تيانشان تورى
تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

ياڭ كىجاڭ: ءورت تەڭىزىندەگى قاھارمان، سالاۋاتىنا ساي ەرلىك

ياڭ كىجاڭنىڭ سۋرەتى.

شينحۋا اگەنتتىگى تاراتقان

  شينحۋا اگەنتتىگىنىڭ ناننيڭنەن بەرگەن حابارى (ءتىلشى حى چىڭ). لاۋلاعان سۇراپىل ءورت، بۋداقتاعان قويۋ ءتۇتىن، ءولىم مەن ءومىر ارپالىسىندا، ول ەكى جاستاعى قىز بالانى مىقتاپ قۇشاقتاپ، ءوز دەنەسىن بالانىڭ قالقانى ەتتى. سوڭىندا بالا قۇتقارىلىپ قالدى، ول قىمباتتى قىرشىن ءومىرىن تارتۋ ەتتى.

  ول گۋاڭشي يۇيلين قالالىق قوعام حاۋىپسىزدىگى ءورت ءسوندىرۋ - ورتتەن ساقتانۋ تارماق اترەتى ميڭشان ورتا اترەتىنىڭ بۇرىنعى جەتەكشىسى ياڭ كىجاڭ.

  تۇرعىندار تۇراعىنا ءورت كەتىپ، ادامدار قامالىپ قالادى. 2015 - جىلى 5 - ايدىڭ 29 - كۇنى ءتۇن ورتاسىندا، ياڭ كىجاڭ مىندەت تاپسىرىپ الا سالا جاۋىنگەر سەرىكتەرىمەن بىرگە دەرەۋ بارىپ ءبىر جايلى ەتۋگە اتتانادى.

  ءورت كەتكەن قۇرىلىس 9 قابات، مۇنىڭ ىشىندە 2 - ، 3 - ، 4 - قاباتتارى لاۋلاعان ءورتتىڭ ىشىندە قالىپ، عيمارات ىشىندەگى ۋاقىتتىق اعاش باسپالداق ورتەنىپ كەتەدى. ياڭ كىجاڭ مەن 3 جاۋىنگەر سەرىگى ىزدەپ قۇتقارۋ گرۋپپاسى بولىپ ۇيىمداسىپ، ءورت ءسوندىرۋ ساتىسىمەن ءورت كەتكەن عيماراتتىڭ توبەسىنە شىعىپ، قابات سايىن ىزدەپ قۇتقارادى.

  تار باسپالداقتا ”مورجا اسەرى“ قالىپتاسىپ، ءورت كەتكەن جەردىڭ ىستىق جالىنى مەن قويۋ ءتۇتىندى تارتادى، لامپوچكانىڭ جارىعى كۇشتى بولسادا، كوزگە ەشتەڭە كورىنبەيدى. ياڭ كىجاڭ مەن جاۋىنگەر سەرىكتەرى سيپالاپ العا ىلگەرىلەپ، 5 - قاباتتاعى ءبىر تازالىق بولمەسىنەن قامالىپ قالعان 3 ادامدى بايقايدى.

  ءبىر ايەل جەردە سۇلىق جاتىر ، 10 جاستار شاماسىنداعى ۇل بالا قاتتى لوقسىپ، ءبىر كىشكەنتاي قىز بالا توقتاۋسىز جوتەلۋدە ەكەن. قويۋ ءتۇتىن ۇزدىكسىز تازالىق بولمەسىنە قاپتاعاندىقتان، سول جەردە كۇتىپ وتىرسا، قامالىپ قالعانداردىڭ ومىرىنە حاۋىپ تونەتىن ەدى. ياڭ كىجاڭ دەرەۋ قورعانۋ كيىمىمەن قىز بالانى وراپ الىپ، تازالىق بولمەسىنەن اتىلىپ شىعادى...

  جاۋىنگەر سەرىكتەرى ياڭ كىجاڭ مەن كىشكەنتاي قىز بالانى تاۋىپ العاندا، ولار 1 - قاباتتاعى ليفت جولىنىڭ قۋىسىندا جاتقان ەدى. جاۋىنگەر سەرىكتەرى الدىمەن سيپالاپ ءجۇرىپ بالانى، بالانىڭ استىنان ياڭ كىجاڭدى بايقايدى، ول شالقاسىنان جاتىپ، قوس قولىمەن كىشكەنتاي قىز بالانى مىقتاپ قۇشاقتاپ الىپتى.

  جاۋىنگەر سەرىكتەرى ياڭ كىجاڭدى ءورت كەتكەن جەردەن الىپ شىققاندا، كوپشىلىك ەرىكسىزدەن كوز جاستارىن كولدەتتى. جاۋىنگەر سەرىكتەرى تالداۋ جاساپ، ياڭ كىجاڭ قويۋ تۇتىندە ەشتەڭە كورە الماي، سيپالاپ كەلە جاتقاندا 5 - قاباتتاعى ليفت جولىنا ءسۇرىنىپ قۇلاعانىن تۇراقتاندىرادى.

  ”بيىكتەن قۇلاعاندا حاۋىپتەن شۇعىل قورعانۋ داعدىلى ماشىق ءتۇرى بولاتىن، ياڭ كىجاڭ قۇلاعان كەزدە قولىن جايسا، عيمارات قابىرعاسىنا نەمەسە بولات شىبىققا قولى ءىلىنىپ، تومەن تۇسكەندەگى تەبىندى باسەڭدەتىپ جانە جەرگە تۇسكەندە دەنەسىن تۇزەپ، ءتىرى قالۋى مۇمكىن ەدى“، - دەيدى ياڭ كىجاڭنىڭ جاۋىنگەر سەرىگى وۋ ليڭ، ياڭ كىجاڭ قۇشاعىن جازباعان، ويتكەنى ونىڭ قۇشاعىندا كىشكەنتاي قىز بالا بار ەدى.

  سوڭىندا كىشكەنتاي قىز بالا قۇتقارىلىپ قالادى، ياڭ كىجاڭ نەبارى 27 جاسىندا ەرلىكپەن قۇربان بولادى.

  ياڭ كىجاڭنىڭ قۇربان بولعان حابارىن ەستىگەننەن كەيىن، كوپتەگەن ادام وزدىكتەرىنەن سول جەردەگى الاڭعا جينالىپ، جۇرەك فورماسىندا بالاۋىز شام جاعىپ، ”ءورت ءسوندىرۋ قاھارمانى ياڭ كىجاڭعا ازا بىلدىرەمىز“، - دەگەن جازۋى بار كەرمە تۋدى كوتەرىپ شىعادى، قالا تۇرعىندارى كوزدەرىنە ىستىق جاس الادى. 2015 - جىلى 6 - ايدىڭ 1 - كۇنى قوعام حاۋىپسىزدىگى مينيسترلىگى ياڭ كىجاڭ جولداستى توڭكەرىستىك قۇربان دەپ بەكىتەدى ءارى مەملەكەت قورعانىس ىستەرىنە ءوزىن ارناعان التىن ەستەلىك مەدالىن بەرەدى.

  قىسىلتاياڭ شاقتا، ياڭ كىجاڭ ءوزىن قۇربان ەتىپ، ەلدى قۇتقارىپ، ءومىردىڭ ءۇمىتىن باسقاعا سيلادى. ونىڭ جالىندى جاستىق كوكتەمى اقپا جۇلدىزداي جولاق قالدىرىپ، ادامداردىڭ كوزىنە جاس الدىرىپ، ماڭگىلىك ەستە قالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.