تيانشان تورى   ›   جاڭالىقتار   ›   عىلىم-تەحنيكا

بيىل رايونىمىز 2 ميلليارد 349 ميلليون يۋان قارجى قوسىپ، 5G ينتەرنەت جەلىسىن قۇرۋدى جوسپارلادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 6 - ايدىڭ 6 - كۇنى ۇرىمجىدەن حابارلايدى. 6 - ايدىڭ 6 - كۇنى اشىلعان اۆتونوميالى رايوننىڭ 5G ينتەرنەت جەلىسى قۇرىلىسىن جەدەل ىلگەرىلەتۋدى ورنالاستىرۋ بەينە ەكران ماجىلىسىنەن ۇعىسۋىمىزشا، بيىل رايونىمىز 2 ميلليارد 349 ميلليون يۋان قارجى قوسىپ، 5G ينتەرنەت جەلىسىن قۇرۋدى، 5G بازالىق ستانسياسىنان 4140ىن قۇرۋدى، مۇنىڭ 1773ىن ءۇرىمجى قالاسىندا قۇرۋدى جوسپارلاعان.

  ۇعىسۋىمىزشا، قازىر ءارقايسى ورىندار، تاراۋلار قاتىستى ساياساتتاردى جاساۋدى جانە تياناقتاندىرۋدى جەدەل ىلگەرىلەتۋدە ەكەن. «شينجياڭ ۇيعۇر اۆتونوميالى رايونىنىڭ 5G ينتەرنەت جەلىسى قۇرىلىسىن دامىتۋ بەلگىلەمەسى» اۆتونوميالى رايوننىڭ جىلدىق زاڭ ەرەجە شىعارۋ جوسپارىنا ەنگىزىلىپ، تياناقتاندىرۋ جەدەل ىلگەرىلەتىلۋدە ەكەن. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى ينفورماتسيا، حابار - بايلانىس نەگىزدىك قۇرىلعىلار قۇرىلىسىن الەۋمەتتىك نەگىزدىك قۇرىلعىلار قۇرىلىسىنىڭ مازمۇنى ەتىپ، اۆتونوميالى رايوندىق حابار - بايلانىستى باسقارۋ مەكەمەسىمەن بىرلەسىپ «شينجياڭ ۇيعۇر اۆتونوميالى رايونىنىڭ قۇرىلىستارداعى حابار - بايلانىس نەگىزدىك قۇرىلعىلار قۇرىلىسىنىڭ ولشەمىن» جاريالاپ، حابار - بايلانىس نەگىزدىك قۇرىلعىلار قۇرىلىسىن قۇرىلىستاردى جوبالاۋ، قۇرىلىس جۇرگىزۋ جانە تەكسەرىپ وتكىزىپ الۋدىڭ ءارقايسى بۋىنىنا ەنگىزەدى ەكەن؛ قالا - قالاشىقتارداعى كونە، شاعىن اۋماقتاردى جاڭالاۋدا حابار - بايلانىس نەگىزدىك قۇرىلعىلار قۇرىلىسى مازمۇنىن ارناۋلى قوسىپتى. بۇدان سىرت، رايونىمىز تاعى بازالىق پۋنك−تتەردىڭ ەلەكتر ىستەتۋ وزىندىك قۇنىن تومەندەتۋ تالابى بويىنشا، ەلەكتر باعاسىن قولداۋ ساياساتىن العا قويىپ، ەلەكتردەن پايدالانۋدى قامتاماسىز ەتۋ قىزمەتىن ويداعىداي ىستەيدى.

  قازىر ءۇرىمجى قالاسىنىڭ، ىلە قازاق اۆتونوميالى وبلىسىنىڭ، قاشقار ايماعىنىڭ 5G بازالىق پۋنكت قۇرىلىسىنىڭ اياق الىسى ەداۋىر تەز. ءۇرىمجى قالاسىندا 5G ابونتتارى 168 مىڭ 600گە جەتتى. قازىر تەمىر جول مەكەمەسى ساۋدا شەڭبەرى، دوستىق ساۋدا شەڭبەرى، شياۋشيگوۋ ساۋدا شەڭبەرى، جۇڭشان جولى ساۋدا شەڭبەرى، حۋاڭحى جولى ساۋدا شەڭبەرى، ميدۇڭ ساۋدا شەڭبەرى، نانحۋ ساۋدا شەڭبەرى، اۋەجاي جول بويى، جوعارى قارقىندى تەمىر جول بويى سياقتى ادام قالىڭ ساۋدا رايوندارىن جانە نەگىزگى قالا رايونىن تۇتاس قامتۋ نەگىزىنەن جۇزەگە اسىرىلدى.

  ءۇرىمجى قالاسىندا 5G+ كاسىپتە پايدالانۋ نەگىزىنەن كوپ جاعداي، كوپ كاسىپ، كوپ سالا توعىسقان ەكولوگيالىق ورتانى قالىپتاستىردى، 5Gدەن پايدالانۋدىڭ جانە كاسىپ سالاسىنىڭ ۇلگى كورسەتۋ اسەرى العاشقى ادىمدا كورىلە باستادى: شينجياڭ اسكەري رايونى باس شيپاحاناسى تۇڭعىش 5G ينتەرنەت جەلىسىنەن پايدالانىپ، الىس ارالىقتان B تيپتى ۋلترا تولقىن اسپابى تەكسەرۋىن جۇرگىزدى؛ مەملەكەتتىك ەلەكتر تورابى 5Gدەن پايدالانىپ، 360 گرادۋستىق VR يممەرسيۆتى شارلاۋدى تىكە تاراتۋدى جۇزەگە اسىردى؛ 5G زەردەلى باقشا اۋماعىندا شارلاۋشى قۇلتەمىردىڭ كومىر كەندەگى كومىركەسەكتەرىن تاسىپ جەتكىزۋشى شىنجىر تاباندى شارلاپ تەكسەرۋى، كەن جۇك اۆتوموبيلىن شوفەرسىز جۇرگىزۋى، قازۋ ماشيناسىن الىستان مەڭگەرۋى قاتارلىلاردى جۇزەگە اسىردى.

  جوبا بويىنشا 2022 - جىلعا جەتكەندە، نەگىزگى قالا رايوندارىندا 5G ينتەرنەت جەلىسىمەن ىشكەرىلەي قامتۋمەن بىرگە، شارت - جاعدايى بار اۋىل - قالاشىق، اۋىل - قىستاق، تۋان الاڭدارىنا دەيىن كەڭەيتىلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى