باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، الەۋمەتتىك دەنساۋلىق ساقتاۋ جۇيەسىن جەدەل كەمەلدەندىرىپ، حالىقتىڭ دەنساۋلىعىن باتىل قورعايىق
چىن چۋانگو ءماجىلىستى باسقاردى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 6 - ايدىڭ 5 - كۇنى ۇرىمجىدەن حابارلايدى. 6 - ايدىڭ 5 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ماماندار، وقىمىستىلار اڭگىمە ماجىلىسىندە سويلەگەن ماڭىزدى ءسوزىنىڭ رۋحىن، حاينان ەركىن ساۋدا پورتى قۇرىلىسى جونىندە بەرگەن ماڭىزدى نۇسقاۋىنىڭ رۋحىن جانە قالىڭ جاس وسپىرىمدەر مەن بالالارعا جولداعان سالەمىن جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭ ماماندار، وقىمىستىلار اڭگىمە ءماجىلىسىن باسقارىپ اشىپ ءارى ەرەكشە ماڭىزدى ءسوز سويلەپ، مەملەكەتتىڭ جالپى تۇلعالىق ستراتەگيالىق دەڭگەيىندە تۇرىپ، قۋاتتى الەۋمەتتىك دەنساۋلىق ساقتاۋ جۇيەسىن ورناتۋدى كوزدەي وتىرىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىنىڭ تاجىريبە - ساباقتارىن تەرەڭدەي قورىتىندىلاپ، دەنساۋلىق ساقتاۋ، سالاماتتىق ىستەرىنىڭ ستراتەگيالىق ورنى مەن رولىن ەگجەي - تەگجەيلى ءتۇسىندىرىپ، الەۋمەتتىك دەنساۋلىق ساقتاۋ جۇيەسى قۇرىلىسىنداعى ءبىر قىدىرۋ كەلەلى ماسەلەلەردى جۇيەلى بايىمداپ، ءبىزدىڭ ءتۇرلى قىزمەتتەردى تىڭعىلىقتى تۇردە ويداعىداي ىستەۋىمىز، قۋاتتى الەۋمەتتىك دەنساۋلىق ساقتاۋ جۇيەسىن ورناتۋىمىز ءۇشىن ايقىن العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى. بۇكىل رايونىمىزداعى جەر - جەر، تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى ءسوزىنىڭ رۋحىن دەن قويا ۇيرەنىپ، دايەكتىلەندىرىپ، تياناقتاندىرىپ، تومەنگى شەكتە ويلاۋدى كۇشەيتىپ، تاۋقىمەت تانىمىن نىعايتىپ، نازاردى ولقىلىقتاردى تولىقتاۋعا، ساڭلاۋلاردى بىتەۋگە، ءالسىز تۇستاردى كۇشەيتۋگە شوعىرلاندىرىپ، الەۋمەتتىك دەنساۋلىق ساقتاۋ جۇيەسى قۇرىلىسىن كۇشەيتىپ، الدىن الا ساقتاندىرۋ، اتتانىسقا كەلتىرۋ مەحانيزمىن اقاۋسىزداندىرىپ، ساقتانۋ - تىزگىندەۋ جانە قۇتقارۋ - ەمدەۋ قابىلەتىن جالپى بەتتىك جوعارىلاتىپ، قورعانىس تورىن بەكەمدەپ، اۋاشالاۋ قورعانىن بەرىك، مىقتى تۇرعىزىپ، ءار ۇلت حالقىنىڭ سالاماتتىعىن شىن مانىندە ويداعىداي قورعاۋ كەرەك.
ءبىرىنشى، تانىمدى جوعارىلاتىپ، ءسوزسىز، جەڭىسكە جەتۋ سەنىمىن بەكەمدەۋ كەرەك. بۇكىل ەلدىڭ ىندەتتەن ساقتانۋ - تىزگىندەۋ توسقاۋىل شايقاسىندا كەلەلى ستراتەگيالىق جەتىستىككە قول جەتكىزۋىنىڭ ءتۇبىرلى نەگىزى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، ەلىمىز سوتسياليستىك ءتۇزىمىنىڭ كورنەكتى ساياسي ابزالدىلىعىنىڭ، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ بولعاندىعىندا ەكەندىگىن جەتە تانۋ كەرەك. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تاباندىلىقپەن بۇلجىماي دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا قاشاندا تاباندى بولىپ، قۋاتتى الەۋمەتتىك دەنساۋلىق ساقتاۋ جۇيەسىن كۇش سالا ورناتىپ، حالىقتىڭ سالاماتتىعىن جان - جاقتى، جالپى اينالىمدىق قامتاماسىز ەتۋ ءۇشىن قۇلشىنۋ كەرەك.
ەكىنشى، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرۋ كەرەك. باستان - اياق تىڭعىلىقتى جۇرگىزىپ، كۇش ۇستىنە كۇش قوسىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋدى ۇزدىكسىز مىقتى ۇستاپ، ۇدايىلانعان ساقتانۋ - تىزگىندەۋ مەحانيزمىنە تاباندى بولىپ جانە ونى كەمەلدەندىرىپ، شەكارا وتكەلدەرىنىڭ، ءتۇيىندى ورىنداردىڭ، ءتۇيىندى ادامدار شوعىرىنىڭ ساقتانۋ - تىزگىندەۋ قىزمەتىن كۇشەيتىپ، ءار ۇلت بۇقاراسىن عىلمي ساقتانۋعا، قورعانۋعا تاربيەلەپ، باستاپ، ىندەتتەن ساقتانۋ - تىزگىندەۋدىڭ جەتىستىكتەرىن باتىل بەكەمدەۋ كەرەك.
ءۇشىنشى، اۋرۋدىڭ الدىن الۋ جانە ونى تىزگىندەۋ جۇيەسىنە رەفورما جاساۋ كەرەك. الدىن الۋدى نەگىز ەتۋگە، ساقاداي ساي تۇرۋعا تاباندى بولىپ، رەفورما جاساۋ سەرپىنىن كۇشەيتىپ، الەۋمەتتىك دەنساۋلىق ساقتاۋ ىستەرىنە تۇراقتى ۇسىنىلىم قوسۋ مەحانيزمىن ورناتىپ، اۋرۋدىڭ الدىن الۋ جانە ونى تىزگىندەۋ قۇرىلىمدارىنىڭ فۋنكتسيالىق ورنالاسۋىن ساپالىلاندىرىپ، كەمەلدەندىرىپ، اۋرۋدىڭ الدىن الۋ جانە ونى تىزگىندەۋ قۇرىلىمدارى مەن قالا، اۋىل الەۋمەتتىك اۋماقتارىنىڭ بىرلەسە قيمىلداۋ قىزمەت مەحانيزمىن اقاۋسىزداندىرىپ، اۋرۋدىڭ الدىن الۋ جانە ونى تىزگىندەۋ دارىندىلار قوسىنى قۇرىلىسىن كۇشەيتىپ، حالىقتىڭ سالاماتتىعىن قورعاۋ، الەۋمەتتىك دەنساۋلىق ساقتاۋدىڭ حاۋىپسىزدىگىن قامتاماسىز ەتۋ، ەكونوميكالىق، قوعامدىق ورنىقتىلىقتى قورعاۋ ءۇشىن پارمەندى قامتاماسىزدىق ازىرلەۋ كەرەك.
ءتورتىنشى، قاداعالاۋ، الدىن الا ساقتاندىرۋ، قۇتقارۋ - ەمدەۋ قابىلەتىن ءوسىرۋ كەرەك. جۇقپالى اۋرۋلار ىندەتىن جانە توسىن تۋىلعان الەۋمەتتىك دەنساۋلىق ساقتاۋ وقيعالارىن قاداعالاۋ جۇيەسىن كەمەلدەندىرىپ، ەلەۋلى ىندەتتەن قۇتقارۋ - ەمدەۋ جۇيەسىن جانە توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ دايىندىق جوباسى جۇيەسىن اقاۋسىزداندىرىپ، ەمدەۋ مەن ساقتانۋدىڭ سايكەستى مەحانيزمىنە جاڭالىق جاساپ، قاداعالاۋ قابىلەتىن ءوسىرىپ، قالا، اۋىلدىڭ ءۇش دارەجەلى مەديتسينالىق قىزمەت وتەۋ تورى قۇرىلىسىن جانە ۇكىمەتتىك شيپاحانالاردىڭ جۇقپالى اۋرۋدان قۇتقارۋ - ەمدەۋ قابىلەتى قۇرىلىسىن نىعايتىپ، نەگىزگى ساتىداعى دەنساۋلىق ساقتاۋ قىزمەتكەرلەرىنىڭ كاسىپتىك كۋرسىن جانە تاربيەلەۋ - جاتتىعۋىن كۇشەيتىپ، مەديتسينالىق قىزمەت وتەۋ، الدىڭعى مەرزىمدىك ءبىر جاقتى ەتۋ، شۇعىل جاعدايعا توتەپ بەرۋ، قۇتقارۋ - ەمدەۋ قابىلەتىن ۇزدىكسىز جوعارىلاتۋ كەرەك.
بەسىنشى، وتانشىلدىق تازالىق قيمىلىن ىشكەرىلەي ورىستەتۋ كەرەك. قىزمەتتىڭ مازمۇنىن بايىتىپ، ءادىس - تاسىلىندە جاڭالىق اشىپ، قالا، اۋىل ورتاسىن رەتتەۋ - جونگە سالۋدى ۇزدىكسىز ىلگەرىلەتىپ، الەۋمەتتىك دەنساۋلىق ساقتاۋ نەگىزدىك قۇرىلعىلارىن كەمەلدەندىرىپ، دەنساۋلىق ساقتاۋ بويىنشا شۇعىل جاعدايعا توتەپ بەرۋ بىلىمدەرى ۇگىت - تاربيەسىن كۇشەيتىپ، اقاۋسىز تاماقتانۋ، تازالىق ادەتىن جەتىلدىرىپ، وركەنيەتتى، اقاۋسىز، جاسىل، قورشاعان ورتانى قورعاۋعا پايدالى تۇرمىس ءتاسىلىن دارىپتەپ، وتانشىلدىق تازالىق قيمىلىنىڭ تۇتاس قوعامنىڭ سالاماتتىعىن باسقارۋعا قاراي بۇرىلىس جاساۋىن ىلگەرىلەتۋ كەرەك.
التىنشى، جۇڭي شيپاگەرلىگى - دارىگەرلىگىنە مۇراگەرلىك ەتۋدى، جاڭالىق اشۋدى، دامىتۋدى ىلگەرىلەتۋ كەرەك. جۇڭي شيپاگەرلىگى - دارىگەرلىگىنىڭ ارتىقشىلىعى مەن رولىن تولىق ساۋلەلەندىرىپ، جۇڭي شيپاگەرلىگى - دارىگەرلىگى قىزمەت وتەۋ جۇيەسىن جەدەل اقاۋسىزداندىرىپ، جۇڭي شيپاگەرلىگى - دارىگەرلىگى دارىندىلار قوسىنى قۇرىلىسىن كۇشەيتىپ، جۇڭي شيپاگەرلىگى - دارىگەرلىگىن باسقارۋ ءتۇزىلىس - مەحانيزمىنە رەفورما جاساپ، كەمەلدەندىرىپ، از ۇلت شيپاگەرلىگى - دارىگەرلىگىن جەدەل دامىتىپ، جۇڭي شيپاگەرلىگى - دارىگەرلىگىنىڭ وسىزاماندانۋىن، كاسىپ سالالانۋىن جەدەل ىلگەرىلەتىپ، جۇڭي شيپاگەرلىگى - دارىگەرلىگى مەن باتىس شيپاگەرلىگى - دارىگەرلىگىنىڭ ءبىرىن - ءبىرى تولىقتاۋىن، سايكەسە دامۋىن ىلگەرىلەتۋ كەرەك.
جەتىنشى، ستيلگە بۇرىلىس جاساپ، قىزمەت جاۋاپكەرشىلىگىن ناقتىلاندىرۋ كەرەك. جەر - جەر، قاتىستى تاراۋلار جانە قالىڭ پارتيالى كادرلار جاۋاپكەرشىلىك ارقالاپ، مىندەت وتەۋدى، شوگەلدىكپەن، ناقتى ءىس ىستەۋدى كۇشەيتىپ، فورماشىلدىققا، تورەشىلدىككە باتىل قارسى تۇرىپ جانە ونى جەڭىپ، ىندەتتەن ساقتانۋ - تىزگىندەۋ، ەكونوميكانى دامىتۋ، كەدەيلىكتەن ارىلتۋدان قامال الۋ، قوعامدىق ورنىقتىلىق ءتۇرلى قىزمەتتەرىن ءبىر تۇتاس جوسپارلاپ، ويداعىداي ىستەپ، الەۋمەتتىك دەنساۋلىق ساقتاۋ جۇيەسى قۇرىلىسىن، قوسىندى جەتىلدىرۋدى، مەحانيزم رەفورماسىن، زاڭمەن جونگە سالۋدى قامتاماسىز ەتۋدى جەدەل ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا ەگجەي - تەگجەيلى، تىڭعىلىقتى تياناقتاندىرىلۋىنا شىنايى كەپىلدىك ەتۋ كەرەك.
ءماجىلىس اۆتونوميالى رايوندىق ەڭبەك ەرلەرىن جانە ۇزدىك قىزمەتكەرلەردى كورسەتۋ، باعالاۋ، سايلاۋ قىزمەتى جاعدايى جونىندەگى مالىمەتتى تىڭدادى. ءماجىلىس مىنالاردى اتاپ كورسەتتى: كورسەتۋ، باعالاۋ، سايلاۋ قىزمەتىن ورىستەتۋدى وراي ەتىپ، ەڭبەك رۋحىن، ەڭبەك ەرى رۋحىن جانە شەبەر رۋحىن زور كۇشپەن اسقاقتاتىپ، ەڭبەكتى قاستەرلەۋگە، ەڭبەكشىلەردى قۇرمەتتەۋگە تاباندى بولىپ، ەڭبەك ەرىنەن ۇيرەنەتىن، ۇلگى بولۋعا قۇلشىناتىن داۋىرلىك سالت قالىپتاستىرىپ، ەڭبەك ىنتاسىن اناعۇرلىم تاسقىنداتىپ، جاسامپازدىق كومەسكى كۇشىن قاۋلاتۋ كەرەك.
ءماجىلىس باسقا دا ىستەردى اقىلداستى.
شوكىرات زاكىر، نۇرلان ءابىلماجىن، ۋاڭ جۇنجىڭ، شۇي حايرۇڭ، لي يفەي، سارقىت اقان، جاڭ چۇنلين قاتارلىلار ماجىلىسكە قاتىناستى.
