تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

ليۋ حۇڭكۇن: جالاڭداعان ورتتە ادالدىقتى ايگىلەدى

  شينحۋا اگەنتتىگىنىڭ بەيجيڭنەن بەرگەن حابارى (ءتىلشى ۋ ۋىنشۇي). شۇعىل ورشىگەن ءورت الدىندا ليۋ حۇڭكۇن ىرىقتىلىقپەن سۇرانىپ، ءوزى الدا ءجۇرىپ، تالاي رەت ءورت كەتكەن ورىنعا ىشكەرىلەپ كىرىپ، تەكسەرۋ جۇرگىزدى. الايدا لاۋلاعان ءورت تەڭىزىندە ءىشىنارا قۇرىلىستاردىڭ قۇلاپ كەتۋى سەبەپتى ليۋ حۇڭكۇن ەرلىكپەن قۇربان بولىپ، ونىڭ ءومىرى 35 جاسىندا اياقتادى.

  ليۇ حۇڭكۇن 1978 - جىلى 6 - ايدا دۇنيەگە كەلگەن، 2002 - جىلى 6 - ايدا پارتياعا كىرگەن، كوزىنىڭ تىرىسىندە بەيجيڭ قالالىق قوعام حاۋىپسىزدىگى ءورت ءسوندىرۋ - ورتتەن ساقتانۋ باس اترەتى شىجيڭشان تارماق اترەتى سىليڭبۋىنىڭ سانمۋجاڭى بولاتىن. 2013 - جىلى 10 - ايدىڭ 11 - كۇنى تاڭعى ساعات 2 مولشەرىندە، بەيجيڭ قالاسى شىجيڭشان رايونىنىڭ شيلۇڭدو ساۋدا ورتالىعىندا ءورت اپاتى تۋىلىپ، ءورت شۇعىل ءورشىپ، ماڭايىنداعى بۇقارانىڭ باس اماندىعى مەن مال - مۇلىك حاۋىپسىزدىگىنە وراسان زور قاتەر توندىرەدى. ءورت اپاتى تۋىلعان سول كۇنى كەشتە ليۋ حۇڭكۇن كەزەكشى ەمەس ەدى، دەسەدە، ءورت سيگنالى بويىنشا ورنالاستىرۋ بۇيرىعىن تاپسىرىپ العاننان كەيىن، ول ۇيىنەن تىزگىن ۇشىمەن ءورت اپاتى تۋىلعان ورىنعا بارىپ، شۇعىل ءورت سوندىرۋگە ات سالىسادى.

  ءورت ءسوندىرۋ، قۇتقارۋ - كومەكتەسۋ شايقاسىنىڭ ەڭ قىسقا ۋاقىتتا ءونىمدى ورىستەتىلۋىنە مۇمكىندىك جاساۋ ءۇشىن، ليۋ حۇڭكۇن دەرەۋ عيماراتتىڭ 1 - قاباتىنىڭ الدىڭعى ەسىگىنە جەتىپ بارىپ، ىشكى ءورت جاعدايىنا جاقىننان تەكسەرۋ جۇرگىزىپ، ساۋدا سارايىنىڭ سىرتىنداعى ۇلكەن جارناما تاقتايشاسىنىڭ سۋ بۇرىككىشتىڭ كىرۋ جولىن توسىپ قالعاندىعىن، ال ىشكى جاعىنداعى وڭاي ورتەنەتىن قىرۋار كيىم - كەشەكتەردىڭ ءورتتى ونان ارى ۇدەتە تۇسكەندىگىن، عيماراتتىڭ باتىس جاعىندا جاپپاي ورتەنۋ جاعدايىنىڭ نەگىزىنەن قالىپتاسقاندىعىن بايقايدى. كىسىنى ءتىپتى دە الاڭداتاتىنى، عيماراتتىڭ باتىسى، تەرىستىگى تۇرعىندار عيماراتىمەن ىرگەلەسەتىن، شىعىس جاعى دا دۋماندى تيانيۇي بازارىمەن قاناتتاس ەدى. الدا - جالدا ءورتتى تىزگىندەۋگە شاراسىز قالسا، توڭىرەگىندە مۇنان دا اۋىر جاعداي وڭاي تۋىلاتىن - دى.

  ليۋ حۇڭكۇن سول ورىنداعى ءورت ءسوندىرۋشى - ورتتەن ساقتاۋشى جاۋىنگەرلەردى دەرەۋ 2 قامال الۋ گرۋپپاسىنا ءبولىپ، ءورتتىڭ ورتاسىنا كىرىپ، ءورت ءسوندىرۋ جۇمىسىن ورىستەتەدى. ليۋ حۇڭكۇن تىنىستاندىرعىشتى اسىنىپ، ونداعان جىڭ اۋىرلىقتاعى جابدىقتى سۇيرەپ، قامال الۋ گرۋپپاسىن ءوزى باستاپ، عيماراتتىڭ ىشىنە كىرىپ، نەشە ءجۇز گرادۋس ىستىققا قاراماستان سۋ بۇرىككىشپەن اتقىلاپ، ءورتتىڭ جايىلۋىن بار كۇشپەن بوگەيدى.

  ءبىر جاۋىنگەر سەرىگى كەيىنتىننەن سول كەزدى ەسىنە الىپ بىلاي دەدى: سول ورىنداعى ىستىق جالىننان كوزدى اشۋدىڭ ءوزى مۇڭ بولدى، سۋ تامشىسى تەرىگە تيگەندە پىشاق تىلگەندەي اۋىرادى. سونىمەن كوپشىلىك ءورت ءسوندىرۋ - ورتتەن ساقتانۋ سۋ بۇرىككىشىمەن دەنەسىن سۋلاۋعا ءماجبۇر بولدى، ءبىراق نەشە مينۋت وتپەي جاتىپ ىستىق جالىن قارىپ دەنەنى قۇرعاتىپ جىبەرەدى، ونان دەنەنى تاعى سۋلاۋعا تۋرا كەلەدى، تاعى دا وت جالىنى قۇرعاتىپ جىبەرەدى، تاعى سۋلايسىڭ... وسىلاي بولا تۇرسا دا ليۋ حۇڭكۇن ءبىر ادىم ارتقا شەگىنبەستەن، شايقاستىڭ ەڭ الدىڭعى شەبىنەن باستان - اياق تاپجىلماي، جاۋىنگەرلەردى باستاپ، 1 - قاباتتاعى ءورتتى دەرەۋ تىزگىندەيدى.

  تاڭعى ساعات 5تە، قامال الۋ گرۋپپاسى 3 - قاباتقا جەتەدى. جالعاستى شاعىپ كىرمەكشى بولعان كەزدە اترەت مۇشەلەرى الىپ جۇرگەن اۋا تولتىرىلعان تىنىستاندىرعىش سيگنال بەرەدى. توسىن جاعدايدىڭ تۋىلۋىنان ساقتانۋ ءۇشىن، ليۋ حۇڭكۇن كوپشىلىكتى كەزەكپەن شەگىنىپ تىنىستاندىرعىشتى اۋىستىرۋعا دەرەۋ ورنالاستىرادى، ال ءوزى سىرت جاقتاعى اسپالى باسپالداقتان ومىراۋلاي ەنگەن تاعى ءبىر جاۋىنگەر سەرىگى ياڭ جانگومەن كەزدەسۋدى تاڭداپ، سول ورىندا تىنىستاندىرعىشتى اۋىستىرعاننان كەيىن تەكسەرۋدى جالعاستىرا تۇسەدى. ليۋ حۇڭكۇن بەت قاراتپايتىن ىستىق جالىنعا قاراماستان، كۇشپەن شاعىپ كىرىپ، شەكتەۋلى شارت - جاعدايدا تۋرا 4 - قاباتتىڭ شيىرشىقتامالى ەسىگىنە جەتىپ، جاڭا تىنىستاندىرعىشتاعى اۋا تاۋسىلعاندا بارىپ ەرىكسىز شەگىنەدى. وسى كەزدە قامال الۋ اترەتىنىڭ ءورت تەڭىزىندە ءۇرتىس شايقاس جۇرگىزگەندىگىنە 3 ساعات بولعان ەدى.

  ساعات 5دەن 38 مينۋت وتكەندە، ليۋ حۇڭكۇن ساۋدا سارايىنىڭ 4 - قاباتىنداعى اسحانا اۋماعىندا قىرۋار گاز كۇبىسى بار! ماڭايىنان ءورت انىق بايقالدى ءارى ءورشۋ جاعدايى جارىققا شىقتى، الدا - جالدا جارىلىس بولسا، زاردابىن مەجەلەۋ قيىن! دەگەن مالىمەتتى تاپسىرىپ الادى. سونىمەن، ليۋ حۇڭكۇن تىنىستاندىرعىشىن دەرەۋ اسىنىپ، جاۋىنگەر سەرىگى ليۋ حۇڭكۇيمەن بىرگە كەز - كەلگەن ۋاقىتتا جارىلىس تۋىلۋ مۇمكىندىگى بار قاتەرگە قاراماستان، ورتا جاعدايىنا ءالى كوز جەتپەگەن شىعىس جاعىنداعى بىتىراتۋ ەسىگىنەن باسپالداقپەن شىعىپ، شۇعىل تەكسەرۋ جۇرگىزىپ، ەشنارسەنى كورۋگە بولمايتىن قويۋ ءتۇتىن ىشىندە ءورتتىڭ ورتاسىنا قاراي جاپالىلىقپەن ىلگەرىلەيدى.

  ساعات 15تەن 21 مينۋت وتكەندە، ليۋ حۇڭكۇن مەن ليۋ حۇڭكۇيدىڭ سۇيەگى ساۋدا سارايىنىڭ قۇلاپ كەتكەن 4 - قاباتىنىڭ باتىس تەرىستىك بۇرىشىنان بايقالدى. توبە تاقتا قۇلاپ تۇسكەننەن كەيىنگى قيراعان تاس كەرپىش اراسىندا ەشقاشان جۇپتارىن جازبايتىن جاقىن جاۋىنگەر سەرىكتەر جاۋىنگەرلىك بەينەلەرىن ساقتاپ قالىپتى.

  16 جىلدىق ساقشىلىق ومىرىندە ليۋ حۇڭكۇن 2000نان استام رەت ءورت ءسوندىرۋ، قاتەردەن اراشالاۋ، قۇتقارۋ - كومەكتەسۋ كەشىرمەسى ارقىلى كوممۋنيستىك پارتيا مۇشەسىنىڭ اتويلاپ الدا ءجۇرىپ، باسىن ءباي تىگۋ ءومىر كەشىرمەسىن جازدى. ول ىلگەرىندى - كەيىندى قاتەردە قالعان 20 نەشە ادامدى قۇتقارىپ، بۇقارانى 10 ميلليون يۋانعا جۋىق ەكونوميكالىق زياننان اراشالاپ قالىپ، ءومىر جولىندا جارقىن ىزدەر قالدىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى