تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ فرانسيانىڭ زۇڭتۇڭىمەن، كوستاريكانىڭ زۇڭتۇڭىمەن جەكە - جەكە تەلەفوندا سويلەستى

  شينحۋا اگەنتتىگىنىڭ 6 - ايدىڭ 5 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 5 - كۇنى كەشتە فرانسيانىڭ زۇڭتۇڭى ماكرونمەن تەلەفوندا سويلەستى.

  شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو مەن فرانسيا جوعارى دەڭگەيلى ستراتەگيالىق سايكەستىكتى ساقتادى. قازىر كۇللى الەمدە ىندەتتىڭ تارالۋ، ءورشۋ بەتالىسى ءالى دە ءونىمدى تىزگىندەلگەن جوق. سۇراپىل ىندەت الدىندا ىنتىماقتاسىپ سەلبەسۋ عانا دۇرىس جول. جۇڭگو مەن فرانسيا حالىقارالىق قوعامنىڭ ىنتىماقتاسىپ ىندەتكە قارسى اتتانۋىنا ۇزدىكسىز بىرگە قولداۋ كورسەتىپ، كۇللى الەمنىڭ اقىرىندا ىندەتتى جەڭىپ شىعۋىنا ”جۇڭگو - فرانسيا ۇلەسىن“ قوسۋ كەرەك. ەكى ەل قۇرىلىمدارىنىڭ بىرلەسكەن زەرتتەۋ جۇرگىزۋىن ىلگەرىلەتىپ، ۆاكسينا جانە ءدارى - دارمەك زەرتتەپ جاساۋدىڭ حالىقارالىق سەلبەستىگىن قولداپ، 73 - كەزەكتى دۇنيە جۇزىلىك دەنساۋلىق ساقتاۋ جينالىسىنىڭ ورتاق تانىمىن جەدەل تياناقتاندىرىپ، دۇنيە جۇزىلىك دەنساۋلىق ساقتاۋ ۇيىمىن بارىنشا قولداپ، جۇڭگو - فرانسيا - افريكا ءۇش جاقتىڭ ىندەتكە قارسى اتتانۋ سەلبەستىگىن اناعۇرلىم كوپ ورىستەتىپ، افريكا قاتارلى دامۋى كەنجە وڭىرلەردەگى ەلدەردىڭ ىندەتكە قارسى اتتانۋىنا قولداۋ كورسەتۋ كەرەك. كوپ جاقتىلىققا تاباندى بولىپ، دۇنيە ءجۇزىنىڭ بەيبىتشىلىگىن، ورنىقتىلىعىن جەبەۋ كەرەك.

  شي جينپيڭ بىلاي دەپ باسا دارىپتەدى: مەن سىزبەن ءجيى تىلدەسۋدى ساقتاپ، بەتالىستى جاقسى مەڭگەرىپ، ەكى ەل قارىم - قاتىناسىنىڭ اقاۋسىز، ورنىقتى دامۋىن ىلگەرىلەتۋدى قالايمىن. ەكى جاق ىندەتتەن كەيىنگى ىستەردى كوزدە ۇستاپ، كەلەسى كەزەڭدەگى ءار ساتىداعىلاردىڭ بارىس - كەلىسىن جاقسى جوسپارلاپ، تىلدەسۋدى، اۋىس - كۇيىستى ورنىقتى، ءتارتىپتى، يكەمدى ورىستەتۋ كەرەك. ىندەتتەن كەيىنگى ەكونوميكانى قايتا جانداندىرۋداعى ماكرولىق ساياساتتاردى سايكەستىرۋدى جانە ۇشتاستىرۋدى كۇشەيتىپ، ءداستۇرلى سالالارداعى سەلبەستىكتىڭ كومەسكى كۇشىن تەرەڭدەي ارشۋمەن قوسا، جاڭادان گۇلدەنگەن سالالارداعى سەلبەستىكتى دە كەڭەيتۋ كەرەك. جۇڭگونىڭ بازارى فرانسياعا اشىق، فرانسيا جاقتىڭ ساۋدا ىستەرى قىزمەتكەرلەرىنىڭ جۇڭگوعا كەلۋدەگى ”جىلدام ارنادان“ ويداعىداي پايدالانىپ، فرانسيانىڭ جۇڭگوداعى كاسىپورىندارىنىڭ جۇمىستى، ءوندىرىستى قالپىنا كەلتىرۋىنە دەم بەرۋىن، سونىمەن بىرگە جۇڭگو كاسىپورىندارى ءۇشىن ءادىل، شەتكە قاقپايتىن شارۋاشىلىق - ساۋدا ورتاسىن جاراتۋىن ءۇمىت ەتەمىن.

  شي جينپيڭ بىلاي دەپ اتاپ كورسەتتى: جۇڭگو مەن ەۆروپا كەڭ كولەمدە ورتاق مۇددەگە يە جالپى بەتتىك ستراتەگيالىق سەرىكتەر. جۇڭگو جاق ەۆروپا وداعىنىڭ ءبىر تۇلعالانۋدا قول جەتكىزگەن ىلگەرىلەۋشىلىكتەرىنە قۋانادى، ەۆروپا جاقپەن ستراتەگيالىق سەلبەستىكتى كۇشەيتىپ، جۇڭگو مەن ەۆروپا اراسىنداعى كەلەلى ساياسي كەڭەستىك تارتىپتەردى ىلگەرىلەتۋدى، كوپ جاقتىلىققا قولداۋ كورسەتىپ، الەۋمەتتىك دەنساۋلىق ساقتاۋ، كليمات وزگەرىسى، ورگانيزمدەردىڭ كوپ تۇرلىلىگىن قورعاۋ سياقتى الەمدىك سىن - سايىستارعا تىزە قوسا توتەپ بەرىپ، جۇڭگو - ەۆروپا قارىم - قاتىناسىنىڭ ورنىقتى، باياندى بولۋىن ىلگەرىلەتۋدى قالايدى.

  ماكرون مىنالاردى ءبىلدىردى: فرانسيا - جۇڭگو ەكى ەل ىندەتكە قارسى اتتانۋ جاعىندا تاماشا سەلبەستىك ورىستەتىپ، ىنتىماقتى ايگىلەدى. فرانسيا جاق ۇزدىكسىز وسى رۋحتى نەگىز ەتە وتىرىپ جۇڭگو جاقپەن سەلبەستىكتى كۇشەيتۋدى ءۇمىت ەتەدى. فرانسيا جاق ءتوراعا شي جينپيڭنىڭ جۇڭگو جاقتىڭ زەرتتەپ جاساعان ۆاكسيناسىن حالىقارانىڭ ورتاق ونىمىنە اينالدىرۋدى جاريالاعاندىعىن القايدى، جۇڭگو جاقپەن بىرگە، دۇنيە جۇزىلىك دەنساۋلىق ساقتاۋ جينالىسىنداعى ورتاق تانىمداردى ويداعىداي تياناقتاندىرىپ، دۇنيە جۇزىلىك دەنساۋلىق ساقتاۋ ۇيىمىنىڭ ماڭىزدى رول اتقارۋىنا قولداۋ كورسەتىپ، دۇنيە جۇزىلىك دەنساۋلىق ساقتاۋ ۇيىمىمەن سەلبەستىكتى كۇشەيتۋدى، افريكا ەلدەرىنىڭ ىندەتكە قارسى اتتانۋىنا قولداۋ كورسەتۋدى كۇشەيتۋدى قالايدى. مەن ەرتەرەك جۇڭگوعا تاعى ساپارلاۋدى كۇتۋدەمىن، سونىمەن بىرگە ەكى ەلدىڭ قاتىستى تاراۋلارىنىڭ تىلدەسۋدى، اۋىس - كۇيىستى ساقتاپ، ءوزارا ءتۇسىنىسۋدى تەرەڭدەتىپ، ءتۇيىندى سەلبەستىك نىساندارىن ىلگەرىلەتۋىن ءۇمىت ەتەمىن، قازىرگى كەزەك كۇتتىرمەيتىن مىندەت جۇمىستى، ءوندىرىستى جەدەل قالپىنا كەلتىرۋ بولىپ تابىلادى. فرانسيا جاق جۇڭگو جاقپەن بىرگە، كوپ جاقتىلىقتى قورعاۋ، كليمات وزگەرىسى، ورگانيزمدەردىڭ كوپ تۇرلىلىگى سياقتى سالالارداعى سەلبەستىكتى كۇشەيتىپ، دۇنيە ءجۇزىنىڭ بەيبىتشىلىگىنە، ورنىقتىلىعىنا اناعۇرلىم كوپ بەلسەندى فاكتور ۇستەۋدى قالايدى. فرانسيا جاق كەلەسى كەزەڭدەگى ەۆروپا مەن جۇڭگونىڭ ءبىر قىدىرۋ كەلەلى بارىس - كەلىسىنە ايرىقشا ءمان بەرەدى، وسى ءۇشىن بەلسەندى رول اتقارۋدى قالايدى.

   شينحۋا اگەنتتىگىنىڭ 6 - ايدىڭ 5 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 5 - كۇنى كەشتە كوستاريكانىڭ زۇڭتۇڭى الۆارادومەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، كوستاريكا جاق ىرىقتىلىقپەن جۇڭگو جاققا ەمدەۋ زاتتىق ماتەريالدارىن كومەككە بەردى، بۇل دوستىق سۇيسپەنشىلىكتى ءبىز ۇمىتپايمىز. جۇڭگو جاق كوستاريكا جاقتى لاتىن امەريكاسى وڭىرىندە ىندەتكە قارسى اتتانۋ سەلبەستىگىن ورىستەتۋدەگى ماڭىزدى سەرىگى ەتىپ، كوستاريكا جاققا ىندەتتەن ساقتانۋ زاتتىق ماتەريالدارىن جىلۋعا اتادى ءارى ىندەتكە قارسى اتتانۋ تاجىريبەلەرىنىڭ بەينەەكران اۋىس - كۇيىس ءماجىلىسىن وتكىزدى. قازىر لاتىن امەريكاسى وڭىرىندەگى ىندەتتىڭ جاعدايى اۋىر، جۇڭگو جاق كوستاريكا جاققا ۇزدىكسىز تاباندى قولداۋ كورسەتىپ، كوستاريكا جاقتىڭ قاجەتىنە قاراي شاماسىنىڭ جەتىسىنشە كومەك بەرۋدى قالايدى. جۇڭگو جاق حالىقارانىڭ ادىلدىگىن، تۋراشىلدىعىن جانە وركەندەپ كەلە جاتقان ورتا، شاعىن ەلدەردىڭ زاڭدى ۇقىق - مۇددەسىن ۇزدىكسىز باتىل قورعايدى، كوستاريكا جاقپەن بىرگە حالىقارالىق ىندەتكە قارسى اتتانۋ سەلبەستىگىن كۇشەيتىپ، وركەندەپ كەلە جاتقان ەلدەردىڭ ىندەتكە قارسى اتتانۋداعى قۇلشىنىسىن قورعاۋدى، الەمدىك الەۋمەتتىك دەنساۋلىق ساقتاۋ حاۋىپسىزدىگىن قورعاۋدى قالايدى.

  شي جينپيڭ بىلاي دەپ باسا دارىپتەدى: كوستاريكا جۇڭگو جاقتىڭ سەنىم ارتاتىن ستراتەگيالىق سەرىگى. ەكى ەل ديپلوماتيالىق قارىم - قاتىناس ورناتقاننان بەرى، ەكى جاقتى قارىم - قاتىناس ءساتتى دامىپ، ءار سالاداعى سەلبەستىك مول جەمىس بەردى. ىندەت جۇڭگو مەن كوستاريكانىڭ ەكونوميكا، ساۋدا سەلبەستىگى مەن ادامداردىڭ بارىس - كەلىسىنە بەلگىلى كەرى ىقپال الا كەلدى، الايدا، جۇڭگو جاقتىڭ جۇڭگو مەن كوستاريكانىڭ ۇزاق ۋاقىتتىق دوستىق سەلبەستىگىن ىلگەرىلەتۋ باعىتى وزگەرمەيدى، كوستاريكا جاقتىڭ ەكونوميكاسىن دامىتۋىنا، حالىق تۇرمىسىن جاقسارتۋىنا قولداۋ كورسەتۋ تۇرعىسى وزگەرمەيدى. ەكى جاق ءبىر - ءبىرىنىڭ وزەكتى مۇددەسى مەن ەلەۋلى ءجىتى قاداعالاپ وتىرعان ىستەرىن ۇزدىكسىز قولداپ، ىندەتتەن كەيىنگى ەكى جاقتى سەلبەستىكتى بىرگە جوسپارلاپ، ”ءبىر بەلدەۋ، ءبىر جولدى“ بىرگە قۇرۋ اياسىندا ەكى ەلدىڭ ءار سالاسىنداعى ناقتى سەلبەستىكتەردىڭ تەرەڭدەۋىن، ناقتىلانۋىن ىلگەرىلەتۋ كەرەك. جۇڭگو - كوستاريكا قارىم - قاتىناسىنىڭ ىندەتكە تىزە قوسا قارسى تۇرۋدى باستان كەشىرگەننەن كەيىن، ءسوز جوق، تىڭ دا اناعۇرلىم زور دامۋعا يە بولاتىندىعىنا سەنەمىن.

  الۆارادو مىنالاردى ءبىلدىردى: كوستاريكا مەن جۇڭگو ديپلوماتيالىق قارىم - قاتىناس ورناتقان 13 جىلدان بەرى، ەكى جاقتىڭ دوستىعى كۇن سايىن تەرەڭدەپ، ءوزارا تيىمدىلىك جەتكىزىپ سەلبەسۋ ۇزدىكسىز كەڭەيدى. كوستاريكا جاق ءبىر جۇڭگو پرينسيبىندە بەرىك تۇرادى، جۇڭگو جاقپەن الەۋمەتتىك دەنساۋلىق ساقتاۋ، نەگىزدىك قۇرىلعى، مادەنيەت سياقتى سالالارداعى اۋىس - كۇيىستى، سەلبەستىكتى كۇشەيتىپ، جۇڭگو جاقتىڭ ورتا امەريكا قۇرلىعىنا كىرۋىنىڭ كوپىرى مەن قاقپاسىنا اينالىپ، كوستاريكا - جۇڭگو قارىم - قاتىناسىنىڭ جاڭا كەزەڭگە ءوتۋىن ىلگەرىلەتۋدى قالايدى. جۇڭگو ۇلى مەملەكەت، كوستاريكا جاق ءتوراعا شي جينپيڭنىڭ ەل باسقارۋ تاجىريبەسىنە سۇيىنەدى، ءتوراعا شي جينپيڭنىڭ جۇڭگو جاقتىڭ زەرتتەپ جاساعان ۆاكسيناسىن حالىقارانىڭ ورتاق ونىمىنە اينالدىرۋدى جاريالاعاندىعىنا سۇيىنەدى، جۇڭگو جاقتىڭ كوستاريكانىڭ ىندەتكە قارسى اتتانۋىنا تاباندىلىقپەن قولداۋ كورسەتكەندىگىنە العىس ايتادى. كوستاريكا جاق جۇڭگو جاقپەن بىرگە كوپ جاقتىلىقتى قولداپ، كليمات وزگەرىسى سياقتى الەمدىك سىن - سايىستارعا تىزە قوسا توتەپ بەرىپ، دۇنيە ءجۇزىنىڭ بەيبىتشىلىگى مەن دامۋىن جەبەۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.