اۆتونوميالى رايون شەكارا وتكەلىندە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ شۇعىل جاعدايىنا توتەپ بەرۋ جوباسىن ۇستەل باسىندا شامالادى
”سىرتتان كىرۋدەن ساقتانۋدىڭ، ىشتە قايتا بەلەڭ بەرۋدەن ساقتانۋدىڭ“ شەشۋشى قورعانىس شەبىن بەكەمدەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 6 - ايدىڭ 5 - كۇنى ۇرىمجىدەن حابارلايدى. 6 - ايدىڭ 2 - كۇنى تۇستەن كەيىن اۆتونوميالى رايون شەكارا وتكەلىندە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ شۇعىل جاعدايىنا توتەپ بەرۋ جوباسىن ۇستەل باسىندا شامالادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين شامالاۋدى كوزدەن كەشىردى جانە ءسوز سويلەدى. ول بىلاي دەپ باسا دارىپتەدى: بۇل رەتكى شامالاۋ جۇمىسى − بۇكىل رايون شەكارا وتكەلدەرىندەگى ىندەتتەن ساقتانۋ - تىزگىندەۋ شۇعىل جاعدايىنا توتەپ بەرۋ قابىلەتى مەن دەڭگەيىنىڭ ناقتى شايقاستىق سىناعى، سونداي - اق ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ ءتۇرلى شارالارىن جالپى بەتتىك تياناقتاندىرۋداعى قايتالاي اتتانىسقا كەلتىرۋ، قايتالاي دارىپتەۋ، قايتالاي ورنالاستىرۋ بولىپ تابىلادى. جەر - جەر، قاتىستى تاراۋلار باس شۋجي شي جينپيڭنىڭ مەملەكەتتىك ەكى ءماجىلىس كەزىندەگى ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت تالابى بويىنشا، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ شارالارىنا تاباندى بولىپ جانە ونى كەمەلدەندىرىپ، ىندەتتەن ساقتانۋ - تىزگىندەۋدىڭ وڭاي - وسپاق قولعا كەلمەگەن تابىسىن باتىل بەكەمدەپ، ەكونوميكالىق دامۋدى جانە قوعام ورنىقتىلىعىنىڭ كەلەلى جاعدايىن باتىل قورعاپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋ نىسانالارىن، مىندەتتەرىن ورىنداۋعا، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.
ۇستەل باسىندا شامالاۋ شەكارا وتكەلدەرىندە ىندەتتەن ساقتانۋ - تىزگىندەۋدەگى توسىن وقيعالاردى ارتقى كورىنىس ەتىپ، وقيعا بەينەكەسكىنىن قويۋ جانە ناقتى ۋاقىتتا قولباسشىلىق ەتۋ، جاۋاپ بەرۋ سياقتى تاسىلدەر ارقىلى قورعاس، ەركەشتام، حونچيراپ 3 شەكارا وتكەلىندەگى شەكارادان كىرۋ كارانتينى، بىرلەسىپ ساقتانۋ، بىرلەسىپ تىزگىندەۋ، ىندەت جاعدايىندا اتتانىسقا كەلۋ، ناۋقاستاردى ءبىر جاقتى ەتۋ، مەديتسينالىق قۇتقارۋ - ەمدەۋ سياقتى 10 جاقتاعى شۇعىل جاعدايعا توتەپ بەرۋ دايىندىعىن جانە ناقتى شايقاستىق جۇمىس جۇرگىزۋ جاعدايىنا ەلىكتەمە جاسادى. ىلە قازاق اۆتونوميالى وبلىسىنىڭ، قىزىلسۋ قىرعىز اۆتونوميالى وبلىسىنىڭ، قاشقار ايماعىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قولباسشىلىق شتابى جەكە - جەكە شامالاۋ جۇمىسىن جۇرگىزىپ، اۋرۋدىڭ الدىن الۋ جانە ونى تىزگىندەۋ ماماندارىنىڭ ۋاكىلدەرى باعا بەردى.
لي پىڭشين بىلاي دەپ اتاپ كورسەتتى: ”سىرتتان كىرۋدەن ساقتانۋدى“ بوساڭسىتپاۋدى كوزدەي وتىرىپ، ”ءۇش قورعانىس شەبىن“ باتىلدىقپەن جاقسى ساقتاپ، شەكارا وتكەلدەرىنە، ءتۇيىندى الاڭ - ورىندارعا، ءتۇيىندى ادامدارعا قاتىستى دالمە - ءدال ساقتانۋ - تىزگىندەۋدى كۇشەيتىپ، ”شەكارا سىرتىنان“ ”مەملەكەت قاقپاسىنا“، ونان ”ءۇيدىڭ الدىنا“ دەيىنگى جالپى تىزبەكتىك تۇيىق اينالىمدىق باسقارۋدى ويداعىداي ىستەپ، ىندەتتىڭ سىرتتان كىرۋ قاتەرىن ەڭ تومەنگى شەككە ءتۇسىرۋ كەرەك. ناقتى شايقاستىق جاتتىعۋ ارقىلى تۇرلىشە اتتانىسقا كەلۋ دارەجەسىندەگى شۇعىل جاعدايعا توتەپ بەرۋ جوباسى جۇيەسىن كەمەلدەندىرىپ، شۇعىل جاعدايعا توتەپ بەرۋ بويىنشا اتتانىسقا كەلۋدىڭ ءتۇرلى دارەجەلەرىنىڭ، ءتۇرلى تارتىپتەرىنىڭ، ءتۇرلى بۋىندارىنىڭ جىكسىز ۇشتاسۋىن ىلگەرىلەتىپ، توسىن وقيعالاردىڭ بارلىعىنىڭ مەجەدە بولۋىن، توتەپ بەرۋ تاكتيكالارىنىڭ مەڭگەرۋ كولەمىندە بولۋىن جۇزەگە اسىرۋعا قۇلشىنۋ كەرەك. ءتۇرلى دايىندىق قىزمەتتەرىن مىقتى، ناقتى، ەگجەي - تەگجەيلى يگەرىپ، اسىرەسە، تاجىريبەحانالاردا نۋكلەين قىشقىلىن تەكسەرۋ قابىلەتىن جوعارىلاتۋ، ەمدەۋگە الۋعا بەلگىلەنگەن شيپاحانالاردىڭ جەتكىلىكتى بولۋىنا كەپىلدىك ەتۋ، اۋاشالاۋ تۇيىندەرىن عىلمي، لايىقتى ورنالاستىرۋ، قىزمەتكەرلەر اۋىسۋىنىڭ جوعارى ءونىمدى مەحانيزمىن ورناتۋ، ەپيدەميولوگيالىق تەكسەرۋدى كۇشەيتۋ، الەۋمەتتىك اۋماق پەن شيپاحانالارداعى جۇعىمدالۋدان ساقتانۋ - تىزگىندەۋ شارالارىن كەمەلدەندىرۋ سياقتى جاقتاردا ۇزدىكسىز كۇش شىعارىپ، دەر كەزىندە بايقاۋعا، جەدەل ءبىر جاقتى ەتۋگە، دالمە - ءدال باسقارۋ - مەڭگەرۋگە، ءونىمدى قۇتقارۋ - ەمدەۋگە شىنايى كەپىلدىك ەتۋ كەرەك.
لي پىڭشين بىلاي دەپ باسا دارىپتەدى: ۇيىمدىق باسشىلىقتى كۇشەيتىپ، پارتكومنىڭ باسشىلىعىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ قولباسشىلىق شتابىنىڭ ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ مەحانيزمىنە تاباندى بولىپ، قولباسشىلىقتىڭ ىركىلىسسىز بولۋىن ورىنداۋ كەرەك. شايقاس كەزىندەگى جاۋاپكەرشىلىك جۇيەسىن بەكەمدەپ، ناقتىلاپ، دەنساۋلىق ساقتاۋ جانە سالاماتتىق، اۋرۋدىڭ الدىن الۋ جانە ونى تىزگىندەۋ، كەدەن، قوعام حاۋىپسىزدىگى، تەمىر جول، ەمدەۋ، دەنساۋلىق ساقتاۋ قۇرىلىمدارى سياقتى كوپ تاراۋ سايكەسەتىن، بىرلەسە قيمىلدايتىن، ءبىر - بىرىنە دەمەۋ بولاتىن، جوعارى ونىمدىلىكپەن جۇمىس جۇرگىزەتىن قىزمەت جۇلگەسىن قالىپتاستىرىپ، جاۋاپكەرشىلىكتىڭ ايقىن بولۋىن ورىنداۋ كەرەك. الەۋمەتتىك دەنساۋلىق ساقتاۋ قىزمەت وتەۋ جۇيەسى قۇرىلىسىنىڭ سەرپىنىن ارتتىرىپ، قامتاماسىزداندىرۋدىڭ پارمەندى بولۋىن ورىنداۋ كەرەك. ءتۇيىندى ورىنداردىڭ، شەشۋشى جۇمىس ورنىنداعى قىزمەتكەرلەردىڭ ساقتانۋ - قورعانۋىن جانە تاربيەلەنۋىن كۇشەيتىپ، ساقتانۋ - قورعانۋدىڭ تىڭعىلىقتى بولۋىن ورىنداۋ كەرەك.
اۆتونوميالى رايوننىڭ باسشىلارىنان تيان ۋىن، ماڭلىك سەيت قيمىلعا قاتىناستى.
