شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 6 - ايدىڭ 9 - كۇنى ۇرىمجىدەن حابارلايدى. 6 - ايدىڭ 10 - كۇنى ساعات 19دا كۋايشوۋ تىكە تاراتۋىنا كىرىپ ”شينجياڭ ءدامىن ىزدەۋ“ دەپ ىزدەپ، جۇلدىز اسابامەن بىرگە شينجياڭنىڭ ەرەكشە اۋىل شارۋاشىلىعى ونىمدەرىنىڭ ساتىلۋىنا دەم بەرىڭىز!
اۆتونوميالى رايوندىق قامداۋ - ساۋدا سەلبەستىك كووپەراتيۆتەرىنىڭ بىرلەسكەن كووپەراتيۆى، بەيجيڭ كۋايشوۋ عىلىم - تەحنيكا شەكتى سەرىكتەستىگى باس بولىپ ۇيىمداستىرعان، شينجياڭ گويە توبى شەكتى سەرىكتەستىگى، شينجياڭ گويە داتاڭ سىلۋ ەلەكتروندىق ساۋدا شەكتى سەرىكتەستىگى، بەيجيڭ يىڭشياڭلي عىلىم - تەحنيكا شەكتى سەرىكتەستىگى بىرلەسىپ وتكىزگەن ”شينجياڭ ءدامىن ىزدەۋ، الەۋمەتتىك يگىلىك ارقىلى كەدەيلەردى سۇيەمەلدەۋ“ − ”جۇلدىزدار جارقىراعان، شىرقاۋ شىڭ كەشى“ ارنايى تىكە تاراتۋ قيمىلى 6 - ايدىڭ 10 - كۇنى كەشتە باستالماق.
قيمىل باسشى كادرلار، جۇلدىزدار، اسابالار شينجياڭنىڭ ەرەكشە اۋىل شارۋاشىلىعى ونىمدەرىن تانىستىرۋ تاسىلىمەن جۇرگىزىلىپ، شينجياڭنىڭ ”ۇكىمەت + تۇعىر + جۇلدىزدار/تالانتتىلار“ ۇلگىسىندەگى جاڭالىق اشۋىن ىلگەرىلەتۋدى، وندىرۋشىلەردىڭ، تۇتىنۋشىلاردىڭ، تۇعىر جۇرگىزۋشىلەرىنىڭ تۇتىنۋ ارقىلى كەدەيلەردى سۇيەمەلدەۋگە ات سالىسۋ بەلسەندىلىگىن تولىق جۇمىلدىرىپ، ۇكىمەت جەتەكشىلىك ەتەتىن، قوعام ات سالىساتىن، بازار تاسىلىمەن جۇمىس جۇرگىزەتىن ءونىمدى مەحانيزمىن ورناتىپ، ۇكىمەت، كاسىپورىن جانە قوعامدىق كۇشتەردىڭ سالالار ارالىق سەلبەسۋىن، باسىمدىقتارى مەن ءبىرىن - ءبىرى تولىقتاۋىن جەبەۋدى ماقسات ەتەدى.
شينجياڭ گويە داتاڭ سىلۋ ەلەكتروندى ساۋدا شەكتى سەرىكتەستىگىنىڭ بازار باس باقىلاۋشىسى لي ۋينانىڭ تانىستىرۋىنشا، وسى رەتكى تىكە تاراتۋ قيمىلىندا جالپى جاقتان شينجياڭنىڭ 28 ءتۇرلى ەرەكشە اۋىل شارۋاشىلىعى ءونىمىن تانىستىرۋ جوسپارلانىپ، وزەكتى 6 ءونىم وڭتۇستىك شينجياڭ وڭىرىندەگى مەملەكەت دارەجەلى اۋىر كەدەي اۋدانداردىڭ ەرەكشە ونىمدەرى نەگىز ەتىلىپتى، ايتالىق، شىلان، جاڭعاق، جاڭعاق ءدانى، ورىكتەن جاسالعان ونىمدەر، ت.ب. بۇدان سىرت، تۇرپاننىڭ قۇمىل قاۋىنى، كۇشاردىڭ اق ورىگى سياقتى جاس جەمىس - جيدەك ونىمدەرى، سيىر ءسۇتى، تۇيە ءسۇتى، قۇرت، سىقپا سياقتى ءسۇت ونىمدەرى، شاعانتوعايدىڭ ماقسارى مايى، شىڭگىلدىڭ شىرعاناق شىرىنى سياقتى ەرەكشە ونىمدەر، سونداي - اق باقالي، جياۋماجي سياقتى شينجياڭنىڭ ءداستۇرلى ءدامدى تاعامدارى جەلىگە شىعارىلادى ەكەن.
ءناۋقىران، قىرانبەك ماكەن، ساۋ ۋييۇي، Max ما جۇن، ءانۋارجان، ياڭ جىن قاتارلى جۇلدىزدار، ونەر ادامدارى جانە كۋايشوۋداعى كوپتەگەن جۇلدىز اسابالار كەلىپ، شينجياڭنىڭ ەرەكشە اۋىل شارۋاشىلىعى ونىمدەرىن تىكە تاراتۋ ارقىلى ساتادى ەكەن.
