تيانشان تورى   ›   جاڭالىقتار   ›   ساياحات

ساياحات شۋەيۋان قىستاعىنا ومىرشەڭدىك كۇش ۇستەدى

شينجياڭ گازەتىنىڭ اقسۋ تىلشىلەر پۋنكتىنەن جاڭ جيڭ، ەرىكتى ءتىلشى ما رىنحۇي

  ءار كۇنى تاڭ بوزىنان، ونسۋ اۋدانى بوزءدوڭ قىرعىز اۋىلى شۋەيۋان قىستاعىنىڭ تۇرعىنى عوجامنياز ساۋىت سول كۇنگى ساياحاتشىلاردى كۇتىپ الۋ دايىندىعىن باستايدى. ”تاۋدا مالشىلار شاتتىعى ساياجايىن اشامىن، قازىر كىرىسىم جاقسى، مۇنى، ءسوز جوق، تاباندىلىقپەن جالعاستىرامىن!“، - دەدى عوجامنياز نىق سەنىممەن.

  ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتى مەن قىستاق ”ەكى كوميتەتىنىڭ“ جەتەكشىلىگىندە، عوجامنياز تاۋداعى ساياحاتشىلاردى قابىلداۋ تۇيىنىندە 3 كيىز ءۇي، 6 سامالدىق سالدى، كاۋاپ پىسىرۋ ونەرى جاقسى، قىزمەت وتەۋى تىڭعىلىقتى بولعاندىقتان، ونىڭ مالشىلار شاتتىعى ساياجايىنا كەلەتىن ساياحاتشىلار وتە كوپ. وسى 2 جىلدا، ءار رەت ساياحاتتىڭ قاۋىرت مەزگىلى كەلىپ جەتكەندە، ونىڭ كۇندىك كىرىسى 700 دە 1000 يۋانعا دەيىن جەتەتىن.

  عوجامنياز سياقتى قازىر شۋەيۋان قىستاعىندا 50دەن استام مالشىلار شاتتىعى ساياجايى بار، ولاردىڭ %90ىن كەدەيلىكتەن ارىلعان وتباسىلار اشىپ وتىر.

  شۋەيۋان قىستاعى تيپتىك تاۋلى وڭىردەگى قىستاق، كەزىندە اۋىر كەدەي قىستاق بولاتىن، جان باسىندىق ەگىستىك جەر اۋدانى 1.6 مۋعا جەتپەيتىن، قىستاقتاعى 47 وتباسىنىڭ 41ى كەدەي وتباسى ەدى.

  2013 - جىلى تەمىر شىڭى دۇنيە جۇزىلىك جاراتىلىستىق مۇراعاتتار تىزىمدىگىنە ەندى، ەكولوگيانى قورعاۋدىڭ تالابىنا ساي، بوزءدوڭ قىرعىز اۋىلىنىڭ 2 ميلليون 520 مىڭ مۋ جايلىمى مال تۇياعى شەكتەلەتىن جايلىم قاتارىنا، 250 مىڭ مۋ جايلىمى مال جايۋعا تيىم سالىنعان جايلىم قاتارىنا الىندى. شۋەيۋان قىستاعى تۇرعىندارىنىڭ جايلىمدارى دا وسى قاتارعا ەندى.

  ”بۇل ارادا تابيعي تاۋ جايلىمى بار، كليماتى ىلعالدى، قورا - قورا قوي، تابىن - تابىن سيىر، ساياحاتشىلاردىڭ سالقىنداپ سايالاۋىنىڭ تاپتىرمايتىن ورتاسى؛ بۇل ارانىڭ قوي مەن سيىر ەتىنىڭ ساپاسى جوعارى، ءدامى جاقسى؛ ونىڭ ۇستىنە بۇل ارا قىرعىز ۇلتى قىستاق تۇرعىندارىنىڭ شوعىرلى وتىرعان جەرى بولعاندىقتان، ساياحاتشىلارعا ەرەكشە ۇلتتىق سالت - سانانى سەزىندىرۋگە بولادى“، - دەدى 6 - ايدىڭ 3 - كۇنى بوزءدوڭ قىرعىز اۋىلدىق پارتكومنىڭ ورىنباسار شۋجيى ۋاڭ حايلۇڭ.

  ءار جاقتىڭ كومەكتەسىپ - سۇيەمەلدەۋىندە تۇنىق سۋ، جاسىل تاۋدى كۇزەتىپ كەلگەن شۋەيۋان قىستاعى ساياحات كاسىبىن دامىتۋدىڭ جاڭا جولىنا ءتۇستى.

  باييمىن دەسەڭ الدىمەن جول سال، جول سالعاسىن ەلەكتر تۇتاستىر، شۋەيۋان قىستاعىنىڭ ەلەكترمەن قامداۋى وتە جەتكىلىكسىز بولاتىن. مەملەكەتتىك ەلەكتر تورى اقسۋ ەلەكترمەن قامداۋ سەرىكتەستىگى ەلەكتر تورى ينجەنەريا قۇرىلىسىن سەپتەۋ جاعىندا قولداۋ كورسەتىپ، كەرنەۋ وزگەرتكىش ورناتۋ، تومەن قىسىمدى ەلەكتر جەلىلەرىن وزگەرتۋ سياقتىلار ارقىلى ەلەكترمەن قامداۋ راديۋسىن قىسقارتىپ، شۋەيۋان قىستاعىنىڭ ەلەكترمەن قامداۋ ساپاسىن جوعارىلاتتى. ەلەكترمەن تولىق قامتاماسىز ەتىلگەندىكتەن، شۋەيۋان قىستاعىنىڭ كەدەيلەردى سۇيەمەلدەۋ كاسىپ سالاسى دامۋ نەگىزىنە يە بولدى.

  قاتتى قۇرىلعىلاردىڭ كەمەلدەنۋىنە ىلەسە، شۋەيۋان قىستاعىنىڭ وزىندىك ەرەكشە كورىنىسى ساياحاتشىلاردى وزىنە باۋراپ، سىرتتان كەلەتىن ساياحاتشىلاردىڭ اياعى ۇزىلمەيتىن بولدى. اۋىلدىق ۇكىمەت وسى ەكپىنمەن قىستاق تۇرعىندارىن مالشىلار شاتتىعى ساياجايىن اشۋعا، كوپ ءتۇرلى ۇلتتىق ەرەكشە اس - سۋ كاسىبىن دامىتۋعا ىنتالاندىردى.

  ساياحات كاسىبىن دامىتۋ ”ساياحات داستارقانىنان“ ءدام تاتىپ كورمەگەن قىستاق تۇرعىندارىن ۋايىمداتتى. قىستاق تۇرعىندارىنىڭ تىكە تۇسىنىككە يە بولۋى مەن ءوز باسىنان سەزىنۋىنە مۇمكىندىك جاساۋ ءۇشىن، مەملەكەتتىك ەلەكتر تورى اقسۋ ەلەكترمەن قامداۋ سەرىكتەستىگىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتى مەن قىستاق ”ەكى كوميتەتى“ تۇتاس قىستاق تۇرعىندارىن جاقىن ماڭداعى ”تيانشان تىنىعۋ جايىنا“ توپتاسىپ بارىپ ”دەمالىس ساياحاتىنىڭ“ اينالىم ۇلگىسىن كورىپ ۇيرەنۋگە ۇيىمداستىردى؛ ارادا ءبىر تاۋ ءبولىپ تۇرعان، نەگىزگى شارت - جاعدايى قارايلاس، مالشىلار شاتتىعى ساياجايىن اشۋداعى كىرىسى ءبىرشاما جاقسى كوكيار قالاشىعى پاقىلىق قىستاعىنداعى مالشىلار شاتتىعى ساياجايى تيجاراتشىلارىن قىستاققا كەلىپ ۇگىت - لەكسيا جاساۋعا ۇسىنىس ەتىپ، تابىستى تاجىريبەلەر ارقىلى قىستاق تۇرعىندارىن ساياحات ارقىلى كاسىپتى گۇلدەندىرۋ جولىنا تۇسۋگە شابىتتاندىردى، جەتەكتەدى. مۇنان سىرت، كاسىپتىك مۇعالىمداردى ۇسىنىس ەتىپ، اس - سۋ، ساياحاتشىلاردى قابىلداۋ سياقتى 6 كەزەك كۋرس اشىپ، قۇرىلعىلاردى جاڭالاۋ، قورشاعان ورتا قۇرىلىسى، اس - سۋ تازالىعى سياقتى قىزمەتتەردى ارناعا ءتۇسىردى.

  كەڭ كولەمدە جۇمىلدىرۋ، باۋلۋ ارقىلى قىستاق تۇرعىندارى ساياحات بايلىعىنا سۇيەنىپ كەدەيلىكتەن ارىلىپ، كىرىستى ارتتىرۋ سەنىمىن ورناتتى. قازىر ساياحات كاسىبى شۋەيۋان قىستاعىنىڭ قيىنشىلىعى بار بۇقارانىڭ كىرىستەرىن ارتتىرۋعا باستاۋداعى تىرەكتى كاسىپ سالاسىنا اينالدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى