جازعى باپتاۋ، جازعى جيىن - تەرىن قاۋىرت جۇرگىزىلدى، ”استىقپەن“ قامتاماسىز ەتۋ اناعۇرلىم جەتكىلىكتى بولدى

شينجياڭ گازەتىنىڭ جالپىلىق اقپارات قۇرالدارى ءتىلشىسى ءرايدا، گى يوۋجۇن، سۇڭ ۋيگو

　　6 - ايدىڭ 5 - كۇنى 24 امالدىڭ ىشىندەگى ”وراق كەزى“. وراق كەزىنىڭ كەلۋى، جەر - جەردىڭ ەگىن شارۋاشىلىعى ءوندىرىسى جاپپاي جازعى جيىن - تەرىن، جازعى تۇقىم سەبۋ، جازعى باپتاۋ سىندى قاۋىرت مەزگىلگە وتكەندىگىن اڭعارتادى.

　　رايونىمىزدىڭ جەر - جەرى جاڭا تيپتى ايدارشا ۆيرۋس وكپە قابىنۋ ىندەتى تۋدىرعان ءتيىمسىز ىقپالدى قۇلشىنا جەڭىپ، ىندەتتەن ساقتانۋ - تىزگىندەۋدى دە، كوكتەم ماۋسىمىنداعى ەگىن شارۋاشىلىعى ءوندىرىسىن دە اقساتپاي، قوس جەڭىسكە قول جەتكىزۋ سىندى قىزمەت تالابىن مۇقيات تياناقتاندىرىپ، استىق ءوندىرىسىن ورنىقتىرۋدى ماڭداي الدى ورىنعا قويۋعا تاباندى بولىپ، اتىز باپتاۋدى، ەگىنشىلىك تەحنيكاسىمەن قىزمەت وتەۋدى مىقتى يگەرىپ، دەرت - دەربەز جانە زياندى جاندىك اپاتىنان، قۋاڭشىلىق جانە تاسقىن اپاتىنان ساقتانۋ - تىزگىندەۋدى ويداعىداي ىستەپ، استىقپەن جەتكىلىكتى قامتاماسىز ەتۋگە، باعانى ورنىقتىرۋعا شىنايى كەپىلدىك ەتتى.

جەر اۋدانىن ورنىقتىردى، قامداۋدى قامتاماسىز ەتتى، جاسىل بولۋدى الدىڭعى ورىنعا قويدى

　　6 - ايدىڭ 5 - كۇنى مەملەكەتتىك ساپالى ءبيداي ءوندىرىس بازاسى شونجى اۋدانى شيبەيۋان قالاشىعىنىڭ ليۋشۋحىزى قىستاعىنىڭ جاسىل ءبيداي ءوندىرىس بازاسىندا 10 مىڭ مۋلىق ءبيداي اتىزى وركەشتەنە تولقىپ جاتىر. كوز الدىنداعى ادەمى كورىنىسكە كوز تاستاعان قىستاق تۇرعىنى جۋ جيا شاتتانا جۇزىنەن كۇلكى ەستى.

　　وراق كەزىندە شونجى اۋدانىنىڭ ءبىر ميلليون مۋدان استام ءبيداي اتىزىنداعى ءبيداي داندەنۋ مەزگىلىنە ءوتتى. بۇكىل اۋداننىڭ قۇدىقپەن سۋارۋ اۋماقتارىنداعى ءبيداي جاپپاي 6 - رەت سۋارىلدى، ءبيدايدىڭ ءوسۋى جاقسى، مول ءونىم الۋدان ءۇمىت بار.

　　شونجى اۋدانىندا ءۇرتىس 5 جىل ءبيدايدىڭ جىلدىق ءونىمى 400 ميلليون كيلوگرامنان اسىپ، 2019 - جىلى اۆتونوميالى رايون جاعىنان بۇكىل شينجياڭداعى بىردەن - ءبىر ءبيدايدىڭ قامداۋ جاعىنداعى قۇرىلىمدىق رەفورماسىن بۇكىل اۋدان بويىنشا ىلگەرىلەتەتىن اۋدان بولىپ تۇراقتاندىرىلدى. بيىل شونجى اۋدانى استىق ءوندىرىسىن اناعۇرلىم ورنىقتىرىپ، ءبيداي ەگىلەتىن جەر اۋدانىن ءبىر ميلليون 60 مىڭ مۋعا جەتكىزدى، مۇنىڭ ىشىندە ساپاسى جاقسى ۇلپالى ءبيداي 780 مىڭ مۋعا جەتىپ، بۇكىل اۋدانداعى ءبيدايدىڭ جالپى جەر اۋدانىنىڭ ％74ىن يەلەدى.

　　ەگىنشى - مالشىلاردىڭ حيميالىق تىڭايتقىش پەن ەگىس دارىلەرىنىڭ ”ەكەۋىن ازايتىپ“ كىرىستى ارتتىرۋ تەحنيكاسىن تەزىرەك يگەرۋىنە مۇمكىندىك جاساۋ ءۇشىن، شونجى اۋدانى تەحنيكانى جۇرگىزۋ ولشەمىن جاساپ، ۇلگى كورسەتۋ بازاسىنا سۇيەنۋ ارقىلى ۇلگى كورسەتتى، جالپىلاستىردى ءارى ەگىنشىلىك تەحنيكتەرىن سول جەردىڭ وزىندە تەحنيكالىق قىزمەت كورسەتۋگە ۇيىمداستىرىپ، حيميالىق تىڭايتقىشتىڭ ورنىنا ورگانيكالى تىڭايتقىش ىستەتۋ جانە دەرت - دەربەزدىڭ، زياندى جاندىكتەردىڭ زيانىنان ءبىر تۇتاس ساقتانۋ، ءبىر تۇتاس جونگە سالۋ، سونداي - اق جاسىل ساقتانۋ - تىزگىندەۋ تەحنيكالارىن جالپىلاستىردى، مەجەمەن بيىل حيميالىق تىڭايتقىش بەرۋ مولشەرىن 7300 توننادان استام، ەگىس دارىلەرىنە جۇمسالىمدى مۋ باسىنا 3 يۋان ازايتىپ، شارۋالاردىڭ 21 ميلليون يۋاننان استام شىعىنىن ازايتادى.

　　سانجى حۇيزۋ اۆتونوميالى وبلىستىق پارتكوم اۋىل شارۋاشىلىعى كەڭسەسىنىڭ مەڭگەرۋشىسى، وبلىستىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى گو حۋاي - ان بىلاي دەپ تانىستىردى: سانجى وبلىسى ”جاسىل استىق قامباسىن“ بەلسەنە تۇلعالاپ، توپىراق قۇرامىنا قاراي تىڭايتقىش بەرۋ، تەرەڭ قوپسىتۋ، حيميالىق تىڭايتقىشتىڭ دا، ەگىس دارىلەرىنىڭ دە مولشەرىن ازايتۋ سياقتى جاسىل ەگىنشىلىك تەحنيكالارىن جالپىلاستىرۋ ارقىلى جاسىل، جوعارى ساپالى بيدايمەن قامداۋدى ارتتىرىپ، ساپالى ءبيداي استىعىمەن ايگىلى ماركالى ۇن كاسىپ سالاسى تىزبەگىنە تىرەك بولدى.

ساياساتتى ورنىقتىرىپ، قوسىمشا قاراجات بەرىپ، نەگىزدى بەكەمدەدى

　　6 - ايدىڭ 3 - كۇنى شايار اۋدانى نۇرباق اۋىلىنىڭ جوعارى ءونىمدى، سۋ ۇنەمدەيتىن، ساپالى، جوعارى ءونىمدى ءبيداي ەگىنشىلىگى وندىرىسىنەن ۇلگى كورسەتۋ بازاسىندا تەحنيكتەر ءبيداي ورىلۋدان بۇرىن سوڭعى رەت سۋارىپ، تىڭايتقىش بەرۋدە.

　　نۇرباق اۋىلى يەڭاۋات قىستاعىنىڭ تۇرعىنى ياقۇپ قاسىم بىلاي دەدى: ”بيىل ءبيدايدىڭ ءوسۋى تاماشا، ءار مۋىنان 520 كيلوگرام ءونىم الۋدان ماسەلە جوق. بىلتىر ءبيدايدىڭ ءار مۋىنا 180 يۋان قوسىمشا قاراجات العانبىز، بيىل 220 يۋانعا ءوسىپتى، استىق ساتقاندا تاعى قوسىمشا قاراجات الامىز، مەملەكەتتىڭ استىق ساياساتى وتە جاقسى“.

　　بيىل ياقۇپ ەككەن 15 مۋ جەردەگى ءبيداي قىستاقتاعى سەلبەستىك كووپەراتيۆىنە جارناعا قوسىلدى، تاعى سەلبەستىك كووپەراتيۆىمەن جانە ءبيداي تۇقىمىن جەتىلدىرۋ سەرىكتەستىگىمەن، ۇن تارتۋ سەرىكتەستىگىمەن ءوندىرۋ تاپسىرىسىنا قول قويىسىپ، ءبىر تۇتاس سورت، ءبىر تۇتاس ەگۋ، ءبىر تۇتاس اتىز باپتاۋ، ءبىر تۇتاس ورۋ، ءبىر تۇتاس ساتۋدى اتقاردى.

　　شينجياڭ تيانيۇي تۇقىم شارۋاشىلىعى شەكتى جاۋاپكەرشىلىك سەرىكتەستىگى سورتتى تۇقىم جەتىلدىرۋ ءبولىمىنىڭ باستىعى چيان جۇڭساي بىلاي دەدى: ”بۇل بازانىڭ ءبيداي سورتى جاقسى، ءبىز تاپسىرىس بويىنشا ءبىر تۇتاس ساتىپ الامىز، بازار باعاسىنان 3 جياۋ جوعارى“. باعا سەنىم ورناتىپ، قوسىمشا قاراجات جىگەر سيلاپ، استىق سالاتىن شارۋالاردىڭ كوڭىلدەرىن ورنىقتىردى.

　　ۇعىسۋىمىزشا، بيىل شايار اۋدانى 208 مىڭ مۋ جەرگە ءبيداي ەككەن، مۇنىڭ ىشىندە 167 مىڭ مۋ جەرگە دۇمبە ءبيداي، 41 مىڭ مۋ جەرگە جازدىق ءبيداي ەگىلگەن، مەجەمەن جالپى ءونىم مولشەرى 93 مىڭ توننادان اسادى ەكەن.

　　شايار اۋداندىق اۋىل شارۋاشىلىعى، اۋىل - قىستاق مەكەمەسىنىڭ ورىنباسار باستىعى لي ياڭ بىلاي دەپ تانىستىردى: بيىل شايار اۋدانى ەگىستىك جەردىڭ قۇنارلىلىعىن قورعاۋ قوسىمشا قاراجاتىنىڭ ساياساتتىق بەتالىس رولىن بەلسەنە ساۋلەلەندىرىپ، كەڭىنەن ۇگىتتەپ، شارۋالاردىڭ استىق ەگۋ بەلسەندىلىگىن ورنىقتىردى.

ءونىم مولشەرىن ورنىقتىرىپ، سورتتى ساپالىلاندىرىپ، عىلىم - تەحنيكا ارقىلى دەم بەردى

　　”قازىر ءبيدايدىڭ ءدانى تولايىن دەپ قالدى، ءوسۋ جاعدايى جاقسى، مولشەرمەن 7 - ايدىڭ ورتا شەنىندە وراق قويۋعا بولادى“. 6 - ايدىڭ 5 - كۇنى باعراش اۋدانى تابانجوكىن اۋىلى تابانجوكىن قىستاعىنىڭ ديقانى لي گۋاڭجۇن تىلشىگە بىلاي دەدى: بيىل ءبيدايدىڭ ءوسۋ جاعدايى وتكەن جىلدارداعىدان دا جاقسى، بۇل عىلىم - تەحنيكانىڭ ارقاسى.

　　بيىل باعراش اۋدانى ءبيداي ەگۋ مەزگىلىنەن بۇرىن بەيدوۋ جول نۇسقاۋ جۇيەسىنەن پايدالانىپ، بەيدوۋ جاساندى سەرىگى جول نۇسقاۋى ارقىلى ءبيداي ەگىپ، جەردىڭ پايدالانىلۋ سالىستىرماسىن جوعارىلاتىپ قالماستان، ونان دا ماڭىزدىسى، سوڭعى مەزگىلدەگى اتىز باسقارۋعا قولايلىلىق جاسادى.

　　بايىنعولين موڭعۇل اۆتونوميالى وبلىستىق اۋىل شارۋاشىلىعى، اۋىل - قىستاق مەكەمەسى ەگىنشىلىك كاسىبى جانە ەگىس دارىلەرىن باسقارۋ ءبولىمىنىڭ باستىعى لۋ شاۋلەي بىلاي دەدى: تاياۋ جىلداردان بەرى، بايىنعولين وبلىسى توپىراق قۇرامىن ولشەۋ قىزمەتىن ورىستەتىپ، جەرگە تىڭايتقىش بەرۋگە عىلمي نەگىز ازىرلەدى. شارۋالار ”نە كەم بولسا، سونى تولىقتاۋ“ پرينسيبى بويىنشا تىڭايتقىش بەرىپ، ءارى تىڭايتقىشتىڭ ىسىراپ بولۋىن ازايتتى، ءارى باعىتتامالى تۇردە توپىراقتىڭ قۇنارلىلىعىن جوعارىلاتتى. استىقتى جەرمەن بايلانىستىرىپ، جەردىڭ قۇنارلىلىعىن ارتتىرىپ، استىقتان مول ءونىم الۋعا شىنايى كەپىلدىك ەتىپ قالماستان، تاعى استىقتى تەحنيكامەن بايلانىستىرىپ، عىلىم - تەحنيكادان پايدالانۋدى جوعارىلاتىپ، استىقپەن قامداۋعا شىنايى كەپىلدىك ەتتى.

　　عىلىم - تەحنيكانىڭ كومەگىنە سۇيەنۋمەن بىرگە، بايىنعولين وبلىسى تاعى جاڭا سورتتى ەنگىزۋ، جالپىلاستىرۋ سەرپىنىن ۇزدىكسىز ارتتىردى، بيىل شينچۇن 26 - ءنومىرلى، شيندۇڭ 22 - ءنومىرلى سياقتى ءبيداي سورتتارىن ەنگىزىپ، جالپىلاستىردى. ”جاڭا سورتتى جالپىلاستىرۋدىڭ سوڭعى مەزگىلدەگى استىق ءوندىرىسىن ورنىقتىرۋدا، ءونىم مولشەرىن ارتتىرۋدا عىلميلىعى، بولجالدىعى مەن جەتەكشىلىگى بار، ونان دا ماڭىزدىسى، بۇدان كەيىنگى استىق داقىلدارىن ەگۋگە پايدالى“، - دەدى لۋ شاۋلەي.