تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ گەرمانيانىڭ زۇڭليى مەركەلمەن تەلەفوندا سويلەستى

  شينحۋا اگەنتتىگىنىڭ 6 - ايدىڭ 3 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 3 - كۇنى كەشتە گەرمانيانىڭ زۇڭليى مەركەلمەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: بۇل ءبىزدىڭ جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى 3 - رەت سويلەسۋىمىز بولىپ، ەكى جاقتىڭ وسكەلەڭ ساياسي سەنىمدىلىگى مەن تىعىز ستراتەگيالىق بايلانىسىن ايگىلەدى. جۇڭگو جاق گەرمانيا ۇكىمەتىنىڭ ىندەت ماسەلەسىندە وبيەكتيۆ ۇستامدى تۇرعىدان جانە عىلىمعا قۇرمەت ەتۋ پوزيتسياسىنان جازباعانىن القايدى. جۇڭگو جاق گەرمانيا جاقپەن بىرگە دۇنيە جۇزىلىك دەنساۋلىق ساقتاۋ ۇيىمىنىڭ قىزمەتىن بىرگە قولداپ، بىرلەسكەن مەملەكەتتەر ۇيىمى، 20 ەل توبى سياقتى جۇلگەدە حالىقارالىق سەلبەستىكتى ىلگەرىلەتۋدى؛ افريكا ەلدەرىنىڭ ىندەتكە قارسى اتتانۋىن بىرگە قولداپ، الەمدىك الەۋمەتتىك دەنساۋلىق ساقتاۋ حاۋىپسىزدىگىن قورعاۋعا ۇلەس قوسۋدى قالايدى.

  شي جينپيڭ بىلاي دەپ باسا دارىپتەدى: ءبىز ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس ويداعىداي جوسپارلاۋىمىز كەرەك. جۇڭگو ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ سىندى نەگىزگى جاعدايى وزگەرگەن جوق. ءبىز سىرتقا ەسىك اشۋدى تاباندىلىقپەن ىلگەرىلەتىپ، دۇنيە جۇزىمەن سەلبەستىكتى كەڭەيتەمىز، گەرمانيا كاسىپورىندارىنىڭ جۇڭگوعا قارجى قوسۋىن كەڭەيتۋىنە ۇزدىكسىز تاماشا ورتا ازىرلەۋدى قالايمىز. جاقىندا جۇڭگو - گەرمانيا ”تەز وتكەلى“ رەسمي ىسكە قوسىلدى، بۇل ەكى ەلدىڭ قاجەتتىلىگى بار كاسىپورىندارىنىڭ جۇمىستى، ءوندىرىستى جەدەل قالپىنا كەلتىرۋىنە كومەكتەسۋگە، حالىقارالىق كاسىپ تىزبەگىنىڭ، قامداۋ تىزبەگىنىڭ ورنىقتىلىعىن قورعاۋعا ءتيىمدى. جۇڭگو - گەرمانيا سەلبەستىگىنىڭ دۇنيە ءجۇزى ەكونوميكاسىنىڭ قۇلدىراۋدان ەرتەرەك قۇتىلۋىن جەبەۋدە تيەسىلى رول اتقاراتىندىعىنا سەنەمىن.

  شي جينپيڭ بىلاي دەپ اتاپ كورسەتتى: جۇڭگو مەن گەرمانيا ورنىقتى، تاماشا سەلبەستىك قارىم - قاتىناسىن ساقتاپ كەلەدى. جۇڭگو جاق گەرمانيا جاقپەن تىلدەسۋدى، اۋىس - كۇيىستى ۇزدىكسىز ورىستەتۋدى قالايدى. بيىل سوڭعى جارىم جىلدا گەرمانيا ەۆروپا وداعىنا ءتوراعا ەل مىندەتىن وتەيدى. جۇڭگو جاق گەرمانيا جاقتىڭ جۇڭگو - ەۆروپا قارىم - قاتىناسىنىڭ دامۋىن بەلسەنە ىلگەرىلەتۋدى قالايتىندىعىن القايدى، گەرمانيا جاقپەن جانە ەۆروپا وداعى جاقپەن ستراتەگيالىق سەلبەستىكتى كۇشەيتىپ، كوپ جاقتىلىققا تاباندى بولۋدى، الەمدىك سىن - سايىستارعا توتەپ بەرىپ، تۇراقسىز دۇنيە جۇزىنە تۇراقتىلىق ۇستەۋدى قالايدى. جۇڭگو - گەرمانيا، جۇڭگو - ەۆروپا اراسىندا ءبىر قىدىرۋ كەلەلى ساياسي قارىم - قاتىناس كەڭەستىك ءتارتىبى جونىندە كەڭەس وتكىزىلۋدە، جۇڭگو جاق گەرمانيا جاقپەن، ەۆروپا جاقپەن تىعىز بايلانىستى، سايكەستىكتى ساقتاپ، وسى قيمىلداردىڭ تابىستى بولۋىنا شىنايى كەپىلدىك ەتىپ، جۇڭگو - گەرمانيا، جۇڭگو - ەۆروپا قارىم - قاتىناسىنىڭ جاڭا ساتىعا كوتەرىلۋىن ىلگەرىلەتۋدى قالايدى.

  مەركەل مىنالاردى ءبىلدىردى: گەرمانيا جاق جۇڭگونىڭ ەكى ءماجىلىسىنىڭ ەكونوميكالىق، قوعامدىق دامۋ جونىندە جاساعان جوباسىنا ءمان بەرەدى، جۇڭگو جاقپەن بىرگە ىندەتتەن ساقتانۋ - تىزگىندەۋدى ويداعىداي ىستەۋمەن قوسا، جۇمىستى، ءوندىرىستى قالپىنا كەلتىرۋدى ىلگەرىلەتىپ، گەرمانيا - جۇڭگو ەكونوميكالىق سەلبەستىگىن ۇزدىكسىز تەرەڭدەتۋدى قالايدى. گەرمانيا جاق ءتوراعا شي جينپيڭنىڭ جۇڭگو زەرتتەپ جاساعان ۆاكسينانىڭ الەمدىك الەۋمەتتىك دەنساۋلىق ساقتاۋ ونىمىنە اينالدىرۋدى جاريالاعاندىعىن ايرىقشا القايدى. قازىرگى جاعدايدا، حالىقارالىق ىنتىماق پەن كوپ جاقتىلىقتى كۇشەيتۋ الەمدىك ىندەتكە قارسى اتتانۋ جونىنەن توتەنشە ماڭىزدى. گەرمانيا جاق جۇڭگو جاقپەن اۋىس - كۇيىستى كۇشەيتۋدى، دۇنيە جۇزىلىك دەنساۋلىق ساقتاۋ ۇيىمىنىڭ ماڭىزدى رولىن ساۋلەلەندىرۋىن ۇزدىكسىز قولداپ، حالىقارالىق الەۋمەتتىك دەنساۋلىق ساقتاۋ حاۋىپسىزدىگى سەلبەستىگىن ىلگەرىلەتۋدى قالايدى. گەرمانيا جاق جۇڭگو جاقپەن تىلدەسۋدى ساقتاپ، كەڭ سالالاردا جانە كەڭەستىك تاقىرىپتاردا سەلبەستىكتى ىلگەرىلەتۋدى ءۇمىت ەتەدى. گەرمانيا جاق جۇڭگو جاقپەن قويۋ بايلانىستى ساقتاۋدى، گەرمانيا مەن جۇڭگونىڭ، ەۆروپا مەن جۇڭگونىڭ ماڭىزدى كەڭەستىك تارتىپتەرىن ىلگەرىلەتۋدى، گەرمانيا مەن جۇڭگونىڭ، ەۆروپا مەن جۇڭگونىڭ قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.