تيانشان تورى   ›   جاڭالىقتار   ›   شينجياڭ حابارلارى

رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى

  6 - ايدىڭ 4 - كۇنى قاشقار ەكونوميكالىق اشۋ رايونى شىنجىن كاسىپ سالاسى باقشاسىنداعى ءبىر كاسىپورىننىڭ ءوندىرىس سەحىندا جۇمىسشىلار ءوندىرىس جەلىسىندە توك شاۋگىم قۇراستىرۋدا. قازىر بۇل كاسىپورىن كۇنىنە 6000 − 7000 توك شاۋگىم وندىرەدى، توڭىرەكتەگى ءارقايسى اۋىل، قالاشىقتان 100 نەشە ادامدى جۇمىستاندىردى. سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى لي رۇي تۇسىرگەن

    【بەتەشار】

  بيىلعى مەملەكەتتىك ەكى ءماجىلىس كەزىندە، باس شۋجي شي جينپيڭ ساياسي كەڭەستىڭ ماجىلىسىنە قاتىناسقان ەكونوميكا سالاسىنداعى مۇشەلەرگە امانداسا بارعاندا: كەزەكتەگى ەكونوميكالىق جاعدايعا جان - جاقتى، ديالەكتيكالىق، ۇزاق بولاشاقتىق كوز ايامەن تالداۋ جاساۋعا تاباندى بولىپ، داعدارىس بارىسىندا جاڭا وراي جەتىلدىرۋگە، وزگەرىس بارىسىندا جاڭا جاعداي اشۋعا قۇلشىنۋ كەرەك، - دەپ اتاپ كورسەتتى. گازەتىمىز بۇگىننەن باستاپ ”داعدارىس بارىسىندا جاڭا وراي جەتىلدىرۋ، وزگەرىس بارىسىندا جاڭا جاعداي اشۋ“ ارناۋلى ستونىن اشىپ، رايونىمىزداعى جەر - جەردىڭ، تاراۋلاردىڭ باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى ءسوزىنىڭ جانە مەملەكەتتىك ەكى ءماجىلىستىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، ءىس جۇزىندىك ارەكەتپەن ”التىنى ورنىقتىرۋ“ قىزمەتىن تىڭعىلىقتى تۇردە ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋ شەشۋشى شايقاسىنىڭ نىسانالارىن، مىندەتتەرىن ورىنداۋعا شىنايى كەپىلدىك ەتكەندىگىن حابارلايدى.

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا 6 - ايدىڭ 5 - كۇنى ۇرىمجىدەن حابارلايدى. باس شۋجي شي جينپيڭ 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقان كەزدە مىنانى باسا دارىپتەدى: جوعارى مەكتەپ تاۋىسقان وقۋشىلار، شارۋا جۇمىسكەرلەر، قوسىننان قايتقان اسكەريلەر سياقتى ءتۇيىندى قاۋىمدى جۇمىستاندىرۋ قىزمەتىن ويداعىداي ىستەۋ كەرەك. رايونىمىز باس شۋجي شي جينپيڭنىڭ مەملەكەتتىك ەكى ءماجىلىس كەزىندەگى ماڭىزدى ءسوزى مەن مەملەكەتتىك ەكى ءماجىلىستىڭ رۋحىن باتىل دايەكتىلەندىرىپ، تياناقتاندىرىپ، اناعۇرلىم بەلسەندى جۇمىستاندىرۋ ساياساتىن اتقارىپ، جۇمىستانۋدى ورنىقتىرۋدى ”التىنى ورنىقتىرۋداعى“ ماڭداي الدى ورىنعا قويىپ، يگەرىپ، تۇرعىنداردىڭ جۇمىستانۋىن قامتاماسىز ەتۋدى بار كۇشپەن جاقسى ىستەپ، تۇتاس رايوننىڭ جۇمىستانۋ جاعدايىن جالپى تۇلعالىق جاقتان ورنىقتىرۋعا شىنايى كەپىلدىك ەتتى.

  جوعارى مەكتەپ تاۋىسقان وقۋشىلار، اۋىل - قىستاقتارداعى ارتىق ەڭبەككۇشتەر، قوسىننان قايتقان اسكەريلەر سياقتى ءتۇيىندى قاۋىمدى جۇمىستاندىرۋدى جەبەۋ ءۇشىن، رايونىمىز جان - جاقتى، دالمە - ءدال شارا اتقاردى. ءبىر جاعىنان، ”100 كۇندە ينتەرنەتتە 10 ميلليون ادامدى جۇمىسقا قابىلداۋ ارناۋلى ارەكەتى“ سياقتى بۇلتتىق جۇمىسقا قابىلداۋ قيمىلىن ءۇرتىس جۇرگىزىپ، ينتەرنەتتە ەكى جاق تاڭداپ توقتامعا قول قويىستى؛ ەندى ءبىر جاعىنان، ىندەتتىڭ ىقپالىنا ۇشىراپ جۇمىستانۋى قيىنداعان ادامداردى دەر كەزىندە جۇمىستاندىرۋعا كومەكتەسۋ كولەمىنە ەنگىزىپ، ”بىرگە ءبىر“ بويىنشا قاداعالاپ كومەكتەسىپ - سۇيەمەلدەپ، جۇمىسسىزدىق قامسىزداندىرۋى مامىلەسى، قوعامدىق قامسىزداندىرۋ قوسىمشا قاراجاتى سياقتىلاردى دەر كەزىندە تولىق تاراتۋعا شىنايى كەپىلدىك ەتتى.

  شارۋاشىلىق قۇرۋ ەسەلەپ ارتاتىن جۇمىستاندىرۋ ونىمدىلىگىنە يە. رايونىمىز شارۋاشىلىق قۇرىپ جۇمىستاندىرۋعا جەتەكشىلىك ەتۋدى جەبەۋدى بازاردىڭ ومىرشەڭدىگىن قاۋلاتۋدىڭ، جۇمىستاندىرۋ ارناسىن كەڭەيتۋدىڭ، جۇمىستاندىرۋ كەڭىستىگىن كەڭەيتۋدىڭ ماڭىزدى شاراسى جانە جولى ەتىپ، شارۋاشىلىق قۇرۋ كەپىلدىك قارىز اقشا وبيەكتىسىنىڭ كولەمىن كەڭەيتىپ، جەكەلەردىڭ شارۋاشىلىق قۇرۋ كەپىلدىك قارىز اقشا سوماسىن 200 مىڭ يۋانعا جوعارىلاتىپ، راسميات ءتارتىبىن قاراپايىمداستىرىپ، شارۋاشىلىق قۇرىپ جۇمىستاندىرۋعا جەتەكشىلىك ەتۋگە ساياساتتىق تىرەك ازىرلەپ، ءتۇيىندى قاۋىمدى اۋىلعا قايتىپ، اۋىلعا بارىپ شارۋاشىلىق قۇرىپ جۇمىستانۋعا شابىتتاندىردى.

  جۇمىستاندىرۋدى جانە حالىق تۇرمىسىن قامتاماسىز ەتۋدە، ءسوز جوق، بازار تۇلعالارىن ورنىقتىرىپ، كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ، جەكە ساۋدا - ونەركاسىپشىلەردىڭ قيىن وتكەلدەن وتۋىنە بار كۇشپەن كومەكتەستى. رايونىمىز جۇمىسسىزدىق قامسىزداندىرۋى جۇمىس ورنىن ورنىقتىرۋ قوسىمشا قاراجاتىن قايتارىپ بەرۋ تەبىنىن كۇشەيتىپ، ورتا، شاعىن، ۇساق كاسىپورىنداردىڭ قايتارىپ بەرۋ ولشەمىن كاسىپورىننىڭ جانە ونىڭ جۇمىسشى - قىزمەتكەرلەرىنىڭ الدىڭعى جىلدا تاپسىرعان جۇمىسسىزدىق قامسىزداندىرۋى اقىسىنىڭ %100ىنە كوتەردى، وڭتۇستىك شينجياڭداعى 4 ايماق، وبلىستاعى بارلىق كاسىپورىندارعا كەڭەيتتى. 6 - ايدىڭ 3 - كۇنىنە دەيىن، رايونىمىز جيىنى 72 مىڭ كاسىپورىنعا 790 ميلليون يۋان جۇمىسسىزدىق قامسىزداندىرۋى اقىسىن قايتاردى، ءبىر ميلليون 463 مىڭ جۇمىسشى - قىزمەتكەر يگىلىگىن كوردى.

  «ۇكىمەت قىزمەتىنەن باياندامادا» ءتىپتى دە كوپ ەڭبەكشىلەردىڭ ونەرىن ءوسىرىپ، جۇمىسقا جاقسى ورنالاسۋىنا مۇمكىندىك جاساۋ كەرەكتىگى ورتاعا قويىلدى. رايونىمىز قارجى ۇسىنىلىمىن مولايتىپ، ءتۇيىندى قولداۋدى جالعاستىرۋ، كاسىپورىنداردى جەتەكتەۋ سياقتى ءتۇرلى ءوندىرىس، تيجارات تۇلعالارى جونىندە كوپ ءتۇرلى فورماداعى باۋلۋدى ورىستەتتى ءارى ينتەرنەت جەلىسىندە باۋلۋ، جەكە ساۋدا - ونەركاسىپشىلەردى باۋلۋ، جوعارى مەكتەپتەردەگى جانە كاسىپتىك مەكتەپتەردەگى وقىپ جاتقان وقۋشىلاردى شارۋاشىلىق قۇرۋعا باۋلۋ سياقتىلاردى ساياساتتىق قولداۋ كولەمىنە ەنگىزىپ، كەدەي وتباسىلاردىڭ پەرزەنتتەرى، كەدەي ەڭبەككۇشتەر، جۇمىستان بوساعان جۇمىسسىزدار، مۇگەدەكتەر سياقتى جۇمىستاندىرىلاتىن قاۋىمدى تەگىن باۋلىدى.

  رايونىمىز تاعى جۇمىسسىزدىق قامسىزداندىرۋىن قامتاماسىز ەتۋ كولەمىن كەڭەيتىپ، قامسىزداندىرۋعا قاتىناسىپ اقى تاپسىرعانىنا ءبىر جىل تولعان، الايدا جۇمىسسىزدىق قامسىزداندىرۋ قاراجاتىن الۋ شارتىنا تولمايتىن ادامداردى قامتاماسىز ەتۋ كولەمىنە ەنگىزدى، قازىر 2700دەن استام ادام وسى ساياساتتان يگىلىكتەنىپ وتىر. رايونىمىز قامسىزداندىرۋعا قاتىناسقان شارۋا جۇمىسكەرلەردىڭ جۇمىسسىزدىقتى قامتاماسىز ەتۋ ماسەلەسىن جەدەل تياناقتاندىرۋدا، 2020 - جىلى 5 - ايدان 12 - ايعا دەيىن، 2019 - جىلى 1 - ايدىڭ 1 - كۇنىنەن كەيىن قامسىزداندىرۋعا قاتىناسقان ۋاقىتى ءبىر جىلعا تولماعان، جۇمىسسىز قالعان شارۋا جۇمىسكەرلەرگە قاراتا، قامسىزداندىرۋعا قاتىناسقان قالادا ەڭ تومەنگى تۇرمىسىن قامتاماسىزداندىرۋ ولشەمى بويىنشا، اي سايىن 3 ايدىكىنەن اسپايتىن ۋاقىتتىق تۇرمىس جاردەماقىسىن تاراتادى. قالا - قالاشىقتاعى جۇمىسشى - قىزمەتكەرلەرمەن تەڭ قامسىزداندىرۋعا قاتىناسىپ اقى تاپسىرعان جۇمىسسىز قالعان شارۋا جۇمىسكەرلەرگە قامسىزداندىرۋعا قاتىناسقان جەردىڭ بەلگىلەمەسى بويىنشا جۇمىسسىزدىق قامسىزداندىرۋى قاراجاتىن نەمەسە جۇمىسسىزدىق كومەك قاراجاتىن تاراتادى.

  ”ءبىز اۆتونوميالى رايوننىڭ اۋىرتپالىقتى جەڭىلدەتۋ، جۇمىس ورنىن ورنىقتىرۋ، جۇمىستاندىرۋدى كەڭەيتۋ سىندى ءبىرسىپىرا ساياساتتىق شارالارىن جاپپاي تياناقتاندىرىپ، قازىرگى بار جۇمىستاندىرۋدى قۇلشىنا ورنىقتىرىپ، جاڭادان جۇمىستانۋدى بەلسەنە كوبەيتىپ، ەڭبەكشىلەردىڭ قوس قولىنا سۇيەنىپ ءتىپتى دە تاماشا تۇرمىسقا كەنەلۋىنە جاعداي جاساۋىمىز كەرەك“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋدى جەبەۋ باسقارماسىنىڭ قاتىستى جاۋاپتىسى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.