تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

اۋىلداستاردىڭ كەدەيلىكتەن ارىلۋىنا سارا جول اشامىز

اقشي اۋدانى سومتاش اۋىلى لەيىڭجىشياڭ شارۋالار باعىمشىلىق كاسىپتىك سەلبەستىك كووپەراتيۆىنىڭ جاۋاپتىسى دۇيشەن چاۋكەش:

اۋىلداستاردىڭ كەدەيلىكتەن ارىلۋىنا سارا جول اشامىز

شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ رۇيلين

  6 - ايدىڭ 5 - كۇنى تاڭەرتەڭ ەرتەمەن اقشي اۋدانى سومتاش اۋىلى اقتالا قىستاعىنداعى پارتيا مۇشەسى دۇيشەن چاۋكەش لەيىڭجىشياڭ شارۋالار باعىمشىلىق كاسىپتىك سەلبەستىك كووپەراتيۆىنە كەلىپ، 2 كۇننىڭ الدىندا عانا ساتىپ اكەلگەن بىرنەشە باس سەمينتال سيىردىڭ ءوسۋ جاعدايىن تەكسەرىپ كوردى.

  دۇيشەن لەيىڭجىشياڭ باعىمشىلىق سەلبەستىك كووپەراتيۆىنىڭ جاۋاپتىسى، سونداي - اق اۋىلداعى الىس - جاقىنعا تانىمالى بايۋدىڭ باستاماشىسى. جاقىنعى 2 جىلدا سيىر باعىمشىلىعى كولەمىن كەڭەيتۋ، سەلبەستىك كووپەراتيۆىندەگى سيىر، قويدىڭ تۇقىمىن جاقسارتۋ ونىڭ باستى قىزمەتتەرىنىڭ ءبىرى بولدى.

كەدەي وتباسىلارىن سەلبەستىك كووپەراتيۆىنە قابىلدادى

  2011 - جىلى اعاسىمەن بىرگە بازاردا ەت ساتىپ جيناعان اقشاسىنا سۇيەنە وتىرىپ، دۇيشەن باس بولىپ سومتاش اۋىلى لەيىڭجىشياڭ باعىمشىلىق سەلبەستىك كووپەراتيۆىن قۇرادى، بۇل ونىڭ ارمانعا جول العان تۇڭعىش جىلى ەدى. ”شوعىرلى، جۇيەلىلەنگەن باعىمشىلىق وزىندىك قۇندى ءتىپتى دە ۇنەمدەيدى ءارى ساپاسىنا ءتىپتى دە كەپىلدىك ەتۋگە بولادى، كوپشىلىك تە جۇمىستان قولدارىن بوساتىپ، كىرىستى ارتتىرۋدىڭ ءتىپتى دە كوپ جولىن قاراستىرادى، وسىلاي ىستەگەندە عانا باعىمشىلىقتىڭ ءونىمى ەڭ زور بولادى“. مىنە بۇل دۇيشەننىڭ سەلبەستىك كووپەراتيۆىن قۇرعان كەزدەگى ويى ەدى.

  سەلبەستىك كووپەراتيۆى مالدى باعاعا سىندىرىپ جارنا قوسۋ، سۇيەمەلدەۋ نىسان قارجىسىن جارناعا قوسۋ، پايدا ءبولىپ تابىسىن قايتارۋ سىندى فورمالارمەن كەدەي وتباسىلارىن سۇيەمەلدەدى. ءوزارا تانىس كورشىلەر، اۋىلداستار بولسا دا، بۇكىل اۋىلداعى تۇڭعىش مال باعىمشىلىق سەلبەستىك كووپەراتيۆىنە قاراتا سىناپ كورۋگە باتىلدىق ەتكەن قىستاق تۇرعىندارى وتە از بولدى، ەڭ باستابىندا قابىلدانعان 9 كووپەراتيۆ مۇشەسىنىڭ باسىم كوبى دۇيشەننىڭ تۋىستارى ەدى.

  دۇيشەن، ءبىر جاعىنان، سەلبەستىك كووپەراتيۆىنىڭ دامۋىن جوسپارلاسا، ەندى ءبىر جاعىنان، قالاي ىستەگەندە ءتىپتى دە كوپ قىستاق تۇرعىندارىن، اسىرەسە، قسىتاقتاعى كەدەي وتباسىلارىن سەلبەستىك كووپەراتيۆكە كىرۋگە باستاۋعا بولاتىندىعى جونىندە باس قاتىردى. ولار وزدىكتەرىنەن كەلۋدى قالاماعاننان كەيىن، ولاردى ”ۇسىنىس ەتۋگە“ تۋرا كەلدى.

  توحتاحۇن اۋكەلەكتى دۇيشەن ”ۇسىنىس ەتىپ اكەلدى“. دۇيشەن مۇگەدەك تۇحتاحۇندى ىرىقتىلىقپەن ىزدەپ بارىپ، ءوزىنىڭ سەلبەستىك كووپەراتيۆىنە ادام قاجەت ەكەندىگىن ايتىپ، ونىڭ سەلبەستىك كووپەراتيۆىنە كومەكتەسۋىن ءۇمىت ەتتى. دۇيشەننىڭ رياسىز پيعىلىمەن ۇسىنىس ەتىپ وتىرعانىن كورگەن توحتاحۇن ونىڭ تىلەگىن قابىلدادى، سونان باستاپ ونىڭ تۇراقتى كىرىسى بولدى.

  ”ول بىزگە كومەكتەسكەندە بەت - بەدەلىمىزگە دە كوڭىل ءبولدى. مەن سياقتى سەلبەستىك كووپەراتيۆىنە سۇيەنىپ، كەدەيلىكتەن ارىلعان قىستاق تۇرعىندارىنان ءبىرتالايى بار، ءبىزدى جۇمىس ىستەتۋمەن بىرگە، مال باعىمشىلىعىن، بورلاۋ تەحنيكاسىن باسپا - باس ۇيرەتتى“، - دەدى توحتاحۇن.

تيجارات جۇرگىزۋدىڭ قيسىنىن ءبىلىپ، كىرىستى ارتتىرۋعا جەتەكتەدى

  ”مەنىڭ بۇگىنگى كۇنگە جەتۋىم پارتيا مەن ۇكىمەتتىڭ كومەگىنەن ايرىلا المايدى. 2014 - جىلى ۇكىمەت مەنى ءبىر ميلليون يۋاننان استام قوسىمشا قاراجاتپەن سۇيەمەلدەدى، قىستاق تۇرعىندارى ۇكىمەتتىڭ قاداعالاۋى جانە سۇيەمەلدەۋى بولعاندا وزدەرىنىڭ مۇددەسىنىڭ قامتاماسىز ەتىلەتىنىن ءبىلىپ، ارت - ارتىنان سەلبەستىك كووپەراتيۆىنە كىردى، قازىر كووپەراتيۆتە 228 مۇشە بار“، - دەدى دۇيشەن. ۇكىمەتتىڭ قولداۋىندا، دۇيشەن سەلبەستىك كووپەراتيۆ تيجاراتىن دەن قويا جۇرگىزدى، كووپەراتيۆتىڭ قارجى كولەمى قۇرىلعان كەزدەگى 4 ميلليون 500 مىڭ يۋاننان 10 ميلليون يۋانعا ارتتى.

  اقشي اۋدانىنداعى ءارقايسى ورتا، باستاۋىش مەكتەپتەردە ”ەت، جۇمىرتقا، ءسۇت“ ينجەنەرياسى اتقارىلدى، دۇيشەن الدىمەن تىزىمدەلىپ مەردىگەر بولۋعا قاتىناستى ءارى جەڭىپ شىعىپ، ءارقايسى مەكتەپتەردى سيىر، قوي ەتىمەن قامدايتىن ساۋداگەر بولىپ، ورنىقتى ساتۋ ارناسىنا يە بولدى.

  سەلبەستىك كووپەراتيۆى ۇزدىكسىز كەمەلدەندى، كەدەي وتباسىلارى كووپەراتيۆتە جۇمىس ىستەۋ نەمەسە جارنا قوسىپ پايدا ءبولىسۋ ارقىلى كىرىستەرىن ارتتىردى، كووپەراتيۆ مۇشەلەرىنىڭ جىل سايىن الاتىن پايدا ءبولىسى سالىستىرماسى كەلىسىمگە قول قويعان جىلداعى ولشەمنەن الدەقايدا اسىپ كەتتى، دۇيشەن جەرگىلىكتى ورىنداعى مالشىلاردىڭ كەدەيلىكتەن ارىلۋىنداعى ”جول باستاۋشىسىنا“ اينالدى.

ۇزدىكسىز جاڭالىق اشىپ، كووپەراتيۆ مۇشەلەرىنىڭ تابىسىنا كەپىلدىك ەتتى

  2014 - جىلى يىڭجىشياڭ باعىمشىلىق سەلبەستىك كووپەراتيۆىنىڭ كولەمىن كەڭەيتتى، 100دەن استام جاڭادان قوسىلعان كووپەراتيۆ مۇشەلەرى قىرۋار قوي اكەلىپ قوستى، بازاردا وسى كوپ قوي وتپەي قالىپ، كووپەراتيۆ مۇشەلەرىنىڭ تابىسىنا ىقپال جاساۋى مۇمكىن ەدى، دۇيشەن تىڭنان سىناپ كورۋگە بەل بۋدى، ول ءبىر ءبولىم ۇساق مالداردى ءىرى قاراعا ايىرباستاپ، جەرگىلىكتى سيىر سانىن كوبەيتتى.

  ”ءىرى قارانى باعۋ تەحنيكاسى مەن ءادىسىنىڭ ۇساق مالعا قاراعاندا پارقى بولادى، ءبىر ءتاۋىرى، تەحنيكتەر ۇنەمى كەلىپ، قيىن ماسەلەنى شەشۋىمىزگە كومەكتەستى. ءىرى قاراعا ايىرباستاعان سوڭ جەم - ءشوپ از كەتتى، ەسەسىنە تابىس ارتتى“، - دەدى دۇيشەن.

  دۇيشەننىڭ جاڭالىق اشۋ ارىنى ءتىپتى دە تەبىندەي ءتۇستى، ول سىرت ورىنداعى بازاردى ارالاپ كورگىسى كەلدى. 2017 - جىلى دۇيشەن سيىرلارىن الىپ اقسۋ ايماعى ءۇشتۇرپان اۋدانىنداعى بازارعا باردى.

  سيىرىن تەز ارادا ساتىپ جىبەرگەنىمەن، ول ءوزىنىڭ سيىرىنىڭ بازاردا دەنە تۇرقىنىڭ كىشكەنە كورىنەتىنىن، سەمينتال سيىرمەن سالىستىرعاندا تابىستاعى پارىقتىڭ دا وتە زور ەكەنىن بايقادى.

  ءسوزسىز، تۇقىمىن جاقسارتۋ كەرەك، دۇيشەن ءۇشتۇرپان اۋدانىنان بىرنەشە سەمينتال سيىردى اكەلدى، سونان باستاپ، دەنەلى سەمينتال سيىرلارى كووپەراتيۆ باعىمشىلىعىنىڭ نەگىزىنە اينالدى. ”تاماشا تۇرمىس كەشىرۋ ءۇشىن ۇزدىكسىز ىزدەنىس جاساپ، تىنباي قۇلشىنۋ كەرەك. بيىل مەن مال تۇقىمىن ۇزدىكسىز جاقسارتىپ، ساتۋ ارناسىن كەڭەيتەمىن“، - دەدى دۇيشەن.

  ”پارتيانىڭ جاقسى ساياساتى مەنى باقىتتى تۇرمىسقا كەنەلتتى. مەن سەلبەستىك كووپەراتيۆىنىڭ تيجاراتىن ونان ارى ويداعىداي جۇرگىزىپ، ۇزدىكسىز جاڭالىق اشىپ، دامىتىپ، اۋىلداستارىمدى اناعۇرلىم باقىتتى تۇرمىس كەشىرۋگە باستايمىن“، - دەدى دۇيشەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.