بوساتىلعان قامبالاردىڭ سيىمدىلىعى 2 ميلليون 930 مىڭ توننا بولدى
رايونىمىزدىڭ جازدىق استىق ساتىپ الۋ قىزمەتى ىركەس - تىركەس باستالدى
شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ ي 6 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسىنەن ۇعىسۋعا قاراعاندا، كەزەكتە رايونىمىزدا ءبيداي ورۋ جۇمىسى وڭتۇستىكتەن سولتۇستىككە قاراي ىركەس - تىركەس ەتەك الىپ، جازدىق استىق ساتىپ الۋ قىزمەتى دە بىرگە باستالعان. قازىر رايونىمىزدىڭ بوساتىلعان قامبالارىنىڭ سيىمدىلىعى 2 ميلليون 930 مىڭ توننا بولىپ، جۇڭگو اۋىل شارۋاشىلىق وركەندەتۋ بانكەسى شينجياڭ بولىمشە بانكەسى 13 ميلليارد 800 ميلليون يۋان امانات - قارىز قارجىسىن ورنالاستىرىپ، جازدىق استىق ساتىپ الۋدى تولىق قامتاماسىز ەتكەن.
تانىستىرۋعا قاراعاندا، بيىل بۇكىل رايونىمىزدا ساپالى ءبيدايدىڭ بازار سۇرانىسى ارتىپ، باعا باسىمدىعى كورنەكتى بولىپ، ساپالى كۇزدىك ءبيدايدىڭ باعاسى بىلتىرعىدان انتەك جوعارىلاعان. بۇكىل رايون استىق ساتىپ الۋدى بازارلاندىرۋ رەفورماسى بەتالىسىنا ۇزدىكسىز تاباندى بولىپ، ءبيداي مانەرلەيتىن كاسىپورىندار سياقتى كوپ نەگىزدى تۇلعالاردى بازارعا كىرىپ ساتىپ الۋعا ىنتالاندىرىپ، بازارلانعان ساتىپ الۋ سالىستىرماسىن ۇزدىكسىز جوعارىلاتىپ، تۇلعاسى كوپ نەگىزدى، ارناسى الۋان ءتۇرلى، ساپالى، باعاسى لايىقتى بازارلانعان ساتىپ الۋ جاڭا جۇلگەسىن قالىپتاستىرۋدى ىلگەرىلەتەدى ەكەن. سونىمەن بىرگە، مەملەكەت مەنشىگىندەگى استىق ساتىپ الاتىن - ساتىپ بەرەتىن كاسىپورىندار زاپاس قور جاعىندا كەزەكپەن جەتەكشىلىك ەتۋ رولىن تولىق ساۋلەلەندىرىپ، ساتىپ الۋ ساياساتىن باستاماشىلدىقپەن اتقارىپ، تۋ باستا بازارعا كىرىپ، كەزەكپەن بازارعا كىرگەن استىقتى ساتىپ الىپ، ساتىپ الۋعا جەتەكشىلىك ەتۋ، باعا قالىپتاستىرۋ جانە قامداۋعا كەپىلدىك ەتىپ، باعانى ورنىقتىرۋ رولىن ويداعىداي ساۋلەلەندىرەدى ەكەن.
جۋىقتا اۆتونوميالى رايون 2020 - جىلعى ءبيداي ساتىپ الۋعا قاتىستى شۇعىل جاعدايعا توتەپ بەرۋ دايىندىق جوباسىن باسىپ تاراتتى، بۇكىل رايون ”ۇكىمەت جەتەكشىلىك ەتەتىن، بازار باعا بەلگىلەيتىن، كوپ نەگىزدى تۇلعالار ساتىپ الاتىن، وندىرۋشىلەرگە قوسىمشا قاراجات بەرىلەتىن، ساپالى بولسا باعا تيىمدىلىگى جاسالاتىن، ساپالى بولسا قوسىمشا قاراجات بەرىلەتىن، شۇعىل ساتىپ الىناتىن“ ءبيداي ساتىپ الۋ، زاپاس ساقتاۋ مەحانيزمىن ۇزدىكسىز اتقارماقشى. استىق وندىرۋگە جوعارى ساپالى دامۋىن ىلگەرىلەتۋ، ساپالى استىق وندىرۋگە شابىتتاندىرۋ ءۇشىن، بيىل بۇكىل رايونىمىزدا 3 - دارەجەلىدەن تومەن ءبيداي ەندىگارى شۇعىل جاعدايعا توتەپ بەرۋ بويىنشا ساتىپ الۋ كولەمىنە ەنگىزىلمەيدى، كوپ نەگىزدى بازار تۇلعالارى بازاردان ساتىپ الادى.
بيىل بۇكىل رايونىمىزدىڭ استىق جانە زاتتىق ماتەريالداردى زاپاس ساقتاۋ تاراۋلارى ساتىپ الۋشى كاسىپورىنداردى قىزمەت وتەۋدى اناعۇرلىم ساپالىلاندىرىپ، كۇنى بۇرىن كەلىسىپ ساتىپ الۋ، ساتىپ الۋ تۇيىندەرىن كوبەيتۋ سياقتى شارالاردى قولدانىپ، ەگىنشىلەردىڭ استىق ساتۋىنا قولايلىلىق جاساۋعا، دەرەۋ كەلىپ، دەرەۋ ساتىپ الۋدى قۇلشىنا ورىنداۋعا، ەگىنشىلەردىڭ ريزالىعىن ارتتىرۋعا ۇيىمداستىرادى، جەتەكتەيدى. سونىمەن بىرگە، بۇكىل رايونىمىزدىڭ ءار دارەجەلى استىق جانە زاتتىق ماتەريالداردى زاپاس ساقتاۋ تاراۋلارى كاسىپورىنداردى ءتۇرلى شارالاردى قولدانىپ، ساتىپ الۋ قارجىسىن توپتاۋىنا كومەكتەسىپ، شارۋالاردىڭ ”استىق ساتۋى قيىن بولۋ“، ”اق تالون كەسىپ بەرۋ“ ماسەلەسىنىڭ جارىققا شىعۋىنان باتىل ساقتانادى.
