تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

جالپى حالىقتىڭ سالاماتتىعىن تەكسەرۋ: ىندەتتەن ساقتانىپ، حالىقتى ريزا ەتتى

ءتۇيىندى كەدەيلەردى سۇيەمەلدەۋ ينجەنەريالارىنا نازار

    ”2016 - جىلى مەن 1 - رەت ءۇيدىڭ قاسىندا دەنساۋلىعىمدى تەكسەرتكەنىمدە، تۋما جۇرەك اۋرۋىم بار ەكەندىگى انىقتالىپ، ۇرىمجىدەگى ۇلكەن شيپاحاناعا جەتكىزىلىپ، ەمدەلىپ ساۋىعىپ شىقتىم“. 5 - ايدىڭ 26 - كۇنى قۇلجا قالاسى ءپانجىم قالاشىق ەمحاناسىندا دەنساۋلىق تەكسەرتۋگە قاتىناسقان تومەنگى ءپانجىم قىستاعىنىڭ تۇرعىنى يمارحان جىلل كەزەك كۇتكەن ارەدىكتە قىستاق تۇرعىندارىمەن اڭگىمەلەسىپ تەبىرەنە بىلاي دەدى: ”دەنساۋلىق تەكسەرۋ جاقسى ساياساتى بولعاندىقتان، اۋرۋىم دەر كەزىندە بايقالدى ءارى دەر كەزىندە ەمدەلدىم“.

    2016 - جىلى 9 - ايدا رايونىمىزدىڭ جالپى حالىقتىڭ سالاماتتىعىن تەكسەرۋ قىزمەتى رەسمي باستالدى، شينجياڭ نوپوسىنداعى قالا، اۋىل تۇرعىندارى ءار جىلى ءبىر رەت دەنساۋلىق تەكسەرتۋدەن يگىلىكتەنە الادى. وسى ءبىر حالىققا ءتيىمدى ينجەنەريا ۇزدىكسىز كەمەلدەنىپ، بيىل 5 - ايدىڭ اياعىنا دەيىن، جالپى 76 ميلليون 510 مىڭ ادام - رەت دەنساۋلىق تەكسەرتىپ، حالىق تۇرمىسىن پارمەندى قامتاماسىز ەتىپ جانە جاقسارتىپ، رايونىمىزدىڭ كەدەيلىكتەن ارىلتۋدان قامال الۋ اياق الىسىن تەزدەتتى.

شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين

”سالاماتتىق ايالداماسىن“ قۇردى

  بۇرىندارى اۋىل - قالاشىق ەمحانالارىنىڭ جابدىعى جەتكىلىكسىز، ەمدەۋ - كۇتىمدەۋ قىزمەتكەرلەرى تولىق ەمەس، اۋرۋ كورسەتۋگە كەلەتىن بۇقارا وتە از بولاتىن.

  2016 - جىلى رايونىمىز ەمدەۋ - دەنساۋلىق ساقتاۋ شارت - جاعدايى سالىستىرمالى مەشەۋ وڭتۇستىك شينجياڭدا جالپى حالىقتىڭ سالاماتتىعىن تەكسەرۋدى الدىمەن باستاپ، اۋىل - قالاشىق ەمحانالارىن قاربالاستىققا ءتۇسىردى. گۇما اۋدانى كوكتەرەك اۋىلى قوچاقۇجمالىك قىستاعىنىڭ تۇرعىنى پاتيگۇل ماتسەيت 1 - رەت ەسىك الدىنان سالاماتتىعىن، دەنساۋلىعىن تەكسەرتتى.

  وسى رەتكى تەكسەرۋدە، پاتيگۇل كوپتەگەن تۇرعىندار سياقتى العاش رەت ءوز بويىنىڭ بيىكتىگىن، دەنە سالماعىن، قان تيبىن ءبىلدى، كەيبىر تۇرعىنداردا دەنساۋلىق تەكسەرۋ بارىسىندا اۋرۋ بارلىعى بايقالدى ءارى دەر كەزىندە ەمدەلدى.

  بۇل قىزمەتتى جاقسى ىستەۋ ءۇشىن، اۆتونوميالى رايوندىق پارتكوم مەن ۇكىمەت وسكەلەڭ ءمان بەرىپ، ەمدەۋ بايلىعىن بەلسەندىلىكپەن ءبىر تۇتاس جوسپارلاپ، دەنساۋلىق تەكسەرۋ قاراجاتىن قامتاماسىز ەتىپ، قىزمەتكەرلەردى تياناقتى سايكەستىرىپ، جابدىق ۇسىنىلىمىن ارتتىردى ءارى جابدىقتى ساتىلى جاڭالاۋدى قامتاماسىز ەتۋ مەحانيزمىن ورناتتى.

  ”رايونىمىز 2016 - جىلى جالپى حالىقتىڭ سالاماتتىعىن تەكسەرۋ قىزمەتىن اتقارعاننان بەرى، نەگىزگى ساتىداعى ەمدەۋ - دەنساۋلىق ساقتاۋ قۇرىلىمدارىنىڭ ولشەمدەندىرۋ قۇرىلىسىن ونان ارى تەزدەتىپ، ءار ۇلت بۇقاراسىنىڭ جاقىن ماڭنان ’سالاماتتىق ايالداماسىنان‘ يگىلىكتەنۋىنە مۇمكىندىك جاسادى“. اۆتونوميالى رايوندىق دەنساۋلىق ساقتاۋ، سالاماتتىق كوميتەتى نەگىزگى ساتى دەنساۋلىق ساقتاۋ باسقارماسىنىڭ باستىعى گو ۋيجياڭ تانىستىرىپ بىلاي دەدى: 2015 - جىلدىڭ اياعىندا بۇكىل رايونداعى اۋىل - قالاشىق ەمحانالارىنىڭ ولشەمدەنۋ سالىستىرماسى نەبارى %38.84، قىستاق ەمحانالارىنىڭ ولشەمدەنۋ سالىستىرماسى %34.66 بولاتىن، بىلتىر جىل اياعىنا دەيىن، بۇكىل رايونداعى اۋىل - قالاشىق ەمحانالارى مەن قىستاق ەمحانالارىنىڭ ولشەمدەنۋ سالىستىرماسى تۇگەلدەي %100كە جەتتى. سونىمەن بىرگە، نەگىزگى ساتى ەمدەۋ قۇرىلىمدارىنداعى ەمدەۋ قىزمەتكەرلەرىنىڭ كاسىپتىك شەبەرلىگى، قىزمەت وتەۋ ساپاسى مەن ورەسى تۇگەلدەي جوعارىلادى.

دارالىق سيپاتقا يە قىزمەت وتەۋ جونىندە ىزدەنىس جاسادى

  جالپى حالىقتىڭ سالاماتتىعىن تەكسەرۋدى تىلگە العاندا، باي اۋدانىنداعى لي چۇنيىڭ قاريانىڭ كوڭىلى مەيىرگە بولەندى. لي چۇنيىڭنىڭ جۇبايى قارتتاردىڭ التسگەيمەر اۋرۋىنا شالدىعىپ، توسەك تارتىپ، اۋدانعا بارىپ دەنساۋلىق تەكسەرۋىنە قاتىناسا الماعان بولاتىن.

  لي چۇنيىڭدى اسەرلەندىرگەنى، باي اۋداندىق ايەلدەر مەن بالالار سالاماتتىعىن قورعاۋ شيپاحاناسىنىڭ ەمدەۋ قىزمەتكەرلەرى ءۇرتىس 5 جىل بويى B تيپتى ۋلترا كۇلگىن ساۋلە اپپاراتى، جۇرەك كارديوگرامماسى، نەسەپ سۇيىقتىعىنا اناليز جاساۋ اپپاراتى، قان قىسىمىن ولشەۋىش سياقتى جابدىقتاردى كوتەرىپ، ۇيىنە كەلىپ دەنساۋلىعىن تەكسەردى.

  ”جالپى حالىقتىڭ سالاماتتىعىن تەكسەرۋ جۇرەگىمىزگە ەرەكشە جىلۋ سيلادى!“، - دەدى لي چۇنيىڭ تەبىرەنە.

  2016 - جىلى 9 - ايدان باستاپ، رايونىمىزدىڭ جەر - جەرى، تاراۋلار ءوز جەرىنىڭ جاعدايىنا قاراي قىزمەت شارالارىن ەگجەي - تەگجەيلىلەندىرىپ، ءبىر جاعىنان، دەنساۋلىق تەكسەرىپ، ءبىر جاعىنان، قورىتىندىلاپ، ەندى ءبىر جاعىنان، ارناعا ءتۇسىرىپ، بۇقارانىڭ دەنساۋلىق تەكسەرتۋىنە شىن مانىندە قولايلىلىق جاسادى.

  دەنساۋلىق تەكسەرۋدە، جەر - جەر ەگىنشى - مالشىلاردى ۇيلەسىمدى ۇيىمداستىرىپ، ورنالاستىرىپ، ەگىس جۇمىسى مەن دەنساۋلىق تەكسەرتۋدىڭ ەكەۋىن دە اقساتپاۋدى جۇزەگە اسىردى؛ جاسى ەگدەلەگەن قارتتار، مۇگەدەكتەر سياقتى ەرەكشە شوعىرلارعا ۇيلەرىنە بارىپ قىزمەت وتەۋدى ورىستەتتى؛ قۋاتتىق تاڭعى اسپەن قامداۋ، كۇتۋ اۋماعىن جايلى ورنالاستىرۋ، جەتەكتەۋ جولىن جانە دەنساۋلىق تەكسەرتۋ ءتارتىبىن ىركىلىسسىزدەندىرۋ سياقتى حالىققا قولايلى قىزمەت وتەۋلەردى ۇزدىكسىز كەمەلدەندىردى.

  رايونىمىز تاعى نازاردى بۇقارانىڭ كەدەيلىكتەن ارىلۋىنداعى قيىن تۇيىندەرگە دالمە - ءدال شوعىرلاندىرىپ، جالپى حالىقتىڭ سالاماتتىعىن تەكسەرۋ قىزمەتىن مول سۋمەن ”كولدەتىپ سۋارۋدان“ دالمە - ءدال ”تامشىلاتىپ سۋارۋعا“ وزگەرتتى.

  ”جالپى حالىقتىڭ سالاماتتىعىن تەكسەرۋدىڭ نىساندارى ۇزدىكسىز ساپالىلانىپ، ونان ارى باعىتتامالى بولدى“. گو ۋيجياڭ تانىستىرىپ بىلاي دەدى: 2016 - جىلى مەملەكەتتىڭ نەگىزگى الەۋمەتتىك دەنساۋلىق ساقتاۋعا قىزمەت وتەۋىندەگى ناقتى دەنساۋلىق تەكسەرۋ تۇرلەرىنە نەگىزدەلىپ، ءىس جۇزىندىكپەن جانە قاراجات قامتاماسىزدىعى ورەسىمەن ۇشتاستىرىپ، رايونىمىز دەنساۋلىق تەكسەرۋدىڭ ناقتى تۇرلەرىن تۇراقتاندىردى.

  2018 - جىلى رايونىمىز تۇرلىشە ادام شوعىرلارىنا مەڭزەس ”دارالىق“ سيپات العان دەنساۋلىق تەكسەرۋ قىزمەت وتەۋىن العا قويدى. وكپە تۋبەركۋلەز اۋرۋىنىڭ كوپ تۋىلۋىنا مەڭزەس، جالپى حالىقتىڭ سالاماتتىعىن تەكسەرۋىنە 15 جاستاعى جانە ودان جوعارعى قالا، اۋىل تۇرعىندارىن كوكىرەكتى X ساۋلەسىمەن تەكسەرۋدى قوستى، سونىمەن قاتار سوزىلمالى ناۋقاستاردى باسقارۋدى، ءتۇيىندى ادام شوعىرلارىن باسقا جەرگە اپارىپ ەمدەتۋ بويىنشا قىزمەت وتەۋدى كۇشەيتىپ، ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ دەنساۋلىق ارحيۆى ينفورماتسياسىن دەر كەزىندە جاڭالادى.

  2019 - جىلى جەر - جەر دەنساۋلىق تەكسەرۋ ساپاسى مەن ساپالىق مەڭگەرۋ باسقارۋ دەڭگەيىن كۇشەيتىپ، حالىققا قولايلى قىزمەت وتەۋدى كۇشەيتىپ، حالىققا قولايلىلىق جاساۋ ءتارتىبىن جاقسارتتى.

  ساپانى جانە حالىققا قولايلى بولۋدى ولشەم ەتە وتىرىپ، بيىل رايونىمىز جالپى حالىقتىڭ سالاماتتىعىن تەكسەرۋ تۇرلەرىنە ازداپ رەتتەۋ جۇرگىزىپ، 45 جاستاعى جانە ودان جوعارعى قالا، اۋىل تۇرعىندارىنىڭ قانداعى ماي قۇرامىن تەكسەرۋ ءتۇرىن قوستى، ەرلەردىڭ قۋىق ءتۇبى بەزىن B تيپتى ۋلترا كۇلگىن ساۋلەسى اپپاراتىمەن تەكسەرۋدى، ايەلدەردىڭ ومىراۋ بەزىن B تيپتى ۋلترا كۇلگىن ساۋلەسى اپپاراتىمەن تەكسەرۋدى قوستى.

اۋرۋدان ساقتانۋدان سالاماتتىقتى باسقارۋعا دەيىن

  ”دەنساۋلىق تەكسەرتۋ بۇقاراعا مەرزىم سايىن دەنساۋلىق تەكسەرتىپ تۇرۋدىڭ ماڭىزدىلىعىن تانىتتى ءارى جالپى حالىقتىڭ سالاماتتىعىن باسقارۋعا باستاماشىلدىق ەتتى“. گو ۋيجياڭنىڭ ويىنشا، تۋ باستان اۋرۋدان ساقتانىپ، اۋرۋدى تىزگىندەۋ، اۋرۋدى ەرتەرەك ەمدەتۋ، اۋرۋ جوق بولسا ەرتە باستان ساقتانۋ، اۋرۋ سەبەبىنەن كەدەيلەسۋدى جانە قايتا كەدەيلەسۋدى ازايتۋ − ەڭ ۇتىمدى سالاماتتىق شاراسى ەسەپتەلەدى.

  ياركەن اۋدانى مىشا قالاشىعى كەسىمشى قىستاعىنىڭ تۇرعىنى تۇرسىن تالىپ دەنساۋلىعىن تەكسەرتكەندە جوعارى قان قىسىمى، قانتتى نەسەپ اۋرۋى بار ەكەندىگى انىقتالىپ، دەر كەزىندە ءدارى ىشكەندىكتەن، سوزىلمالى ناۋقاسى ءونىمدى تىزگىندەلدى. قازىر ونىڭ جانە ونىڭ وتباسىنداعىلاردىڭ ”دەنساۋلىق تەكسەرۋ سالاماتتىق ارحيۆى“ ”سالاماتتىق ارحيۆى جانە الەۋمەتتىك دەنساۋلىق ساقتاۋ قىزمەت وتەۋ جۇيەسىنە“ ەنگىزىلدى، وتباسى شيپاگەرى ۋاق - ۋاق اۋرۋ جاعدايىن ۇعىسىپ تۇرادى.

  دەنساۋلىق تەكسەرىپ، اۋرۋدىڭ الدىن الىپ، حالىقتى ريزا ەتتى.

  قازىر جالپى حالىقتىڭ سالاماتتىعىن تەكسەرۋ تۇرعىنداردىڭ سالاماتتىعىن باسقارۋدىڭ ماڭىزدى تۇتقاسى بولدى، اۋرۋ ەمدەۋدى وزەك ەتۋدەن سالاماتتىقتى وزەك ەتۋگە دەيىنگى سالاماتتىق تاسىلىنە بۇرىلىس جاساۋدى نەگىزىنەن جۇزەگە اسىردى. رايونىمىزداعى جەر - جەر دەنساۋلىق تەكسەرۋ ناتيجەسىنەن تولىق پايدالانىپ، تۇرعىنداردىڭ سالاماتتىق جاعدايىنا عىلمي تالداۋ جاساۋمەن بىرگە، سوزىلمالى اۋرۋ، تارالمالى اۋرۋ تەكسەرۋىن ورىستەتىپ، اۋرۋ تىزىمدىگىن جاساپ، قالا، اۋىل تۇرعىندارىنىڭ سالاماتتىق ساندى مالىمەت قامباسىن جوسپارلاپ قۇرىپ، دەنساۋلىق تەكسەرۋ ناتيجەسىنە نەگىزدەلىپ تالداۋ جاساپ، ءونىمدى كيلىگۋ، ەمدەۋ جوباسىن العا قويدى.

  گو ۋيجياڭ مىنالاردى ءبىلدىردى: كەلەسى قادامدا، جالپى حالىقتىڭ سالاماتتىعىن تەكسەرۋ قىزمەتى سوزىلمالى اۋرۋلار ارحيۆىن تۇرعىزىپ، كارتچكالاندىرۋ، وتباسى شيپاگەرىمەن كەلىسىم جاساسۋ سياقتى قىزمەتتەرمەن سايكەستى ورىستەتىلىپ، اۋىل - قىستاقتاعى ارحيۆ تۇرعىزىلىپ، كارتچكالاندىرىلعان كەدەي حالىقپەن كەلىسىم جاساسۋدىڭ تولىق قامتىمىن جۇزەگە اسىرامىز. سونىمەن بىرگە جوعارى قان قىسىمىنان ساقتانۋ، ەمدەۋ، باسقارۋدى قامال الۋ ءتۇيىنى ەتىپ، ەگجەي - تەگجەيلى باسقارۋ ارقىلى ولشەمدى قىزمەت وتەۋ ۇلگىسىن ورناتۋعا ىزدەنىس جاساپ، وزگە قىزمەت وتەۋ تۇرلەرىنىڭ ءونىمدى اتقارىلۋىن جەتەكتەپ، ءار ۇلت بۇقاراسىنىڭ سالاماتتىعىنىڭ ساپاسىن وسىرەمىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى