شينجياڭ گازەتىنىڭ جالپىلىق اقپارات قۇرالدارى ءتىلشىسى جيا چۇنشيا، ەرىكتى ءتىلشى ۋاڭ ۋييۋان 6 - ايدىڭ 6 - كۇنى گۇمادان حابارلايدى. 6 - ايدىڭ 1 - كۇنى وڭتۇستىك شينجياڭداعى تۇڭعىش قۇم جيەگىندە سالىنعان اۋىل - قىستاق سۋ ءۇستى سايران باقشاسى − قۇمدى ءشول سۋ الەمى سۋ ءۇستى سايران باقشاسى اشىلدى.
قۇمدى ءشول سۋ الەمى سۋ ءۇستى سايران باقشاسى تاكلاماكان قۇمىنىڭ جيەگىندەگى گۇما اۋدانى چودا اۋىلى اياققى چودا قىستاعىنا ورنالاسقان، يەلەگەن جەر اۋدانى 6 مۋ، اۆتونوميالى رايوندىق پارتكوم ۇگىت ءبولىمىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى جەرگىلىكتى ورىننىڭ كەدەيلىكتەن ارىلتۋدان قامال الۋىنا، اۋىل - قىستاقتى گۇلدەندىرۋىن جەبەۋىنە دەم بەرۋ ءۇشىن، بيىل دايشى ساياحات جارنا شەكتى سەرىكتەستىگىن ەنگىزىپ، 2 ميلليون 500 مىڭ يۋاننان استام قارجى قوسىپ سالعان.
”بيىل مەن 63 جاسقا كەلدىم، ومىرىمدە قۇمنىڭ جيەگىنەن سۋ ءۇستى سايران باقشاسىن سالۋعا بولادى دەگەن تۇسىمە دە كىرمەپتى، وسى قىستاق تۇرعىندارىنىڭ ازاماتتىق كۋالىگى ارقىلى بالالارىن ەرتىپ ءۇيىمىزدىڭ الدىندا تەگىن ساياحاتتايدى دەپ ءتىپتى دە ويلاپ كورمەپپىن“، - دەدى اياققى چودا قىستاعىنىڭ تۇرعىنى بۋحاديشا اۋىت.
سۋ ءۇستى سايران باقشاسىنىڭ سالىنۋى قۇمدى ءشول قويناۋىنداعى بالالاردىڭ سۋمەن اسىر سالىپ ويناۋىنا وراي جاراتىپ قانا قالماستان، جەرگىلىكتى ورىننىڭ كەدەيلىكتەن ارىلتۋداعى ماڭىزدى شاراسىنا دا اينالدى. اۆتونوميالى رايون ۇگىت ءبولىمىنىڭ اياققى چودا قىستاعىندا تۇراتىن ءبىرىنشى شۋجي جاڭ گوليڭ بىلاي دەپ تانىستىردى: سۋ ءۇستى سايران باقشاسىنىڭ سالىنۋى تىكەلەي 30 نەشە كەدەي وتباسىنىڭ جۇمىستانۋىن شەشىپ، اس - سۋ، تاسىمال سياقتى كاسىپتەرگە 20 نەشە ادامدى جۇمىستانۋعا جانامالاي جەتەكتەدى.
”كەلەسى قادامدا، اياققى چودا قىستاعى جاڭادان قىستاق تۇرعىندارى مادەنيەت ۇلكەن زالىن سالادى، سونىمەن بىرگە وسى قىستاقتىڭ ’انار ءدانى شارۋاشىلىق قۇرۋ الاڭى‘ مەن 60 مۋلىق سەرۋەندەۋ، جەمىس تەرۋ باقشاسىن قۇرىپ، ساياحاتشىلاردى جان - جاقتىلى، تۇلعالى قىزمەت وتەۋمەن قامداپ، اياققى چودا قىستاعىن بار كۇشپەن ەرەكشە ساياحات اۋىل - قىستاعى ەتىپ قۇرامىز“، - دەدى جاڭ گوليڭ.
