تيانشان تورىنىڭ ٴتىلشىسى ليۋ مىڭمىڭ حابارلايدى. «学习强国» شينجياڭ ۇيرەنۋ تەكشەسى شينجياڭ گازەتى مەكەمەسىمەن (شينجياڭ جاڭا اقپارات قۇرالدارى ورتالىعى) بىرلەسىپ ورىستەتكەن «شينجياڭ ٴدامى . جەمىس-جيدەكتەردىڭ حوش ٴيىسى اڭقىدى» اتىنداعى جاڭا اقپارات قۇرالدارىنىڭ الەۋمەتتىك يگىلىك بويىنشا اۋىل-قىستاقتارعا كومەكتەسۋ ٴىرى قيمىلى 6-ايدىڭ 13-كۇنى رەسمي باستالادى.
2020-جىل — جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل. اۆتونوميالى رايوندىق پارتكوم مەن ۇكىمەت كوپ جىلدان بەرى ەرەكشە جەمىس ورمانى كاسىبىن زور كۇشپەن ىلگەرىلەتىپ، ونى اۋىل-قىستاق قۇرىلىمىن رەتتەۋ، ساپالىلاندىرۋ، شارۋالاردىڭ كىرىسىن ارتتىرۋدى جەبەيتىن جەتەكشى كاسىپكە اينالدىردى. ساندى مالىمەتتە كورسەتىلۋىنشە، شينجياڭنىڭ ٴار جىلعى جەمىس ورمان شارۋاشىلىعى ٴونىم قۇنى 100 ميلليارد يۋان بولىپ، شينجياڭنىڭ شارۋالار كىرىسىندەگى سالىستىرماسى %25 كە جەتتى، اسىرەسە وڭتۇستىك شينجياڭ نەگىزگى ٴوندىرىس رايوندارىنداعى ٴىشىنارا وڭىرلەردىڭ سالىستىرماسى %40 - %50كە جەتىپ، شارۋالاردىڭ كىرىسىن ارتتىرۋ، كەدەيلىكتەن ارىلتۋدان قامال الۋدا ورنىن باسۋعا بولمايتىن رول اتقاردى.
جازدىڭ كىرۋىنە وراي، شينجياڭنىڭ ٴتۇرلى جەمىس-جيدەكتەرى ارت-ارتىنان تەرۋ مەزگىلىنە ٴوتىپ، دەر كەزىندە ورتاعا قويىلعان « شينجياڭ ٴدامى. جەمىس-جيدەكتەردىڭ حوش ٴيىسى اڭقيدى» اتىنداعى جاڭا اقپارات قۇرالدارىنىڭ الەۋمەتتىك يگىلىك بويىنشا اۋىل-قىستاققا كومەكتەسۋ ٴىرى قيمىلى «学习强国»، تيانشان تورى سياقتى پايدالانۋ قوسىمشالارى، سونداي-اق ميكرو بلوگ، ءۇنحات، جەلىدە تىكە تاراتۋ تەكشەسى سياقتى جىلجىمالى ينتەرنەت تەكشەلەرى ارقىلى، جەلىدە تىكە تاراتۋ، قىسقا كەسكىن، جارناما، H5، تەكىستى سۋرەت سياقتى ستەرولدى حابارلاۋ تاسىلدەرىنەن پايدالانىپ، شينجياڭ شارۋالارىنىڭ ساپالى جەمىس-جيدەكتەرىن زور كۇشپەن جالپىلاستىرۋىنا جان-جاقتىلى كومەكتەسىپ، جەمىس ـ جيدەك ساتۋ ارناسىن قۇرىپ، شارۋالاردىڭ كىرىسىن جوعارىلاتىپ، رايونىمىزدىڭ جاپپاي دوڭگەلەك داۋلەتتى قوعام ورناتۋ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋىن دەمەدى.
« شينجياڭ ٴدامى . جەمىس-جيدەكتەردىڭ حوش ٴيسى اڭقىدى» قيمىلى ٴارى جۇڭگو تىلشىلەر قوعامى جاڭا اقپارات قۇرالدارى كاسىپتىك كوميتەتىنىڭ «2020 ـ جىلعى جۇڭگو جاڭا اقپارات قۇرالدارىنىڭ كەدەيلەردى سۇيەمەلدەۋ بىرلەسكەن الەۋمەتتىك يگىلىك ارەكەتىنىڭ» شينجياڭدا تياناقتانۋ قيمىلى.
”تۇرپاننىڭٴجۇزىمى، قۇمىل قاۋىنى، كورلانىڭ المۇرتىن ماقتايدى جۇرتتىڭ ٴبارى، وتە تاماشا كورىنەر قاعىلىقتىڭ انارى“. شينجياڭدا وزگەشە نۇر، ىستىق، سۋ، توپىراق سىندى باسىمدىلىققا يە بايلىق بار، ەجەلدەن ەل ٴىشى-سىرتىندا ”جەمىس-جيدەك مەكەنى“ دەگەن اتاعى بار. 6-اي كىرگەننەن كەيىن، ٴتۇرى مول شينجياڭ جەمىس-جيدەكتەرى ٴتاتتى دە كوركەم مول داستارقان ازىرلەدى. وسىدان كۇز سوڭىنا دەيىن كىشى اق ورىك، شاپتول، ٴجۇزىم، قۇمىل قاۋىنى، المۇرت، شىلان، انار، ت . ب جەمىس-جيدەكتەر دۇركىن-دۇركىن پىسىپ، بار الاپتى ٴدامى ٴتىل ۇيىرەتىن جەمىس ٴيسى قاپتايدى. «شينجياڭنىڭ ٴدامى . جەمىس-جيدەكتەردىڭ حوش ٴيسى اڭقىدى» اتىنداعى حابار دا 6-ايدان كۇز سوڭىنا دەيىن جالعاسىپ، جول بويى ٴسىزدى شينجياڭنىڭ وزگەشە جەمىس-جيدەكتەرىن كورۋگە، شينجياڭدىقتاردىڭ ەڭبەكشىل قوس قولدارىمەن ەككەن تۇرمىسىنىڭ ٴدامىن سەزىنۋگە جەتەلەيدى.
حابارلاۋ شاعىن اترەتى تيانشاننىڭ تۇستىگى مەن تەرىستىگىندەگى ەگىس باسىنا ىشكەرىلەپ، جەمىس اعاشتارى باقشاسىنا، مانەرلەۋ كووپەراتيۆىنە، شارۋالار وتباسىنا بارىپ، جەمىس ەگۋشىلەردىڭ قاربالاس بەينەسىن ەستەلىككە الىپ، ىقىلاستى تۇردە اڭگىمەگە قۇلاق ٴتۇرىپ، ٴتاتتى ٴدامنىڭ قاينارىن ىزدەيدى. باس ايالداما، 6-ايدىڭ 13-كۇنى «شينجياڭ ٴدامى . جەمىس-جيدەكتەردىڭ حوش ٴيسى اڭقىدى» قيمىل اترەتى «جۇڭگو اق ورىك مەكەنى» اقسۋ ايماعى كۇشار قالاسىنا تۇسەدى. تاعى دا جەمىس-جيدەكتەردىڭ حوش ٴيىسى اڭقىعان ماۋسىم كەلىپ جەتتى، ۋادەلەسىپ، شينجياڭ ٴدامى ساپارىنا قاتىناسىڭىز!
اۋدارعان: قادىر ماقان
