شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 6 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋعا قاراعاندا، بيىل رايونىمىز سيفرلى ەكونوميكانىڭ تەز قارقىنمەن دامۋىن ىلگەرىلەتىپ، سيفرلى ەكونوميكانىڭ ارتقان قۇنىن 370 ميلليارد يۋانعا جەتكىزۋگە، تۇتاس رايوننىڭ ءوندىرىس جالپى قۇنىندا ۇستايتىن سالىستىرماسىن ％27تەن اسىرۋعا كۇش سالادى ەكەن.
بيىل رايونىمىزدىڭ سيفرلى ەكونوميكانى دامىتۋداعى جالپى تۇلعالىق وي جەلىسى ينفورماتسيالاندىرۋ مەن ونەركاسىپتەندىرۋدىڭ توعىسا، جاڭالىق اشا دامۋىن ىلگەرىلەتىپ، جاڭا بۋىن ينفورماتسيا تەحنيكاسى مەن ناقتى ەكونوميكانىڭ تەرەڭدەي توعىسۋىن جەبەۋ؛ قولدانىلمالى، ۇلگى كورسەتەتىن، جالپىلاستىراتىن ينجەنەريانى اتقارىپ، ”سيفرلى +“نىڭ، ”زەردەلى +“نىڭ وقۋ - اعارتۋ، ەمدەۋ، زەينەتكەرلىك، زات اينالىمى، ۇكىمەتتىك قىزمەت وتەۋ سياقتى سالالاردا قولدانىلمالى سىناق تۇيىنىندە ۇلگى كورسەتۋدى ورىستەتۋىن ىلگەرىلەتۋ؛ زەردەلى جاساۋداي نەگىزگى ۇمتىلىس بەتالىسىنا تاباندى بولىپ، جاساندى زەردە، بلوكچين، زاتتار ينتەرنەتى، ۇلكەن ساندى مالىمەت سياقتى تەحنيكالاردا جاڭالىق اشۋ مەن كاسىپ سالاسىندا قولدانۋدى ءۇرتىس تەرەڭدەتۋ؛ جاساۋ كاسىبىنىڭ سيفرلانۋعا، ينتەرنەتتەنۋگە، زەردەلىلەنۋگە قاراي بۇرىلىس جاساۋىن جەدەلدەتىپ، كولىك بىرلەسپە تورىندا، ونەركاسىپ ينتەرنەتىندە، جاساندى زەردەدە جاڭالىق اشۋداعى، قولدانۋداعى جەتەكشى رايون قۇرىلىسىن ىلگەرىلەتۋ.
ۇعىسۋعا قاراعاندا، بىلتىر رايونىمىزدىڭ سيفرلى ەكونوميكا كولەمىنىڭ جالپى مولشەرى 345 ميلليارد يۋانعا جەتىپ، سايكەس مەزگىلدەگىدەن ％12 تىڭ ۇستىندە ارتقان.
بيىل رايونىمىز تاعى ينفورماتسيا، حابارلاسۋ نەگىزدىك قۇرىلعى قۇرىلىسىن ءۇرتىس ىلگەرىلەتىپ، ەلەكتروندى ينفورماتسيا ونىمدەرىن قۇراستىرۋ كاسىپورىندارى مەن جوعارى دەڭگەيدەگى ەلەكتروندى جاساۋ كاسىبىنىڭ جۇمىستانۋعا دەم بەرۋ تەبىنىن ءتۇيىندى ارتتىرىپ، جۇمساق بولشەك پەن ينفورماتسيالىق قىزمەت وتەۋ كاسىبىنىڭ، ەلەكتروندىق ينفورماتسيا جاساۋ كاسىبىنىڭ ءۇرتىس ءبىرشاما تەز ارتۋىن ىلگەرىلەتىپ، ەرەكشەلىگى كورنەكتى ەلەكتروندى ينفورماتسيا كاسىپ سالاسى جۇيەسىن قالىپتاستىرادى؛ ۇكىمەتتىك باسقارۋ مەن الەۋمەتتىك قىزمەت وتەۋدى ينفورماتسيالاندىرۋ دەڭگەيىن ۇزدىكسىز جوعارىلاتۋدى ىلگەرىلەتىپ، كولەم قالىپتاستىرعان كاسىپورىن، ورتا، شاعىن، ۇساق كاسىپورىن، دەلدال ۇيىم سياقتى سيفرلى ەكونوميكا بازارىنىڭ نەگىزگى تۇلعالىق ومىرشەڭدىك كۇشىن ارتتىرادى؛ ينتەرنەت ەكونوميكاسىنىڭ، تۇعىر ەكونوميكاسىنىڭ، بىرگە يگىلىكتەنەتىن ەكونوميكانىڭ دامۋىن جەبەپ، شينجياڭ ەرەكشەلىگىندەگى وسىزاماندانعان ونەركاسىپ جۇيەسى قۇرىلىسىن جەتىلدىرىپ، سيفرلى ەكونوميكانىڭ دامۋ دەڭگەيىن جوعارىلاتادى.
سيفرلى ەكونوميكانىڭ جاڭا كۇيىن جەدەل جەتىلدىرۋ جاعىندا رايونىمىز 5G كاسىپ سالاسىن ورنالاستىرۋدى جانە ينتەرنەت قۇرىلىسىن بەلسەنە ورىستەتىپ، جىل سوڭىنا دەيىن بارلىق ايماق، وبلىس، قالالاردى جانە ءتۇيىندى اۋدان، قالالاردى قامتيدى؛ ”5G + ونەركاسىپ ينتەرنەتىن“ تۇيىندە سىناق ەتۋدەن ۇلگى كورسەتۋدى ورىستەتىپ، ”5G + ونەركاسىپ ينتەرنەتىنىڭ“ ىشكى جاڭالىق اشۋ قوزعاۋشى كۇشىن قاۋلاتادى؛ بلوكچيندى قولدانۋ جانە كاسىپ سالاسىن دامىتۋ ساياساتىن كەمەلدەندىرىپ، بلوكچين تەحنيكاسىنىڭ فينانستىق قىزمەت وتەۋ، زەردەلى ساياحات، كاسىپ سالاسىن دامىتۋ، جالعان ونىمدەردەن ساقتانۋ، ازىق - تۇلىك حاۋىپسىزدىگى سياقتى كوپتەگەن سالالاردا قولدانىلۋى مەن دامۋىن قولدايدى جانە ىلگەرىلەتەدى؛ ينفورماتسيالىق تۇتىنۋدان ۇلگى كورسەتۋ قالا قۇرىلىسىن ىلگەرىلەتىپ، زەردەلى قالا تيپتىك شەشۋ جوباسىن جالپىلاستىرىپ، كاسىپورىنداردىڭ تەحنيكادا جاڭالىق اشىپ جانە ۇلگىدە جاڭالىق ەنگىزىپ، جاڭا ۇلگىنى، جاڭا كاسىپ كۇيىن جەتىلدىرۋىنە دەم بەرەدى.
