تيانشان تورى   ›   جاڭالىقتار   ›   شينجياڭ حابارلارى

رايونىمىز قۇرىلىس سالاسىندا 3 جىلدا 200 مىڭ ادامدى جۇمىستاندىرۋ قيمىلىن باستادى

  شينجياڭ گازەتىنىڭ ءتىلشىسى ۋاڭ يۇيجاۋ 6 - ايدىڭ 8 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوننىڭ قۇرىلىس سالاسىندا تەحنيكالىق جۇمىس ءتۇرى بويىنشا 3 جىلدا 200 مىڭ ادامدى باۋلۋ، جۇمىستاندىرۋ قيمىلى جونىندەگى تەلەۆيزور - تەلەفون ماجىلىسىنەن ۇعىسۋىنشا، جۋىقتا رايونىمىز قيمىل جوباسىن شىعارىپ، قۇرىلىس سالاسىندا تەحنيكالىق جۇمىس ءتۇرى بويىنشا 3 جىلدا 200 مىڭ ادامدى جۇمىستاندىرۋ قيمىلىن باستاپ اتقارىپ، قۇرىلىس سالاسىندا جۇمىستانۋعا باۋراۋ مەن شەبەرلىككە باۋلۋ - باعالاۋ ءوزارا ۇشتاسقان ءتۇزىلىس مەحانيزمىن ورناتىپ جانە اقاۋسىزداندىرىپ، رايونىمىزدىڭ جەرگىلىكتى قۇرىلىسشىلارىنىڭ تەحنيكالىق قابىلەتىن جوعارىلاتىپ، وسىزاماندانعان قۇرىلىس كاسىبى سالاسىنداعى جۇمىسشىلار قوسىنىن كۇش سالا جەتىلدىرەدى.

  ۇكىمەت قىزمەتىنەن باياندامادا مىنالار ايقىن العا قويىلعان: ”جۇمىستاندىرۋدى الدىمەن ويلاستىرۋ ساياساتى جاپپاي كۇشەيتىلەدى“، ”جۇمىستانۋ ءتۇرلى جولدارمەن ورنىقتىرىلادى جانە كەڭەيتىلەدى. ءتۇيىندى كاسىپ، ءتۇيىندى قاۋىمدى جۇمىستاندىرۋعا قولداۋ كورسەتۋ كۇشەيتىلەدى“، ”قازىرگى بار جۇمىستاندىرۋدى كۇش سالا ورنىقتىرۋ، جاڭا جۇمىستاندىرۋدى بەلسەنە ارتتىرۋ نەگىزىندە، جۇمىسسىزداردىڭ قايتالاي جۇمىستانۋى جەبەلەدى“.

  قيمىل جوباسى بويىنشا، 2020 − 2022 - جىلعا دەيىن رايونىمىز قۇرىلىس سالاسىندا تىڭنان 200 مىڭ ادامدى جۇمىستاندىرۋدى جۇزەگە اسىرۋدى جوسپارلاپ وتىر، مۇنىڭ ىشىندە: 2020 - جىلى 50 مىڭ ادام، 2021 - جىلى 70 مىڭ ادام، 2022 - جىلى 80 مىڭ ادام؛ جۇمىستاندىرۋ بويىنشا 250 مىڭ ادام - رەت باۋلۋدى ورىستەتۋ جوسپارلانىپ وتىر، مۇنىڭ ىشىندە 2020 - جىلى 60 مىڭ ادام - رەت، 2021 - جىلى 90 مىڭ ادام - رەت، 2022 - جىلى 100 مىڭ ادام - رەت.

  قيمىل جوسپارىنا نەگىزدەلگەندە، رايونىمىز قۇرىلىس تۇرىندەگى جوعارى مەكتەپتەردىڭ كۇش - قۋاتىن ءبىر تۇتاس جوسپارلاپ، وقىتۋشىلاردى تاربيەلەۋ بازاسىنان (جاڭالاپ، دارەجەسىن جوعارىلاتادى) 1 − 2سىن قۇرادى ؛ ءارقايسى ايماق (وبلىس، قالا) ناقتى جاتتىعۋ ۇلگى بازاسىنان (جاڭالاپ، دارەجەسىن جوعارىلاتادى) 1 − 2سىن قۇرادى، وڭتۇستىك شينجياڭداعى 4 ايماق - وبلىستا 2020 - جىلدىڭ سوڭىنان بۇرىن سالىنىپ بولۋى كەرەك؛ قاشقار ايماعىن، حوتان ايماعىن، اقسۋ ايماعىن، قىزىلسۋ قىرعىز اۆتونوميالى وبلىسىن ماڭىزدى ءتۇيىن ەتىپ، ”كاسىپ سالاسى +جوعارى مەكتەپ + باۋلۋ قۇرىلىمى + كاسىپورىن + نىسان“ سىندى ءوندىرىس - وقىتۋ توعىسقان ابزالدىلىقتى ساۋلەلەندىرىپ، ”ۇكىمەت − مەكتەپ − ناقتى جاتتىعۋ − پراكتيكا − جۇمىستانۋ“ مەحانيزمىن قالىپتاستىرادى.

  قيمىل جوباسىندا مىنالار ايقىن كورسەتىلدى: رايونىمىز تۇرلىشە تيپتەگى، تۇرلىشە جىكتەگى قۇرىلىس سالاسىندا جۇمىستانۋدىڭ ءىس جۇزىندىك قاجەتىنە نەگىزدەلىپ، وڭىرلىك ەكونوميكانىڭ دامۋ، كاسىپ سالاسىنىڭ ورنالاستىرىلۋى جانە كاسىپورىنداردىڭ قىزمەتكەر ىستەتۋ قاجەتىنە ساي، قۇرىلىس سالاسىندا جۇمىستانۋدى جەبەيتىن جاڭا فورما، جاڭا مازمۇن، جاڭا ءادىس - امالداردى بەلسەندىلىكپەن قاراستىرىپ، قۇرىلىس سالاسىندا قىزمەتكەر ىستەتۋدىڭ جاڭا تيپتى جۇيەسىن قالىپتاستىرادى. سونىمەن بىرگە، جۇمىستانۋدى جەبەۋ مەن كاسىپ سالاسىن دامىتۋدى ماقسات، قۇرىلىس كاسىپورنى مەن نىسان جۇمىس ورنىن دانەكەر، قۇرىلىس سالاسىنداعى تەحنيكالىق جۇمىس ءتۇرى بويىنشا باۋلۋ مەن ناقتى جاتتىعۋدى، پراكتيكانى نەگىز ەتىپ، ۇكىمەتتىڭ جەتەكشىلىك رولىن، كاسىپورىنداردىڭ تۇلعالىق رولىن، كاسىپتىك مەكتەپتەردىڭ (تەحنيك جۇمىسشىلار مەكتەبى) نەگىزدىك رولىن، قوعامدىق قۇرىلىمداردىڭ قولداۋ رولىن ساۋلەلەندىرىپ، شينجياڭ قۇرىلىسشىلارىن نەگىز ەتكەن ەڭبەكتى ءبولىپ كوتەرەگە الۋ كاسىپورىندارىنان جانە ورتا، شاعىن، ۇساق كاسىپورىنداردان ءبىر توبىن جەتىلدىرىپ، ۇيىمدىق، قامتاماسىزدىعى بار جۇمىستاندىرۋدى جۇزەگە اسىرادى.

  رايونىمىز جانە ءارقايسى ايماقتاردىڭ (وبلىس، قالا) قالا، اۋىلدارىنداعى ارتىق ەڭبەككۇشتەردى، اسىرەسە، وڭتۇستىك شينجياڭداعى 4 ايماق - وبلىستاعى كەدەي وتباسىلارىنداعى ەڭبەككۇشتەردى نەگىزگى ءتۇيىن ەتىپ، قۇرىلىس سالاسىنداعى كاسىپورىن، ەڭبەككۇش سەلبەستىك كووپەراتيۆى، ەڭبەككۇش جىبەرۋشى سەرىكتەستىك قاتارلىلارعا ارقا سۇيەپ، قۇرىلىس سالاسىنداعى ەڭبەككۇشتەردىڭ سىرتقا شىعۋىن ۇيىمدى، جوسپارلى ورىستەتىپ، ءوز جەرىندە، جاقىن ورىننان باۋلىپ جۇمىستاندىرۋدى جۇزەگە اسىرادى.

  شارالاردى كۇشەيتىپ، تياناقتاندىرۋدى ىلگەرىلەتۋ جاعىندا رايونىمىز قۇرىلىس جۇمىسشىلارىنىڭ شىن اتى - ءجونىن قولدانۋ ءتۇزىمىن اتقارۋ، قۇرىلىس سالاسىندا جۇمىستانۋدىڭ جاڭا ۇلگىدەگى ۇيىمدىق قاتىناسىن ورناتۋ، جۇمىستانۋدىڭ ۇيىمدىق دەڭگەيىن شىنايى جوعارىلاتۋ، ەڭبەككۇش ىستەتۋ توقتامىن اتقارۋدى قاتايتۋ، جۇمىسشى قابىلداۋدىڭ قامداۋ - قاجەتسىنۋ تۇعىرىن بەلسەنە ورناتۋ، قۇرىلىس كاسىپورىندارىن قوعامدىق جاۋاپكەرشىلىكتەرىن باتىلدىقپەن ارقالاۋعا ىنتالاندىرۋ، وقىتۋشىلار كۇشى قامتاماسىزدىعىن كۇشەيتۋ، جۇمىستانۋعا باۋلۋدىڭ كوپ جىكتى جۇيەسىن قالىپتاستىرۋ سياقتى جاقتاردان كۇش سالىپ، ساياساتتاردى تياناقتاندىرۋدى ىلگەرىلەتۋدى ايقىندادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى