تيانشان تورى   ›   ۇيرەنۋ   ›   ماڭىزدى حۇجاتتار

«جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى جۇڭگو ارەكەتى» اق تىستى كىتابى جاريالاندى

جۇڭگونىڭ ىندەتكە قارسى اتتانۋداعى ماشاقاتتى بارىسىن شىنايى ەستەلىككە العان ماڭىزدى حۇجات

«جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى جۇڭگو ارەكەتى» اق تىستى كىتابى جاريالاندى

  شينحۋا اگەنتتىگىنىڭ 6 - ايدىڭ 7 - كۇنى بەيجيڭنەن بەرگەن حابارى (تىلشىلەر چىن فاڭ، چىن سۇڭ). جۇڭگو مەملەكەتتىك كەڭەس اقپارات كەڭسەسى 6 - ايدىڭ 7 - كۇنى «جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى جۇڭگو ارەكەتى» اق تىستى كىتابىن جاريالادى.

  بۇل اق تىستى كىتاپ جۇڭگونىڭ ىندەتكە قارسى اتتانۋداعى ماشاقاتتى بارىسىن شىنايى ەستەلىككە العان ماڭىزدى حۇجات، شامامەن 37 مىڭ ارىپتەن تۇرادى، العى ءسوز، نەگىزگى ءماتىن جانە سوڭعى ءسوزدى قامتيدى. نەگىزگى ءماتىن مىناداي ءتورت بولىككە بولىنگەن: جۇڭگونىڭ ىندەتكە قارسى اتتانۋداعى ماشاقاتتى بارىسى، ساقتانۋ - تىزگىندەۋ جانە قۇتقارۋ - ەمدەۋ سىندى ەكى مايداندا سەلبەسە شايقاس جۇرگىزۋ، ىندەتكە قارسى اتتانۋدىڭ قۋاتتى كۇشىن ۇيىستىرۋ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرۋ.

  ”جاڭا تيپتى ايدارشا ۆيرۋس وكپە قابىنۋى سوڭعى 100 جىلدان بەرى ادامزات تاپ بولعان ىقپال كولەمى ەڭ كەڭ الەمدىك ەرەكشە تارالمالى اۋرۋ“. اق تىستى كىتاپتا بىلاي دەپ اتاپ كورسەتىلدى: بۇرىن بولماعان، توسىن، سۇراپىل كەلگەن ىندەت تابيعي اپاتى الدىندا، جۇڭگو ىندەتتەن ساقتانۋ - تىزگىندەۋ توسقاۋىل شايقاسىن باتىل تۇردە جۇرگىزدى. جۇڭگو كوممۋنيستىك پارتياسى مەن جۇڭگو ۇكىمەتى بارىنشا ءمان بەردى، دەرەۋ قيمىلدادى، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، جالپى جاعدايدى ءبىر تۇتاس مەڭگەرىپ، باتىل شەشىم جاساپ، جۇڭگو حالقىنىڭ ىندەتكە قارسى اتتانۋ سەنىمىن بەكەمدەدى، كۇش - قۋاتىن ۇيىستىردى، ايقىن بەتالىس كورسەتتى.

  اق تىستى كىتاپتا بىلاي دەپ اتاپ كورسەتىلدى: باس شۋجي شي جينپيڭ ىندەتتەن ساقتانۋ - تىزگىندەۋ قىزمەتىنە بارىنشا ءمان بەرىپ، ورتالىقتانعان ءبىر تۇتاس باسشىلىقتى جاپپاي كۇشەيتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋدى باسا دارىپتەپ، ”سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - تىزگىندەۋ، دالمە - ءدال شارا قولدانۋ“ جالپى تالابىن العا قويىپ، ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋدى ايقىن العا قويدى.

  ىندەتتەن ساقتانۋ - تىزگىندەۋ جانە قۇتقارۋ - ەمدەۋ سىندى ەكى مايداندا سەلبەسىپ شايقاس جۇرگىزۋ جاعىندا اق تىستى كىتاپتا بىلاي دەلىندى: جۇڭگو ساقتانۋ - تىزگىندەۋدىڭ ەڭ جان - جاقتى، ەڭ قاتاڭ، ەڭ ءۇزىلدى - كەسىلدى شاراسىن قولدانىپ، زور كولەمدى اۋاشالاۋ شارالارىن بۇرىن بولماعان دارەجەدە قولدانىپ، بۇكىل ەلدەگى بايلىقتى بۇرىن بولماعان دەڭگەيدە جۇمىلدىرىپ، زور كولەمدە مەديتسينالىق قۇتقارۋ - ەمدەۋ ورىستەتىپ، بىردە - ءبىر جۇعىمدالۋشىنى قاعىس قالدىرماي، ءاربىر ناۋقاستى امان الىپ قالۋعا تىرىسىپ، ”قابىلداۋعا تيىستىلەردى مۇمكىندىكتىڭ بارىنشا قابىلدادى، ەمدەۋگە تيىستىلەردى مۇمكىندىكتىڭ بارىنشا ەمدەدى، تەكسەرۋگە تيىستىلەردى مۇمكىندىكتىڭ بارىنشا تەكسەردى، اۋاشالاۋعا تيىستىلەردى مۇمكىندىكتىڭ بارىنشا اۋاشالادى“.

  اق تىستى كىتاپتا بىلاي دەپ باسا دارىپتەلدى: بەلگىسىز ۆيرۋستىڭ توسىن شابۋىلى الدىندا، جۇڭگو حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، بۇكىل ەلدىڭ كۇش - قۋاتىن جۇمىلدىرىپ، بۇكىل ەلدىڭ بايلىعى مەن كۇشىن تەز، ءونىمدى تۇردە اتتانىسقا كەلتىرىپ، ءارقانداي بوداۋ بەرۋدەن تايسالماي، حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعادى. ءبىر ميلليارد 400 ميلليون جۇڭگو حالقى قايسارلىقپەن ۇلەس قوسىپ، ىنتىماقتاسا سەلبەسىپ، ءبىر نيەت، ءبىر تىلەكپەن ىندەتپەن شايقاسۋدىڭ بەرىك قورعانىس شەبىن تۇرعىزىپ، حالىقتىڭ ۇلى كۇشىن ايگىلەدى.

  اق تىستى كىتاپتا بىلاي دەلىندى: ەرەسەن جاپالى قۇلشىنىس ارقىلى جۇڭگو وراسان زور بوداۋ جانە قۇرباندىق بەرىپ، ىندەت جاعدايىن پارمەندى جاقسارتىپ، ءبىر ايدان استام ۋاقىتتا ىندەتتىڭ تارالۋ اۋقىمىن العاشقى قادامدا اۋىزدىقتادى، 2 اي ۋاقىت شاماسىندا ءوز جەرىندەگى ءار كۇنى جاڭادان قوسىلىپ جاتقان ناۋقاستاردى بىرلىك ورىن ىشىندە تىزگىندەدى، 3 اي شاماسىنداعى ۋاقىتتا ۋحاندى قورعاۋ شايقاسىنىڭ، حۋبەيدى قورعاۋ شايقاسىنىڭ شەشۋشى جەتىستىگىنە قول جەتكىزدى، ىندەتتەن ساقتانۋ - تىزگىندەۋ توسقاۋىل شايقاسىندا كەلەلى ستراتەگيالىق تابىسقا قول جەتكىزدى.

  اق تىستى كىتاپتا بىلاي دەپ اتاپ كورسەتىلدى: جۇڭگو ادامزاتتىڭ تاعدىرلاس ورتاق تۇلعاسى ۇستانىمىن باستان - اياق ۇستانىپ، ءىرى ەلدىك جاۋاپكەرشىلىگىن ارقالاپ، باسقا ەلدەرمەن تىزە قوسا شايقاس جۇرگىزىپ، ۋاقىتتىق قيىنشىلىقتاردى بىرگە جەڭدى. جۇڭگو زاڭعا نەگىزدەلۋ، اشىق بولۋ، جاريا بولۋ، جاۋاپتى بولۋ پوزيتسياسىمەن حالىقارالىق قوعامعا ىندەت ينفورماتسياسىن دەر كەزىندە حابارلاندىرىپ، ءارقايسى جاقتارمەن ساقتانۋ - تىزگىندەۋ جانە قۇتقارۋ - ەمدەۋ تاجىريبەلەرىنەن ەش بۇكپەسىز ورتاق پايدالاندى. جۇڭگو ىندەتتىڭ ءار ەل حالىقتارىنا اكەلگەن الاپاتىن سەزىنىپ، قولىنان كەلگەنىنشە حالىقارالىق قوعامعا ادامگەرشىلىك كومەك كورسەتىپ، الەمنىڭ ىندەتكە قارسى اتتانۋىن قولدادى.

  اق تىستى كىتاپتا بىلاي دەپ اتاپ كورسەتىلدى: ىنتىماقتاسىپ سەلبەسۋ حالىقارالىق قوعامنىڭ ىندەتتى جەڭۋىنىڭ ەڭ پارمەندى قارۋى. ءار ەل ادامزاتتىڭ دامۋىنا امال قاراستىرىپ، ۇرپاقتاردىڭ قامىن ويلاپ، ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، ءبىر نيەتپەن سەلبەسىپ، ءوزارا قارايلاسىپ، ىندەتتى جەڭىپ، ادامزاتتىڭ الەۋمەتتىك دەنساۋلىق ساقتاۋ، سالاماتتىق ورتاق تۇلعاسىن بىرگە قۇرۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.