تيانشان تورى   ›   بىلگەنگە مارجان   ›   وتباسى جانە تۇرمىس

مامانداردىڭ ەسكەرتۋى: زاپاس ماسكى دايىنداپ، اۋرۋدىڭ جۇعۋىنان ساقتانايىق

«قاۋىمنىڭ ماسكىنى عىلمي تارتۋ باعدارناماسى (وزگەرىس ەنگىزىلگەن نۇسقاسى)» تاياۋدا جاريالاندى

مامانداردىڭ ەسكەرتۋى: زاپاس ماسكى دايىنداپ، اۋرۋدىڭ جۇعۋىنان ساقتانايىق

شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي

  قازىر رايونىمىزدىڭ ىندەتتەن ساقتانۋ - تىزگىندەۋى ۇدايىلانۋ ساتىسىنا قادام تاستادى، سونىمەن بىرگە جازدىڭ شىلىڭگىر ىستىعى دا جەتىپ كەلدى، وسىنداي جاعدايدا، ادامداردىڭ ماسكى تارتۋىنىڭ قاجەتى بار ما، جوق پا؟

  جاقىندا، بۇرىن باسىپ تاراتىلعان «قاۋىمنىڭ ماسكىنى عىلمي تارتۋ باعدارناماسى» نەگىزىندە، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى جاڭا تيپتى ايدارشا ۆيرۋس وكپە قابىنۋ ىندەتىنىڭ ”قاتەرى تومەندەۋ رايوندارعا“ ۇيلەسەتىن «قاۋىمنىڭ ماسكىنى عىلمي تارتۋ باعدارناماسىن (وزگەرىس ەنگىزىلگەن نۇسقاسى)» تاعى باسىپ تاراتىپ، كەزەكتەگى ىندەتتەن ساقتانۋ - تىزگىندەۋدى ۇدايىلاندىرۋ اۋقىمىندا جانە جۇمىستى، ءوندىرىستى، وقۋدى، ساباقتى جالپى بەتتىك قالپىنا كەلتىرۋ جاعدايىندا، قاۋىمنىڭ ماسكىنى قالاي تارتۋىن ءتۇيىندى تۇردە ەگجەي - تەگجەيلى تۇرگە ايىردى. 6 - ايدىڭ 6 - كۇنى اۆتونوميالى رايوندىق اۋرۋدان ساقتانۋ جانە تىزگىندەۋ ورتالىعىنىڭ زارارسىزداندىرۋ، جۇعىمدالۋدى تىزگىندەۋ ورتالىعىنىڭ مەڭگەرۋشىسى، تارالمالى اۋرۋلار ءىلىمىنىڭ اعا شيپاگەرى ياڭ حۇڭساي بۇل جونىندە تۇسىنىك جاسادى.

قازىر قانداي جاعدايدا ماسكى تارتپاسا بولادى؟

  ياڭ حۇڭساي تانىستىرىپ بىلاي دەدى: ادەتتەگى قاۋىم جونىنەن، تومەندەگى جاعدايدا ماسكى تارتپاسا بولادى: ۇيىندە وتىرعاندا، ۆەلوسيپەد مىنگەندە، اۆتوكولىك ايداعاندا، دالا، باقشا سياقتى اشىق، كەڭ ورىنداردا ماسكى تارتپاسا بولادى، ايتسە دە قاشاندا ءبىر ماسكىنى جانىنان تاستاماي الا ءجۇرۋدى ۇسىنىس ەتەمىز. الەۋمەتتىك ورىنداردا كوپشىلىكتىڭ ءبىر مەتردەن ارتىق قوعامدىق قارىم - قاتىناس حاۋىپسىز قاشىقتىعىن ساقتاۋىن ۇسىنىس ەتەمىز.

  قازىر رايونىمىزداعى كوپتەگەن بولمەلىك الەۋمەتتىك ورىندار، ايتالىق، مۇراجاي، دەنە تاربيە سارايى، دەنە شىنىقتىرۋ ءۇيى سياقتىلار قايتا اشىلدى، وسى ورىنداردا، سونداي - اق ەرەن بازار، اسحانا، ساۋدا سارايى سياقتى ورىنداردا، ەگەر ادامدار توپتاسپاسا، اۋانىڭ الماسۋى جاقسى بولسا، ءبىر مەتردەن ارتىق حاۋىپسىز قاشىقتىق ساقتاعاندا ماسكى تارتپاسا بولاتىندىعىن ۇسىنىس ەتەمىز. كوپشىلىك قاشاندا ءبىر ماسكىنى جانىنان تاستاماي الا جۇرسە بولادى.

  ياڭ حۇڭساي مىنانى ەسكەرتتى: دەنە شىنىقتىرعاندا ادام دەنەسىنىڭ وتتەگى قاجەتسىنۋى ارتىپ، اناعۇرلىم كوپ وتتەگىن سىمىرەدى، ماسكى تارتقاندا وتتەگىن دەر كەزىندە سىمىرە الماي، وتتەگى جەتىسپەي، وكپەنى زاقىمدايدى، كوپشىلىكتىڭ دەنە شىنىقتىرعاندا ماسكى تارتپاۋىن ۇسىنىس ەتەمىز.

كەڭسەدە، جيىن زالىندا ماسكى تارتۋدىڭ قاجەتى بار ما؟

  جۇمىستىڭ، ءوندىرىستىڭ قالپىنا كەلگەنىنە ءبىر مەزگىل بولدى، كەڭسەدە، جيىن زالىندا ماسكى تارتۋدىڭ قاجەتى بار ما؟ ياڭ حۇڭساي كەڭسەدە، جيىن زالىندا قاي - قاشان دا تەرەزەنى اشىپ اۋا الماستىرعاندا، قىزمەت ىستەيتىندەر جانە جيىنعا قاتىناساتىندار ءبىر مەتردەن ارتىق الەۋمەتتىك قارىم - قاتىناس حاۋىپسىز قاشىقتىعىن ساقتاعاندا ماسكى تارتپاسا بولاتىندىعىن ۇسىنىس ەتتى.

  ”قاتەر تومەندەۋ رايونداردىڭ دا قاتەرى جوق ەمەس، كەيبىر جاعدايلاردا ءالى دە ماسكى تارتۋ قاجەت. ايتالىق، جەر استىنداعى نەمەسە سالىستىرمالى تۇيىق زات ساتىپ الۋ ورىندارىنا بارعاندا، تىك ليفت سياقتى اۋا جاقسى الماسپايتىن الەۋمەتتىك ورىنداردا، سونداي - اق الەۋمەتتىك قاتىناس، مەترو، ۇشاق سياقتى الەۋمەتتىك قاتىناس قۇرالدارىنا وتىرعاندا، ماسكى تارتۋدى ۇسىنىس ەتەمىز“، - دەدى ياڭ حۇڭساي.

  ەرەكشە ورىندارداعى قىزمەتكەرلەر، ايتالىق ساۋدا دۇكەنى، الەۋمەتتىك قاتىناس قۇرالى، تاعامجاي، اسحانا، قوناق ءۇي، مەكەمە، الەۋمەتتىك اۋماقتاردىڭ كىرىپ - شىعۋ ەسىگى، كاسىپورىنداردىڭ الدىڭعى قىزمەت تەكشەسى سياقتى ورىنداردا قىزمەت ىستەيتىندەر، سونداي - اق قارتتار ءۇيى، كۇتىمحانا، تۇرمە جانە رۋحاني دەنساۋلىق ساقتاۋ ورگانى سياقتى ورىندارداعى سىرتتان كەلگەندەر، قىزمەت وتەيتىن قىزمەتكەرلەر قىزمەت ىستەگەندە ماسكى تارتۋ كەرەك. شيپاحاناعا بارىپ اۋرۋ كورسەتكەندە، اۋرۋدىڭ كوڭىلىن سۇراعاندا نەمەسە ناۋقاسقا قارايلاسقاندا ماسكى تارتىپ، ءوزارا جۇعىمدالۋ قاتەرىن ازايتۋ كەرەك.

مەكتەپتە وقۋشىلاردىڭ جانە ساباق بەرەتىن وقىتۋشىلاردىڭ ماسكى تارتۋىنىڭ قاجەتى جوق

  قازىر رايونىمىزداعى جوعارى، ورتا، باستاۋىش مەكتەپتەردىڭ ءبارى دەرلىك ىركەس - تىركەس وقۋ باستادى، كۇندەلىكتى مەكتەپ اۋلاسىنداعى تۇرمىس قالپىنا كەلدى، مەكتەپ اۋلاسىنىڭ ىندەتتەن ساقتانۋ - تىزگىندەۋىنە كوپشىلىك باستان - اياق ەرەكشە كوڭىل ءبولىپ وتىر. ياڭ حۇڭساي ىندەتتەن ساقتانۋدا ءالى دە سالعىرتسۋعا بولمايتىندىعىن ەسكەرتتى.

  جوعارى مەكتەپتەر مەن تەحنيكۋمدارعا مەڭزەس، كلاستىڭ جانە جاتاقتىڭ تەرەزەسىن دەر كەزىندە اشىپ اۋا الماستىرۋىن، كوپشىلىكتىڭ مۇمكىندىگىنشە ءبىر مەتردەن ارتىق حاۋىپسىز قاشىقتىقتى ساقتاعاندا، ماسكى تارتپاۋىن؛ تۇيىق، ادامدار توپتاسقان نەمەسە باسقالارعا وتە جاقىنداعان كەزدە ماسكى تارتۋىن ۇسىنىس ەتەمىز.

  ورتا، باستاۋىش مەكتەپتەگى ادامدار مەكتەپ اۋلاسىندا، وقۋشىلار مەن ساباق وتەتىن وقىتۋشىلاردىڭ ماسكى تارتۋىنىڭ قاجەتى جوق، ماسكىنى جانىنان تاستاماي الا ءجۇرۋ كەرەك.

  مەكتەپكە كىرىپ - شىعاتىن كەزەكشى، تازالىقشى جانە اسحانا قىزمەتكەرى سياقتى قىزمەت وتەيتىن ادامدار ەرەكشە ورىندارداعى قىزمەتكەر سانالادى، ماسكى تارتۋى قاجەت.

  ”سىرتقا شىعاردا اتا - انالار بالالارعا ءبىر رەتتىك مەديتسينالىق ماسكى نەمەسە مەديتسينالىق وپەراتسيالىق ماسكى دايىنداپ بەرسە بولادى، KN95، N95 سياقتى ماسكىلاردىڭ قورعانۋ ساپاسى تىم جوعارى، تىنىس الۋعا قولايسىز، وقۋشىلاردىڭ كۇندەلىكتى قورعانۋىنداعى ەڭ جاقسى تالعام ەمەس، سونىمەن بىرگە ەڭ ابزالى تاعى ءبىر ارتىق ماسكى دايىنداپ بەرۋ كەرەك“، - دەدى ياڭ حۇڭساي.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى