رايونىمىزداعى ءار ۇلت نەگىزگى ساتى كادرلارى مەن بۇقارا باس شۋجي شي جينپيڭنىڭ ماماندار، وقىمىستىلار اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەندى، كوپشىلىك ءبىر اۋىزدان مىنانى ءبىلدىردى −
قۋاتتى الەۋمەتتىك دەنساۋلىق ساقتاۋ جۇيەسىن ورناتۋعا كۇش - قۋاتىمىزدى ارنايمىز
تاياۋدان بەرى رايونىمىزداعى ءار ۇلت نەگىزگى ساتى كادرلارى مەن بۇقارا باس شۋجي شي جينپيڭنىڭ 6 - ايدىڭ 2 - كۇنى ماماندار، وقىمىستىلار اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەندى، دايەكتىلەندىردى. كوپشىلىك ءبىر اۋىزدان مىنانى ءبىلدىردى: باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىن بەرىك ورناتىپ، نەگىزگى ساتىداعى قاراۋىل تۇيىندەرىنىڭ رولىن ساۋلەلەندىرىپ، جالپى حالىقتىق سالاماتتىق تاربيەسىن كۇشەيتىپ، ءىس جۇزىندىك ارەكەتپەن قورعانىس تورىن بەكەمدەپ، اۋاشالاۋ قورعانىن بەرىك، ناقتى تۇرعىزىپ، قۋاتتى الەۋمەتتىك دەنساۋلىق ساقتاۋ جۇيەسىن ورناتۋعا كۇش - قۋاتىمىزدى ارنايمىز.
نەگىزگى ساتىداعى قاراۋىل تۇيىندەرىنىڭ رولىن ساۋلەلەندىرەمىز
”باس شۋجي شي جينپيڭ: اۋرۋدىڭ الدىن الۋ جانە ونى تىزگىندەۋ قۇرىلىمدارى مەن قالا، اۋىل الەۋمەتتىك اۋماقتارىنىڭ بىرلەسە قيمىلداۋ قىزمەت مەحانيزمىن اقاۋسىزداندىرىپ، اۋىل - قالاشىق ەمحانالارى مەن الەۋمەتتىك اۋماقتاعى دەنساۋلىق ساقتاۋ - قىزمەت وتەۋ ورتالىقتارىنىڭ اۋرۋدىڭ الدىن الۋ قىزمەت جاۋاپكەرشىلىكتەرىن كۇشەيتىپ، بىرلەسىپ ساقتانۋدىڭ، بىرلەسىپ تىزگىندەۋدىڭ نەگىزگى ساتىداعى نەگىزىن بەكەمدەۋ كەرەك، - دەپ اتاپ كورسەتتى. بۇل نەگىزگى ساتىنىڭ دياگنوز قويۋ - ەمدەۋ قابىلەتى مەن ەمدەۋ قىزمەتكەرلەرىنىڭ قابىلەت ساپاسىنا اناعۇرلىم جوعارى تالاپ قويدى“. قابا اۋداندىق دەنساۋلىق ساقتاۋ، سالاماتتىق كوميتەتى پارتيا قىزمەتى كوميتەتىنىڭ شۋجيى جاڭ شين بىلاي دەدى: ”بيىل اۋدانىمىز اۋداندىق حالىق شيپاحاناسىنىڭ جۇقپالى اۋرۋلار اۋماعى، تاجىريبەحاناسى سياقتى ەمدەۋ نەگىزدىك قۇرىلعىلار قۇرىلىسىن جەدەل اتقارىپ، دارەجەگە ءبولىپ دياگنوز قويۋ - ەمدەۋدى ىشكەرىلەي ىلگەرىلەتىپ، اۋدان وڭىرىندەگى ەمدەۋ بىرىككەن تۇلعالارىنىڭ رولىن تولىق ساۋلەلەندىرىپ، ساپالى ەمدەۋ، دەنساۋلىق ساقتاۋ بايلىقتارىن تومەنگە ءتۇسىرىپ، نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ دياگنوز قويۋ - ەمدەۋ دەڭگەيىن جوعارىلاتۋدى ۇزدىكسىز كۇشەيتىپ، بۇقارانىڭ اناعۇرلىم قولايلى، ساپالى ەمدەۋ قىزمەت وتەۋىنەن شىن مانىندە يگىلىكتەنۋىنە مۇمكىندىك جاسايدى“.
تالاي جىل اۋرۋدىڭ الدىن الۋ جانە ونى تىزگىندەۋ قىزمەتىمەن شۇعىلدانعان سانجى قالالىق اۋرۋدىڭ الدىن الۋ جانە ونى تىزگىندەۋ ورتالىعى پارتيا باسشىلىق گرۋپپاسىنىڭ شۋجيى لين بيننىڭ ايتۋىنشا، وعان اسەرى ەڭ تەرەڭ بولعانى ىندەتكە قارسى اتتانۋ بارىسىندا پارتيا مەن مەملەكەتتىڭ باستان - اياق ”حالىقتى بارىنەن جوعارى قويۋ، ءومىردى بارىنەن جوعارى قويۋ“ ۇستانىمىنا تاباندى بولعاندىعى ەكەن. ”قالا ىشىندە ءبىز دەنساۋلىق ساقتاۋدى باقىلاۋ، اۋرۋدى تىزگىندەۋ، زارارسىزداندىرىپ ساقتانۋ - تىزگىندەۋ، مەديتسينالىق قۇتقارۋ - كۇتۋ سىندى مامانداندىرىلعان دەنساۋلىق ساقتاۋ بويىنشا شۇعىل جاعدايعا توتەپ بەرەتىن 4 قوسىن قۇردىق، ءاربىر قوسىن باستان - اياق 30 ادامدىق كولەمدى ساقتادى، اۋىل - قالاشىق، ءمالى ەمحانالارىن نەگىز ەتىپ، 16 اۋىل - قالاشىق جىلجىمالى ەمدەۋ اترەتىن قۇرىپ، قىستاق پەن الەۋمەتتىك اۋماقتى قامتىپ، جەتەكتەدى، باستاپقى كەزدە الدىن الا ساقتاندىرۋ مەن كوپ ارنالى ساقتاندىرۋ نەگىزىندە، بايقاۋ قابىلەتىن جوعارىلاتىپ، نەگىزگى ساتىداعى قاراۋىل تۇيىندەرىنىڭ قۋاتىن شىنايى ساۋلەلەندىردى“، - دەدى لين بين.
جالپى حالىقتىق سالاماتتىق تاربيەسىن كۇشەيتەمىز
6 - ايدىڭ 5 - كۇنى باي اۋدانى چوڭكوپىر اۋىلى ياندۇما قىستاعىنداعى الپىستى القىمداعان ءيمىت ءيۇنۇس ەرلى - زايىپتىلار وتباسىلارىن ارالاپ جۇرگەن كادر مەن قىستاق شيپاگەرىنىڭ قولىنان ءتىس شوتكى، ورامال سياقتى ۇساق سيلىقتاردى العاننان كەيىن، قۋانىشپەن بىلاي دەدى: ”پارتيا مەن ۇكىمەت جان - جاقتى ويلاستىرىپتى، ءبىزدى تاماشا تازالىق ادەتىنە داعدىلاندىرۋ ءۇشىن، مادەنيەت قيمىلىنا قاتىناستىردى، اۋلا مەن دارەتحانانى جاقسارتۋدىڭ بارىنە دە تازالىق بۇيىمدارىن سيلىققا بەرىپ جاتىر“.
”مەملەكەت بويىنشا تازا اۋدان - قالا“ قۇرىپ جاتقان باي اۋدانىندا قالا - اۋىلدىڭ ورتا تازالىعىن جونگە سالۋ، جالپى حالىقتىق سالاماتتىق تاربيەسى دابىرالى ورىستەتىلىپ جاتىپتى. باي اۋداندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى جاڭ ديانجۇن بىلاي دەدى: ”باس شۋجي شي جينپيڭ: جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كۇرەسىنىڭ تاجىريبەلەرىن قورىتىندىلاپ، وتانشىلدىق تازالىق قىزمەتىنىڭ ءمانىن بايىتىپ، ءادىس - تاسىلىندە جاڭالىق اشىپ، ورتا تازالىعىن جونگە سالۋدان تۇتاس قوعامنىڭ سالاماتتىعىن باسقارۋعا قاراي بۇرىلىس جاساۋدى ىلگەرىلەتۋ كەرەك، - دەپ باسا دارىپتەدى. بۇل بىزگە قىزمەت بەتالىسىن ايقىنداپ بەردى. ءبىز قالاشىق اۋماعىنداعى ءاربىر كوشەنىڭ ورتا تازالىعىن جونگە سالۋدا تۇگەلدەي جاۋاپتى ورىن بەلگىلەۋ، اۋىل - قىستاق قونىس ورتاسىن رەتتەۋ - جونگە سالۋ قىزمەتىن ءاربىر وتباسىنا دەيىن تياناقتاندىرۋ، ەمدەۋ قىزمەتكەرلەرىنىڭ ارناۋلى تاقىرىپتاعى لەكسياسىن ورىستەتۋ سياقتى تاسىلدەر ارقىلى جالپى بەتتىك قوعامدىق سالاماتتىق باسقارۋدى جەدەل ىلگەرىلەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىن مانىندە جوعارىلاتامىز“.
”ءار ۇلت بۇقاراسىنا، اسىرەسە، ورتا جاستاعىلارعا، قارتتارعا سالاماتتىق تاربيە مەن ىندەتتەن عىلمي ساقتانۋ بىلىمدەرىن جالپىلاستىرۋدى كۇشەيتۋ − حالىقتىڭ جالپى تۇلعالىق سالاماتتىق دەڭگەيىن جوعارىلاتۋدىڭ ءتۇبىرلى شاراسى. بۇل جاعىندا ءبىزدىڭ الەۋمەتتىك اۋماق قىزمەتكەرلەرىمىز رولىن ۇزدىكسىز ويداعىداي ساۋلەلەندىرۋى كەرەك“. باس شۋجي شي جينپيڭنىڭ ماماندار، وقىمىستىلار اڭگىمە ماجىلىسىندە سويلەگەن ءسوزىن مۇقيات ۇيرەنگەننەن كەيىن، بۇراتالا قالاسى شىڭدالا ءمالىسى تيانشان جولى الەۋمەتتىك اۋماعى پارتيا باس ياچەيكاسىنىڭ شۋجيى گۇڭ فاڭ تەرەڭ اسەر الىپ، بىلاي دەدى: ”سالاماتتىق تاربيەسىن الەۋمەتتىك اۋماق قىزمەتىنىڭ كۇندەلىكتى جۇمىستارىمەن توعىستىرۋدا جالپى حالىقتىڭ سالاماتتىق بويىنشا دەنساۋلىعىن تەكسەرۋدى ويداعىداي ىستەپ قالماستان، ونان دا ماڭىزدىسى، سالاماتتىق تاربيەسى ۇگىت - لەكسياسى، تۇرعىنداردى وتانشىلدىق تازالىق قيمىلىن ۇزدىكسىز ورىستەتۋگە ۇيىمداستىرۋ سياقتى فورمالارمەن بارلىق ادامنىڭ سالاماتتىق بىلىمدەرىمەن قارۋلانۋىن ورىنداۋ كەرەك“.
جۇڭي شيپاگەرلىگىنە - دارىگەرلىگىنە مۇراگەرلىك ەتۋدى، جاڭالىق اشۋدى ىلگەرىلەتەمىز
”باس شۋجي شي جينپيڭنىڭ ماڭىزدى ءسوزى ءبىز سياقتى جۇڭي شيپاگەرلىگىمەن شۇعىلدانۋشىلاردى ايرىقشا جىگەرلەندىردى، سونداي - اق ءبىزدىڭ قىزمەت بەتالىسىمىزدى ايقىنداپ، سەنىمىمىزدى بەكەمدەي ءتۇستى“. قۇمىل قالالىق جۇڭي شيپاحاناسىنىڭ ورىنباسار باستىعى ۇشقۇن سىمايىل بىلاي دەدى: سوڭعى جىلدارى قۇمىل قالالىق جۇڭي شيپاحاناسى جۇڭي شيپاگەرلىگى - دارىگەرلىگى قىزمەت وتەۋ جۇيەسى قۇرىلىسىن زور كۇشپەن ىلگەرىلەتتى. ”ءبىز جۇڭيدىڭ وزىندىك ءمانى قۇرىلىسىن ۇزدىكسىز كۇشەيتىپ، جوعارى ورەدەگى جۇڭي دارىندىلارى قوسىنىن تۇلعالايمىز. سونىمەن بىرگە جۇڭي شيپاگەرلىگىنىڭ - دارىگەرلىگىنىڭ اۋرۋدىڭ الدىن الۋداعى، اۋرۋدى ەمدەۋدەگى وزگەشە باسىمدىعى مەن رولىن تولىق ساۋلەلەندىرىپ، جۇڭي شيپاگەرلىگى - دارىگەرلىگى قىزمەت وتەۋىنىڭ ءورىسىن كەڭەيتىپ، جۇڭي شيپاگەرلىگىنىڭ مەملەكەتتىڭ توسىن تۋىلاتىن الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ جۇيەسىندەگى رولىن اناعۇرلىم ويداعىداي ساۋلەلەندىرەمىز“.
”باس شۋجي شي جينپيڭ: جۇڭي مەن باتىس شيپاگەرلىگىن بىرلەستىرۋ، جۇڭي دارىلەرى مەن باتىس دارىلەرىن قاتار قولدانۋ وسى رەتكى ىندەتتەن ساقتانۋ - تىزگىندەۋدەگى ءبىر ۇلكەن ەرەكشەلىك ءارى جۇڭي شيپاگەرلىك - دارىگەرلىگىنىڭ جاۋھارىنا مۇراگەرلىك ەتۋدىڭ، تۋراشىلدىقتى ساقتاپ، جاڭالىق اشۋدىڭ جاندى امالياتى، - دەپ اتاپ كورسەتتى. بۇل ءبىز سياقتى قالىڭ جۇڭي شيپاگەرلىگىمەن شۇعىلدانۋشىلاردى تەرەڭ شابىتتاندىرىپ، ءبىزدىڭ قىزمەتكە ىنتامىزدى ايرىقشا قاۋلاتتى“. قاراقاش اۋداندىق ۇيعۇر شيپاگەرلىگى شيپاحاناسىنىڭ باستىعى ءعايرات مامەت بىلاي دەدى: كەلەسى قادامدا، جۇڭي شيپاگەرلىگىنىڭ، اسىرەسە، ۇيعۇر شيپاگەرلىگىنىڭ - دارىگەرلىگىنىڭ بايلىعىن ونان ارى كادەگە جاراتىپ، ءبىر توپ جوعارى ورەلى، جوعارى ساپالى جۇڭي شيپاگەرلىگى - دارىگەرلىگى دارىندىلارىن باۋليمىز“.
(شينجياڭ گازەتىنىڭ جالپىلىق اقپارات قۇرالدارى ءتىلشىسى ءرايدا، قاتىناسقان تىلشىلەر گى يوۋجۇن، جاڭ تيڭ، جاڭ جىلي، سۇڭ ياۋىن، ەرىكتى ءتىلشى حى داۋي)
