شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ شياۋيان 6 - ايدىڭ 3 - كۇنى ۇرىمجىدەن حابارلايدى. بيڭتۋان جۋىقتا «كەزەكتەگى جانە بۇدان بىلايعى ءبىر مەزگىلدەگى جۇمىستانۋدى ورنىقتىرۋ قىزمەتىن اناعۇرلىم جاقسى ىستەۋ جونىندەگى اتقارۋ پىكىرىن» باسىپ تاراتىپ، كاسىپورىنداردىڭ جۇمىس ورنىن ورنىقتىرۋىن قولداۋ، اناعۇرلىم كوپ جۇمىس ورنىن اشۋ، ەڭبەكشىلەردىڭ ءتۇرلى ارنامەن جۇمىستانىپ شارۋاشىلىق قۇرۋىن جەبەۋ، ۇيىمدىق قامتاماسىز ەتۋدى كۇشەيتۋ سياقتى جاقتاردا باعىتتامالى سيپاتتى ساياسات، شارالاردى العا قويىپ، جۇمىستانۋدى اناعۇرلىم ورنىقتىردى جانە جەبەدى.
«اتقارۋ پىكىرىنە» نەگىزدەلگەندە، بيڭتۋان كاسىپورىندارعا كومەكتەسىپ جۇمىس ورنىن ورنىقتىرۋ تەبىنىن ارتتىرادى ەكەن. جۇمىسسىزدىقتى قامسىزداندىرۋ قاراجاتى مولشەرىن، جۇمىس ۇستىندە جارالانۋدى قامسىزداندىرۋ مولشەرىن كەزەڭدىك تومەندەتۋ ساياساتىن جالعاستى اتقارادى، اتقارۋ شەكتى مەرزىمى 2021 - جىلى 4 - ايدىڭ 30 - كۇنىنە دەيىن ۇزارتىلادى. جۇمىسسىزدىقتى قامسىزداندىرۋ جۇمىس ورنىن ورنىقتىرۋ قاراجاتىن قايتارىپ بەرۋ تەبىنىن كۇشەيتىپ، قىزمەتكەرىن قىسقارتپاعان نەمەسە از قىسقارتقان ورتا، شاعىن، ۇساق كاسىپورىندارعا مەڭزەس، قايتارىپ بەرۋ ولشەمىن، ەڭ جوعارى بولعاندا، كاسىپورىننىڭ، سونداي - اق ونىڭ جۇمىسشى - قىزمەتشىلەرىنىڭ وتكەن جىلى تاپسىرعان جۇمىسسىزدىق قامسىزداندىرۋى قاراجاتىنىڭ ％100ىنە دەيىن جوعارىلاتۋعا بولادى.
كاسىپورىندارعا بولعان فينانستىق قولداۋ كۇشەيتىلەدى. جالپىعا ءتيىمدى فينانستىق باعىتتامالى امانات ساقتىق اقشاسى مولشەرىن تومەندەتۋ ساياساتى تياناقتاندىرىلىپ، حالىق باسقارۋىنداعى كاسىپورىندار مەن شاعىن، ۇساق كاسىپورىنداردىڭ قارجى قۇراۋىنا ءتۇيىندى قولداۋ كورسەتىلەدى. بانكەلەردىڭ ءتۇيىندى كاسىپورىندار ءۇشىن ارناۋلى امانات - قارىز جوسپارىن جاساۋىنا شابىت بەرىلەدى، ۋاقىتتىق قيىنشىلىققا ۇشىراعان، الايدا سەنىمدى قارىز بەرۋ شارت - جاعدايىنا ۇيلەسەتىن كاسىپورىندارعا مەڭزەس، قارىزدى مەرزىمىنەن بۇرىن قايتارىپ الۋىنا، قارىزدا ءۇزىلىس جاساۋعا بولمايدى.
كاسىپورىنداردىڭ جۇمىسقا باۋراۋىنا شابىت بەرىلەدى. ءتۇرلى كاسىپورىنداردىڭ جاڭادان ەڭبەكشىلەردى جۇمىستانۋعا باۋراۋىنا مەڭزەس، كاسىپورىنداردىڭ تۇرىنە، وڭىرلىك ورنالاسۋىنا، قابىلداعان ەڭبەكشىلەردىڭ تيبىنە قاراي، ەڭ جوعارى بولعاندا، كاسىپورىننىڭ ناقتى تاپسىرعان نەگىزدىك زەينەتكەرلىك قامسىزداندىرۋ قاراجاتى، نەگىزگى ەمدەلۋدى قامسىزداندىرۋ قاراجاتى جانە جۇمىسسىزدىقتى قامسىزداندىرۋ قاراجاتى ۇشەۋىنىڭ قوسىندىسى بويىنشا ەڭ ۇزاق بولعاندا 3 جىلدىق مەرزىممەن قوعامدىق قامسىزداندىرۋ قوسىمشا قاراجاتى بەرىلەدى. شاعىن، ۇساق كاسىپورىندار سول جىلى جاڭادان قابىلداعان شارۋاشىلىق قۇرۋ كەپىلدىك قارىز اقشاسىنا ءوتىنىش بەرۋ شارتىنا ۇيلەسەتىندەردىڭ سانى كاسىپورىننىڭ جۇمىستاعى جۇمىسشى - قىزمەتشىلەر سانىنىڭ ％20ىنە جەتسە (100 ادامنان اساتىن كاسىپورىندا ％10)، سونداي - اق ونىمەن ءبىر جىلدان استام ۋاقىتقا ەڭبەك توقتامىن جاساسا، ەڭ جوعارى بولعاندا 3 ميلليون يۋاننان اسپايتىن شارۋاشىلىق قۇرۋ كەپىلدىك قارىز اقشاسىن ءوتىنىش ەتۋىنە بولادى.
جوعارى مەكتەپ وقۋشىلارى سياقتى جاستاردىڭ جۇمىستانۋى ورنىقتىرىلادى. ارنايى شتاتتاعى وقىتۋشىلار جوسپارى، ”وقۋ - اعارتۋعا، اۋىل شارۋاشىلىعىنا، ەمدەۋگە كومەك جانە كەدەيلەردى سۇيەمەلدەۋ قىزمەتى“ جوسپارى، جوعارى مەكتەپ وقۋشىلارىنىڭ ەرىكتى قىزمەت وتەۋى باتىس بولىك جوسپارى سياقتى نەگىزگى ساتى قىزمەت وتەۋ نىساندارى ۇزدىكسىز ۇيىمداستىرىلىپ اتقارىلادى. ءار دارەجەلى ءىسورىندارىنداعى بوس قىزمەت ورىندارىنا بيىل جانە كەلەر جىلى 2 جىلدا جوعارى مەكتەپ تاۋىسقان وقۋشىلاردى ارناۋلى قابىلداۋ تەبىنىن جوعارىلاتىپ، قالا - اۋىل الەۋمەتتىك اۋماعى سياقتى نەگىزگى ساتى الەۋمەتتىك باسقارۋ جانە قوعامدىق قىزمەت وتەۋ ورىندارى اشىلادى.
تومەنگى شەكتەن تۇسىرمەي جۇمىسقا ورنالاستىرۋ كۇشەيتىلەدى. جۇمىستانۋى قيىن ادامداردى تۇراقتاندىرۋ ولشەمى يكەمدى رەتتەلىپ، ىندەت ىقپالىنا ۇشىراعان ادامداردى جۇمىستاندىرۋ ارقىلى كومەكتەسۋ كولەمىنە دەر كەزىندە ەنگىزىلىپ، بىردە - ءبىر ادامى جۇمىستانباعان وتباسىلاردىڭ يكەمدى جۇمىستانۋىنا شىنايى كەپىلدىك ەتىلەدى. الەۋمەتتىك يگىلىك سيپاتتى جۇمىس ورنىن اشۋ جانە باسقارۋ ولشەمدەستىرىلىپ، بازار ارناسى ارقىلى جۇمىستانۋى شىنىندا قيىن بولعان قيىنشىلىعى بار ادامداردىڭ جۇمىستانۋى تومەنگى شەكتەن تۇسىرمەي ورنالاستىرىلىپ، الەۋمەتتىك يگىلىك سيپاتتى جۇمىس ورنى مامىلەسى قاتاڭ تياناقتاندىرىلادى.
