تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

لي يۇڭچياڭ: ادال جانىن شالقار نانحاي تەڭىزىمەن توعىستىردى

  شينحۋا اگەنتتىگىنىڭ حايكوۋدان بەرگەن حابارى (ءتىلشى لي يۇن). اسكەري مەكتەپتى بىتىرگەن سوڭ، لي يۇڭچياڭ نانشاعا بارىپ قىزمەت ىستەۋدى قاتاڭ تالاپ ەتتى. ءسويتىپ، وتاننىڭ نانحايىندا اقتىق دەمى ۇزىلگەنشە 21 جىل قىزمەت ىستەدى.

  لي يۇڭچياڭ حىناننىڭ باۋفىڭىنان، 1968 - جىلى 10 - ايدا دۇنيەگە كەلگەن، 1987 - جىلى 11 - ايدا اسكەري قوسىنعا قاتىناسقان، 1990 - جىلى 6 - ايدا پارتياعا مۇشە بولىپ قابىلدانعان، جاۋىنگەر، كۋرسانت، تەحنيك، مەتەورولوگيا وقىتۋشىسى بولىپ مىندەت وتەگەن. قوسىنعا قاتىناسقان 27 جىلدا، ول ىلگەرىندى - كەيىندى 27 رەت نانشاعا بارىپ مارجان قۇزداردى كۇزەتتى، مارجان قۇزداردى كۇزەتكەن جالپى ۋاقىتى 86 اي بولدى.

  لي يۇڭچياڭ بالا كەزىنەن باستاپ، ەرتەرەكتە ازاتتىق سوعىسىنا قاتىناسقان، تالاي رەت ەڭبەك سىڭىرگەن اتايىنىڭ اسەرىنە ۇشىراپ، كىشكەنتايىنان اسكەري كازارماعا ەرەكشە ىنتىعاتىن. ول ساپتاستارىنا: ”كۇرەسپەن وتكەن جالىندى جاستىق كوكتەم ەڭ ادەمى، قايىسپاس قايسار ءومىر ەڭ داڭقتى“ دەگەندى ۇنەمى ايتاتىن.

  نانشانىڭ سۋ رايى، اۋا رايى فاكتورلارىنىڭ وزگەرىس ەرەكشەلىگىن انىقتاۋ ءۇشىن، لي يۇڭچياڭ مەن ساپتاستارى قات - قابات قيىنشىلىقتاردى جەڭىپ، نانشانىڭ سۋ رايى، اۋا رايى وزگەرىستەرىنىڭ زاڭدىلىعىنا مۇقيات تالداۋ جاسادى، ولار جازعان «نانحايدىڭ سۋ رايىن، اۋا رايىن باقىلاۋ وقۋلىعى» نانحايدىڭ تەڭىز - مۇحيت مەتەورولوگياسى جونىندەگى كۋرستىڭ تۇڭعىش كاسىپتىك وقىتۋ ماتەريالىنا اينالدى.

  نانشا تەڭىز ايدىنىنىڭ اۋرا رايى كۇردەلى، قۇبىلمالى، تايفىڭ، سۋىق اعىس ءجيى بولىپ تۇراتىندىقتان، اۋا رايى بولجامى وسى كاسىپ سالاسىنداعى ماشاقاتتى ءتۇيىن بولدى. لي يۇڭچياڭ ۇساق ساندى مالىمەتتەردىڭ ۇلكەن اۋا رايىمەن تىعىز بايلانىستى ەكەندىگىن، كىشكەنە عانا نەمقۇرايدىلىقتىڭ ۇلكەن حاۋىپسىزدىككە اسەر ەتىنىن ىلعي دا وزىنە ەسكەرتىپ، ءار جولعى اۋا رايى بولجامىنىڭ ساندى مالىمەتتەرىنە بارىنشا اباي بولىپ، توتەنشە ۇقىپتىلىقپەن قاراپ، جەتىلدىرە تۇسەتىن. 2003 - جىلدان بەرى، لي يۇڭچياڭ مەن ساپتاستارى بىرگە قۇلشىنىپ، نانشاداعى تۇڭعىش جەر بەتى اۋا رايىن اۆتوماتتى باقىلاۋ جۇيەسىن قۇرىپ، نانشاداعى تۇڭعىش اتموسفەرالىق تولقىن قوندىرعىسىن سالىپ، نانشانىڭ سۋ رايى، اۋا رايى ىستەرىندەگى 10 نەشە تۇڭعىشتى جارىققا شىعارىپ، يۋنەسكو مەن مەملەكەتتىك تەڭىز - مۇحيت مەكەمەسىنىڭ جوعارى ماراپاتىنا جانە تولىق تۇراقتاندىرۋىنا يە بولدى.

  لي يۇڭچياڭ تەڭىزدى سەرىك ەتىپ، مارجان قۇزداردى ۇيىندەي كوردى، ونىڭ نانشادا بارماعان تەڭىز ايدىنى جوق، ىلگەرىندى - كەيىندى مارجان قۇزداردا 9 كوكتەم مەرەكەسىن وتكىزدى. ۇزاق ۋاقىت بويى الدىڭعى شەپتە مارجان قۇزداردى كۇزەتكەندىكتەن، لي يۇڭچياڭ ءاۋ باستاعى شىمىر دەنەلى ورتا جازىق ازاماتىنان شاشى سەلدىرەگەن تومارداي قارتقا اينالدى، ءتىپتى، باسى اينالىپ، قۇلاق شىڭىلداۋ، جەل - قۇز اۋرۋى سياقتى كوپتەگەن اۋرۋعا شالدىقتى، اسىرەسە، رەۆماتيزمى قوزعالعاندا، دارەتحاناعا بارۋ، باسپالداقتان ءتۇسۋ ءۇشىن جانىندا ادام سۇيەپ جۇرەتىن بولدى.

  2014 - جىلى 2 - ايدىڭ 23 - كۇنى، نانشاداعى حۋاياڭ مارجان قۇز اۋا رايى پۋنكتىنىڭ دارەجەسى ءوسىرىلىپ جاڭالاندى، قايىقپەن مارجان قۇزعا بارا جاتقان جولدا لي يۇڭچياڭ حۋاياڭداعى مارجان قۇز سۋ جولىنىڭ اۋزىندا كەنەتتەن الىپ تولقىنعا جولىعىپ، قايىق اۋدارىلىپ، قايىقتاعىلاردىڭ بارلىعى سۋدا قالادى. لي يۇڭچياڭ ءوز باسىنىڭ اماندىعىنا قاراماستان، الدىمەن جانىنداعى قايىق باستىعى چياۋ لۇڭدى بار كۇشىمەن قايراڭعا قاراي يتەرەدى، ونان سوڭ قايىقتىڭ ىلگەكشىسى جاڭ گاڭدى مارجان قۇزعا قاراي جان دارمەن يتەرەدى، ال ءوزى سۋدىڭ يىرىمىنە باتىپ، قۇتقارۋ ءونىم بەرمەي ەرلىكپەن قۇربان بولادى، ءسويتىپ، جان اشىر تۋىستارى مەن ساپتاستارىنا قوش ايتۋعا ۇلگىرمەستەن ءوزى جانىنداي سۇيەتىن نانشادان جانە ارداقتايتىن كاسىبىنەن اسىعىس ايىرىلىپ، ءومىرىن شالقار نانحايمەن توعىستىرىپ كەتە باردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى