شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا 6 - ايدىڭ 11 - كۇنى ۇرىمجىدەن حابارلايدى. ”ىندەتتىڭ كاسىپورىن تيجاراتىنا ىقپالى بولعانىمەن، ۇكىمەت شىعارعان سۇيەمەلدەۋ ساياساتى وتە جاقسى بولدى، بىزدەن تەك قوعامدىق قامسىزداندىرۋ قاراجاتىنىڭ وزىنەن 800 مىڭ يۋاننان استام تومەندەتىلدى، كەشىرىم ەتىلدى“، - دەدى 6 - ايدىڭ 8 - كۇنى شينجياڭ حىڭان قاعاز جاساۋ كاسىبى شەكتى سەرىكتەستىگىنىڭ باس ديرەكتورى ليۋ چۋانحۇي.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، كاسىپورىنداردىڭ جۇمىستانۋ ورنىن ورنىقتىرۋىنا كومەكتەسۋ ءۇشىن، رايونىمىز كاسىپورىنداردىڭ قوعامدىق قامسىزداندىرۋ قاراجاتىن كەزەڭدىك تومەندەتۋ، كەشىرىم ەتۋ ساياساتىن جەدەل شىعارىپ، بۇكىل رايونداعى ورتا، شاعىن، ۇساق كاسىپورىنداردىڭ زەينەتكەرلىك، جۇمىسسىزدىق، قىزمەت ۇستىندە جارالانۋ قامسىزداندىرۋىنىڭ مەكەمە - ورىن تاپسىراتىن بولىگىن كەشىرىم ەتتى، بۇكىل رايونداعى ءىرى كاسىپورىنداردىڭ زەينەتكەرلىك، جۇمىسسىزدىق، قىزمەت ۇستىندە جارالانۋ قامسىزداندىرۋىنىڭ مەكەمە - ورىن تاپسىراتىن بولىگىنىڭ جارتىسىن الدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 5 - ايدىڭ اياعىنا دەيىن، بۇكىل رايون كاسىپورىنداردىڭ زەينەتكەرلىك، جۇمىسسىزدىق، قىزمەت ۇستىندە جارالانۋ سىندى 3 ءتۇر بويىنشا تومەندەتكەن، كەشىرىم ەتكەن قوعامدىق قامسىزداندىرۋ قاراجاتى جيىنى 5 ميلليارد يۋاننان اسىپ، بۇكىل رايونداعى 100 مىڭ 200 ادام ىستەتۋشى ورىندى تيىمدىلىككە كەنەلتكەن. مۇنىڭ ىشىندە، ورتا، شاعىن، ۇساق كاسىپورىندار وسى ساياساتتىڭ تيىمدىلىگىنە كەنەلۋشى نەگىزگى شوعىر، كاسىپورىنداردان تومەندەتىلگەن، كەشىرىم ەتىلگەن 5 ميلليارد يۋاننىڭ ىشىندە ورتا، شاعىن، ۇساق كاسىپورىندار 3 ميلليارد 680 ميلليون يۋاندى ۇستاعان.
”بيىل 2 - ايدا قوعامدىق قامسىزداندىرۋ قاراجاتىن تومەندەتۋ، كەشىرىم ەتۋ ساياساتى اتقارىلعاننان بەرى، نەگىزىنەن بارلىق كاسىپورىندار وسى كاسىپورىندارعا تيىمدىلىك جاساۋ ساياساتىنان يگىلىكتەنىپ، كاسىپورىندى ورنىقتىرىپ، جۇمىستاندىرۋدى جەبەۋدە شىن مانىندە ماڭىزدى رول اتقاردى“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى زەينەتكەرلىك قامسىزداندىرۋ باسقارماسىنىڭ تەكسەرۋ - زەرتتەۋشىسى سۇن جانشۋە مىنالاردى ءبىلدىردى: ۇكىمەت قىزمەتىنەن باياندامادا بازار تۇلعالارىنىڭ قيىنشىلىعىن شەشىپ، دامۋىنا دەم بەرۋ كەرەكتىگى العا قويىلدى. ءبىز مەملەكەتتىك ەكى ءماجىلىستىڭ رۋحىن مۇقيات دايەكتىلەندىرىپ، تياناقتاندىرىپ، كاسىپورىندارعا تيىمدىلىك جەتكىزىپ، قيىنشىلىعىن شەشۋ ساياساتىن ناقتى، ەگجەي - تەگجەيلى، تىڭعىلىقتى تياناقتاندىرىپ، كاسىپورىنداردىڭ دامۋىنا دەم بەرەمىز.
