بۇقارانىڭ ”ەت داستارقانى“ اناعۇرلىم مولىقتى، اناعۇرلىم حاۋىپسىز بولدى

شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي

　　بيىل رايونىمىز مال شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتۋدى نەگىزگى جەلى ەتىپ، مال شارۋاشىلىعىن جەبەۋدى جاقسى يگەرىپ، ءار ۇلت بۇقاراسىنىڭ ”ەت داستارقانىن“ مولىقتىرىپ، 2020 - جىلى بۇكىل رايوندا ەت ونىمدەرىنىڭ ارتۋىن ％4كە، باستى مال شارۋاشىلىعى ونىمدەرىنىڭ ساپا حاۋىپسىزدىگىن تەكسەرۋ - ولشەۋ تولىمدىلىق سالىستىرماسىن ％97تەن استامعا جەتكىزۋگە قۇلشىندى.

ءونىمدى ارتتىرىپ، مولشەرىن مولايتىپ، بازاردىڭ قامداۋىن كۇش سالا قامتاماسىز ەتتى

　　6 - ايدىڭ 7 - كۇنى شونجى اۋدانى شيدي قالاشىعى رۇنيۋان باعىمشىلىق الاڭىنىڭ جاۋاپتىسى شى لياڭ تىلشىگە بىلاي دەدى: ”بيىل بازاردىڭ جاعدايى جاقسى، ءبىز دە ورنىقتى قاداممەن باعىمشىلىق مولشەرىن ارتتىرۋدامىز، قازىر انگۋس سويىس سيىرى 300گە جەتتى“.

　　2014 - جىلى شى لياڭ اۆستراليادان 100 باس انگۋس سيىرىن اكەلىپ، بىلتىر جىلدىق تازا پايدانى 4 ميلليون يۋانعا جەتكىزدى. ”بۇل سيىردىڭ ەتىنىڭ ساپاسى ەرەكشە جاقسى، 100 كيلوگرام مالدىڭ ەت ءتۇسىم مولشەرى ％60تە ％65كە دەيىن جەتەدى. بيىل 600دە 700 سيىرعا جەتكىزۋگە كۇش سالامىز“، - دەدى شى لياڭ.

　　ساندى مالىمەتتەردە كورسەتىلۋىنشە، 1 - توقساندا رايونىمىزدىڭ مال شارۋاشىلىعى ءوندىرىسىنىڭ جاعدايى جالپى تۇلعالىق جاقتان ورنىقتى بولعان، وسىمگە قالدىرىلعان شوشقانىڭ سانى 3 ميلليون 172 مىڭ باس بولىپ، سايكەس مەزگىلدەگىدەن ％8.5 ارتىپ، ءونىم مولشەرىنىڭ ارتۋى ءبىرشاما تەز بولعان. وسىمگە قالدىرىلعان سيىردىڭ سانى 5 ميلليون 3000 باس بولىپ، سايكەس مەزگىلدەگىدەن ％2.8 ارتقان؛ وسىمگە قالدىرىلعان قويدىڭ سانى 44 ميلليون 381 مىڭ تۇياق بولىپ، سايكەس مەزگىلدەگىدەن ％2.8 ارتقان. سونىمەن بىرگە، توڭازىتىلعان شوشقا، سيىر، قوي ەتىنىڭ قامباداعى مولشەرى 4200 توننا بولعان. 4 - ايدىڭ سوڭىنا دەيىن، بۇكىل رايوندا قاتارعا قوسىلعان ءتول 18 ميلليون 750 مىڭ باسقا جەتىپ، الدىڭعى جىلداعى سايكەس مەزگىلدەگىدەن ％4 ارتقان. رايون ىشىندەگى مال شارۋاشىلىعى كاسىپورىندارى جۇمىستى قالپىنا كەلتىرۋ، ءوندىرىس قۋاتىنا جەتۋ جىلدامدىعىن ارتتىرىپ، قازىر قالىپتى ورەنى نەگىزىنەن قالپىنا كەلتىرىپ، بۇكىل شينجياڭداعى ءار ۇلت بۇقاراسىنىڭ ”ەت داستارقانىن“ مولىقتىرۋعا كەپىلدىك ەتتى.

　　ۇعىسۋعا قاراعاندا، شوشقا ءوندىرىسىن جەبەپ، شوشقا ەتىمەن جانە تاۋىق، سيىر، قوي ەتىمەن قامداۋدى ارتتىرۋدى قولداۋمەن بىرگە، رايونىمىز توپقا ءبولىپ زاپاس شوشقا، سيىر، قوي ەتىن بازارعا شىعارىپ، مەرەكە - مەيرام كەزىندە ەت تۇرلەرى باعاسىنىڭ ورنىقتىلىعىن قامتاماسىز ەتتى، سونداي - اق دەر كەزىندە باعا ۋاقىتتىق قوسىمشا قاراجاتىن تاراتتى.

　　بيىل رايونىمىز مال شارۋاشىلىعىن دامىتۋ ارقىلى كەدەيلىكتەن ارىلتۋدان قامال الۋعا دەم بەرۋ قىزمەتىن كۇش سالا ىلگەرىلەتىپ، ەگىن شارۋاشىلىعى وڭىرلەرىندە مال شارۋاشىلىعىن گۇلدەندىرىپ، حاۋىپسىز، جوعارى ءونىمدى سويىس قوي ءوندىرىسىن دامىتىپ، بيىل تىڭنان 3 ميلليون تۇياقتان استام سويىس قويدى يگىلىككە جۇمساۋعا، جاڭادان 50 مىڭنان استام سويىس سيىردى يگىلىككە جۇمساۋعا، شوشقانىڭ وسىمگە قالۋ، يگىلىككە جۇمسالۋ مولشەرىن جەكە - جەكە ءبىر ميلليون 500 مىڭ باستان، 2 ميلليون 50 مىڭ باستان اسىرۋعا كۇش سالادى.

ساپاسىن كوتەرىپ، ونىمدىلىگىن ارتتىردى، تاعام حاۋىپسىزدىگى قامتاماسىز ەتىلدى

　　مال، ءۇي قۇستارى باعىمشىلىعى كاسىبىن دامىتىپ، رايونىمىزدىڭ سويىس سيىر، سويىس قوي تۇقىمىن جاقسارتۋدى ۇزدىكسىز ىلگەرىلەتىپ، دەربەس تۇقىممەن قامداۋ قابىلەتى مەن مال شارۋاشىلىعىنىڭ وزەكتى باسەكەلىك قۋاتىن جوعارىلاتىپ، كەدەيلىكتەن ارىلتۋدان قامال الۋعا دەم بەرۋ ءۇشىن، بيىل اۆتونوميالى رايون «اۋىل شارۋاشىلىعى وڭىرلەرىندە جوعارى ءونىمدى سويىس قوي تۇقىمىن تاڭداپ جەتىلدىرۋ، جالپىلاستىرۋ جوسپارى (2020 −2025 - جىل)» قاتارلى مال، ءۇي قۇستارى كاسىبىنىڭ دەڭگەيىن جوعارىلاتۋ جوسپارىنان بەسەۋىن ىسكە قوستى.

　　شينجياڭنىڭ جەرگىلىكتى مال تۇقىمى دولان قويى ەت، ماي بەرەتىن، قوسىمشا ءبيازى ءجۇندى قويدىڭ جەرگىلىكتى تۇقىمى سانالادى، دولان قويى باعىمشىلىعىن دامىتۋدىڭ وڭتۇستىك شينجياڭداعى ەگىنشى - مالشىلاردىڭ كىرىسىن ارتتىرۋعا باستاۋدا ماڭىزدى رولى بار. ماكىت اۋدانى دولان قويى اسىل تۇقىمىن جەتىلدىرۋ ورتالىعىنىڭ جاۋاپتىسى جىڭ جيانچياڭ بىلاي دەپ تانىستىردى: بۇل اۋدان اسىل تۇقىم جەتىلدىرۋ ورتالىعى قۇرىلىسىن كەدەي وتباسىلارىنىڭ مال شارۋاشىلىعى كاسىبىندەگى جان باسىندىق ورتاشا كىرىسىن 500 يۋان ارتتىرۋ نىساناسىن جۇزەگە اسىرۋداعى ماڭىزدى تۇتقا ەتىپ، باعىمشىلىق تەحنيكاسىنىڭ جالپىلاستىرىلۋىن، قولدانىلۋىن ارتتىرىپ، جارنا قوسقان كەدەي وتباسىلاردىڭ ورنىقتى كىرىس تابۋىنا شىنايى كەپىلدىك ەتتى.

　　اسىل تۇقىم جەتىلدىرۋدەن سىرت، رايونىمىز تاعى مال شارۋاشىلىعى ونىمدەرىنىڭ حاۋىپسىزدىگىن باقىلاۋ - باسقارۋدى كۇشەيتتى. بيىل جىل باسىنان بەرى، رايونىمىز قاينارىنان باستاپ تىزگىندەۋگە تاباندى بولىپ، ءوندىرىسشىنىڭ ساپا حاۋىپسىزدىگى تۇلعالىق جاۋاپكەرشىلىگىن قاتايتىپ، جۇمىس بارىسىن باسقارۋدى كۇشەيتىپ، باعىمشىلىق بويىنشا ەستەلىككە الۋ، يممۋنيتەت - ساقتاندىرۋ، ىندەتتى ەمدەۋ، كارانتيندەۋگە كۋالىك بەرۋ، قاساپشىلىقتى باقىلاۋ - باسقارۋ سياقتى مال شارۋاشىلىعى كاسىبىنىڭ تۇتاس بارىستا ينفورماتسيالاندىرىلعان ديناميكالىق باقىلاۋ - باسقارۋ تۇعىرىن ورناتىپ، مال شارۋاشىلىعى ونىمدەرىنىڭ ساپا حاۋىپسىزدىگىن زەرتتەۋ جۇيەسىن اقاۋسىزداندىردى؛ مال شارۋاشىلىعى ونىمدەرى تولىمدىلىق كۋالىگى ارقىلى بازارعا شىعۋ ءتۇزىمىن جالپى بەتتىك سىناق رەتىندە اتقارىپ، مال شارۋاشىلىعى ونىمدەرىنىڭ ساپا حاۋىپسىزدىگىن باقىلاۋ - ولشەۋ، بازاردا ساتىلۋ ساپاسى حاۋىپسىزدىگىن باقىلاۋ - باسقارۋ تەبىنىن ارتتىرىپ، ازىق - تۇلىك حاۋىپسىزدىگىندەگى ”تورتتە ەڭ قاتاڭ بولۋ“ تالابىن تياناقتاندىرىپ، زاڭعا قايشى، بەلگىلەمەگە قايشى ءتۇرلى ارەكەتتەرگە قاتاڭ سوققى بەرىپ، مال شارۋاشىلىعى ونىمدەرىنىڭ ساپا حاۋىپسىزدىگى دەڭگەيىن جوعارىلاتىپ، حالىق بۇقاراسىنىڭ تاعام حاۋىپسىزدىگىنە شىنايى كەپىلدىك ەتتى.

ايگىلى ماركا جاراتىپ، جوعارى ساپالى دامۋ قادامى ورنىقتى بولدى

　　”مال شارۋاشىلىعى ونىمدەرىنىڭ ساپاسىنا كەپىلدىك ەتۋ ءۇشىن، سەرىكتەستىگىمىز تۇتاس كاسىپ جەلىسىن نەگىز ەتكەن قامداۋ جەلىسىن ۋنيۆەرسال باسقارۋ قىزمەت وتەۋ تۇعىرىن اشتى“. 6 - ايدىڭ 8 - كۇنى شينجياڭ حۋاليڭ ەگىن، مال شارۋاشىلىعى عىلىم - تەحنيكا اشۋ شەكتى سەرىكتەستىگى پارتيا ياچەيكاسىنىڭ شۋجيى لي جيە كومپيۋتەردى اشىپ، ءارقايسى باعىمشىلىق بازالارىنداعى سيىر، قويلاردىڭ باعىلۋىنا قاتىستى ينفورماتسيالاردى قاشىقتان كوردى.

　　بيىل جىل باسىنان بەرى، رايونىمىز باستاماشى كاسىپورىنداردى جەتىلدىرۋ سەرپىنىن ارتتىرىپ، باستاماشى كاسىپورىنداردىڭ مال شارۋاشىلىعى كاسىبىنىڭ دامۋىنا جەتەكشىلىك ەتۋدەگى شەشۋشى رولىن كۇشەيتىپ، ەگىن، مال شارۋاشىلىعى كاسىپورىندارى بايلىعىن بىرىكتىرىپ، مال شارۋاشىلىعى ونىمدەرىن مانەرلەۋ كاسىبىن ساپالىلاندىرىپ، كۇشەيتىپ، قاساپشىلىق، مانەرلەۋ كاسىبىنىڭ ورنالاسۋى مەن باسىمدىققا يە ءوندىرىس ءوڭىرىنىڭ ءبىر - بىرىنە ساي كەلۋىن ىلگەرىلەتىپ، مال شارۋاشىلىق ونىمدەرىن جىنتىكتەي مانەرلەۋدى، دارەجەگە ءبولىپ قوراپتاۋدى، ونىمدەردى زەرتتەپ اشۋدى جانە مادەنيەت ارقىلى كادەگە جاراتۋدى كۇش سالا دامىتىپ، ەت، جۇمىرتقا، ءسۇت سياقتى مال شارۋاشىلىعى ونىمدەرىن، سونداي - اق ءجۇن - ءتۇبىت، بىلعارى سياقتى قوسىمشا ونىمدەردى مانەرلەۋ كاسىبىنىڭ اس - سۋ، ساياحات، كيىم - كەشەك، ەمدەۋ، ءدارى - دارمەك، سالاماتتىقتى ساقتاۋ، عىلىم - تەحنيكا سياقتى كاسىپتەرمەن توعىسپالى دامۋىن جەبەپ، مانەرلەۋدىڭ ارتقان قۇن ءورىسىن كەڭەيتتى.

　　سونىمەن بىرگە، رايونىمىز ەرەكشە مال شارۋاشىلىعىن كۇش سالا دامىتىپ، تيانشاننىڭ سولتۇستىك بوكتەرىنىڭ سويىس قۇس، جۇمىرتقا ءوندىرىسى باسىمدىعىن بەكەمدەپ، ءۇي قۇستارى كاسىپ سالاسىنىڭ تۇقىم جەتىلدىرۋ، باعىمشىلىق، سويىس، مانەرلەۋ، ساتۋ ءبىر تۇلعالانعان بەتالىسقا قاراي دامۋىن ىلگەرىلەتتى. وڭتۇستىك شينجياڭ وڭىرىندە تاۋىق، ۇيرەك، قاز، كەپتەر سياقتى قۇس تۇرلەرىنىڭ ءوندىرىسىن بەلسەنە دامىتىپ، قويان، ەسەك، ت . ب ەرەكشە باعىمشىلىقتى دامىتۋعا قولداۋ كورسەتىپ، ەرەكشە قۇس باعىمشىلىعىنىڭ ولشەمدەنگەن، كولەمدەنگەن باعىمشىلىققا ويىسۋىن ىلگەرىلەتتى.

　　اۆتونوميالى رايوندىق مال شارۋاشىلىعى، مال شيپاگەرلىگى مەكەمەسىنىڭ قاتىستى جاۋاپتىسى بىلاي دەپ تانىستىردى: رايونىمىز ”وزگەدە جوعى مەندە بار، وزگەدە بارى مەندە ساپالى، وزگەدە ساپالىسى مەندە كەرەمەت“ سىندى پارىقتاندىرىپ دامىتۋ وي جەلىسىنە تاباندى بولىپ، باسىمدىققا يە ايگىلى ماركالاردى جاراتادى؛ ورگانيكالىق قوي ەتى، ساپالى سيىر ەتى، جاسىل ءسۇت ونىمدەرى ۋاكىل بولعان شينجياڭنىڭ مال شارۋاشىلىعى ونىمدەرى وڭىرلەرىندە ورتاق قولداناتىن ءبىر توپ ايگىلى ماركالاردى جاراتادى؛ وسى زامانعى زات جەتكىزۋ جۇيەسى قۇرىلىسىن كۇشەيتىپ، مال شارۋاشىلىعى ونىمدەرىنىڭ جەلىدە، جەلىدەن سىرت ساتىلۋىن جۇزەگە اسىرىپ، شينجياڭنىڭ مال شارۋاشىلىعى ونىمدەرىنىڭ تانىمالدىلىعى مەن ىقپالىن ارتتىرادى.