تيانشان تورى حابارى (حابارىن جازىپ، سۋرەتىن تۇسىرگەن ەرىكتى ءتىلشى چي يەچيڭ) ەرسىن مۇراتقان ءۇرىمجى قالاسى ەكونوميكالىق، تەحنيكالىق اشۋ رايونى (توۋتۇنحى رايونى) ماجياجۋاڭزى قىستاعىنىڭ تۇرعىنى. ەرسىن مۇراتقان پراكتيكا جاساپ جاتقان مەكەمەسىنە تاڭ بوزىنان كەلدى. ول ىندەتتەن ساقتانۋدىڭ ءاربىر قىزمەتىن مۇقيات، ويداعىداي ىستەگەننەن كەيىن، ءۇستى - باسىن رەتتەپ، جۇمىس باس كيىمىن كيىپ سەحقا كىرەدى. ەرسىن تولىق سەنىممەن: ”قىزمەت بولعاندا عانا كىرىس بولادى، تۇرمىس تا بارعان سايىن جاقسارادى“ ، - دەدى.
ەرسىننىڭ اكە - شەشەسى جىلدار بويى ناۋقاستانىپ، ەڭبەك قۋاتىنان ايىرىلعان، ال، قارىنداسى مەن ەرسىن ەكەۋى دە داشۋەدە وقيتىندىقتان، وتباسىنىڭ قاراجات شىعىنى دا وتە كوپ ەدى. وتباسىنىڭ كىرىسىن ارتتىرۋ ءۇشىن، ەرسىننىڭ اكە ـ شەشەسىنىڭ جۇپ قۇراعان ”تۋىسى“ — ەكونوميكالىق، تەحنيكالىق اشۋ رايونى (تۋتۇنحى رايونى) وقۋ - اعارتۋ مەكەمەسىنىڭ ورىنباسار باستىعى يۇي پيڭ كوپ جاقپەن بايلانىس جاساپ، ەرسىندى گۋاڭجوۋ اۆتوموبيل توبى كولىك ماشينا شەكتى جاۋاپكەرشىلىك سەرىكتەستىگىنىڭ شينجياڭ بولىمشەسىنە بارىپ پراكتيكا ىستەۋگە ورنالاستىرادى.
ەرسىننىڭ قازىرگى قىزمەتى وتىرعى ورناتۋ ەدى. پراكتيكانت بولعانىمەن، ول قاي - قاشاندا رەسمي قىزمەتكەردىڭ ولشەمى بويىنشا وزىنە تالاپ قويدى. ونىڭ ”ۇستازى“ — اۆتوكولىك وتىرعىسى 2 - كلاسىنىڭ باستىعى چي فۋساي دا بار بىلەتىن شەبەرلىگىنىڭ بىرەۋىن دە قالدىرماي وعان ۇيرەتتى.
ەرسىننىڭ مەكتەپتە وقىعانى اۆتوكولىك رەمونتتاۋ كاسىبى بولعاندىقتان، ول تەز ارادا مەڭگەرۋ تەحنيكاسىن يگەرەدى. ”بۇل بالانىڭ ەبى كۇشتى، قارىم - قاتىناس قابىلەتى دە كۇشتى، ول تاربيەلەۋگە لايىقتى تاماشا جاس بۋىن“،- دەدى شۇي فۋساي ريزالىقپەن.
”ءاردايىم تاماشا قىزمەت ادەتىن قالىپتاستىرۋ كەرەك“. چي فۋساي ەرسىنگە قىزمەت ەستەلىگىن جازۋدى قولما - قول ۇيرەتتى، ءارى قۇراستىرۋ بۋىنىنداعى ماڭىزدى ىستەردى ءبىر ـ بىرلەپ ەگجەي ـ تەگجەيلى ەستەلىككە الدى. ”مەنىڭ ۇستازىم وتە ۇقىپتى، بۇل مەنىڭ ۇيرەنۋگە ءتيىستى جەرىم، وعان ەرەكشە سۇيىنەمىن“ ،- دەدى ەرسىن.
كۋرسقا قاتىناسقاننان كەيىن، ەرسىن قازىر اۆتوكولىك ءىشىن قۇراستىرۋ جانە قوندىرعى بولشەكتەردى قۇراستىرۋ ءوندىرىس جەلىسىندە جالعىز ءوزى ىستەي الاتىن بولدى. قاتار- قاتار تىزىلگەن اۆتوكولىكتەر اۆتوماتتى مەحانيكالىق قولدىڭ كومەگىندە باياۋ جىلجىدى، ەرسىن ەلەكترلى بۇراپ قاتايتقىشتى شەبەرلىكپەن مەڭگەرىپ، بۇراندانى دوڭگەلەك تورابىنىڭ ۇستىنە بۇراپ بەكىتىپ، دوڭگەلەكتى ورنىقتىردى.
دەمالىس ارەدىگىندە، ەرسىن قىزمەتتەستەرىمەن بىرگە اڭگىمەلەسۋدى، سىرلاسۋدى ۇناتادى. ”كوپشىلىك ماعان ەرەكشە كوڭىل بولەدى، ۇنەمى ماعان كومەكتەسىپ تۇرادى، مەن بۇل ارادا قىزمەت ىستەگەنىمە وتە قۋانىشتامىن“ ،- دەدى ەرسىن.
”ءبىرىنشى ايلىق ەڭبەكاقىمدى الدىم، مەن بۇل قىزمەتتىڭ قادىرىنە جەتەمىن، كوبىرەك اقشا تاۋىپ، وتباسىمىزدىڭ تۇرمىسىن بارعان سايىن جاقسارتامىن“،- دەدى ەرسىن تەبىرەنىسپەن.
ەندى ءبىر اي وتكەننەن كەيىن ەرسىن رەسمي قىزمەتكەر بولادى. ”مەنىڭ ءبىر ارمانىم بولاشاقتا اكە - شەشەمە ءوزىم قۇراستىرعان اۆتوكولىكتى ساتىپ الىپ بەرۋ“ ،- دەدى ەرسىن.
اۋدارعان: مەيىرمان جاپاربەك
