شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي
ىندەتتىڭ ىقپالىنا ۇشىراعانىمەن، رايونىمىزدىڭ ءسۇت شارۋاشىلىعى ايتارلىقتاي ناتيجەگە جەتتى − بيىل 1 - توقساندا بۇكىل رايوننىڭ ءسۇت ءونىمى 415 مىڭ تونناعا جەتىپ، بىلتىرعى سايكەس مەزگىلدەگىدەن ％4.2 ارتتى. مۇنىڭ سەبەبى − وعان تىرەك بولارلىق كەمەلدى كاسىپ تىزبەگىنىڭ بولعاندىعىندا، ءوندىرۋ، ساتۋ تىزبەگىنىڭ تىعىز قابىسىپ، سايكەسە كۇش قوسىپ، ءسۇت ونىمدەرى بازارىنىڭ قامداۋىن شىنايى قامتاماسىز ەتىپ، رايونىمىزداعى جۇرتشىلىق قانداي ءسۇتتى قاجەت ەتسە، سوعان قولىنىڭ جەتۋىنە كەپىلدىك ەتكەندىگىندە بولدى.
ساپانى ءوسىرىپ، ونىمدىلىكتى ارتتىرىپ، ساپالى ءسۇت قاينارى بازاسىن قالىپتاستىردى
6 - ايدىڭ 4 - كۇنى سانجى قالاسى ىرليۋگۇڭ قالاشىعىنداعى سانجى قالالىق جىڭفي سيىر باعىمشىلىق شەكتى جاۋاپكەرشىلىك سەرىكتەستىگىنىڭ وسىزاماندانعان سيىر قوراسىندا، ساۋىن سيىرلار مول ”جىلجىمالى قۇنارلى جەم - ءشوپ“ جەپ جاتىر، تاياۋ جەردەگى ءسۇت ونىمدەرىن وڭدەۋ سەحىندا جۇمىسشىلار سول كۇنى ساۋىلعان جاڭا سيىر ءسۇتىن وڭدەپ دوربالاپ جاتىر.
وسى كاسىپورىننىڭ جاۋاپتىسى شيا ميڭي بىلاي دەدى: ”ءبىز كولەمدەنگەن، ولشەمدەنگەن، وسىزاماندانعان ماشينالى ازىقتاندىرۋ ارقىلى بارىنشا تىڭعىلىقتى باعىپ - باپتاپ، ءسۇت قاينارىنىڭ ساپاسىن ءونىمدى تۇردە جوعارىلاتتىق“.
6 - ايدىڭ 5 - كۇنى قۇتىبي اۋدانىنىڭ اسىل تۇقىمدى سيىر فەرماسىنىڭ سيىر ساۋۋ زالىندا، 60 سيىر زەردەلى ساۋۋ جۇمىسىن كۇتىپ تۇردى. بۇدان باسقا، تۇتاس مال فەرماسىندا ساۋىن سيىردىڭ سۋارىلۋىنان ازىقتاندىرىلىپ باعىلۋىنا، سونداي - اق تەزەكتەرىنىڭ تازالانۋىنا دەيىن تۇگەل سيفرلى جولمەن باسقارىلادى.
قۇتىبي اۋداندىق اسىل تۇقىمدى سيىر فەرماسى − ءسۇت ونىمدەرىن، ەت ونىمدەرىن، جەم - ءشوپ وڭدەۋ ءبىر تۇلعالاندىرىلعان جالپى ءوندىرىس تىزبەگى بار كەشەندى ەگىن، مال شارۋاشىلىق كاسىپورنى، شيكى ءسۇت ساپاسى ەل ىشىندەگى وزىق دەڭگەيگە جەتىپ، ءوزى قاراستى شينجياڭ شييۇيچۇن ءسۇت كاسىبى شەكتى جاۋاپكەرشىلىك سەرىكتەستىگىن مول، ساپالى سۇتپەن قامداپ وتىر.
سوڭعى جىلدارى شينجياڭ تيانرۇن ءسۇت كاسىبى جارنا شەكتى سەرىكتەستىگى پارىقتى دامۋ وي جەلىسىنە تاباندى بولىپ، جاڭا ونىمدەردى عىلىم - تەحنيكالىق زەرتتەپ اشۋعا ۇسىنىلىمدى ۇزدىكسىز ارتتىرىپ، ”ينتەرنەتتە داڭقى شىققاندى جاساۋ ماشيناسىنا“ اينالىپ، ءوتىمدى ۇلگىلەر ىركەس - تىركەس شىعىپ، ”تيانرۇن ءسۇت سىراسى“، ”ماروجني ەرىدى“، ”شوكىلات ۇنتاقتالدى“، ”قىزىقتىرعان يوۋزى“ سياقتى ءبىر قىدىرۋ ءوتىمدى ونىمدەردى شىعارىپ، ىشكى ءوڭىر بازارلارىنا دەيىن ساتتى.
”ىندەت كەزىندە رايونىمىزدىڭ ءسۇت شارۋاشىلىعىنىڭ ءونىمى ارتىپ قانا قويماي، ءوندىرىس دەڭگەيى مەن ساپاسى دا جوعارىلاپ، بىلتىردان بەرگى ءبىرشاما جوعارى ونىمدىلىكتى ساقتادى“. اۆتونوميالى رايوندىق مال شارۋاشىلىعى، مال شيپاگەرلىگى مەكەمەسىنىڭ قاتىستى جاۋاپتىسى بىلاي دەپ تانىستىردى: قازىر رايونىمىزدا تيانشاننىڭ سولتۇستىك بوكتەرىندە سانجى حۇيزۋ اۆتونوميالى وبلىسىن ۋاكىل ەتكەن ەگىن شارۋاشىلىعى وڭىرىندەگى كاسىپتەر شوعىرلانعان بەلدەۋ جانە قۇتىبي اۋداندىق اسىل تۇقىمدى سيىر فەرماسىن ۋاكىل ەتكەن عىلمي زەرتتەۋ، ءناسىل جەتىلدىرۋ، ءوندىرۋ، وڭدەۋ ءبىر تۇلعالاندىرىلعان ءسۇت شارۋاشىلىعى تىزبەگى قالىپتاستى، ونىڭ ەرەكشە ءدامدى ءسۇت ونىمدەرى كاسىبىن دامىتۋدىڭ تاماشا نەگىزى بار.
ءوندىرىستى ارتتىرىپ، ”ءسۇت قۇمىراسىمەن“ قامداۋعا كەپىلدىك ەتتى
بىلتىر اۆتونوميالى رايون «شينجياڭنىڭ ءسۇت شارۋاشىلىعىن گۇلدەندىرۋ ارەكەت جوباسىن (2019 − 2025 - جىل)» باسىپ تاراتىپ، 2025 - جىلعا دەيىن بۇكىل رايوننىڭ سيىر ءسۇتى ءونىمىن 2 ميلليون 700 مىڭ تونناعا جەتكىزىپ، شينجياڭدى بۇكىل ەلدىڭ ءسۇت شارۋاشىلىعى ءىرى رايونى ەتىپ قۇرىپ شىعۋدى العا قويدى.
”بيىل بۇكىل رايوننىڭ ءسۇت تەكتەس ءونىمىنىڭ 2 ميلليون 120 مىڭ تونناعا جەتىپ، سايكەس مەزگىلدەگىدەن ％4 ارتاتىندىعى مەجەلەندى“. مال شارۋاشىلىعى، مال شيپاگەرلىگى مەكەمەسىنىڭ قاتىستى جاۋاپتىسى مىنانى ءبىلدىردى: ىندەت ۇلكەن سىناق بولدى، داعدارىستى ورايعا اينالدىرۋ سىندى كەلەلى ءىستى ويداعىداي ىستەپ، كاسىپ تىزبەگىن ساپالىلاندىرىپ، مۇددەنى بىرلەستىرىپ، تۇتاس كاسىپ تىزبەگىنىڭ حاۋىپ - قاتەردەن ساقتاندىرۋ جانە اتتانىسقا كەلتىرۋ مەحانيزمىن قالىپتاستىرىپ، ءسۇت قاينارىنىڭ قامداۋىنىڭ ورنىقتىلىعىن اناعۇرلىم جاقسى قامتاماسىز ەتۋ، سونىمەن بىرگە ءتۇرلى قولداۋ ساياساتتارىنان ويداعىداي پايدالانىپ، باعىمشىلىق، وڭدەۋ جانە ساقتاۋ، تاسىمالداۋ قابىلەتىن جوعارىلاتۋ كەرەك.
ىندەت كەزىندە بۇكىل رايوننىڭ ەت، جۇمىرتقا، ءسۇت سياقتى مال شارۋاشىلىعى ونىمدەرى بازارىنىڭ قامداۋىن جانە مال شارۋاشىلىعىنىڭ ورنىقتى ءوندىرىسىن قامتاماسىز ەتۋ ءۇشىن، اۆتونوميالى رايوندىق مال شارۋاشىلىعى، مال شيپاگەرلىگى مەكەمەسى مال شارۋاشىلىعىنا قاتىستى كاسىپورىنداردىڭ جۇمىستى، ءوندىرىستى قالپىنا كەلتىرۋىن ءتارتىپتى تۇردە ىلگەرىلەتىپ، ءار دارەجەلى مال شارۋاشىلىعى، مال شيپاگەرلىگى (اۋىل شارۋاشىلىعى، اۋىل - قىستاق) تاراۋلارىنا جەتەكشىلىك ەتىپ، 53 تىرەكتى كاسىپورىندى ىندەتتەن ساقتانۋ - تىزگىندەۋ كەزىندەگى مال شارۋاشىلىعى ونىمدەرىمەن ءتۇيىندى تۇردە قامداۋ كاسىپورنى ەتىپ بەلگىلەپ، جەرگىلىكتى ۇكىمەت تاراۋلارىنىڭ كاسىپورىندارعا بايلانىسشى جىبەرۋ ءتۇزىمىن ورناتىپ، كاسىپورىنداردىڭ جۇمىستى، ءوندىرىستى قالپىنا كەلتىرۋىنە ءجىتى كومەكتەسىپ سۇيەمەلدەدى.
”قازىر باعىمشىلىق الاڭىنىڭ كۇندىك ءسۇت ءونىمى 7.5 توننا، ساياساتتىق كومەكتەسۋ - سۇيەمەلدەۋ، سونىمەن بىرگە تالاي جىلدان بەرى توپتالعان حاۋىپ - قاتەرگە قارسى تۇرۋ تاجىريبەلەرىمىز بولعاندىقتان دا ءبىز تىعىرىقتان قۇتىلىپ وسى كۇنگە جەتتىك“. ىركىلىسسىز جۇمىس جۇرگىزىپ جاتقان ءوندىرىس جەلىسىنە قاراپ تۇرىپ، شيا ميڭي جوعارىداعى ءسوزىن اسەرلى سەزىممەن ايتتى.
ىندەت كەزىندە قاتىناس - تاسىمال ىركىلىسسىز بولماعاندىقتان، وسى سەرىكتەستىكتىڭ ۇرىمجىدەگى 24 ءسۇت دۇكەنى ءسۇت الا الماي قالدى. ”600 باستان استام ساۋىن سيىردان ءتۇيىندى كاسىپورىندارعا بەرىلەتىن ءسۇتتى قوسپاعاندا، قالعان ءسۇتتى ساتۋدىڭ ءوزى ماسەلە بولدى. ءبىر ءتاۋىرى، ۇكىمەت كاسىپورىننىڭ مۇقتاجىن دەرەۋ شەشىپ، بىزگە جولحات بەردى، ءبىز بارلىق قىزمەتكەرلەردى جۇمىلدىرىپ الەۋمەتتىك اۋماق ارقىلى شاعىن اۋماقتارداعى تۇرعىندارعا ءسۇت جەتكىزىپ، ساتۋ جاعىنداعى قىسىلتاياڭ كۇيدى باسەڭدەتتىك، كەلەسى قادامدا ءبىز 3 جىلدا 50 ءسۇت دۇكەنىن اشىپ، ساتۋ ءورىسىن اناعۇرلىم كەڭەيتپەكپىز“، - دەدى شيا ميڭي.
جەلىدە، جەلىدەن تىسقارى ساتۋ ارناسىن اشتى
بيىل جىل باسىنان بەرى، كوپتەگەن ءسۇت كاسىپورىندارى ەلەكتروندى ساۋدا تۇعىرى، الەۋمەتتىك اۋماقتا ساتۋ، ۋيچاتتا ساتۋ سياقتى جاڭا ارنالاردى كەڭەيتىپ، ”جەلىدە + جەلىدەن تىسقارى“ سىندى شارۋاشىلىق ۇلگىسىن جەدەل قالىپتاستىردى.
ىندەتتەن ساقتانۋ - تىزگىندەۋ كەزىندە، ادامداردىڭ سىرتقا شىعۋى ازايدى، ءسۇتتى تۇتىنۋشىلاردىڭ قولىنا دەر كەزىندە جەتكىزۋ ءۇشىن، ساتۋشىلار دا بار امالدى قاراستىردى. شينجياڭ شييۇيچۇن ءسۇت كاسىبى شەكتى جاۋاپكەرشىلىك سەرىكتەستىگىنىڭ باس ديرەكتورى ۋي شينپۋ بىلاي دەدى: ”جەلىدە، جەلىدەن تىسقارى ارنا اشىپ، 24 ساعات جەلىدە بولىپ، ۇزدىكسىز قامداۋعا كۇش سالا كەپىلدىك ەتتىك. وسى جولعى ىندەت ءبىزدىڭ جەلىدە، جەلىدەن تىسقارى ساتۋ ارناسىن اشۋ جونىندە وي جۇگىرتۋىمىزگە مۇمكىندىك بەردى، كەلەسى قادامدا ءبىز ەلەكتروندى ساۋدانىڭ دامۋىن جەدەلدەتىپ، جەلىدەگى تۇعىر قۇرىلىسىن تەزدەتىپ، ەلەكتروندى ساۋدا سىندى جاڭا كاسىپ كۇيى جونىندە ىزدەنىس جاسايمىز“.
ىندەت كەزىندە اۆتونوميالى رايوندىق مال شارۋاشىلىعى، مال شيپاگەرلىگى مەكەمەسى مال شارۋاشىلىعى ونىمدەرىمەن قامداۋدى قامتاماسىز ەتۋ قىزمەتى ارناۋلى القاسىن قۇرىپ، كاسىپورىن ونىمدەرى تاسىمالىنىڭ ىركىلىسسىز بولماۋى، جۇمىسشى تاپشىلىعى، قارجىنىڭ جەتكىلىكتى بولماۋى جانە ساتۋ ارناسىنىڭ ىركىلىسسىز بولماۋى سياقتى ماسەلەلەردى سايكەستىرىپ شەشىپ، جۇمىستى، ءوندىرىستى قالپىنا كەلتىرگەن كاسىپورىنداردىڭ ءوندىرىستى، ساتۋدى سايكەستىرۋى سياقتى قىزمەت وتەۋ جۇمىستارىن بەلسەنە جاقسى ىستەپ، شينجياڭنىڭ اۋىل شارۋاشىلىعى ونىمدەرىن تولايىم ساتۋ بازارىنىڭ بايلانىس توبى، شينجياڭ اۋىل شارۋاشىلىعى ونىمدەرىن ءوندىرۋدى، ساتۋدى ۇشتاستىرۋ بىرلەستىگى وداعى، رايون ىشىندەگى ۇلكەن ساۋدا بازارى، ەرەن بازار، ۋيچات توبى سياقتىلاردان تولىق پايدالانىپ، كاسىپورىنداردىڭ ءوندىرىس جانە ءونىم ينفورماتسيالارىن جەتكىزىپ، ءوندىرىستى، ساتۋدى ۇشتاستىرۋ تۇعىرىن قۇردى.
ساندى مالىمەتتەر 4 - ايدىڭ اياعىنا دەيىن رايونىمىزدا ءسۇت ونىمدەرىنىڭ سىرتقا ساتىلۋ مولشەرى ارتقاندىعىن، مۇندا شييۇيچۇن ءسۇت كاسىبىنىڭ سىرتقا ساتۋ مولشەرى سايكەس مەزگىلدەگىدەن ％25 ارتقاندىعىن، تيانرۇن ءسۇت كاسىبىنىڭ سىرتقا ساتۋ مولشەرى سايكەس مەزگىلدەگىدەن ％15تەن استام ارتقاندىعىن كورسەتتى.
شينجياڭ تيانرۇن ءسۇت كاسىبى جارنا شەكتى سەرىكتەستىگى پارتكومىنىڭ شۋجيى، القا باستىعى ليۋ راڭ بىلاي دەپ تانىستىردى: 2019 - جىلى سەرىكتەستىكتىڭ ءتۇرلى ءسۇت ونىمدەرىنىڭ كۇندىك ساتىلۋ مولشەرى 520 تونناعا جەتتى، مۇنىڭ ىشىندە شينجياڭ سىرتىنداعى بازاردا ساتىلۋ مولشەرى ％30تەن استامىن ۇستادى. بيىل سەرىكتەستىك بازار ينتەرنەت جەلىسى جۇيەسىن قۇرىپ، ءتۇيىندى، وزەكتى بازار قۇرىلىسى ارقىلى پارىقتى، وزەكتى ءونىم تۇرلەرىن ارنايىلاندىرىپ ساتۋ ارناسىن اشىپ، جەلىدە، جەلىدەن تىسقارى توعىسىپ دامۋدى جۇزەگە اسىرادى.
شينجياڭ ءسۇت كاسىبى قوعامىنىڭ ورىنباسار باس حاتشىسى شاۋ ۋي بىلاي دەدى: ”كەزەكتە ىندەتتەن ساقتانۋ - تىزگىندەۋ مەن جۇمىستى، ءوندىرىستى قالپىنا كەلتىرۋدى سايكەستىرۋ جۇمىسىن جاقسى ىستەپ، تۇتاس كاسىپ تىزبەگى تانىمىن ورناتىپ، ءوندىرۋ، وڭدەۋ جانە تۇتىنۋ سىندى 3 جاقتاعى فاكتوردى ءبىر تۇتاس ويلاستىرۋ كەرەك، ءسۇت ونىمدەرى كاسىپورىندارى باسىمدىققا يە بايلىقتى بىرىكتىرىپ، قۋاتتىلاردىڭ بىرىگۋىن ىلگەرىلەتىپ، وڭىرلىك ايگىلى ماركادان مەملەكەتتىك ايگىلى ماركاعا قاراي كەڭەيىپ، ءسۇت شارۋاشىلىعىنىڭ گۇلدەنۋىن ىلگەرىلەتەتىن بىرىككەن كۇش قالىپتاستىرۋى كەرەك“.
