تيانشان تورى   ›   جاڭالىقتار   ›   ماڭىزدى حابارلار

شي جينپيڭ نيڭشيادا قىزمەت تەكسەردى

شي جينپيڭ نيڭشيادا قىزمەت تەكسەرگەندە بىلاي دەپ باسا دارىپتەدى

جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، ەكونوميكاسى گۇلدەنگەن، ۇلتتارى ىنتىماقتى، قورشاعان ورتاسى كوركەم، حالقى باي، كورىكتى دە جاڭا نيڭشيانى ۇزدىكسىز قۇرۋ كەرەك

   6 - ايدىڭ 8 - كۇنىنەن 10 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ نيڭشيادا قىزمەت تەكسەردى. سۋرەتتە: 6 - ايدىڭ 8 - كۇنى تۇستەن كەيىن، شي جينپيڭ ۋجۇڭ قالاسى حۇڭسىباۋ رايونى حۇڭسىباۋ قالاشىعى حۇڭدى قىستاعىنا كەلىپ، كوشىپ كەلگەن بۇقاراعا امانداسىپ، قىستاق تۇرعىندارىنا قول بۇلعاپ قۇرمەت ءبىلدىردى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

   6- ايدىڭ 8 - كۇنىنەن 10 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ نيڭشيادا قىزمەت تەكسەردى. سۋرەتتە: 6 - ايدىڭ 9 - كۇنى تۇستەن كەيىن، شي جينپيڭ يىنچۋان قالاسى حىلان اۋدانى كۇرىش - بالىقشىلىق كەڭىستىگى اۋىل - قىستاق ەكولوگياسىن تاماشالاۋ باقشاسىنا كەلىپ، وندا ەڭبەك ىستەپ جاتقان قىستاق تۇرعىندارىمەن ىقىلاستى تۇردە اڭگىمەلەستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 6 - ايدىڭ 10 - كۇنى يىنچۋاننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا نيڭشيادا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، مەملەكەتتىك ”ەكى ءماجىلىستىڭ“ قىزمەت ورنالاستىرۋلارىن تياناقتاندىرىپ، ءۇش ءىرى قامال الۋ شايقاسىن باتىل، ويداعىداي جۇرگىزىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، جاڭا تيپتى ايدارشا ۆيرۋس وكپە قابىنۋ ىندەتى اكەلگەن ءتيىمسىز ىقپالدى قۇلشىنا جەڭىپ، الدىمەن جۇمىستانۋدى ورنىقتىرىپ، حالىق تۇرمىسىن قامتاماسىز ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، ەكونوميكاسى گۇلدەنگەن، ۇلتتارى ىنتىماقتى، قورشاعان ورتاسى كوركەم، حالقى باي، كورىكتى دە جاڭا نيڭشيا قۇرۋدى جالعاستىرۋ كەرەك.

  جازدىڭ اپتاپ ىستىعى، سولتۇستىكتەگى جياڭناننىڭ اشىق اسپانىندا تەڭگەدەي بۇلت جوق، اعاش - شوپتەر جايقالىپ تۇر. 6 - ايدىڭ 8 - كۇنىنەن 10 - كۇنىنە دەيىن، شي جينپيڭ نيڭشيا حۇيزۋ اۆتونوميالى رايوندىق پارتكومنىڭ شۋجيى چىن رۇن - ىردىڭ، اۆتونوميالى رايوندىق ۇكىمەتتىڭ ءتوراعاسى شيان حۇيدىڭ سەرىك بولۋىندا، ىلگەرىندى - كەيىندى ۋجۇڭ، يىنچۋان قاتارلى جەرلەرگە بارىپ، اۋىل - قىستاق، الەۋمەتتىك اۋماق، تاسقىننان ساقتانۋ ينجەنەرياسى، اۋىل شارۋاشىلىعى كاسىپ باقشاسى سياقتىلاردى ارالاپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، ەكولوگيالىق ورتانى قورعاۋدى كۇشەيتۋ، ۇلتتار ىنتىماعى، العاباسارلىعىن ىلگەرىلەتۋ جونىندە تەكسەرۋ - زەرتتەۋ جۇرگىزدى.

  ۋجۇڭ قالاسى حۇڭسىباۋ رايونى حۇڭسىباۋ قالاشىعى حۇڭدى قىستاعى ەكولوگيالىق سەبەپتەن كوشكەن قىستاق، ارحيۆ تۇرعىزىلىپ، كارتچكالاندىرىلعان 1036 كەدەي وتباسى، 4497 ادام بار، قازىر 20 وتباسىنداعى 50 ادام كەدەيلىكتەن ءالى ارىلعان جوق. 6 - ايدىڭ 8 - كۇنى تۇستەن كەيىن، شي جينپيڭ الدىمەن حۇڭدى قىستاعىنا كەلىپ، كەدەيلىكتەن ارىلتۋدان قامال الۋ قىزمەتىن تەكسەردى. قىستاقتاعى كەدەيلەردى سۇيەمەلدەۋ سەحىنىڭ اۋلاسىندا، ول نيڭشيانىڭ جانە حۇڭدى قىستاعىنىڭ كەدەيلىكتەن ارىلتۋدان قامال الۋ جاعدايى تۋرالى تانىستىرۋدى تىڭدادى. كەدەيلەردى سۇيەمەلدەۋ سەحىنا كىرگەن شي جينپيڭ قاعاز جاشىك وڭدەۋمەن، جاساۋمەن اينالىسىپ جاتقان قىستاق تۇرعىندارىمەن ىقىلاستى تۇردە پىكىرلەستى. اۋىلداستار باس شۋجيگە قىستاقتىڭ كاسىپورىن ەنگىزىپ قاعاز جاشىك قوراپتاۋ كاسىبىمەن شۇعىلدانىپ، 100دەن استام ادامنىڭ جۇمىستانۋ ماسەلەسىن شەشكەندىگىن ايتتى. شي جينپيڭ بۇنى تۇراقتاندىراتىندىعىن ءبىلدىردى. ول بىلاي دەپ اتاپ كورسەتتى: كەدەيلەردى سۇيەمەلدەۋ سەحىن اشۋدىڭ ماقساتى − كەدەيلەردى سۇيەمەلدەۋ. كەدەيلەردى سۇيەمەلدەۋ سيپاتىنا تاباندى بولىپ، قيىنشىلىعى بار بۇقاراعا بەيىمدەلىپ، قيىنشىلىعى بار بۇقارانى جۇمىستانۋعا كوبىرەك قابىلداۋ كەرەك. اۋىلداستار ەسىكتەرىنىڭ الدىندا جۇمىستانىپتى، كىرىس قالاعا بارىپ جۇمىس ىستەگەندەي جوعارى بولماعانمەن، جاتاق، تاماق، قاتىناس سياقتىلارعا كەتەتىن اقىلار ۇنەمدەلەدى، ۇيگە دە قارايلاسۋعا مۇمكىندىك بار، ەكى الىپ بيگە شىعۋ دەگەن وسى. كاسىپورىنداردىڭ كەدەيلەردى سۇيەمەلدەۋ سەحىن اشۋعا ات سالىسۋى الدىمەن بايىعاندار سوڭىنان بايۋشىلاردى جەتەكتەۋدى ايگىلەدى، بۇنىڭ ءمانى زور.

  وسىدان سوڭ، شي جينپيڭ جاياۋ ءجۇرىپ قىستاق كەلبەتىن كوردى. حۇيزۋ قىستاق تۇرعىنى ليۋ كىرۇيدىڭ ۇيىندە، ول اۋلانى، قوناق بولمەنى، جاتىن ءۇيدى، اس ءۇيدى، سيىر قورانى تاپتەشتەي كورىپ شىعىپ، وتباسىنىڭ جۇمىستانۋ، كىرىس، اۋرۋ كورسەتۋ، قوعامدىق قامسىزداندىرۋ سياقتى احۋالدارىن ەگجەي - تەگجەيلى ۇعىستى. ليۋ كىرۇي باس شۋجيگە ۇيدەگى ەگىستىك جەردى اينالىمعا سالعانىن، بۇدان تىس 3 سويىس سيىر باعىپ وتىرعانىن، ۇلى مەن كەلىنىنىڭ جاقىن ماڭداعى توقىما زاۆودىندا جۇمىس ىستەيتىنىن، 2017 - جىلى بۇكىل وتباسىنىڭ كەدەيلىكتەن ارىلىپ، تۇرمىسىنىڭ بارعان سايىن جاقسارىپ كەلە جاتقانىن، اۋىلداستاردىڭ پارتيانىڭ ساياساتىنىڭ جاقسى ەكەندىگىن شىن جۇرەكتەن سەزىنگەندىگىن، كوممۋنيستىك پارتيانىڭ مەيىرىن شىنايى سەزىنگەندىگىن ايتتى. شي جينپيڭ ليۋ كىرۇي ەرلى - زايىپتى ەكەۋىنىڭ تاعى قانداي قيىنشىلىقتارىنىڭ بار ەكەندىگىن، الداعى تۇرمىستارى تۋرالى قانداي ويدا ەكەندىكتەرىن سۇرادى. شي جينپيڭ بىلاي دەپ باسا دارىپتەدى: كوشىپ كەلگەن سوڭ، اۋىلداستاردى الدا تاعى اناعۇرلىم جاقسى تۇرمىس كۇتىپ تۇر. اۋىلداستاردىڭ تاعى دا تالپىنا ءتۇسىپ، ءوز بەلسەندىلىكتەرىن، ىرىقتىلىقتارىن، جاسامپازدىقتارىن ساۋلەلەندىرىپ، قوس قولدارىمەن اناعۇرلىم تاماشا جاڭا تۇرمىسقا جول اشۋلارىن ءۇمىت ەتەمىن.

  قىستاقتان اتتاناردا، قىستاق تۇرعىندارى ىركەس - تىركەس قىستاق اۋىزىنا كەلىپ، باس شۋجيدى قۋانىشپەن شىعارىپ سالدى. شي جينپيڭ كوپشىلىككە قول بۇلعاپ قۇرمەت ءبىلدىرىپ، اۋىلداستاردىڭ تۇرمىسىنا باقىت تىلەدى.

  شي جينپيڭ حۋاڭحى وزەنى الابىنىڭ ەكولوگياسىن قورعاۋعا جانە جوعارى ساپالى دامۋعا ايرىقشا ءمان بەردى. ول حۋاڭحى وزەنىنىڭ ۋجۇڭ بينحى داڭعىلى گۋچىڭ ءيىنى كەرپىش قالاپ قورعاۋ بولىگىنە كەلىپ، جاعاداعى جاياۋلار جولىن بويلاپ، حۋاڭحى وزەنىنىڭ ەكولوگياسىن جونگە سالۋ، قورعاۋ جاعدايىن تەكسەرىپ، حۋاڭحى وزەنىنىڭ نيڭشيا بولىگىندەگى ەكولوگيانى قورعاۋ، جونگە سالۋ جانە سۋ يگىلىگى ينجەنەرياسى قۇرىلىسىنىڭ جاعدايى تۋرالى مالىمەتتى تىڭدادى. شي جينپيڭ بىلاي دەپ اتاپ كورسەتتى: حۋاڭحى وزەنى − جۇڭحۋا ۇلتىنىڭ انا وزەنى، جۇڭحۋا ۇلتى مەن جۇڭحۋا وركەنيەتى ارقا سۇيەپ ءومىر سۇرەتىن، داميتىن قىمباتتى بايلىق. ەجەلدەن بەرى، حۋاڭحىنىڭ سۋى نيڭشيا سىندى كورىكتى دە ىرىستى توپىراقتى نارلەندىرىپ، كۇنى بۇگىنگە دەيىن نيڭشياداعى ءار ۇلت حالقىن باقىتقا كەنەلتىپ كەلەدى. نيڭشيا كەلەلى جاعداي كوزقاراسىنا يە بولۋى جانە جاۋاپكەرشىلىك ارقالاۋى، حۋاڭحى وزەنىن اناعۇرلىم قاستەرلەۋى، حۋاڭحى وزەنىن دەن قويا قورعاۋى، جالپىلىق جونگە سالۋعا، جۇيەلى جونگە سالۋعا، قاينار كوزىنەن جونگە سالۋعا تاباندى بولىپ، حۋاڭحى وزەنىن قورعاۋدىڭ قىزىل سىزىعىن، تومەنگى شەگىن ايقىن بەلگىلەپ، توسپا قورعانىسى قۇرىلىسى، وزەن ارناسىن رەتتەۋ - جونگە سالۋ، قايراڭ اۋماعىن جونگە سالۋ، ەكولوگياسىن قالپىنا كەلتىرۋ سياقتى كەلەلى ينجەنەريالاردى ءبىر تۇتاس جوسپارلاپ ىلگەرىلەتىپ، ەكولوگيالىق ورتانىڭ جان تامىرىن ويداعىداي قورعاۋ، جاقسارتۋ كەرەك.

  كەشقۇرىم، شي جينپيڭ ۋجۇڭ قالاسى ليتۇڭ رايونى جينحۋايۋان الەۋمەتتىك اۋماعىنا باردى. الەۋمەتتىك اۋماقتا 13 مىڭ 850 تۇراقتى تۇرعىن بار، حانزۋ، حۇيزۋ، مانزۋ، موڭعۇل، زاڭزۋ سياقتى ءار ۇلت بۇقاراسى تاتۋ - ءتاتتى وتۋدە، كەزىندە ”ۇلتتار ىنتىماعى، العاباسارلىعىنداعى مەملەكەتتىك ۇلگىلى كوللەكتيۆ“ اتاعىنا يە بولعان. شي جينپيڭ الەۋمەتتىك اۋماق پارتيا مۇشەلەرى مەن بۇقارانىڭ قيمىل جانە قىزمەت وتەۋ ورتالىعىنا كەلىپ، الەۋمەتتىك اۋماقتىڭ پارتيا قۇرىلىسى قىزمەتى، ۇلتتارى ىنتىماقتى الەۋمەتتىك اۋماق قۇرۋ جانە حالىققا قىزمەت وتەۋ قىزمەتىنىڭ جاعدايىمەن تانىسىپ، الەۋمەتتىك اۋماقتاعى ەرىكتىلەردىڭ ۋاكىلدەرىمەن ىقىلاسپەن اڭگىمەلەستى. الەۋمەتتىك اۋماقتىڭ الاڭى ايرىقشا دۋماندى ەدى، سەيىلدەپ، كوڭىل كوتەرىپ جۇرگەن تۇرعىندار باس شۋجيدىڭ كەلگەنىن كورىپ قاۋمالاي كەلىپ، قىزۋ شاپالاق سوقتى. شي جينپيڭ كوپشىلىككە شىن ىقىلاسپەن بىلاي دەدى: جۇڭحۋا ۇلتى − كوپ نەگىزدى، ءبىر تۇلعالى ۇلى ۇلت. جاپپاي دوڭگەلەك داۋلەتتى قوعام ورناتۋدا بىردە - ءبىر از ۇلتتى قاعىس قالدىرۋعا بولمايدى. ءار ۇلتتىڭ ىنتىماقتاسا قول ۇستاسىپ، جاپپاي دوڭگەلەك داۋلەتتىلىككە بىرگە قادام تاستاۋى جۇڭحۋا ۇلتىنىڭ تاڭداۋلى ءداستۇرىن ايگىلەدى، جۇڭگوشا سوتسياليزم ءتۇزىمىنىڭ كورنەكتى ابزالدىلىعىن ايگىلەدى. سوتسياليزم ەڭبەكتەنۋدەن كەلەدى، باقىت كۇرەسپەن كەلەدى. پارتيا مەن ۇكىمەتتىڭ ۇزدىكسىز قۇلشىنىسى باردا، ءار ۇلت بۇقاراسىنىڭ قاجىماس كۇرەسى باردا، بۇدان كەيىنگى تۇرمىسىمىز، ءسوز جوق، اناعۇرلىم جاقسى، اناعۇرلىم باقىتتى بولادى.

  حۋاڭحى وزەنى سۋىنىڭ نارلەندىرۋىمەن، نيڭشيا جازىعىنىڭ توپىراعى قۇنارلى، بايلىعى مول بولعاندىقتان ”سولتۇستىكتەگى جياڭنان“ دەگەن اتى بار. 6 - ايدىڭ 9 - كۇنى تۇستەن كەيىن شي جينپيڭ ينچۋان قالاسى حىلان اۋدانى كۇرىش - بالىقشىلىق كەڭىستىگى اۋىل - قىستاق ەكولوگياسىن تاماشالاۋ باقشاسىنا كەلىپ، نيڭشيانىڭ وسى زامانعى اۋىل شارۋاشىلىعىن دامىتۋ، اۋىل شارۋاشىلىعى سەلبەستىك كووپەراتيۆتەرىنىڭ شارۋالاردى كىرىستەرىن ارتتىرۋعا، بايۋعا باستاپ شارۋاشىلىق جۇرگىزۋ ۇلگىسى سياقتى جاعدايلار تۋرالى مالىمەتتى تىڭداپ، نيڭشيانىڭ ەرەكشە اۋىل شارۋاشىلىعى ونىمدەرى كورسەتىلىمىن كورىپ، كۇرىش پەن بالىقشىلىق سىندى ەگىنشىلىك پەن باعىمشىلىقتى توعىستىرا دامىتۋداي جاسامپاز ادىسپەن تانىستى. شي جينپيڭ كورىنىس تاماشالاۋ مۇناراسىنا شىعىپ، باقشا رايونىنىڭ جالپى كورىنىسىنە بيىكتەن كوز جىبەردى. ەركە سامال باياۋ تەربەپ، كۇرىش مايسالارى تولقىندانىپ، جالىنداعان تىرشىلىك لەبى ەسىپ تۇر. ول اتىزدىڭ قىرىن بويلاپ، كۇرىش اتىزىنا بارىپ، وندا ەڭبەك ەتىپ جاتقان قىستاق تۇرعىندارىمەن ىقىلاستى تۇردە اڭگىمەلەستى. قىستاق تۇرعىندارى باس شۋجيگە قازىر جەردى اينالىمعا سالۋ اقىسى، جۇمىس ىستەۋ اقىسى، جىل سوڭىندا تاعى پايدا ءبولىسى بار ەكەنىن، تابىستارىنىڭ جوعارىلاعاندىعىن، سونداي - اق قامتاماسىز ەتىلگەندىگىن ايتتى. ءدال بالىقتاردى سۋعا قويا بەرۋ مەزگىلىندە بارعان شي جينپيڭ بالىقتىڭ، قىسقىشتىڭ شاباقتارىن ءسۇزىپ الىپ، اتىز جاعاسىنداعى ارىققا قويا بەردى. شي جينپيڭ بىلاي دەپ باسا دارىپتەدى: وسى زامانعى ەرەكشە اۋىل شارۋاشىلىعىن جانە مادەنيەت - ساياحات كاسىبىن دامىتۋدا، ءسوز جوق، حالىقتى وزەك ەتكەن دامۋ يدەياسىن دايەكتىلەندىرىپ، شارۋالاردىڭ نەگىزگى تۇلعالىق ورنىن كورنەكتىلەندىرىپ، شارۋالاردىڭ مۇددەسىن قامتاماسىز ەتۋدى ءبىرىنشى ورىنعا قويۋ كەرەك. مۇددەلەردى بىرلەستىرۋدىڭ اناعۇرلىم ءونىمدى، اناعۇرلىم باياندى مەحانيزمىن ورناتۋ جونىندە ىزدەنىس جاساپ، اۋىلداستاردىڭ ۇزدىكسىز پايداعا كەنەلۋىنە شىنايى كەپىلدىك ەتۋ كەرەك. كۇرىش پەن سۋدىڭ قايشىلىعىن ويداعىداي شەشۋگە ءمان بەرىپ، سۋ ۇنەمدەۋ تەحنيكاسىن قولدانىپ، سۋ ۇنەمدەيتىن، ۇستەمە قۇنى جوعارى باعىمشىلىق كاسىبىن بەلسەنە دامىتىپ، حۋاڭحى وزەنىنىڭ سۋ قاينارىن ويداعىداي قورعاۋ كەرەك. قازىر ىندەتتەن ساقتانۋ - تىزگىندەۋ جاعدايى ورنىقتى قاداممەن جاقسارىپ كەلەدى، ىندەتتەن ساقتانۋ - تىزگىندەۋدى ۇدايىلاندىرۋدى ۇزدىكسىز تۇردە ويداعىداي يگەرىپ، قوعامدىق ءوندىرىس پەن تۇرمىستىڭ قالىپتى ءتارتىبىن جەدەل قالپىنا كەلتىرۋ كەرەك.

  شي جينپيڭ حىلانشان تاۋىنىڭ ەكولوگيالىق ورتاسىن قورعاۋعا ايرىقشا كوڭىل ءبولدى. يىنچۋان قالاسى شيشيا رايونى يۋانشى شاراپ قورجاسى ءجۇزىم ەگىنشىلىگى بازاسىندا، ول اسقار حىلانشان تاۋىنا كوز تاستاپ، حىلانشان تاۋىنىڭ ەكولوگياسىن قورعاۋ مەن قورشاعان ورتانى جان - جاقتى رەتتەۋ - جونگە سالۋ جاعدايىنان بەرىلگەن مالىمەتتى تىڭدادى. شي جينپيڭ بىلاي دەپ اتاپ كورسەتتى: حىلانشان تاۋى ەلىمىزدىڭ ماڭىزدى تابيعي جاعراپيالىق شەكارا جەلىسى جانە باتىس سولتۇستىكتەگى ماڭىزدى ەكولوگيالىق حاۋىپسىزدىك قالتقى، باتىس سولتۇستىكتەن حۋاڭحى - حۋايحى وڭىرىنە دەيىنگى كليماتتىڭ ورنالاسۋى مەن ەكولوگيالىق جۇلگەنى ساقتاۋدا، باتىس سولتۇستىكتىڭ، سولتۇستىك جۇڭگونىڭ ەكولوگيالىق حاۋىپسىزدىگىن قورعاۋدا. جوعارى دەڭگەيدە جوبالاۋدى كۇشەيتىپ، جاۋاپكەرشىلىكتى تياناقتاندىرۋدى مىقتاپ يگەرىپ، باقىلاۋ - تەكسەرۋدى كۇشەيتىپ، حىلانشان تاۋىنىڭ ەكولوگياسىن باتىل ويداعىداي قورعاۋ كەرەك.

  ءجۇزىم ەگىنشىلىگى باقشاسىندا، شي جينپيڭ جۇمىس ىستەپ جاتقان قىزمەتكەرلەرمەن جانە تەحنيكتەرمەن اڭگىمەلەسىپ، ءجۇزىم ەگۋ تەحنيكاسىن، ءونىمنىڭ ساتىلۋ جولىن جانە كىرىس جاعدايىن ۇعىستى. حىلانشان تاۋىنىڭ شىعىس باۋرايى كۇننىڭ ءتۇسۋى جەتكىلىكتى، سۋارۋعا قولايلى، شاراپ اشىتاتىن ءجۇزىم ەگۋگە ۇيلەسەدى. شي جينپيڭ بىلاي دەپ باسا دارىپتەدى: حالىقتىڭ تۇرمىس ورەسىنىڭ ۇزدىكسىز جوعارىلاۋىنا ىلەسە، ءجۇزىم شارابى كاسىپ سالاسىنىڭ بولاشاعى نۇرلى بولادى. نيڭشيا ءجۇزىم شارابى كاسىپ سالاسىن دامىتۋدى حۋاڭحى قايراڭى ءوڭىرىن جونگە سالۋدى كۇشەيتۋمەن، ەكولوگيانى قالپىنا كەلتىرۋدى كۇشەيتۋمەن ۇشتاستىرىپ، تەحنيكالىق دەڭگەيدى جوعارىلاتىپ، مادەنيەت ءمانىن بايىتىپ، ۇگىتتەۋدى، تانىستىرۋدى كۇشەيتىپ، ءوزىنىڭ ايگىلى ماركاسىن جاراتىپ، ۇستەمە قۇن مەن جالپىلىق ونىمدىلىكتى جوعارىلاتۋ كەرەك.

  6- ايدىڭ 10 - كۇنى تۇستەن بۇرىن شي جينپيڭ نيڭشيا حۇيزۋ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداپ، نيڭشيانىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى، نيڭشياداعى قالىڭ كادر - بۇقارادان تىعىز ىنتىماقتاسىپ، شىنايى يگەرىپ، ناقتى ىستەپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا جاڭا دا اناعۇرلىم زور ۇلەس قوسۋدى ءۇمىت ەتتى.

  شي جينپيڭ بىلاي دەپ باسا دارىپتەدى: جوعارى ساپالى دامۋدى بۇلجىماي ىلگەرىلەتىپ، ەكونوميكالىق دامۋ تاسىلىنە جەدەل بۇرىلىس جاساپ، كاسىپ سالاسىنىڭ تيبىن جاڭالاپ، دارەجەسىن ءوسىرۋدى جەدەلدەتىپ، جاڭا - كونە قوزعالىس قۋاتتارىن اۋىستىرۋدى تەزدەتىپ، ەكونوميكالىق دامۋدى جۇزەگە اسىرۋ مولشەرىن ۇيلەسىمدى ارتتىرۋدى جانە ساپاسىن ورنىقتى جوعارىلاتۋدى ىلگەرىلەتۋ كەرەك. كاسىپورىنداردىڭ سالىق اۋىرتپالىعىن جەڭىلدەتۋ ساياساتىن تىڭعىلىقتى تياناقتاندىرىپ، ىشكى سۇرانىستى كەڭەيتۋدىڭ ءتۇرلى ساياساتتىق شارالارىن ناقتاپ تياناقتاندىرىپ، كەلەلى نىساندارعا قارجى قوسۋدىڭ جەتەكتەۋ رولىن ساۋلەلەندىرىپ، كاسىپورىنداردىڭ ءوندىرىستى، تيجاراتتى قالپىنا كەلتىرۋدە ءدوپ كەلگەن ءتۇرلى ماسەلەلەرىن دەر كەزىندە شەشۋ كەرەك. ىشكى سۇرانىستى كەڭەيتۋ سىندى وسى ستراتەگيالىق نەگىزگى ءتۇيىندى يگەرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ءوندىرىستىڭ، ءبولىستىڭ، اينالىمنىڭ، تۇتىنۋدىڭ ءتۇرلى بۋىندارىن كۇش سالا اشۋ كەرەك. جاڭالىق اشۋ ارقىلى دەم بەرۋ رولىن ساۋلەلەندىرىپ، كاسىپ سالاسىنىڭ جوعارى دەڭگەيلەنۋ، جاسىلدانۋ، زەردەلىلەنۋ، توعىسۋ بەتالىسىنا قاراي دامۋىن ىلگەرىلەتۋ كەرەك. وسىزاماندانعان اۋىل شارۋاشىلىعى كاسىپ سالاسى جۇيەسىن، ءوندىرىس جۇيەسىن، تيجارات جۇيەسىن جەدەل قۇرىپ، نيڭشياداعى ءتىپتى دە كوپ ەرەكشە اۋىل شارۋاشىلىق ونىمدەرىنىڭ بازارعا بەت الۋىنا مۇمكىندىك جاساۋ كەرەك.

  شي جينپيڭ بىلاي دەپ اتاپ كورسەتتى: رەفورما جاساۋدى، ەسىك اشۋدى ىلگەرىلەتۋدە، تىڭ تابىستارعا قول جەتكىزىپ، ماسەلەنى باعدار ەتۋدەن جازباي، رەفورمانى ماقساتتى تۇردە ىلگەرىلەتىپ، رەفورما شارالارىن باعالاۋدى، ونىمدىلىگىن قۋزاستىرۋدى كۇشەيتىپ، ءتۇرلى رەفورمالاردىڭ تەرەڭدەۋىن، ناقتىلانۋىن جەبەپ، جان - جاقتى باسەكەلى بازاردى جەدەل جەتىلدىرىپ، ءتۇرلى بازار تۇلعالارىنىڭ ومىرشەڭدىك قۋاتىن ۇزدىكسىز قاۋلاتۋ كەرەك، ”ءبىر بەلدەۋ، ءبىر جولدى“ بىرگە قۇرۋ كەلەلى ورايىن مىقتاپ يگەرىپ، ىشكە ەسىك اشۋ مەن سىرتقا ەسىك اشۋدى ءوزارا ۇشتاستىرۋعا تاباندى بولىپ، اشىق ەكونوميكالىق نەگىزگى تۇلعانى جەتىلدىرىپ، اشىق ەكونوميكالىق ورتانى جاراتىپ، اناعۇرلىم جوعارى دەڭگەيدە ەسىك اشۋ ارقىلى اناعۇرلىم جوعارى ساپالى دامۋدى جەبەۋ كەرەك.

  شي جينپيڭ بىلاي دەپ باسا دارىپتەدى: كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، ”ەكىدەن تارىقتىرماۋعا، ءۇشتى قامتاماسىز ەتۋگە“ تۋرالانىپ، كورنەكتى ماسەلەلەر مەن ءالسىز بۋىنداردى كوزدەپ، مىعىم قايراتقا كەلىپ، ايانباي شايقاس جۇرگىزىپ، كەدەيلىكتەن ارىلتۋ نىساناسىن دەر كەزىندە جۇزەگە اسىرۋعا شىنايى كەپىلدىك ەتۋ كەرەك. قونىس جاڭالاپ سۇيەمەلدەۋ ساياساتىن كەمەلدەندىرىپ، قونىس جاڭالاعان بۇقارانىڭ قونىس جاڭالاۋىنا، تۇراقتاپ تۇرۋىنا، اۋقاتتانۋىنا شىنايى كەپىلدىك ەتۋ كەرەك. كەدەيلىكتەن ارىلتۋ تابىسىن بەكەمدەپ، جوعارىلاتىپ، قازىرگى اتقارىلىپ وتىرعان ساياساتتىڭ جالپى تۇلعالىق ورنىقتىلىعىن ساقتاپ، جاپپاي كەدەيلىكتەن ارىلتۋ مەن اۋىل - قىستاقتى گۇلدەندىرۋ ستراتەگياسىن ءونىمدى ۇشتاستىرۋدى ىلگەرىلەتۋ كەرەك.

  شي جينپيڭ بىلاي دەپ اتاپ كورسەتتى: تۇنىق سۋ، جاسىل تاۋ − باعالى بايلىق ۇستانىمىن مىقتاپ ورناتىپ، تاۋ، سۋ، ورمان، اتىز، كول، جايلىمداردى جۇيەلى جونگە سالۋدى ءبىر تۇتاس جوسپارلاپ، مەملەكەت جەرى كەڭىستىگىن اشۋ جۇلگەسىن ساپالىلاندىرىپ، اشىق اسپاندى، تۇنىق سۋدى، قۇنارلى توپىراقتى قورعاۋ شايقاسىن ۇزدىكسىز ويداعىداي جۇرگىزىپ، ەكولوگيالىق ورتانى قورعاۋدى ويداعىداي يگەرۋ كەرەك. حۋاڭحىنىڭ باياندى تىنىشتىعىن قامتاماسىزداندىرۋدى ماڭىزدىنىڭ ماڭىزدىسى ەتىپ، وزەن ارناسى مەن قايراڭ وڭىرلەردى جالپىلىق جونگە سالۋ ينجەنەرياسىن اتقارىپ، ەكى جاعالاۋ توسپالارىن، وزەن ارنالارىن تىزگىندەۋدى، قايراڭ وڭىرلەردى جونگە سالۋدى ءبىر تۇتاس جوسپارلاپ ىلگەرىلەتىپ، سۋ بايلىعىنان ۇنەمدى، شوعىرلى پايدالانۋدى ىلگەرىلەتىپ، ەكولوگيانى قورعاۋ، قالپىنا كەلتىرۋ مەن قورشاعان ورتانى جونگە سالۋدى ءبىر تۇتاس جوسپارلاپ ىلگەرىلەتىپ، حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋدى الدىمەن اتقاراتىن رايونداردى قۇلشىنا قۇرۋ كەرەك.

  شي جينپيڭ بىلاي دەپ باسا دارىپتەدى: حالىقتى وزەك ەتكەن دامۋ يدەياسىنا تاباندى بولىپ، بۇقارانى الاڭداتقان ىستەردى، ۋايىمداتقان ىستەردى، مازالاعان ىستەردى شىنايى ويداعىداي شەشىپ، جۇمىستان بوساعاندار، جۇمىسسىز قالعاندار، جوعارى مەكتەپتەن وقۋ تاۋىسقاندار، شارۋا جۇمىسكەرلەر، قوسىننان شەگىنگەن اسكەريلەر سياقتى ءتۇيىندى بۇقارانى جۇمىستاندىرۋ قىزمەتىن تىڭعىلىقتى ويداعىداي ىستەۋ كەرەك. قالا، اۋىلداردا مىندەتتى وقۋ - اعارتۋدىڭ بىركەلكى دامۋىن ىلگەرىلەتىپ، الەۋمەتتىك دەنساۋلىق ساقتاۋ جۇيەسى قۇرىلىسىن تەزدەتىپ، وتانشىلدىق تازالىق قيمىلىن كەڭ كولەمدە ورىستەتۋ كەرەك. پارتيانىڭ ءدىن قىزمەتى نەگىزگى باعىتىنا تاباندى بولىپ، ءدىن ىستەرىن باسقارۋدى زاڭ بويىنشا كۇشەيتۋ كەرەك. ازاماتتىق زاڭنامانىڭ اتقارىلۋىن تىڭعىلىقتى ىلگەرىلەتىپ، قوعامدىق جونگە سالۋدى كۇشەيتىپ جانە وندا جاڭالىق اشىپ، ءوندىرىس حاۋىپسىزدىگى قىزمەتىن كۇشەيتۋ كەرەك.

  شي جينپيڭ بىلاي دەپ اتاپ كورسەتتى: بەرىك مۇرات - سەنىم ءبىزدى ماڭگى ەرلىكپەن العا باسۋعا، قيىندىقتى جەڭىپ، جەڭىسكە جەتۋگە ىنتالاندىراتىن سارقىلماس كۇش - قۋات قاينارى. بۇكىل پارتياداعى جولداستار، اسىرەسە، ءار دارەجەلى باسشى كادرلار اۋەلگى ماقساتتى ۇمىتپاي، بورىشتى ەستە بەرىك ساقتاپ، سەرگەك وي - سانانى جانە ساياسي تاباندىلىقتى باستان - اياق ساقتاپ، پارتيانىڭ باسشىلىعىنا تاباندى بولۋدان جانە ونى كۇشەيتۋدەن اۋىتقىماي، جۇڭگوشا سوتسياليزمگە تاباندى بولۋدان جانە ونى دامىتۋدان اۋىتقىماي، جۇڭحۋا ۇلتىنىڭ ۇلى گۇلدەنۋى سىندى ايبىندى نىسانانى جۇزەگە اسىرۋعا تاباندى بولۋدان اۋىتقىماي، توڭكەرىستىك اعا بۋىنداردىڭ وسى جولدا كۇرەس جۇرگىزگەن ۇلى ءىسىن قاجىماي - تالماي العا ىلگەرىلەتۋ كەرەك. قالىڭ پارتيا مۇشەلەرىنىڭ، كادرلاردىڭ كۇرەس جۇرگىزۋ رۋحىن تاسقىنداتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءونىمدى اتقارىلاتىن شارالار ارقىلى ويداعىداي تياناقتاندىرىپ، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن ويداعىداي ىستەۋ كەرەك. حالىقتى باقىتقا كەنەلدىرۋدى ەڭ ماڭىزدى قىزمەت ناتيجەسى ەتىپ، كادرلاردى جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرۋ مەحانيزمىن ورناتىپ، اقاۋسىزداندىرىپ، فورماشىلدىققا، تورەشىلدىككە باتىل قارسى تۇرۋ كەرەك. تاباندىلىقپەن ستيلدى دۇرىستاپ، ءتارتىپتى قاتايتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇتاس ىلگەرىلەتىپ، ستيلى پاك، سالتى دۇرىس شارۋاشىلىق قۇرۋ ورتاسىن قالىپتاستىرۋ كەرەك.

  ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.