەن ساقتانۋ - تىزگىندەۋ كۇرەسىنە ماڭىزدى ۇلەس قوستى. شي جينپيڭ پارتيا ورتالىق كوميتەتى اتىنان كوپشىلىككە شىن جۇرەكتەن العىس ايتتى.

  شي جينپيڭ بىلاي دەپ باسا دارىپتەدى: ادامزاتتىڭ سالاماتتىعى − قوعامدىق وركەنيەتتىڭ العا باسۋىنىڭ نەگىزى. پارتيا 18 - قۇرىلتايىنان بەرى، پارتيا ورتالىق كوميتەتى جاڭا داۋىردەگى پارتيانىڭ دەنساۋلىق ساقتاۋ، سالاماتتىق قىزمەت باعىتىن ايقىنداپ، حالىقتىڭ سالاماتتىق دەڭگەيىن جوعارىلاتاتىن تۇزىمدىك قامتاماسىزدىقتاردى كۇشەيتىپ، الدىن الۋدى نەگىز ەتۋگە تاباندى بولىپ، الەۋمەتتىك دەنساۋلىق ساقتاۋ - قىزمەت وتەۋ جۇيەسىن ورنىقتى قاداممەن دامىتىپ، ءساتتى تۇردە A تيپتى H1N1 جۇقپالى تۇماۋى، H7N9، ەبولا قاناعىش قىزبا اۋرۋى سياقتى توسىن تۋىلعان ىندەتتەردىڭ الدىن الدى جانە وعان توتەپ بەردى، باستى جۇقپالى اۋرۋلارمەن اۋرۋ مولشەرى ايتارلىقتاي تومەندەدى. ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي ۇدەرىسىندە، دەنساۋلىق ساقتاۋ، سالاماتتىق ىستەرىن دامىتۋ قاشاندا نەگىزدىك ورىندا تۇرىپ، مەملەكەتتىڭ جالپى تۇلعالىق ستراتەگياسىمەن تىعىز ۇشتاسىپ، ماڭىزدى تىرەكتىك رول اتقارۋدا.

  شي جينپيڭ بىلاي دەپ اتاپ كورسەتتى: اۋرۋدىڭ الدىن الۋ جانە ونى تىزگىندەۋ جۇيەسى − حالىقتىڭ دەنساۋلىعىن قورعاۋدىڭ، الەۋمەتتىك دەنساۋلىق ساقتاۋ حاۋىپسىزدىگىن قامتاماسىزداندىرۋدىڭ، ەكونوميكالىق، قوعامدىق ورنىقتىلىقتى قورعاۋدىڭ ماڭىزدى كەپىلى. اناعۇرلىم ءدال، اناعۇرلىم ءونىمدى تۇردە الدىن الۋدى تياناق ەتىپ، ءتۇزىلىس - مەحانيزمدەردى رەتكە سالۋ، فۋنكتسيالىق سيپاتىن ايقىن تۇراقتاندىرۋ، كاسىپتىك قابىلەتتى جوعارىلاتۋ سياقتى جاقتاردا رەفورما جاساۋ سەرپىنىن ارتتىرا ءتۇسۋ كەرەك. الەۋمەتتىك دەنساۋلىق ساقتاۋ ىستەرىنە تۇراقتى ۇسىنىلىم قوسۋ مەحانيزمىن ورناتىپ، اۋرۋدىڭ الدىن الۋ جانە ونى تىزگىندەۋدىڭ نەگىزدىك شارت - جاعدايىن جاقسارتىپ، الەۋمەتتىك دەنساۋلىق ساقتاۋ - قىزمەت وتەۋ نىساندارىن كەمەلدەندىرۋ كەرەك. اۋرۋدىڭ الدىن الۋ جانە ونى تىزگىندەۋ قۇرىلىمدارىنىڭ فۋنكتسيالىق ورنالاسۋىن ساپالىلاندىرىپ، كەمەلدەندىرىپ، جوعارى مەن تومەن بىرلەسە قيمىلدايتىن جۇمىس ءبولىسى سەلبەستىك مەحانيزمىن ورناتۋ كەرەك. اۋرۋدىڭ الدىن الۋدىڭ جانە ونى تىزگىندەۋدىڭ مەملەكەت دارەجەلى قۇرىلىمدارىنىڭ قابىلەت قۇرىلىسىن كۇشەيتىپ، ولاردىڭ تەحنيكاسىن، قابىلەتىن، دارىندى قورىن كۇشەيتۋ كەرەك. اۋرۋدىڭ الدىن الۋ جانە ونى تىزگىندەۋ قۇرىلىمدارى مەن قالا، اۋىل الەۋمەتتىك اۋماقتارىنىڭ بىرلەسە قيمىلداۋ قىزمەت مەحانيزمىن اقاۋسىزداندىرىپ، اۋىل - قالاشىق ەمحانالارى مەن الەۋمەتتىك اۋماقتاعى دەنساۋلىق ساقتاۋ - قىزمەت وتەۋ ورتالىقتارىنىڭ اۋرۋدىڭ الدىن الۋ قىزمەت جاۋاپكەرشىلىكتەرىن كۇشەيتىپ، بىرلەسىپ ساقتانۋدىڭ، بىرلەسىپ تىزگىندەۋدىڭ نەگىزگى ساتىداعى نەگىزىن بەكەمدەۋ كەرەك. ەمدەۋ مەن الدىن الۋدى سايكەستىرۋ مەحانيزمىندە جاڭالىق اشىپ، قىزمەتكەر، ينفورماتسيا، بايلىق ىركىلىسسىز اۋىساتىن جانە قاداعالاۋ مەن باقىلاۋ - باسقارۋ ءوزارا تەجەيتىن مەحانيزم ورناتۋ كەرەك. اۋرۋدىڭ الدىن الۋ جانە ونى تىزگىندەۋ دارىندىلار قوسىنى قۇرىلىسىن كۇشەيتىپ، اۋرۋدىڭ الدىن الۋ جانە ونى تىزگىندەۋدىڭ وسىزاماندانعان جۇيەسىنە ۇيلەسەتىن دارىندى دايىنداۋ، ىستەتۋ مەحانيزمىن ورناتىپ، نەگىزگى ساتىداعى اۋرۋدىڭ الدىن الۋ جانە تىزگىندەۋ قوسىنىن ورنىقتىرۋ كەرەك. جوعارى دەڭگەيدەگى الەۋمەتتىك دەنساۋلىق ساقتاۋ شۋەيۋاندارىنان ءبىر توبىن قۇرىپ، ەتيولوگيالىق ساراپتاۋ، ىندەت جاعدايىن تۇجىرىمداۋ جانە تارالۋ زاڭدىلىعىن زەرتتەۋ، باسى - قاسىندا ەپيدەميولوگيالىق تەكسەرۋ جۇرگىزۋ، تاجىريبەحانالاردا تەكسەرۋ - ولشەۋ سياقتى ناقتى ماسەلەلەردى شەشە الاتىن دارىندىلاردى كۇش سالا دايىنداۋ كەرەك.

  شي جينپيڭ بىلاي دەپ باسا دارىپتەدى: ەرتە باستان قاداعالاۋ، الدىن الا ساقتاندىرۋ قابىلەتىن كۇشەيتۋدى الەۋمەتتىك دەنساۋلىق ساقتاۋ جۇيەسىن اقاۋسىزداندىرۋدىڭ كوكەي تەستى جۇمىسى ەتىپ، جۇقپالى اۋرۋلار ىندەتىن جانە توسىن تۋىلعان الەۋمەتتىك دەنساۋلىق ساقتاۋ وقيعالارىن قاداعالاۋ جۇيەسىن كەمەلدەندىرىپ، سەبەبى بەلگىسىز اۋرۋلار مەن قالىپسىز سالاماتتىق وقيعالارىن قاداعالاۋ مەحانيزمىن جاقسارتىپ، ساراپتاۋدىڭ، قاداعالاۋدىڭ سەزىمتالدىعى مەن دالدىگىن جوعارىلاتىپ، زەردەلىلەنگەن تاسىلمەن الدىن الا ساقتاندىرۋدىڭ كوپ تۇيىندە ۇشتاسۋ مەحانيزمىن ورناتىپ، كوپ ارنادا قاداعالاۋ، الدىن الا ساقتاندىرۋ مەحانيزمىن اقاۋسىزداندىرىپ، دەر كەزىندە تالداۋ جاساۋ، شوعىرلى تۇجىرىمداۋ قابىلەتىن جوعارىلاتۋ كەرەك. تاجىريبەحانالاردىڭ تەكسەرۋ - ولشەۋ تورى قۇرىلىسىن كۇشەيتىپ، جۇقپالى اۋرۋلاردى تەكسەرۋ - ولشەۋ قابىلەتىن ءوسىرۋ كەرەك. الەۋمەتتىك دەنساۋلىق ساقتاۋ قۇرىلىمدارى مەن ەمدەۋ قۇرىلىمدارى سايكەسە قاداعالاۋ مەحانيزمىن ورناتىپ، نەگىزگى ساتىداعى قاراۋىل تۇيىندەرىنىڭ رولىن ساۋلەلەندىرىپ، ەرتە بايقاۋ، ەرتە مالىمدەۋ، ەرتە ءبىر جاقتى ەتۋ كەرەك. توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ دايىندىق جوباسى جۇيەسىن اقاۋسىزداندىرىپ، دەنساۋلىق ساقتاۋ بويىنشا شۇعىل جاعدايعا توتەپ بەرۋ قوسىنىن دارەجەگە، تۇرگە ءبولىپ قۇرىپ، جاعدايدى تۇجىرىمداۋ، ەپيدەميولوگيالىق تەكسەرۋ جۇرگىزۋ، مەديتسينالىق قۇتقارۋ - ەمدەۋ، تاجىريبەحانادا تەكسەرۋ - ولشەۋ، الەۋمەتتىك اۋماقتا جەتەكشىلىك ەتۋ، زاتتىق ماتەريالداردى سەپتەۋ - ۇلەستىرۋ سياقتى سالالاردى قامتۋ كەرەك. نەگىزگى ساتىداعى دەنساۋلىق ساقتاۋ قىزمەتكەرلەرىنىڭ ءبىلىم قورىن جانە كۋرستىق تاربيەلەۋ - جاتتىعۋىن كۇشەيتىپ، الدىڭعى مەرزىمدىك ءبىر جاقتى ەتۋ قابىلەتىن ءوسىرۋ كەرەك. دەنساۋلىق ساقتاۋ بويىنشا شۇعىل جاعدايعا توتەپ بەرۋ بىلىمدەرى ۇگىت - تاربيەسىن ىشكەرىلەي ورىستەتىپ، حالىق بۇقاراسىنىڭ توسىن تۋىلعان الەۋمەتتىك دەنساۋلىق ساقتاۋ وقيعالارىن تانۋ دەڭگەيىن جانە ساقتانۋ، ءوزىن قۇتقارۋ، ءوزارا قۇتقارۋ قابىلەتىن جوعارىلاتۋ كەرەك. ءار دارەجەلى پارتكوم مەن ۇكىمەت ەلەۋلى ىندەتتەن ساقتانۋ - تىزگىندەۋ جۇمىستارىن مەرزىمدى ۋاقىتپەن اقىلداسۋ - ورنالاستىرۋ سياقتى دەنساۋلىق ساقتاۋ، سالاماتتىق قىزمەت مەحانيزمىن ورناتىپ، بۇيرىق - نۇسقاۋلار ايقىن، جۇيەلى دە ءتارتىپتى، ارنا - بولىكتەر ىركىلىسسىز، اتقارۋ پارمەندى بولۋدى ورىنداۋ كەرەك.

  شي جينپيڭ بىلاي دەپ اتاپ كورسەتتى: بۇل رەتكى جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى قۇتقارۋ - ەمدەۋ قىزمەتىندە، ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، بۇكىل ەلدەگى بايلىقتى بۇرىن بولماعان دەڭگەيدە جۇمىلدىرىپ، كەڭ كولەمدە قۇتقارۋ - ەمدەۋ ورىستەتىپ، بىردە - ءبىر جۇعىمدالۋشىنى قاعىس قالدىرمادىق، ءاربىر ناۋقاستى امان الىپ قالۋعا تىرىستىق، تۋعانىنا كوپ بولماعان نارەستەدەن 100دەن اسقان قارتتارعا دەيىن امان الىپ قالۋعا قۇلشىنىپ، اقى ماسەلەسى سەبەبىنەن ناۋقاستاردىڭ ەمدەلۋىنە ىقپال جەتكىزبەۋگە شىنايى كەپىلدىك ەتتىك. شۇعىل جاعدايداعى ەمدەۋ - دەنساۋلىق ساقتاۋ قۇرىلىمدارىن جۇمىلدىرۋدى، اتتانىسقا كەلتىرۋدى، وڭىرلىك بىرلەسە قيمىلداۋدى، قىزمەتكەرلەردى سەپتەۋ - شوعىرلاندىرۋدى ءبىر تۇتاس جوسپارلاپ، ەلەۋلى ىندەتتەن قۇتقارۋ - ەمدەۋدىڭ دارەجەگە، ساتىعا، تارماققا بولىنگەن مەحانيزمىن ورناتۋ، اقاۋسىزداندىرۋ كەرەك. ۇكىمەتتىك شيپاحانالاردىڭ جۇقپالى اۋرۋدان قۇتقارۋ - ەمدەۋ قابىلەتى قۇرىلىسىن جالپى بەتتىك كۇشەيتىپ، كەشەندى شيپاحانالاردىڭ جۇقپالى اۋرۋلاردىڭ الدىن الۋ جانە ەمدەۋ قۇرىلعىلارى قۇرىلىسى ولشەمىن كەمەلدەندىرىپ، شۇعىل جاعدايعا توتەپ بەرۋ بويىنشا مەديتسينالىق قۇتقارۋ - ەمدەۋ دايىندىق قور قابىلەتىن ءوسىرۋ كەرەك. قالالارداعى الەۋمەتتىك اۋماق پەن اۋىل - قىستاق نەگىزگى ساتىلارىن، شەكارا، شەكارا وتكەلدەرى قالالارىن، اۋدان دارەجەلى شيپاحانالار مەن جۇڭي شيپاحانالارىن ءتۇيىن ەتىپ، قالا، اۋىل 3 دارەجەلى مەديتسينالىق قىزمەت وتەۋ تورىن كەمەلدەندىرۋ كەرەك. مەملەكەتتىك مەديتسينا ورتالىعى، وڭىرلىك ەمدەۋ ورتالىعى سياقتى بازالار قۇرىلىسىن كۇشەيتىپ، ەلەۋلى جۇقپالى اۋرۋدان قۇتقارۋ - ەمدەۋ قابىلەتىن ءوسىرۋ كەرەك.

  شي جينپيڭ بىلاي دەپ باسا دارىپتەدى: وتانشىلدىق تازالىق قيمىلى − پارتيامىزدىڭ بۇقارالىق لۋشياندى دەنساۋلىق ساقتاۋ، اۋرۋدىڭ الدىن الۋ قىزمەتىندە قولدانۋىنىڭ تابىستى امالياتى. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كۇرەسىنىڭ تاجىريبەلەرىن قورىتىندىلاپ، وتانشىلدىق تازالىق قىزمەتىنىڭ ءمانىن بايىتىپ، ءادىس - تاسىلىندە جاڭالىق اشىپ، ورتا تازالىعىن جونگە سالۋدان تۇتاس قوعامنىڭ سالاماتتىعىن باسقارۋعا قاراي بۇرىلىس جاساۋدى ىلگەرىلەتىپ، حالىقتىڭ دەنساۋلىعىنا ساياتىن جالپى جاعدايلىق، ۇزاق ۋاقىتتىق ماسەلەلەردى ويداعىداي شەشۋ كەرەك. قونىس ورتاسىن جالپى بەتتىك جاقسارتىپ، الەۋمەتتىك تازالىق ورتاسىنىڭ نەگىزدىك قۇرىلعى قۇرىلىسىن كۇشەيتىپ، قالا، اۋىل ورتاسىنىڭ تازالىعىن رەتتەۋ - جونگە سالۋدى ىلگەرىلەتىپ، تازا قالا - قالاشىق قۇرۋدى ىلگەرىلەتۋ كەرەك. وركەنيەتتى، اقاۋسىز، جاسىل، قورشاعان ورتانى قورعاۋعا پايدالى تۇرمىس ءتاسىلىن دارىپتەپ، سالاماتتىق بىلىمدەرىن جالپىلاستىرۋدى ورىستەتىپ، تاماشا تاماقتانۋ سالتىن ورناتىپ، وركەنيەتتى، اقاۋسىز تۇرمىس ادەتىن جالپىلاستىرۋ كەرەك. سالاماتتىقتى بارلىق ساياساتقا توعىستىرۋدى ىلگەرىلەتىپ، جالپى اينالىمدىق باسقارۋ ۇستانىمىن قالا جوسپارىنىڭ، قۇرىلىسىنىڭ، باسقارۋىنىڭ جالپى بارىسىنا، ءار بۋىنىنا ءسىڭىرۋ كەرەك. ءار دارەجەلى پارتكوم مەن ۇكىمەت وتانشىلدىق تازالىق قىزمەتىن ماڭىزدى كەڭەستىك كۇن تارتىپكە قويىپ، قوعامدى اتتانىسقا كەلتىرۋدىڭ اناعۇرلىم ءونىمدى ءتاسىلىن قاراستىرۋ كەرەك.

  شي جينپيڭ بىلاي دەپ اتاپ كورسەتتى: جۇڭي مەن باتىس شيپاگەرلىگىن بىرلەستىرۋ، جۇڭي دارىلەرى مەن باتىس دارىلەرىن قاتار قولدانۋ وسى رەتكى ىندەتتەن ساقتانۋ - تىزگىندەۋدەگى ءبىر ۇلكەن ەرەكشەلىك ءارى جۇڭي شيپاگەرلىك - دارىگەرلىگىنىڭ جاۋھارىنا مۇراگەرلىك ەتۋدىڭ، تۋراشىلدىقتى ساقتاپ، جاڭالىق اشۋدىڭ جاندى امالياتى. كلاسسيكالىق شيپاگەرلىك كىتاپتاردىڭ جاۋھارلارىن ەكشەپ الۋدى جانە اشۋدى كۇشەيتىپ، عىلمي زەرتتەۋدىڭ تىرەك تۇعىرلارىنان ءبىر توبىن قۇرىپ، جۇڭي دارىلەرىن تەكسەرۋ - باعالاۋ، تەكسەرۋ - بەكىتۋ مەحانيزمىنە رەفورما جاساپ جانە ونى كەمەلدەندىرىپ، جۇڭي شيپاگەرلىگىنىڭ جاڭا دارىلەرىن زەرتتەپ اشۋدى جانە كاسىپ سالالاندىرا دامىتۋدى جەبەۋ كەرەك. جۇڭي شيپاگەرلىگى - دارىگەرلىگى قىزمەت وتەۋ جۇيەسى قۇرىلىسىن كۇشەيتىپ، جۇڭي شيپاحانالارىنىڭ شۇعىل جاعدايعا توتەپ بەرۋ جانە ەمدەۋ - قۇتقارۋ قابىلەتىن جوعارىلاتۋ كەرەك. جۇڭي شيپاگەرلىگى - دارىگەرلىگى ەرەكشەلىگىندەگى دارىندىلار قۇرىلىسىن كۇشەيتىپ، جۇڭي شيپاگەرلىگىمەن اۋرۋدىڭ الدىن الۋ جانە ونى ەمدەۋدىڭ جوعارى دەڭگەيلى، مەملەكەتتىك قوسىنىن قالىپتاستىرۋ كەرەك. جۇڭي شيپاگەرلىگى - دارىگەرلىگى قىزمەتىنە ۇيىمدىق باسشىلىقتى كۇشەيتىپ، جۇڭي شيپاگەرلىگى - دارىگەرلىگى مەن باتىس شيپاگەرلىگى - دارىگەرلىگىنىڭ ءبىرىن - ءبىرى تولىقتاۋىن، سايكەسە دامۋىن ىلگەرىلەتۋ كەرەك.

  شي جينپيڭ بىلاي دەپ باسا دارىپتەدى: جۇقپالى اۋرۋلاردىڭ الدىن الۋ جانە ونى ەمدەۋ زاڭى، توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ زاڭى سياقتى زاڭدارعا وزگەرىس ەنگىزۋ جانە جاساۋ قىزمەتىن باعىتتامالى تۇردە ىلگەرىلەتىپ، ىندەتتەن ساقتانۋ - تىزگىندەۋ بويىنشا زاڭ اتقارۋدىڭ ۇقىق پەن جاۋاپكەرشىلىگى ايقىن، ءتارتىبى جۇيەلى، اتقارۋى پارمەندى مەحانيزمىن اقاۋسىزداندىرىپ، ەلەۋلى، جاڭا، توسىن تۋىلعان جۇقپالى اۋرۋلاردىڭ الدىن الۋ جانە ونى تىزگىندەۋ شارالارىن زاڭ جاعىنان ونان ارى كەمەلدەندىرىپ، ورتالىق پەن جەرگىلىكتى ورىنداردىڭ، ۇكىمەت پەن تاراۋلاردىڭ، اكىمشىلىك ورگاندار مەن كاسىبي قۇرىلىمداردىڭ قىزمەت جاۋاپكەرشىلىگىن ايقىنداۋ كەرەك. الەۋمەتتىك دەنساۋلىق ساقتاۋ حاۋىپسىزدىگى جانە ىندەتتەن ساقتانۋ - تىزگىندەۋ زاڭدارى مەن زاڭ ەرەجەلەرىن جالپىلاستىرىپ، بۇكىل قوعامدا زاڭ بويىنشا ارەكەت جۇرگىزۋدى، زاڭ بويىنشا ءىس ىستەۋدى ىلگەرىلەتۋ كەرەك.

  شي جينپيڭ بىلاي دەپ اتاپ كورسەتتى: عىلىم - تەحنيكا − ادامزاتتىڭ اۋرۋمەن كۇرەسەتىن وتكىر قارۋى، ادامزاتتىڭ ۇلكەن اپاتتاردى، ۇلكەن ىندەتتەردى جەڭىپ شىعۋى عىلىمنىڭ دامۋىنان جانە تەحنيكانىڭ جاڭالانۋىنان قول ۇزە المايدى. دەنساۋلىق ساقتاۋ، سالاماتتىق سالاسىنداعى عىلىم - تەحنيكالىق ۇسىنىلىمدى ارتتىرىپ، كۇشتەردى شوعىرلاندىرا وتىرىپ وزەكتى تەحنيكادا قامال الىپ، جاڭاشا مەملەكەتتىك ءتۇزىلىستىڭ باسىمدىعىن ساۋلەلەندىرۋ كەرەك. عىلمي زەرتتەۋ دارىندىلارىن دامىتۋ ءتۇزىلىس - مەحانيزم رەفورماسىن تەرەڭدەتىپ، ستراتەگيالىق عالىمدار مەن جاڭالىق اشۋ تيبىندەگى عىلىم - تەحنيكالىق دارىندىلاردى بايقاۋ، جەتىلدىرۋ، ىنتالاندىرۋ مەحانيزمىن كەمەلدەندىرىپ، اناعۇرلىم كوپ ۇزدىك دارىندىلاردى عىلىمي زەرتتەۋ قوسىنىنا كىرۋگە باۋراپ، ولاردىڭ اعالاپ العا شىعۋىنا شارت - جاعداي ازىرلەۋ كەرەك.

  شي جينپيڭ بىلاي دەپ باسا دارىپتەدى: بۇل رەت ىندەت تۋىلعاننان بەرى، ءبىز ادامزاتتىڭ تاعدىرلاس ورتاق تۇلعاسى ۇستانىمىن بەرىك ۇستانىپ، حالىقارالىق بورىشىمىزدى بەلسەنە وتەپ، دۇنيە جۇزىلىك دەنساۋلىق ساقتاۋ ۇيىمىمەن جانە قاتىستى مەملەكەتتەرمەن دوستىق سەلبەستىكتى نىعايتىپ، ىندەت جاعدايى مەن ۆيرۋس ينفورماتسيالارىن، ىندەتكە قارسى اتتانۋ تاجىريبەلەرى مەن ادىستەرىن حالىقارالىق قوعاممەن ىرىقتى تۇردە ورتاق پايدالانىپ، 100دەن استام مەملەكەت پەن حالىقارالىق ۇيىمعا قولىمىزدان كەلگەنشە زاتتىق جانە تەحنيكالىق كومەك كورسەتىپ، جاۋاپكەرشىلىك ارقالايتىن ءىرى ەلدىك جاۋاپكەرشىلىگىمىزدى ايگىلەدىك. ءبىز حالىقارالىق بورىشىمىزدى ۇزدىكسىز وتەپ، ىندەتكە قارسى زاتتىق ماتەريالدارمەن قامدايتىن الەمدەگى ەڭ ۇلكەن ەلدىك رولىمىزدى ساۋلەلەندىرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرۋىمىز كەرەك.

  ديڭ شۋەشياڭ، ليۋ حى، سۇن چۇنلان، ياڭ جيەچى، جاڭ يوۋشيا، حۋاڭ كۇنميڭ، ساي چي، ۋاڭ يۇڭ، شياۋ جيە، جاۋ كىجى، حى ليفىڭ اڭگىمە ماجىلىسكە قاتىناستى.

  ورتالىق پەن مەملەكەت ورگاندارىنىڭ قاتىستى تاراۋلارىنداعى نەگىزگى جاۋاپتى جولداستار، مەملەكەتتىك حالىق قۇرىلتايى تۇراقتى كوميتەتىنىڭ زاڭ - ءتۇزىم قىزمەت كوميتەتىندەگى، ورتالىق اسكەري ىستەر كوميتەتى كەڭسەسىندەگى نەگىزگى جاۋاپتى جولداستار، مامانداردىڭ، وقىمىستىلاردىڭ ۋاكىلدەرى، ت.ب اڭگىمە ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.